Yɔhana 17:21 - Nyaa Shɔɔ Ɓɔɔ Laa a Ɓɛɛ

²¹ N gaa mɔɔ nɛɛ ri nwang ka nyaa zɔɔ gbete. Daa mɛɛ, n gaa mɔɔ nɛɛ ri nwang nɛɛ ruu, naa ɓɔɔ mɔɔ nwang nɛɛ n, a n ti nwang nɛɛ mɔɔ ɓɛɛ. Tɔ̀ɔ, zang koo ri shing danggn kati nɛɛ mɔkɔ shong m niizang.

Yɔhana 17:21 ပူးပေါင်းရင်းမြစ်များ

Maraku 3:24

Naa zang ɓɔɔ kpanti ɓarɛ gbete ri basɛ zɔɔ, ri shaarɛ ɓarɛ tɔ.

Yɔhana 10:16

Mɛ̀ɛrɛ́ mɛɛ ɓɔɔ ti kagn, ɓɔɔ ri ka vaa keɓe kpang ɓɛɛ. N atɛ ri ditɔ jong. Ri naa tã̀á yee mɛɛ ditɔ, tɔ̀ɔ, ri nwang kaa vàa gbete, jagãng ɓarɛ ti gbete.

Yɔhana 10:30

Ɓɔɔ n nɛɛ Daa ruu gbete.”

Yɔhana 10:38

N nɛɛ palɛ vuu ɓɔɔ Daa mɛɛ palɛ kɔ, nɔɔ nɛɛ shing danggn doo ka bii mɛɛ kpang, nɔ́ɔ shing danggn ka vuu ɓɔɔ zang zirɛ zang mã naa ka danggn ɓɔɔ n palɛ ɓɛɛ. Tɔ̀ɔ, nɔ́ɔ zi kaa gn dɔ̃ɔ gbete nɛɛ Daa kagn bii mɛɛ, nɛɛ n ti kagn bii Daa.”

Yɔhana 11:42

N zi tɔ, mɔɔ tãarɛ m katɔ diki diki. N kɔɔ vuu keɓe ka ruu zang kɔ ri shiiri ka nihn ɓee, tɔ̀ɔ, ri shing danggn kati nɛɛ mɔkɔ shong m.”

Yɔhana 13:32

Zang nɛɛ zi bannang Laa kana ka bii mɛɛ, Laa ti tusu zang bannang mɛɛ ɓɔɔ n Jaa Shɔnzang ditɔ jong. Laa suukãng kpang, a m bannang tantɛnang.

Yɔhana 13:35

Naa nɔɔ kàsɛ́ ruu zɔɔ, zang zi ka wukɔ nɛɛ nɔɔ manɛ zang ɓɔɔ ri mantɛ vuu ka bìí mɛɛ ɓɛɛ.”

Yɔhana 17:11

Yaa kaa tɔkɔlɔng n gbãayu kaa tɔ ka bii ɓaaɓɛ. N yaa koo keɓe m kaa tɔ, ri ɓarɛ doo ka koo. Daa, ɓɔɔ shi kpang ka bii ɓaaɓɛ kpang ɓɛɛ, yiti ri waasɛ̃ nɛɛ naa vuu palɛnang ɓɔɔ mɔɔ a m ɓɛɛ. Tɔ̀ɔ, ri nwang kaa gbete naa ɓɔɔ ruu nɛɛ mɔɔ, ruu gbete ɓɛɛ.

Yɔhana 17:18

N shong ri ka koo naa ɓɔɔ mɔɔ shong m ka koo ɓɛɛ.

Yɔhana 17:20

“N gàá mɔɔ ka ruu ɓarɛ kɔ shɛ̃ɛning kpang. N gàá mɔɔ jong ka ruu zang ɓɔɔ ri naa shing danggn ka bii mɛɛ, ka ruu ruu ɓɔɔ ri naa tãa ka nyaa ɓarɛ ɓɛɛ.

Yɔhana 17:25

Daa mɛɛ ɓɔɔ palɛ ɓi tɔ̃ɔ ɓɛɛ, zang koo ri zi mɔɔ ɓaa kpang. N zi mɔɔ m tɔ, a zang ɓɔɔ ri mantɛ vuu ka bii mɛɛ keɓe, ri zi tɔ nɛɛ mɔkɔ shong m.

Yɔhana 17:3

Suru bii ɓɔɔ waa nyaa kpang, ɓi zinang ɓɔɔ zang zirɛ nɛɛ mɔkɔ gbete, Laa ɓɔɔ niizang ɓɛɛ, a ɓɔɔ nkɔ Yeesɔ Kirisi ɓɔɔ mɔɔ shong m ɓɛɛ.

Yɔhana 17:8

N kɔɔ ri nyaa ɓɔɔ mɔɔ shong m nɛɛ mani tɔ, a ri ti ta tɔ. Ri zi tɔ kati nɛɛ n a nɛɛ bii ɓaaɓɛ kɔ niizang. A ri ti shing danggn tɔ nɛɛ mɔkɔ shong m.

