Yɔhana 15:24 - Nyaa Shɔɔ Ɓɔɔ Laa a Ɓɛɛ

²⁴ Naa n nɛɛ palɛ vuu ɓɔɔ, zang palɛ gngn kpang keɓe ka teteng ɓarɛ kpang, zang nɛɛ kɔɔ kpang nɛɛ ri palɛ vuu shi kpang tɔ kpang. Ri zi rɛɛ vuu ɓɔɔ zang zirɛ, zang mã naa ka danggn tɔ, a ri bɛ̃ɛ m doo nɛɛ mani, nɛɛ Daa mɛɛ piti.

Yɔhana 15:24 ပူးပေါင်းရင်းမြစ်များ

Matiyu 11:5

Zang jĩng ringtang ri zi nɔng kana, zang ɓɔɔ kàa katɔ ri ti ra kana, a kɔnang zang vuu bii ti yaa ri nɔng kana. Zang ɓɔɔ shoo gbooto ri ti tãa nɔng kana, n ti wisi zang ɓɔɔ ri vɔlɔ ɓɛɛ paa kana. Zang ti rǎng zang ɓɔɔ vuu ka naa kpang Ruu Tɔ̃ɔ Laa kana.

Matiyu 21:32

Ka ruu ɓɔɔ, Yɔhana arɛ, nɛɛ wu naa tusu nɔɔ gbalang nwannang ɓɔɔ tɔ̃ɔ, a nɔɔ shing danggn ka bii ɓiɓɛ kpang ɓɛɛ. Zang ɓɔɔ ri ta saka tipi, nɛɛ zang soro ɓɔɔ ri shing jĩng ka varɛ kãanang kɔ ri shing danggn ka bii ɓiɓɛ jong. Ɓɔɔ nɔɔ ti naa zi tɔɔ naa weɓe, nɔɔ ti kɔ̃sɔ yeti manɛ, nɔɔ shing danggn ka bii ɓiɓɛ kpang.”

Matiyu 9:33

Yeesɔ nwangsɛ suru shi kpang tɔ, a zang ɓɔɔ nyaa nɔɔ katɔ naa rang yee kati. Ɓɔɔ zang ɓɔɔ ri kpalɛ zɔɔ ka bii Yeesɔ ri zi naa weɓe, ri mã naa ka danggn, a ri kɔɔyi tɔɔ, “Ruu zi vuu ɓɔɔ naa weɓe gngn ka tipi Isirela kpang.”

Maraku 2:12

A yɔɔ ɓɔɔ bii vɔ katɔ seepaa tantɛnang tuu siri ɓiɓɛ, ra ka jĩng zang nandon, a daayi. Ɓɔɔ zang ɓɔɔ ri kpalɛ zɔɔ ri zi naa weɓe, ri mã naa ka danggn. A ri dɔɔ Kpanti Laa. Ri tɔɔ “Ruu zi vuu ɓɔɔ naa weɓe, gngn kpang.”

Luka 24:19

A hɛ̃ɛ ri nɛɛ “Ɓu vi palɛ viya?” A ri kasɛ wu nyaa nɛɛ, “Vuu ɓɔɔ zang palɛ Yeesɔ yɔɔ Nazara, zang nyaa shonang Laa. Ɓɔɔ Laa a wu naa, nɛɛ wu palɛ vuu bang bang, nɛɛ wu ti rang zang piti yee, wu kaa vɔrɔ kpang ɓɛɛ. Zang piti a wu bannang katɔ.

Yɔhana 10:32

Yeesɔ kɔɔ ri tɔɔ, “N pálɛ́ vuu tɔ̃ɔ tɔ dɔɔli, ɓɔɔ Daa a m naa nɛɛ n palɛ ɓɛɛ. Nɔɔ luku m, ɓu ka ruu wi ka teteng ɓarɛ gbete wiya?”

Yɔhana 10:37

Nɔ́ɔ shing danggn ka bii mɛɛ kpang, n nɛɛ palɛ vuu ɓɔɔ Daa mɛɛ palɛ kpang ɓɛɛ.

Yɔhana 12:10

Rɛɛ zang bang bang zang ɓɔɔ ri dɔɔ vuu ka Gãa Laa, ri mangnɛ, nɛɛ ri nyɔ Liyazaru vɔrɔ jong.

Yɔhana 12:45

Zang ɓɔɔ nɛɛ zi m tɔ, zi zang ɓɔɔ shong m tɔ.

Yɔhana 14:9

Yeesɔ kasɛ wu nyaa tɔɔ, “Filibu, n nwáng tɔ, nɛɛ nɔɔ diki mɛɛ bee tɔ, mɔɔ zi m nung gn kpang ya? Zang ɓɔɔ nɛɛ zi m tɔ, zi Daa tɔ. A mɔɔ kɔɔ m ka ruu vi nɛɛ, n shìng nɔɔ ta, nɔɔ zi Daa nung viya?

Yɔhana 15:21

Ri palɛ nɔɔ vuu keɓe piti, ka ruu ɓɔɔ, nɔɔ zang mɛɛ ɓɛɛ. A ri ti zi zang ɓɔɔ shong m kpang ɓɛɛ.

Yɔhana 15:22

Naa n nɛ̀ɛ́ á tɔ, n nɛ̀ɛ́ ràng ri ruu tɔ kpang, zang nɛɛ tɔɔ kpang nɛɛ ri palɛ vuu shi kpang tɔ kpang. Kãntang keɓe, n a tɔ, n tusu ri vuu shi kpang tɔ ri ti yaa kpang, vuu ɓɔɔ ri kɔɔ ɓɛɛ takpang.

