Yɔhana 20:22 - Nyaa Shɔɔ Ɓɔɔ Laa a Ɓɛɛ

²² Kɔ̀ɔ́ tɔ naa weɓe, a sha ɔ̃kɔnang ɓiɓɛ nɛɛ nyaa ka bii ɓarɛ, a kɔɔyi tɔɔ, “Nɔɔ ta Suru tɔ̃ɔ Laa ta.

Yɔhana 20:22 ပူးပေါင်းရင်းမြစ်များ

Yɔhana 14:16

N ti gàá Daa, wu a nɔɔ zang ɓɔɔ naa yi nɔɔ naa ka bii ɓɔɔgn wu naa nwang nɛɛ nɔɔ dòndòng.

Yɔhana 15:26

“Danggn wu ning nɔɔ kpang, zang ɓɔɔ naa yi nɔɔ naa ka bii a ditɔ. N nɛɛ dàá tɔ bii Daa mɛɛ, n shong nɔɔ wu ditɔ. Zang keɓe wukɔ Suru ɓɔɔ a nɛɛ bii Laa ɓɛɛ, wukɔ tusu zang ruu ɓɔɔ niizang ka yuu Laa. Wukɔ naa kɔ̀ɔ́ zang ruu ka yuu mɛɛ.

Yɔhana 16:7

N kɔ̀ɔ́ nɔɔ ruu ɓɔɔ niizang kɔ nwani, daanang mɛɛ kɔ tɔ̃ɔ, ka ruu ɓɔɔ, naa n daa kpang, zang ɓɔɔ naa yi nɔɔ naa ka bii ɓɔɔ wukɔ Suru Laa, a nɔng manɛ kpang. N nɛɛ daa tɔ, n shong wu kati wu a kaa nɔng manɛ.

Yɔhana 20:21

Yeesɔ kɔɔ ri tɔkn tɔɔ, “Yeti manɛ wu lasɛ kpang. Naa ɓɔɔ Daa shong m ka koo, n shong nɔɔ doo nɔngkɔ ka koo.”

Yɔhana 20:23

Naa nɔɔ yàa zang gbalang vuu shi kpang ɓarɛ, Laa yàa ri tɔ kɔ doori. Naa nɔɔ yaa ri gbalang vuu shi kpang ɓarɛ kpang, Laa yaa ri doo kpang kɔ doori.”

Yɔhana 7:39

Yeesɔ kɔɔ ruu keɓe, ɓi ka yuu Suru Laa ɓɔɔ Laa naa a zang ɓɔɔ ri shing danggn ka bii Yeesɔ ɓɛɛ. Ka laa kaɓa, bɛ̀ɛ́ Laa a ri Suru bii gn kpang, ka ruu ɓɔɔ bɛ̀ɛ́ zang wisi Yeesɔ paa gn nɛɛ sàa, zang a wu bannang kpang ɓɛɛ.

Zang Shonang Yeesɔ 10:47

“Zang keɓe, Laa a ri Suru ɓiɓɛ tɔ, naa ɓɔɔ a ruu ɓɛɛ. Zang ɓɔɔ zãyi rùu palɛ ri batizima nɛɛ mii kpang kagn ya?”

Zang Shonang Yeesɔ 19:2

a hɛ̃ɛ ri nɛɛ, “Ka ɓɔɔ nɔɔ shing danggn ka bii Laa ɓɛɛ, Suru ɓiɓɛ a katɔ ka bii manɛ ya?” Ri kasɛ wu nyaa tɔɔ, “Kpang, ruu tãa ruu Suru Laa gngn kpang.”

Zang Shonang Yeesɔ 2:38

Bituru kɔɔ ri tɔɔ, “Zang ɓu wu yaa vuu shi kpang ɓɔɔ wu palɛ ɓɛɛ ta, zang palɛ nɔɔ batizima nɛɛ nung Yeesɔ Kirisi, tɔ̀ɔ, Laa wu yaa nɔɔ gbalang vuu shi kpang manɛ ɓɔɔ dɔɔli ɓɛɛ kati. Tɔ̀ɔ, Laa wu a nɔɔ Suru ɓiɓɛ kati.

Zang Shonang Yeesɔ 2:4

Suru Laa a kaa bii ɓarɛ, a ri gaayu yee rannang kaa nɛɛ nyaa zang ɓɔɔgn naa ɓɔɔ Suru Laa tusu ri nɛɛ ri rang ɓɛɛ.

Zang Shonang Yeesɔ 4:8

A Suru Laa a kaa bii Bituru, a kasɛ ri nyaa tɔɔ, “Rɛɛ zang bang bang zang Yahudi nɛɛ dabang,

Zang Shonang Yeesɔ 8:15

Ri daa shɛ̃ɛ nɔng, a ri gaa zang ɓɔɔ ri shing danggn tɔ Laa, nɛɛ tɔ̀ɔ, Laa wu a ri Suru ɓiɓɛ kati.

Galati 3:2

Ń hɛ̃ɛ nɔɔ ruu gbete keɓe, Laa a nɔɔ Suru ɓiɓɛ ka ruu ɓɔɔ nɔɔ palɛ vuu ɓɔɔ nyaa dannang kasɛ ɓɛɛ ya, kɔ ka ɓɔɔ nɔɔ tãa Ruu Tɔ̃ɔ, a nɔɔ shing danggn ɓɛɛ?