Yɔhana 16:22 - Nyaa Shɔɔ Ɓɔɔ Laa a Ɓɛɛ

²² Ɓɔɔ manɛ nwáng doo nɔngkɔ, kãntang keɓe, yeti manɛ lasɛ dòo katɔ. N a ditɔ ka bii manɛ tɔkn, nɔɔ naa tãa tĩnang ditɔ ka yeti manɛ dɔɔli. Zang ɓɔɔ zunung ɓɔɔ wu nwangsɛ tĩnang keɓe nɛɛ yeti manɛ kpang.

Yɔhana 16:22 ပူးပေါင်းရင်းမြစ်များ

Matiyu 28:8

A zang soro kaɓa, ri yaa nɔng yuu sàa kaa tantɛnang, nɛɛ vɔrɔ kaanang, nɛɛ tĩnang tãanang ning, a ri yurɛ, nɛɛ ri daa kɔɔ zang ɓɔɔ ri mantɛ vuu ka bii ɓiɓɛ ɓɛɛ.

Luka 10:42

Vuu ɓɔɔ zang kasɛ ɓi gbete kɔ nwani. Marayamu ya ɓɔɔ tɔ̃ɔ ɓi tɔ. Zang ɓɔɔ ta kagn nɛɛ naa ɓiɓɛ tɔkn kpang.”

Luka 16:25

“A Ibirayi kasɛ wu nyaa tɔɔ, ‘Man jaa, ɓɔɔ bɛ̀ɛ́ mɔɔ doo ka koo mɔɔ walɛ vuu tɔ̃ɔ, Liyazaru walɛ vuu tɔ̃ɔ ɓi kpang. Kãntang keɓe Liyazaru tãa ɓi kaa tĩnang ka nihn, mɔɔ ti dang ɓaa kaa jĩng.

Luka 19:26

N kɔ̀ɔ́ nɔɔ, zang ɓɔɔ vuu ɓiɓɛ kagn, zang naa gisi wukɔ vuu ɓɔɔgn ka yuu ɓiɓɛ tɔkn. Zang ɓɔɔ vuu ɓiɓɛ ka naa kpang, ɓɔɔ ka naa ɓiɓɛ tɔkɔlɔng, zang naa ta ditɔ.

Luka 24:41

Ɓɔɔ vuu bìí kpãa ri doo ka yeti, ka ruu tĩnang ɓɔɔ ri tãa ɓɛɛ. A ri ti kasɛ gn kpang kɔ sasak, ka ruu ɓɔɔ, vuu bìí nwang naa nɔngkɔ niizang kpang ɓɛɛ. A Yeesɔ hɛ̃ɛ ri nɛɛ, “Vuu shaanang kagn nɔng manɛ ka nihn ya?”

Yɔhana 14:1

Yeesɔ kɔɔ zang ɓɔɔ ri mantɛ vuu ka bii ɓiɓɛ tɔɔ, “Yeti manɛ wu lasɛ kpang. Nɔɔ shíng danggn ka bii Laa, nɔɔ ti shíng jong ka bii mɛɛ.

Yɔhana 14:19

Diki yaa kaa tɔkɔlɔng bɛ̀ɛ́ zang koo ri zi m takpang. Nɔɔ zi m manɛ katɔ, ka ruu ɓɔɔ, n naa nwang ningkãari, nɔɔ naa nwang ditɔ ningkãari jong.

Yɔhana 14:27

“Nɔɔ nwang waasɛ̃, vuu koo keɓe shing nɔɔ, nɔɔ nwáng waasɛ̃ kpang. Nwannang waasɛ̃ keɓe a ɓi nɛɛ bii mɛɛ. Yeti manɛ wu lasɛ kpang, nɔɔ ti kaa vɔrɔ kpang.

Yɔhana 16:16

“Diki yaa kaa tɔkɔlɔng bɛ̀ɛ́ nɔɔ zi m takpang, diki nɛɛ ti bee tɔ tɔkɔlɔng, nɔɔ zi m tɔkn.”

Yɔhana 16:20

N kɔ̀ɔ́ nɔɔ ruu ɓɔɔ niizang kɔ nwani, nɔɔ naa kaayi, nɔɔ ɓaa nyaavaa, zang koo ri tãa ɓarɛ tĩnang. Yeti manɛ naa lasɛ, yeti lasɛnang manɛ naa raa tĩnang tãanang ditɔ.

Yɔhana 16:6

Wee n kɔɔ nɔɔ kãntang ɓee, yeti manɛ lasɛ dɔɔli kaa tɔ kɔ jong.

