Yɔhana 19:34 - Nyaa Shɔɔ Ɓɔɔ Laa a Ɓɛɛ

³⁴ Yɔɔ sɔɔja gbete shu kagň buru ɓiɓɛ nɛɛ shalang, zĩi nɛɛ mii tɛ̃ɛ nɛɛ nɔng ɓɔɔ yɔɔ shu ɓɛɛ.

Yɔhana 19:34 ပူးပေါင်းရင်းမြစ်များ

Matiyu 27:62

Ka Diki Ɔ̃sɔnang zang Yahudi ɓɔɔ zang shaa nyaalaa Pasika kagn ɓɛɛ. Zang bang bang zang ɓɔɔ ri dɔɔ vuu ka Gãa Laa, nɛɛ zang Farisi ri kpalɛ zɔɔ ka bii Bilatu.

Yɔhana 19:33

Ɓɔɔ ri a ka yuu Yeesɔ, ri zirɛ vɔ ɓi tɔ, a ri kakɛ doo ɓiɓɛ kaa takpang.

Yɔhana 20:20

Kɔɔ vuu keɓe tɔ, a tusu ri naa ɓiɓɛ nɛɛ kagn. Ɓɔɔ zang ɓɔɔ ri mantɛ vuu ka bii ɓiɓɛ, ri zi Kpanti Yeesɔ naa weɓe, ri tãa tĩnang dɔɔli.

Zang Shonang Yeesɔ 22:16

Mɔɔ gã ɓu kaa vi kãntang viya? Yupaa zang palɛ mɔɔ batizima, zang kɔsɔ mɔɔ vuu shi kpang ɓaaɓɛ, ka ruu ɓɔɔ, mɔɔ ɓàa nung ɓiɓɛ ɓɛɛ.’

1 Koranti 1:30

Nɔɔ ɓákɛ̀ zɔɔ nɛɛ Yeesɔ Kirisi, ka Ruu Laa kɔ gbete. Ti doo Laa kɔ shingnɛ Yeesɔ Kirisi a ruu zũnang ɓɔɔ niizang ɓɛɛ. Ti ka ruu Yeesɔ Kirisi kɔ, Laa zí ruu naa zang ɓiɓɛ ɓɔɔ ri tɔ̃ɔ ɓɛɛ. A ti tá yuu ɓuru tɔ ka vuu shi kpang nandon, risi ruu, ruu nwang zang ɓiɓɛ.

1 Koranti 6:11

Ɓeleng, zang ɓɔɔ ka teteng manɛ, ri nwang nwannang shi kpang keɓe kɔ. A Laa naa kɔsɔ vuu shi kpang manɛ, nɔɔ kaa kalang kalang. A shɛ̃ɛrɛ nɔɔ nɛɛ nɔɔ nwang kaa zang ɓiɓɛ. Laa zí nɔɔ manɛ kaa naa zang ɓɔɔ ri palɛ tɔ̃ɔ, ka ruu ɓɔɔ, nɔɔ a bìí ɓiɓɛ nɛɛ nung Kpanti ɓuru Yeesɔ Kirisi, a ɓɔɔ nɛɛ Suru Laa ɓɔɔ ruu bang wu ɓɛɛ.

Afisa 5:26

Nɛɛ tɔ̀ɔ, wu shing ri, ri nwang zang Laa nɛɛ naa vuu palɛnang ruu ɓiɓɛ, ka knti ɓɔɔ wu sɔɔ ri tɔ nɛɛ mii ɓɛɛ.

Titu 2:14

Yeesɔ a yuu ɓiɓɛ ka ruu ɓuru nɛɛ wu ta ruu nɛɛ naa vuu shi kpang nandon. Wu shing ruu, ruu nwang zang ɓiɓɛ kɔ bm gbete. Wu shing rùu rúu nwang zang ɓɔɔ ri kpalɛ bii tɔ, nɛɛ ri palɛ vuu ɓɔɔ tɔ̃ɔ ɓɛɛ.

