Yɔhana 17:25 - Nyaa Shɔɔ Ɓɔɔ Laa a Ɓɛɛ

²⁵ Daa mɛɛ ɓɔɔ palɛ ɓi tɔ̃ɔ ɓɛɛ, zang koo ri zi mɔɔ ɓaa kpang. N zi mɔɔ m tɔ, a zang ɓɔɔ ri mantɛ vuu ka bii mɛɛ keɓe, ri zi tɔ nɛɛ mɔkɔ shong m.

Yɔhana 17:25 ပူးပေါင်းရင်းမြစ်များ

Matiyu 11:27

A Yeesɔ naa risi nyaa, kɔɔ ri tɔkn tɔɔ, “Daa mɛɛ, a m vuu piti tɔ ka naa. Zang ɓɔɔ zi m Jaa Laa, kagn gbete kpang, ɓi Daa mɛɛ kɔ gbete. Zang ɓɔɔ ti zi Daa mɛɛ kagn gbete kpang, ɓi nkɔ Jaa ɓiɓɛ n zirɛ, nɛɛ zang ɓɔɔ n kasɛ nɛɛ n tusu ri Daa mɛɛ ɓɛɛ.

Matiyu 16:16

Siman Bituru kasɛ wu nyaa tɔɔ, “Mɔkɔ Kirisi, (zang ɓɔɔ naa a ɓɛɛ.) Jaa Kpanti Laa ɓɔɔ vɔ ɓi kpang ɓɛɛ.”

Luka 10:22

“Daa mɛɛ a m vuu piti tɔ ka naa. A zang ɓɔɔ zi Jaa kagn gbete kpang. Daa kɔ zi wu gbete. Zang ɓɔɔ ti zi Daa kagn gbete kpang, Jaa kɔ zi wu gbete nɛɛ shɔnzang piti ɓɔɔ Jaa kasɛ nɛɛ wu tusu wu Daa ɓɛɛ.”

Yɔhana 1:18

Zang ɓɔɔ zi Laa tɔ kagn gbete kpang. Ɓi jaa gbete ɓɔɔ wu doo naa Laa kɔ, ɓɔɔ nwang ka ɓuru Laa kɔ, tusu naa ɓɔɔ Laa nwang ɓɛɛ.

Yɔhana 15:21

Ri palɛ nɔɔ vuu keɓe piti, ka ruu ɓɔɔ, nɔɔ zang mɛɛ ɓɛɛ. A ri ti zi zang ɓɔɔ shong m kpang ɓɛɛ.

Yɔhana 16:27

Ka ruu ɓɔɔ, Daa nɛɛ yuu ɓiɓɛ kasɛ nɔɔ katɔ ɓɛɛ. Kasɛ nɔɔ ka ruu ɓɔɔ nɔɔ kasɛ m katɔ, a nɔɔ ti shing danggn tɔ, nɛɛ n a nɛɛ bii Laa ɓɛɛ.

Yɔhana 16:3

Zang ri palɛ nɔɔ vuu keɓe, ka ruu ɓɔɔ, ri zi Daa kpang, ri ti zi m kpang kɔ doori ɓɛɛ.

Yɔhana 16:30

Ruu zi tɔ kati nɛɛ mɔɔ zi vuu ɓaa tɔ nandon. Mɔɔ ti zi vuu ɓɔɔ zang ri rɛ̃rɛ ka yeti ɓarɛ tɔ. Ka ruu nɔngkɔ, ruu shing danggn tɔ, nɛɛ mɔɔ a ɓaa nɛɛ bii Laa kɔ niizang.”

Yɔhana 17:11

Yaa kaa tɔkɔlɔng n gbãayu kaa tɔ ka bii ɓaaɓɛ. N yaa koo keɓe m kaa tɔ, ri ɓarɛ doo ka koo. Daa, ɓɔɔ shi kpang ka bii ɓaaɓɛ kpang ɓɛɛ, yiti ri waasɛ̃ nɛɛ naa vuu palɛnang ɓɔɔ mɔɔ a m ɓɛɛ. Tɔ̀ɔ, ri nwang kaa gbete naa ɓɔɔ ruu nɛɛ mɔɔ, ruu gbete ɓɛɛ.

Yɔhana 17:18

N shong ri ka koo naa ɓɔɔ mɔɔ shong m ka koo ɓɛɛ.

Yɔhana 17:21

N gaa mɔɔ nɛɛ ri nwang ka nyaa zɔɔ gbete. Daa mɛɛ, n gaa mɔɔ nɛɛ ri nwang nɛɛ ruu, naa ɓɔɔ mɔɔ nwang nɛɛ n, a n ti nwang nɛɛ mɔɔ ɓɛɛ. Tɔ̀ɔ, zang koo ri shing danggn kati nɛɛ mɔkɔ shong m niizang.

