Yɔhana 18:37 - Nyaa Shɔɔ Ɓɔɔ Laa a Ɓɛɛ

³⁷ A Bilatu hɛ̃ɛ wu kati tɔɔ, “Mɔɔ ɓu Kpanti ya?” Yeesɔ kasɛ wu nyaa tɔɔ, “Naa ɓɔɔ mɔɔ kɔɔ ɓɛɛ, n Kpanti kɔ. N a ka koo keɓe, a zang yi m nɛɛ n kɔɔ zang ruu ɓɔɔ niizang. Zang ɓɔɔ nɛɛ kasɛ ruu ɓɔɔ niizang katɔ, ɓaa shoo katɔ ka yee mɛɛ.”

Yɔhana 18:37 ပူးပေါင်းရင်းမြစ်များ

Matiyu 26:64

A Yeesɔ kasɛ wu nyaa kati tɔɔ, “Nn nkɔ. N kɔɔ nɔɔ, nɔɔ naa zi m ɓɔɔ n Jaa Shɔnzang ditɔ ka naa nakn Kpanti Laa ɓɔɔ palɛ vuu piti ɓɛɛ. Nɔɔ ti naa zi naa ɓɔɔ n a ka yeti sãmbong ditɔ.”

Matiyu 27:11

Zang a tɔ nɛɛ Yeesɔ ka tĩng gɔmna, a gɔmna hɛ̃ɛ wu tɔɔ, “Mɔkɔ kpanti zang Yahudi ya?” Yeesɔ kasɛ wu nyaa tɔɔ, “Nn, nkɔ.”

Maraku 14:62

Yeesɔ kasɛ wu nyaa tɔɔ, “Nn, nkɔ.” Nɔɔ naa zi m ɓɔɔ n Jaa Shɔnzang ditɔ ka naa nakn Kpanti Laa ɓɔɔ palɛ vuu piti ɓɛɛ. Nɔɔ ti naa zi naa ɓɔɔ n a ka yeti sãmbong ditɔ.

Maraku 15:2

Bilatu hɛ̃ɛ Yeesɔ tɔɔ, “Mɔkɔ kpanti zang Yahudi ya?” A Yeesɔ kasɛ wu nyaa tɔɔ, “Nn, nkɔ.”

Luka 22:70

A ri hɛ̃ɛ wu nɛɛ, “Mɔɔ kɔɔ ɓu nɛɛ mɔkɔ Jaa Laa ya?” A kasɛ ri nyaa nɛɛ, “Nn, naa ɓɔɔ nɔɔ kɔɔ ɓɛɛ.”

Luka 23:3

A Bilatu hɛ̃ɛ wu nɛɛ, “Mɔkɔ kpanti zang Yahudi ya?” A Yeesɔ kasɛ wu nyaa tɔɔ, “Nn, naa ɓɔɔ mɔɔ kɔɔ ɓɛɛ.”

Yɔhana 1:14

A Ruu keɓe naa túu bii shɔnzang, a nwang kaa nɛɛ ruu nɔng gbete. Atɛ ruu tĩnang tãanang dɔɔli nɛɛ ruu ɓɔɔ niizang ɓɛɛ. A ruu ti zi bannang ɓɔɔ Laa a wu, nɛɛ jĩng ɓuru, ɓi bannang ɓɔɔ Daa a jaa gbete ɓiɓɛ ɓɛɛ.

Yɔhana 1:17

Naa ɓɔɔ nyaa dannang Laa a nɛɛ bii Musa, tɔ̃ɔ palɛnang Laa, nɛɛ ruu ɓɔɔ niizang, a ɓi kaa nɛɛ bii Yeesɔ Kirisi.

Yɔhana 14:6

Yeesɔ kɔɔ wu tɔɔ, “Nkɔ gbalang, nkɔ niizang, nkɔ suru bii. Zang ɓɔɔ nɛɛ tɔɔ wu daa bii Daa, sɔɔ nɛɛ bii mɛɛ kɔ gbete.