Yɔhana 21:7

Yɔɔ ɓɔɔ mantɛ vuu ka bii Yeesɔ ɓɔɔ Yeesɔ kasɛ wu dɔɔli ɓɛɛ, kɔɔ Bituru tɔɔ, “Ɓi Kpanti Yeesɔ.” Ɓɔɔ Bituru tãayi nɛɛ ɓi Kpanti, lu fɔ̃ɔrɔ ɓɔɔ biling ɓiɓɛ ka bii (ka ruu ɓɔɔ, bɛ̀ɛ́ tùlù fɔ̃ɔrɔ katɔ ɓɛɛ.) A shɛ̃ɛ ka yeti mii nɛɛ wu daa ka bii Yeesɔ.

Yɔhana 4:14

Zang piti ɓɔɔ ɓoo mii ɓɔɔ n a wu, sutu mãa wu takpang, ka ruu ɓɔɔ, mii ɓɔɔ n a wu, nwàng kaa naa sɔlɔng mii ka yeti ɓiɓɛ ɓɛɛ. Sɔlɔng mii ɓɔɔ nwangsɛ mii ɓɔɔ á wu suru bii ɓɔɔ waa nyaa kpang ɓɛɛ.”

Zang Shonang Yeesɔ 13:52

Zang ɓɔɔ ri dũng Laa ri tãa tĩnang dɔɔli, Suru Laa ti a ka bìí ɓarɛ.

Zang Shonang Yeesɔ 16:25

Nɛɛ gãmbang zĩi Bulu nɛɛ Siila ri gàá Laa, ri ti gàá wu soo. Zang ɓɔɔ zang mã ri dòo ka sãa kɔ, ɓɔɔ nimbang, ri ɓaa shoo ri tãa ri.

Zang Shonang Yeesɔ 2:46

Ri kpálɛ̀ zɔɔ ka Gãa Laa diki diki. A ri ti shaa vuu ɓarɛ ka nyaa zɔɔ ka gãa ɓarɛ. Ri shaa vuu shaanang, ri tãa tĩnang, ri ti ta zɔɔ nɛɛ yeti gbete.

Zang Shonang Yeesɔ 5:41

Rɛɛ zang shonang Yeesɔ ri yaa nɔng ruu jɛ̃ɛnang ri tãa ɓarɛ tĩnang, nɛɛ Laa zirɛ ri daa naa ɓɔɔ ri dang jĩng ka ruu nung Yeesɔ tɔ.

2 Koranti 6:10

Zang làsɛ́ ruu yeti katɔ, a ruu tãa kaa tĩnang diki diki, mɔɔ kɔɔ nɛɛ vuu ka naa ɓuru kpang, a ɓi rukɔ shing zang ri wàlɛ́ vuu naa. Mɔɔ kɔɔ nɛɛ vuu ka naa ɓuru kpang, a ɓeekpang vuu piti ɓi ka naa ɓuru.

2 Tesalonika 2:16

Ruu gaa Kpanti ɓuru Yeesɔ Kirisi nɛɛ yuu ɓiɓɛ nɛɛ Daa ɓuru Laa ɓɔɔ ri kasɛ ruu ka tĩng, ɓɔɔ ka ruu tɔ̃ɔ ɓiɓɛ mã ruu danggn a shingnɛ ruu shing gn gbãng gbãng ɓɛɛ.

Yahudi 10:34

Ka ruu ɓɔɔ, gn zang ɓɔɔ zang mã ri ka sãa kɔng nɔɔ katɔ. Ɓɔɔ zang lasɛ vuu manɛ zang seeyi, yeti manɛ lasɛ kpang. Ka ruu ɓɔɔ, nɔɔ nɛɛ yuu manɛ, nɔɔ zi tɔ, nɛɛ vuu manɛ kagn ɓɔɔ ɓa weɓe katɔ, a ti nwang ɓi dòndòng ɓɛɛ.

Yahudi 6:18

Vuu keɓe ziti, vuu ɓɔɔ Laa tũng, nɛɛ nyaa ɓɔɔ wu a ɓɛɛ, ri kɔ̃sɔ kpang, a Laa ti suu sèé ka yuu ɓarɛ kpang. Ka ruu nɔngkɔ, rùu ɓɔɔ rùu yurɛ, ruu walɛ nɔng waanang, zang mã ruu danggn gbãng gbãng nɛɛ ruu yiti gn vuu ɓɔɔ zang shing ruu ka tĩng keɓe gbatagbata.

1 Bituru 1:8

Nɔɔ zi Yeesɔ gngn nɛɛ jĩng manɛ kpang, nɔɔ kasɛ ruu ɓiɓɛ doo nɛɛ mani, a nɔɔ ti shing danggn tɔ ka bii ɓiɓɛ, ka ruu nɔngkɔ, nɔɔ tã̀a tĩnang ka yeti manɛ dɔɔli ɓa ɓɔɔ zang kɔ̀ɔ́ nɛɛ nyaa ɓɛɛ katɔ.