Yɔhana 17:23

Naa ɓɔɔ n nwang nɛɛ ri, a mɔɔ nwang nɛɛ n ɓɛɛ. Tɔ̀ɔ, ri nwang kaa jong ka nyaa zɔɔ dɔ̃ɔ gbete. Tɔ̀ɔ, zang koo ri zi kati nɛɛ mɔkɔ shong m, nɛɛ mɔɔ ti kasɛ zang ɓɔɔ ri mantɛ vuu ka bii mɛɛ katɔ, naa ɓɔɔ mɔɔ kasɛ m ɓɛɛ.

Yɔhana 17:3

Suru bii ɓɔɔ waa nyaa kpang, ɓi zinang ɓɔɔ zang zirɛ nɛɛ mɔkɔ gbete, Laa ɓɔɔ niizang ɓɛɛ, a ɓɔɔ nkɔ Yeesɔ Kirisi ɓɔɔ mɔɔ shong m ɓɛɛ.

Yɔhana 17:8

N kɔɔ ri nyaa ɓɔɔ mɔɔ shong m nɛɛ mani tɔ, a ri ti ta tɔ. Ri zi tɔ kati nɛɛ n a nɛɛ bii ɓaaɓɛ kɔ niizang. A ri ti shing danggn tɔ nɛɛ mɔkɔ shong m.

Yɔhana 3:17

Ka ruu ɓɔɔ, Laa shɔng Jaa ɓiɓɛ ka koo nɛɛ wu naa jɛ̃ɛ zang koo ruu kpang, nɛɛ wu naa ta ɓi yuu zang koo kɔ jong ɓɛɛ.

Yɔhana 6:19

Ri yaa nyaa rang tɔ, ri daa tɔ, mɛli taati kɔ dɛ̃ɛti, a ri zi Yeesɔ ra ka yuu paa mii, a kana bii tonsi naabm. Ri káa vɔrɔ.

Yɔhana 7:29

N zi wu m tɔ, ka ruu ɓɔɔ, n à nɛɛ bii ɓiɓɛ kɔ. Wukɔ ti shong m ɓɛɛ.”

Yɔhana 8:19

A ri hɛ̃ɛ wu nɛɛ, “Daa ɓaaɓɛ ɓu kiya?” Yeesɔ kasɛ ri nyaa tɔɔ, “Nɔɔ zi m kpang, nɔɔ ti zi Daa mɛɛ doo kpang kɔ. Naa nɔɔ nɛɛ zi m tɔ, nɔɔ nɛɛ ti zi Daa mɛɛ tɔ kɔ doori.”

Yɔhana 8:55

Nɔɔ zi wu gngn kpang, n zi wu m tɔ. Naa n kɔɔyi nɛɛ n zi wu kpang, n nwáng kaa zang sèé naa nɔkɔ. N zi wu m tɔ, n ti ta nyaa ɓiɓɛ kpang.

Zang Shonang Yeesɔ 17:23

Ka ruu ɓɔɔ, ɓɔɔ n tɛɛ ka yeti gari manɛ n pɛ̃́ɛrɛ̀ rɛɛ nɔng ɓɔɔ nɔɔ bang vuu gãnti manɛ kagn, n zi nɔng ɓɔɔ nɔɔ dɔ̀ɔ́ vuu gãnti manɛ vuu kagn, ɓɔɔ gbete zang bee vuu ka bii ɓiɓɛ nɛɛ, ‘Ɓɔ̀ɔ́ Laa ɓɔɔ ruu zi wu nung kpang ɓɛɛ.’ Vuu ɓɔɔ nɔɔ bang wu, nɔɔ ti zi wu nung kpang keɓe, n kɔ̀ɔ́ nɔɔ ruu ka yuu ɓiɓɛ kɔ.

Zang Shonang Yeesɔ 26:18

Mɔ́ɔ pùu ri jĩng, ri yaa nɔng ɓɔɔ tɔ̀ɔ katɔ, ri a ka nɔng ɓɔɔ yakɛ katɔ ɓɛɛ. Ri ti yaa nɔng ɓɔɔ sheetang roo kpanti kagn, ri a ka bii Laa. Tɔ̀ɔ, ka ruu danggn ɓɔɔ ri shing ka bii mɛɛ, Laa wu kɔsɔ ri vuu shi kpang ɓarɛ kati. Wu ti a ri nɔng nwannang jong ka teteng zang ɓɔɔ wu zɔ̃ngkɔ ri katɔ ɓɛɛ.’

Rooma 1:28

Ka ruu ɓɔɔ, shɔnzang ri kasɛ nɛɛ ri yítì vuu ɓɔɔ niizang ɓɔɔ zang zi ka yuu Laa ka yeti ɓarɛ kpang. Laa yaa ri tɔ ri rɛ̃rɛ vuu ɓɔɔ shi kpang, tɔɔ ri palɛ vuu ɓɔɔ daa naa palɛnang kpang ɓɛɛ.

