Yɔhana 15:25 - Nyaa Shɔɔ Ɓɔɔ Laa a Ɓɛɛ

²⁵ Vuu keɓe, ɓèe ɓi nyaa vuu ɓɔɔ zang bee ka labeenang nyaa dannang ɓarɛ ɓɛɛ. Zang beeyi nɛɛ, ‘Ri bɛ̃ɛ m, n palɛ wu vuu ɓɔɔ kpang.’

Yɔhana 15:25 ပူးပေါင်းရင်းမြစ်များ

Matiyu 10:8

Nɔ́ɔ ti masɛ zang kɔnang, nɛɛ zang ɓɔɔ vuu bii shaa ri katɔ ɓɛɛ. Nɔ́ɔ ti wisi zang ɓɔɔ ri vɔ katɔ paa. Nɔ́ɔ ti nwangsɛ suru shi kpang. Nɔɔ tà waati, nɔɔ á zang doo waati kɔ.

Luka 24:44

A rang yee nɛɛ ri tɔɔ, “Wee yee mɛɛ ɓɔɔ n ràng nɔɔ bɛ̀ɛ́ n doo nɛɛ nɔɔ ning ɓɛɛ. N kɔɔ nɔɔ nɛɛ, vuu ɓɔɔ zang bee ka yuu mɛɛ ka yeti labeenang nyaa dannang Laa ɓɔɔ Musa, nɛɛ labeenang rɛɛ zang nyaa shonang Laa, a ɓɔɔ labeenang kpanti Dawuda ɓɔɔ zang ɓaa nɛɛ Zabura ɓɛɛ, nwang ditɔ niizang nandon.”

Yɔhana 10:34

Yeesɔ kɔɔ ri tɔɔ, “Zang bee ka yeti labeenang nyaa dannang manɛ nɛɛ Laa tɔɔ, ‘Nɔɔ nwang manɛ naa Laa.’

Yɔhana 13:18

“N kɔɔ ruu keɓe ka yuu manɛ nandon kpang. N zi zang ɓɔɔ n shɛ̃ɛrɛ ri m tɔ. Vuu keɓe nwáng nɔngkɔ, naa ɓɔɔ zang bee ka yeti Labeenang Laa ɓɛɛ. Labeenang Laa kɔɔyi tɔɔ, ‘Zang ɓɔɔ n basɛ borodi mɛɛ nɛɛ wu, ràa m yuu knti tɔ. Nwáng zang ɓɔɔ shing jĩng nɛɛ n kpang tɔ.’

Yɔhana 19:36

Zang palɛ vuu keɓe naa ɓɔɔ zang bee ka yeti labeenang Laa tɛ̃ɛ tɛ̃ɛ ɓɛɛ. Zang beeyi tɔɔ, “Zang ká kaka ɓiɓɛ gbete kpang.”

Rooma 3:19

Ruu zi ɓuru tɔ nɛɛ, vuu ɓɔɔ zang bèe ka yeti nyaa ɓɔɔ Laa dangnɛ, ɓi ɓɔ̀ɔ́ zang ɓɔɔ ri dũng ɓarɛ nyaa dannang keɓe ɓɛɛ. Tɔ̀ɔ, wu zãa shɔnzang nandon nyaa jãanang kati. Tɔ̀ɔ, wu shingnɛ Laa wu naa jɛ̃ɛ zang koo nandon ruu kati.

Rooma 3:24

A ka ruu tɔ̃ɔ ɓɔɔ Laa palɛ zang waati, Laa yaa ri gbalang vuu shi kpang ɓarɛ a shing ri tɔ, ri nwáng zang tɔ̃ɔ tɔ, ka tĩng ɓiɓɛ nɛɛ bii Yeesɔ Kirisi ɓɔɔ wukɔ ta yuu ɓarɛ ɓɛɛ.

2 Koranti 11:7

Wee n tɔɔ kpang nɛɛ, nɔ́ɔ shu m vuu ɓɔɔ kpang, ka ɓɔɔ n rang nɔɔ Ruu Tɔ̃ɔ Laa ɓee. Wee n tuu yuu kpang, tɔ̀ɔ, n risi nɔɔ, nɔɔ nwang zang bang kati ɓee. N palɛ vuu shi kpang ya?

Galati 2:21

N bɛ̃ɛ tɔ̃ɔ ɓɔɔ Laa pàlɛ̀ m ɓɛɛ kpang. Naa shɔnzang nwang zang tɔ̃ɔ ka tĩng Laa nɛɛ bii nyaa dannang katɔ, nwang ɓi kaa naa ɓɔɔ Kirisi vɔ ɓi kaa dalɛ waati ɓɛɛ.

2 Tesalonika 3:8

Diki diki naa zang yi ruu naa ka bii, ruu shu ri katɔ. Ruu palɛ shonang gbãng gbãng, ka ruu ɓɔɔ, ruu kasɛ kpang, zang ɓɔɔ wu shu ruu vuu ɓɔɔ kpang ɓɛɛ.

Vuu ɓɔɔ zang nwangsɛ Yɔhana 21:6

A ti kɔɔ m nɛɛ, “Zang hangsɛ vuu piti tɔ. Nkɔ Alafa nɛɛ Omɛga, ɓɔɔ tĩng shɔɔnang nɛɛ ɓɔɔ waa nyaa knti ɓɛɛ. Zang ɓɔɔ sutu nɛɛ mãa wu, n a wu mii ɓɔɔ nwang nɛɛ sɔlɔng mii, ɓɔɔ a zang suru bii ɓɔɔ waa nyaa kpang ɓɛɛ waati.

Vuu ɓɔɔ zang nwangsɛ Yɔhana 22:17

Suru Laa nɛɛ sinyɛ Jaa Mɛɛrɛ, ri kɔɔyi nɛɛ, “Arɛ” Zang piti ɓɔɔ nɛɛ tãa ruu keɓe tɔ, wu kɔɔ jong nɛɛ, “Arɛ” Zang ɓɔɔ sutu nɛɛ maa wu, wu arɛ, zang ɓɔɔ nɛɛ kasɛ katɔ, wu naa zã mii ɓɔɔ a zang suru bii ɓɔɔ waa nyaa kpang waati wu ɓooyi.