Yɔhana 15:23

Zang ɓɔɔ nɛɛ bɛ̃ɛ m, bɛ̃ɛ Daa mɛɛ ɓi doo katɔ kɔ.

Yɔhana 16:9

Naa dɔ̌ng ri ruu ka ruu vuu shi kpang palɛnang, ka ruu ɓɔɔ, ri shing danggn ka bii mɛɛ kpang ɓɛɛ.

Yɔhana 3:2

Yɔɔ keɓe, diki ɓɔɔ kagn daa ka bìí Yeesɔ nɛɛ zĩi. Kɔɔ Yeesɔ tɔɔ, “Maalang, ruu zi ɓuru tɔ nɛɛ mɔɔ ɓaa maalang ɓɔɔ a nɛɛ bii Laa ɓɛɛ, ka ruu ɓɔɔ, naa wu zang ɓɔɔ Laa nɛɛ wu kpang, zang ɓɔɔ zunung vuu ɓɔɔ zang zirɛ zang mã naa ka danggn kɔ mɔɔ pálɛ̀ ɓɛɛ gbete kpang.”

Yɔhana 5:36

Vuu ɓɔɔ n palɛ, tusu zang vuu ka yuu mɛɛ, ɓa vuu ɓɔɔ Yɔhana kɔɔ ka yuu mɛɛ katɔ. Shonang ɓɔɔ Daa mɛɛ a m nɛɛ n palɛ kɔ, n palɛ ɓee. Wukɔ tusu zang, tɔɔ zang zi kagn nɛɛ Daa kɔ shong m.

Yɔhana 6:36

Naa ɓaasi n kɔ nɔɔ ɓɛɛ nɔɔ zi m tɔ nɔɔ ti shing danggn gn ka bii mɛɛ kpang.

Yɔhana 7:31

Zang dɔɔli ka teteng zang ɓɔɔ ri kpalɛ zɔɔ ri shing danggn ka bii ɓiɓɛ. A ri kɔɔrɔ nɛɛ, “Naa Kirisi arɛ, naa palɛ vuu ɓɔɔ zang zirɛ zang mã naa ka danggn ɓa ɓɔɔ yɔɔ keɓe ɓu katɔ ya?”

Yɔhana 9:32

Ɓu dòo ɓɔɔ koo gaayu katɔ ɓɛɛ, ruu tãa gngn nɛɛ zang ɓɔɔ másɛ̀ zang ɓɔɔ zang yi wu jĩng ringtang kpang.

Yɔhana 9:41

Yeesɔ kɔɔ ri tɔɔ, “Naa jĩng manɛ nɛɛ zuu katɔ, zang nɛɛ kɔ̀ɔ kpang nɛɛ nɔɔ palɛ vuu shi kpang tɔ kpang. Ka ruu ɓɔɔ, nɔɔ kɔɔyi nɛɛ nɔɔ zi nɔng manɛ katɔ, vuu shi kpang manɛ nwáng tɔ ka bii manɛ ka nɔngkɔ.”

Zang Shonang Yeesɔ 10:38

Ruu keɓe ɓi ruu Yeesɔ yɔɔ Nazara. Ɓɔɔ Laa a wu Suru ɓiɓɛ, nɛɛ naa vuu palɛnang ɓɛɛ. Yeesɔ keɓe daarɛ nɛɛ nɔng piti piti, pàlɛ́ zang tɔ̃ɔ, ti masɛ zang ɓɔɔ suru shi kpang ka bii ɓarɛ nandon, ka ruu ɓɔɔ, Laa nɛɛ wu ɓɛɛ.

Zang Shonang Yeesɔ 2:22

“Nɔɔ ɓaa shoo ka ruu keɓe, rɛɛ manzung zang Isirela. Yeesɔ yɔɔ Nazara, zang ɓɔɔ Laa tùsù nɔɔ wu ka vuu bang bang ɓɔɔ zang zirɛ zang mã naa ka danggn, ɓɔɔ Laa palɛ nɛɛ naa ɓiɓɛ ka teteng manɛ ɓɛɛ. Naa ɓɔɔ nɔɔ ti zi tɔ ɓɛɛ.

Rooma 1:30

Ri rang yee shi kpang ka yuu zɔɔ, ri kasɛ Laa kpang, ri tuu yuu ɓarɛ dɔɔli, ri ti kɔɔrɔ ruu bang bang ka yuu ɓarɛ. Ri nwangsɛ vuu shi kpang ka zɔ̃ng zɔ̃ng, ri ɓaa shoo ka nyaa zang ɓɔɔ ri yi ri ɓɛɛ kpang.

2 Timoti 3:4

Ri ɓarɛ zang ɓɔɔ mɔɔ shing gn ka bii ɓarɛ kpang. Ri naa rɛ̃̀rɛ̀ ka gbongkarɛ tɔ̀ɔ, ri pálɛ́ vuu kpang, ri naa lakɛ jĩng dɔɔli. Ri naa kasɛ vuu ɓɔɔ ri tãa tĩnang kagn ɓa ɓɔɔ ri kasɛ Laa katɔ.

Yakubu 4:4

Nɔɔ zi kpang nɛɛ naa nɔɔ yi wusang nɛɛ vuu koo keɓe nɔɔ nwang naa zang ɓɔɔ palɛ dũndũng ɓɛɛ kpang ya? Zang keɓe nwang ɓi kaa zang ɓɔɔ gaa nyaa nɛɛ Laa ɓɛɛ. Ka ruu nɔngkɔ, zang ɓɔɔ nɛɛ kasɛ ruu koo keɓe risi yuu ɓiɓɛ kaa zang ɓɔɔ gaa nyaa nɛɛ Laa ɓɛɛ.