Rooma 3:11

Zang ɓɔɔ ti zi vuu ɓɔɔ kagn kpang, zang ɓɔɔ ti kãa nɔng Laa kagn gbete kpang.

Rooma 3:26

Kãntang keɓe, yée laa kaa tɔ, ka vuu shi kpang ɓɔɔ shɔnzang ri palɛ ɓɛɛ, tɔ̀ɔ, wu tusu zang tɔ̃ɔ ɓiɓɛ. Ka gbalang keɓe, Laa tusu zang nɛɛ wu ɓi zang tɔ̃ɔ, nɛɛ wu ti shing zang piti ɓɔɔ ri shing danggn ka bii Yeesɔ Kirisi, ri nwang zang tɔ̃ɔ ka tĩng ɓiɓɛ.

1 Koranti 1:21

Laa ɓɔɔ zũng dɔɔli ɓɛɛ, kasɛ kpang nɛɛ zang koo ri zi wu nung nɛɛ zũnang ɓarɛ kpang. Nɛɛ wu ta yuu zang ɓɔɔ ri shing danggn tɔ ɓɛɛ kɔ jong, nɛɛ ruu kɔ ruu rangnɛ, a zang risi naa nyaa shoko ɓee.

1 Koranti 15:34

Nɔɔ yaa vuu shoko manɛ ta, a nɔɔ ti yaa vuu shi kpang ɓɔɔ nɔɔ palɛ ɓɛɛ. N kɔɔ nɔngkɔ, tɔ̀ɔ, yusɛ̃ɛ wu tuu nɔɔ. Ka ruu ɓɔɔ, zang ɓɔɔ ka teteng manɛ ri zi Laa kpang ɓɛɛ.

2 Koranti 4:4

Ri shing danggn kpang ka ruu ɓɔɔ Sheetang ɓɔɔ wukɔ kpanti koo keɓe, zãa yeti ɓarɛ vuu zinang katɔ ɓɛɛ. Zãa ri zinang nɔng ɓɔɔ yakɛ ka bii ɓarɛ katɔ. Nɔng yakɛnang ɓɔɔ a nɛɛ Ruu Tɔ̃ɔ ɓɔɔ ka yuu bannang Yeesɔ Kirisi, ɓɔɔ wu doo Laa kɔ gbãng gbãng ɓɛɛ.

2 Tesalonika 1:8

Naa nwang nyaa nɛɛ waa ɓɔɔ shaa katɔ ɓɛɛ, wu dang zang ɓɔɔ ri bɛ̃ɛ Laa katɔ jĩng, nɛɛ zang ɓɔɔ ri dũng Ruu Tɔ̃ɔ ɓɔɔ ka yuu Kpanti ɓuru Yeesɔ kpang ɓɛɛ.

Yahudi 8:11

Zang ɓu naa kasɛ nɛɛ wu tùsù zang nyaa gãa ɓiɓɛ nɛɛ ɓeezung vuu ɓɔɔ, a wu ti kɔɔyi nɛɛ, ‘Kpɛ̃ɛrɛ gbalang Laa ta,’ kpang. Ka ruu ɓɔɔ, ri nandon ri zi gbalang mɛɛ ditɔ ɓɛɛ. Vuu ɓɔɔ yi nɛɛ yuu wujɛ, daa nɔng ka yuu zang bang ɓɛɛ.

1 Yɔhana 1:9

Ruu nɛɛ kasɛ nyaa tɔɔ nɛɛ, ruu pálɛ́ vuu shi kpang tɔ, Laa ta nyaa ɓiɓɛ ɓi kpang, palɛ vuu shi kpang ɓi kpang, yàá ruu gbalang vuu shi kpang ɓɔɔ ruu palɛ ɓee katɔ. Wu ti sɔɔ ruu vuu shi kpang ɓuru nandon.

Vuu ɓɔɔ zang nwangsɛ Yɔhana 13:8

Zang ɓɔɔ ri nwang ka koo nandon ri naa bang wu. Rɛɛ zang ɓɔɔ zang bee nung ɓarɛ doo tɛ̃ɛ tɛ̃ɛ kpang, ka yeti labeenang Jaa Mɛ̀ɛrɛ́ Laa, ɓɔɔ bɛ̀ɛ́ zang nyɔ wu vɔrɔ ɓɛɛ.

Vuu ɓɔɔ zang nwangsɛ Yɔhana 16:5

N tãayi, zang nyaa shonang Laa ɓɔɔ ka lapa ɓɛɛ, ɓɔɔ gãng jĩng ka mii kɔɔyi nɛɛ, “Laa ɓɔɔ mɔkɔ shi kpang ka bii kpang gbete ɓɛɛ. Mɔkɔ kãntang keɓe, mɔkɔ nwáng ka tĩng. Mɔɔ palɛ vuu gn dang gbete ka ruu kɔ mɔɔ dɔ̀ng zang ɓee kpang.