Yɔhana 18:32 - Nyaa Shɔɔ Ɓɔɔ Laa a Ɓɛɛ

³² Vuu keɓe nwang ka naa ɓɔɔ Yeesɔ kɔɔ ɓɛɛ. Bɛ̀ɛ́ kɔɔ ri zɔ̃ng vɔrɔ ɓɔɔ wu naa vɔ ɓɛɛ tɔ.

Yɔhana 18:32 ပူးပေါင်းရင်းမြစ်များ

Matiyu 20:19

Tɔ̀ɔ, ri naa tuu m, ri a zang ɓɔɔ ri dũng Laa kpang, nɛɛ tɔ̀ɔ ri kpaa m, ri nyɔ m nɛɛ gbãa, tɔ̀ɔ ri daa ɓaa m naa ka laa. A Kpanti Laa naa wisi m paa ka lee ɓɔɔ diki daa taati ɓɛɛ.”

Matiyu 26:2

“Nɔɔ zi tɔɔ, diki ɓɔɔ zang shaa nyaalaa Pasika yaa lɛ̀ɛ́ kaa ziti. Zang naa yi m ɓɔɔ n Jaa Shɔnzang, zang a zang ɓɔɔ ri naa ɓaa m naa ka laa ɓɛɛ.”

Maraku 10:33

Yeesɔ kɔɔ ri tɔɔ, “Nɔɔ ɓaa shoo ta nɔɔ tãayi. Ruu dáa kana Urushalima, zang ɓɔɔ naa a zang bang bang, zang ɓɔɔ ri dɔɔ vuu ka Gãa Laa, nɛɛ zang ɓɔɔ ri tusu zang vuu ɓɛɛ Jaa Shɔnzang ditɔ. Ri naa jɛ̃ɛ wu ruu, ri kɔɔ zang nɛɛ zang nyɔ wu vɔrɔ. Tɔ̀ɔ, ri tuu wu ri a zang ɓɔɔ ri dũng Laa kpang kati.

Yɔhana 10:31

A zang Yahudi ri daa yakɛ tari tɔkn, nɛɛ ri luku wu nɛɛ mani.

Yɔhana 10:33

Zang Yahudi ri kasɛ wu nyaa tɔɔ, “Ruu luku mɔɔ wu ka ruu vuu tɔ̃ɔ ɓɔɔ mɔɔ palɛ ɓɛɛ kpang. Ruu luku mɔɔ, ka ruu ruu shi kpang ɓɔɔ mɔɔ kɔɔ ɓɛɛ. Ka ruu ɓɔɔ mɔɔ shɔnzang waati, mɔɔ kɔɔyi nɛɛ mɔɔ ɓaa Laa ɓɛɛ.”

Yɔhana 13:18

“N kɔɔ ruu keɓe ka yuu manɛ nandon kpang. N zi zang ɓɔɔ n shɛ̃ɛrɛ ri m tɔ. Vuu keɓe nwáng nɔngkɔ, naa ɓɔɔ zang bee ka yeti Labeenang Laa ɓɛɛ. Labeenang Laa kɔɔyi tɔɔ, ‘Zang ɓɔɔ n basɛ borodi mɛɛ nɛɛ wu, ràa m yuu knti tɔ. Nwáng zang ɓɔɔ shing jĩng nɛɛ n kpang tɔ.’

Yɔhana 18:31

Bilatu kɔɔ ri tɔɔ, “Nɛɛ nɔngkɔ, nɔɔ dita nɛɛ wu nɔɔ daa jɛ̃ɛ wu ruu naa ɓɔɔ nyaa dannang manɛ kɔɔ ɓɛɛ.” Ri kasɛ wu nyaa tɔɔ, “Kpanti Rooma a ruu naa nɛɛ ruu nyɔ zang vɔrɔ kpang.”

Yɔhana 21:19

(Yeesɔ kɔɔ vuu keɓe nɛɛ tɔɔ wu tusu naa ɓɔɔ Bituru naa vɔrɛ, tɔ̀ɔ, zang dɔ̀ɔ Laa kaa gn ɓɛɛ.) Yeesɔ hangsɛ ruu keɓe kɔɔnang tɔ, a kɔɔ wu tɔɔ, “Palɛ vuu ɓɔɔ n kasɛ ɓɛɛ.”

Yɔhana 3:14

Naa ɓɔɔ Musa wisi sɔkɔ ɓɔɔ zang palɛ zang kãngtɛ ka yuu laa paa ka waala, zang naa wisi m ɓɔɔ n Jaa Shɔnzang paa doo nɔngkɔ.

Yɔhana 8:28

Ka ruu nɔngkɔ, kɔɔ ri nɛɛ, “Nɔɔ nɛɛ wisi m, ɓɔɔ n Jaa Shɔnzang tɔ ka yuu laa, nɔ́ɔ naa zi kati nɛɛ nkɔ wukɔ. Tɔ̀ɔ, nɔ́ɔ zi kati nɛɛ n palɛ vuu gbete nɛɛ kaka yuu mɛɛ kpang. N kɔɔ m vuu ɓɔɔ Daa kpɛ̃ɛrɛ m nɛɛ n kɔ̀ɔ ɓɛɛ.

Zang Shonang Yeesɔ 7:59

Ri luku Istifanu kana, a gaa Laa tɔɔ, “Kpanti Yeesɔ, ta suru mɛɛ ta.”

Galati 3:13

Yeesɔ Kirisi ta yuu ɓuru tɔ, ka nyaa ɓɔɔ Laa nɛɛ kù ruu, ka ruu ɓɔɔ, ruu dũng nyaa dannang kpang ɓɛɛ. Ka ruu ɓɔɔ, Laa kù Kirisi nyaa jong ka nung ɓɔɔ wu nɛɛ kù ruu ɓɛɛ. Ka ruu ɓɔɔ, zang bee ka yeti labeenang Laa tɔɔ, “Zang ɓɔɔ zang nɛɛ haatɛ wu ka lapa, Laa ku wu nyaa tɔ ɓɛɛ.”