Yɔhana 3:17

Ka ruu ɓɔɔ, Laa shɔng Jaa ɓiɓɛ ka koo nɛɛ wu naa jɛ̃ɛ zang koo ruu kpang, nɛɛ wu naa ta ɓi yuu zang koo kɔ jong ɓɛɛ.

Yɔhana 5:23

Tɔ̀ɔ, zang ri á Jaa bannang kati, naa ɓɔɔ ri á Daa ɓɛɛ. Zang ɓɔɔ nɛɛ á Jaa bannang kpang, á Daa ɓɔɔ shong wu bannang doo kpang kɔ.

Zang Shonang Yeesɔ 2:46

Ri kpálɛ̀ zɔɔ ka Gãa Laa diki diki. A ri ti shaa vuu ɓarɛ ka nyaa zɔɔ ka gãa ɓarɛ. Ri shaa vuu shaanang, ri tãa tĩnang, ri ti ta zɔɔ nɛɛ yeti gbete.

Zang Shonang Yeesɔ 4:32

Zang ɓɔɔ ri shing danggn tɔ nandon, yeti ɓarɛ gbete. Zang ɓɔɔ tɔɔ kpang nɛɛ vuu naa ɓiɓɛ, ɓi ɓɔ̀ɔ́ ɓiɓɛ ka bm kpang. Ri basɛ vuu ka naa ɓarɛ nɛɛ zɔɔ ri nandon.

Rooma 12:5

Ruu doo nɔngkɔ. Ruu dɔɔli, a ruu nwang kaa naa bii gbete kɔ nwani, ka ruu ɓɔɔ, ruu ɓakɛ bii gbete nɛɛ Kirisi ɓɛɛ. Zang ɓu yi zɔɔ naa ka bii.

1 Koranti 1:10

Manzung, n gaa nɔɔ ka ruu Kpanti ɓuru Yeesɔ Kirisi, nyaa manɛ wu daa gbete, ka vuu ɓɔɔ nɔɔ kɔɔ ɓɛɛ. Nɔ́ɔ ti kusu zɔɔ kpang. Rɛ̃rɛnang manɛ wu daa gbete, nɔ́ɔ ti palɛ vuu gbete.

1 Koranti 12:12

Nɔɔ zi tɔ nɛɛ vuu ɓɔɔ ɓakɛ, a raa bii shɔnzang ka zɔ̃ng zɔ̃ng. A bii shɔnzang ɓi kaa gbete kɔ nwani, vuu keɓe ri ɓakɛ zɔɔ nɔng gbete, tɔ̀ɔ, ri nwang kaa bii gbete. Yeesɔ Kirisi nwang doo nɔngkɔ.

1 Koranti 6:17

Zang ɓɔɔ nɛɛ ɓakɛ yuu ɓiɓɛ nɛɛ Kpanti Yeesɔ Kirisi, suru ɓiɓɛ nwang kaa gbete nɛɛ ɓɔɔ Yeesɔ.

Galati 3:28

A vuu ɓɔɔ bàsɛ̀ teteng zang Yahudi nɛɛ zang ɓɔɔ ri zang Yahudi kpang, a jaafoo nɛɛ zang ɓɔɔ jaafoo kpang, a zang varɛ nɛɛ zang soro, ɓi tɔɔ kagn kpang. Nɔɔ nandon nɔɔ manɛ kaa gbete ka yuu ɓɔɔ nɔɔ ɓakɛ nɛɛ Yeesɔ Kirisi ɓɛɛ.

Filipi 1:27

Nwannang manɛ, wu nwang naa ɓɔɔ Ruu Tɔ̃ɔ Yeesɔ Kirisi kɔɔ ɓɛɛ. Wukɔ daayi, tɔ̀ɔ, naa n naa leng nɔɔ, naa n nɛɛ ti leng nɔɔ dòo kpang, n tãa nyaa katɔ nɛɛ rɛ̃rɛnang manɛ dàá gbete. N ti tãa katɔ nɛɛ nɔɔ kpalɛ yuu nɛɛ zɔɔ, nɔɔ shii gbãng gbãng, nɔɔ kasɛ nɛɛ zang ri shing danggn ka Ruu Tɔ̃ɔ Laa.

1 Yɔhana 1:3

Vuu ɓɔɔ ruu zirɛ, ruu ti tãayi, ruu kɔ̀ɔ́ nɔɔ wukɔ. Tɔ̀ɔ, nɔ́ɔ nwang kaa jong nɛɛ ruu ka nyaa zɔɔ tɔ̃ɔ. Ruu nwàng ɓuru ka nyaa zɔɔ tɔ̃ɔ nɛɛ Daa ɓuru Laa, nɛɛ Jaa ɓiɓɛ Yeesɔ Kirisi.

1 Yɔhana 5:7

Vuu taati tùsú ruu rúu keɓe.