Yahudi 9:13

Zĩi rɛɛ jàa nɛɛ napo, a ɓɔɔ pũngku mɔ́kɔ́ napo ɓɔɔ zang dɔɔ ɓɛɛ, ɓɔɔ zang ɓisi zang ɓɔɔ ka gbalang zang Yahudi, ri palɛ vuu shi kpang tɔ nɛɛ mani ɓɛɛ, risi ri, ri nwáng zang tɔ̃ɔ ɓi ka bii biling kɔ shɛ̃ɛning.

Yahudi 9:22

Niizang, nyaa dannang Laa kasɛ nɛɛ zang shing vuu piti wu nwang tɔ̃ɔ nɛɛ zĩi ɓɔɔ zang ɓisi kagn ɓɛɛ. Naa zĩi nɛɛ tɛ̃ɛ kpang, Laa kɔsɔ zang vuu shi kpang zang kpang.

1 Bituru 3:21

Mii kaɓa tùsú zang ɓi kaa batizima ɓɔɔ kãntang keɓe ta yuu manɛ ɓɛɛ. Batizima ɓɔɔ zang pàlɛ́ nɔɔ, sɔɔ nɔɔ manɛ bii rĩiti manɛ kpang, ɓi vuu ɓɔɔ ruu gaa Laa nɛɛ mani, nɛɛ wu kɔsɔ ruu vuu shi kpang nɛɛ yeti ɓuru ɓɛɛ. Laa ta yuu ɓuru ka ruu ɓɔɔ Yeesɔ Kirisi yupaa nɛɛ sàa ɓɛɛ.

1 Yɔhana 5:6

Vuu ziti ɓɔɔ ruu zi kagn nɛɛ Yeesɔ Kirisi ɓi zang ɓɔɔ niizang ɓɛɛ. Ruu zi ka diki ɓɔɔ zang pàlɛ̀ wu batizima nɛɛ diki ɓɔɔ zĩi ɓiɓɛ tɛ̃ɛ ka laa ɓɔɔ zang ɓaa wu naa kagn ɓɛɛ. Wu batizima kɔ tusu ruu gbete kpang. Zĩi ɓiɓɛ ɓɔɔ tɛ̃ɛyi, wukɔ tusu ɓɔɔ ri. Suru Laa ti tusu ruu nɛɛ nɔngkɔ niizang, ka ruu ɓɔɔ, Suru Laa, tusu zang ruu ɓɔɔ niizang ɓɛɛ.

1 Yɔhana 5:8

Suru Laa, nɛɛ batizima ɓɔɔ zang palɛ wu, nɛɛ zĩi ɓiɓɛ ɓɔɔ tɛ̃ɛ ka ruu ɓuru ɓɛɛ. Vuu taati keɓe, nyaa ɓarɛ ti daa gbete.

Vuu ɓɔɔ zang nwangsɛ Yɔhana 1:5

Yeesɔ Kirisi ɓɔɔ kɔ̀ɔ́ ɓi ruu ɓɔɔ niizang diki diki ɓɛɛ, ɓɔɔ Laa wisi wukɔ paa shɔɔnang nɛɛ sàa, a wukɔ ti nwang kpanti ka yuu rɛɛ kpanti ɓɔɔ ka koo keɓe, wu palɛ nɔɔ tɔ̃ɔ jong, wu ti shingnɛ yeti manɛ wu valɛ katɔ. Yeesɔ ɓɔɔ kasɛ ruu katɔ, a vɔ ka ruu ɓuru nɛɛ, tɔ̀ɔ, zĩi ɓiɓɛ wu ta ruu kaa nɛɛ naa vuu shi kpang ɓɔɔ ruu palɛ ɓɛɛ.

Vuu ɓɔɔ zang nwangsɛ Yɔhana 7:14

A n kasɛ wu nyaa nɛɛ, “Dabang, ɓi mɔkɔ zirɛ.” A kɔɔ m nɛɛ, “Wee ɓi rɛɛ zang ɓɔɔ ri wɔ nɛɛ jĩng dannang bang kaɓa ɓɛɛ, a ri sɔɔ fɔ̃ɔrɔ ɓarɛ kaa nɛɛ zĩi Jaa Mɛ̀ɛrɛ́, a tu kaa puru shãa shãa.”