Yɔhana 3:32

Zang keɓe rang yee ka yuu vuu ɓɔɔ wu zirɛ, a ti tãa ɓɛɛ. A zang ɓɔɔ ta vuu ɓɔɔ wu kɔɔ ɓɛɛ, kagn gbete kpang.

Yɔhana 7:17

Zang ɓɔɔ nɛɛ kasɛ tɔ, nɛɛ wu palɛ vuu ɓɔɔ Laa kasɛ ɓɛɛ katɔ, vuu ɓɔɔ n túsù nɛɛ a nɛɛ bii Laa, zang keɓe nɛ̀ɛ́ zi katɔ. N nɛɛ ti kɔ̀ɔrɔ́ ɓɔɔ yuu mɛɛ, nɛ̀ɛ́ ti zi katɔ kpang ya?

Yɔhana 8:14

Yeesɔ kasɛ ri nyaa tɔɔ, “Naa n kɔɔ ruu doo ka yuu mɛɛ, ruu mɛɛ ɓi niizang kɔ nwani, ka ruu ɓɔɔ, n zi nɔng ɓɔɔ n a nɛɛ mani tɔ, n ti zi nɔng ɓɔɔ n daa gn tɔ ɓɛɛ. Nɔɔ zi nɔng ɓɔɔ n a nɛɛ mani manɛ kpang, nɔɔ ti zi nɔng ɓɔɔ n daa gn ɓɛɛ kpang.

Yɔhana 8:45

“N kɔ̀ɔ́ nɔɔ m ruu ɓɔɔ niizang, ka ruu nɔngkɔ, nɔɔ shíng danggn ka bii mɛɛ kpang.

Yɔhana 8:46

Zang gbete kagn teteng manɛ, ɓɔɔ túsù vuu shi kpang, ɓɔɔ nɔɔ tɔɔ n palɛ ɓɛɛ ya? N nɛɛ kɔ̀ɔ́ vuu ɓɔɔ niizang, a nɔɔ shing danggn ka bii mɛɛ kpang ka ruu viya?

Yɔhana 8:47

Zang ɓɔɔ ɓi zang Laa, ɓaa shoo ɓi ka Ruu Laa. Nɔɔ manɛ zang Laa kpang, ka ruu nɔngkɔ, nɔɔ kasɛ shoo ɓaanang ka ruu mɛɛ kpang.”

1 Timoti 6:13

Ka tĩng Laa ɓɔɔ a vuu piti suru bii ɓɛɛ, a ɓɔɔ ka tĩng Yeesɔ Kirisi ɓɔɔ kɔ̀ɔ ruu ka yuu danggn ɓɔɔ wu shingnɛ ka tĩng kpanti Pontu Bilatu ɓɛɛ, n kɔɔ mɔɔ,

1 Bituru 1:22

Nɔɔ nwangsɛ vuu shi kpang ɓɔɔ ka yeti manɛ tɔ, ka ruu ɓɔɔ, nɔɔ dũng Ruu Laa ɓɛɛ. A nɔɔ ti kàsɛ̀ ruu zang ɓɔɔ ri dũng doo Laa kɔ kana niizang. Nɔɔ kàsɛ́ ruu zɔɔ nɔngkɔ gbãng gbãng, nɛɛ yeti manɛ nɛɛ kaka manɛ piti.

1 Yɔhana 2:21

N bèé nɔɔ wu ka ruu ɓɔɔ nɔɔ zi ruu ɓɔɔ niizang kpang ɓɛɛ kpang. N bèé nɔɔ, ka ruu ɓɔɔ, nɔɔ zi tɔ ɓɛɛ. Nɔɔ ti zi tɔ nɛɛ, ruu sèé hãa naa ɓi kagn nɛɛ ruu ɓɔɔ niizang kpang.

1 Yɔhana 3:14

Ruu zi tɔ nɛɛ ruu ɓuru tɔ̀ɔ́ ka naa vɔrɔ kpang. Ruu ɓuru kaa zang ningkãari, ka ruu ɓɔɔ, ruu kasɛ ruu zɔɔ ɓuru katɔ ɓɛɛ. Zang ɓɔɔ kasɛ ruu ɓeezung kpang, ɓi dòo ka naa vɔrɔ.

1 Yɔhana 3:19

Ruu zi ka wukɔ nɛɛ, ruu ɓuru kaa zang Laa ɓɔɔ ruu palɛ vuu ɓɔɔ niizang ɓɛɛ. Rùu kaa vɔrɔ shiinang ka tĩng Laa kpang.

1 Yɔhana 4:6

Ruu ɓuru zang Laa. Zang ɓɔɔ zi Laa katɔ, ri ɓaa shoo ɓi katɔ nyaa ɓuru. Zang ɓɔɔ zang Laa kpang, ti ɓaa shoo ɓi ka nyaa ɓuru kpang. Ruu zi suru ɓɔɔ niizang, nɛɛ suru ɓɔɔ sèé nung naa weɓe kɔ.

1 Yɔhana 5:20

Ruu zi tɔ nɛɛ, Jaa Laa arɛ tùsù ruu gbalang ɓɔɔ ruu zi Laa ɓɔɔ wukɔ niizang ɓɛɛ. Ruu ɓuru ɓɔɔ Laa keɓe kɔ, ka ruu ɓɔɔ, ruu ɓuru ɓɔɔ Jaa ɓiɓɛ Yeesɔ Kirisi ɓɛɛ. Yeesɔ Kirisi keɓe wukɔ Laa niizang, wukɔ ti suru bii ɓɔɔ waa nyaa kpang ɓɛɛ.

Vuu ɓɔɔ zang nwangsɛ Yɔhana 1:4

Labeenang keɓe nɛɛ bii mɛɛ, nkɔ Yɔhana n bèé nɔɔ zang Laa ɓɔɔ nɔɔ ka rɛɛ Gãa Laa manziti ɓɔɔ ka tipi Asiya ɓɛɛ. Laa wu palɛ nɔɔ tɔ̃ɔ, wu shingnɛ yeti manɛ wu valɛ katɔ. Laa ɓɔɔ ɓi ningkãari kãntang keɓe, ɓɔɔ bɛ̀ɛ́ ɓi ningkãari, ka ɓɔɔ bɛ̀ɛ́ zang mãa koo gn kpang, ɓɔɔ ti naa gbãayu ditɔ ka koo keɓe ɓɛɛ. Rɛɛ suru Laa manziti ɓɔɔ ri shiiri ka tĩng ɓiɓɛ, ka ɓɔɔ wu nwang ka yuu laa kpanti ɓiɓɛ ɓɛɛ. Ri palɛ nɔɔ tɔ̃ɔ jong, ri ti shingnɛ yeti manɛ wu valɛ katɔ.

Vuu ɓɔɔ zang nwangsɛ Yɔhana 3:14

A zang kaɓa kɔɔ tɔkn nɛɛ, “Bèe zang nyaa shonang Laa ɓɔɔ ka lapa ɓɔɔ gãng jĩng ka zang Laa ɓɔɔ ri ka gari Lawodikiya ɓɛɛ ruu keɓe, mɔɔ kɔɔ wu nɛɛ: Wee ruu ɓɔɔ nwang nɛɛ nyaa zang ɓɔɔ zang ɓaa wu nɛɛ, Wu nwang ta nɔngkɔ ɓɛɛ. Zang ɓɔɔ kɔ̀ɔ́ ɓi ruu ɓɔɔ niizang diki diki, ɓɔɔ ti palɛ vuu ɓɔɔ wu kɔɔ ɓɛɛ katɔ ɓɛɛ. Laa ti mã́arɛ̀ vuu piti nɛɛ bii ɓiɓɛ kɔ.