Yɔhana 15:22 - Nyaa Shɔɔ Ɓɔɔ Laa a Ɓɛɛ

²² Naa n nɛ̀ɛ́ á tɔ, n nɛ̀ɛ́ ràng ri ruu tɔ kpang, zang nɛɛ tɔɔ kpang nɛɛ ri palɛ vuu shi kpang tɔ kpang. Kãntang keɓe, n a tɔ, n tusu ri vuu shi kpang tɔ ri ti yaa kpang, vuu ɓɔɔ ri kɔɔ ɓɛɛ takpang.

Yɔhana 15:22 ပူးပေါင်းရင်းမြစ်များ

Luka 12:46

Dabang gãa zang shonang kaɓa, naa a ka diki ɓɔɔ zang shonang kaɓa shing gn anang ɓiɓɛ kpang ɓɛɛ. Dabang gãa ɓiɓɛ naa dang wu jĩng gbãng gbãng, wu daa shing wu nɛɛ zang ɓɔɔ ri shing danggn ka bii Laa kpang ɓɛɛ.

Yɔhana 12:48

Zang ɓɔɔ nɛɛ bɛ̃ɛ m, nɛɛ ti ta ruu mɛɛ kpang, zang ɓɔɔ dɔng wu ruu kagn. Ruu mɛɛ ɓɔɔ n kɔɔ ɓɛɛ, wukɔ naa dɔng wu ruu ka diki ɓɔɔ koo waa nyaa ɓɛɛ.

Yɔhana 15:23

Zang ɓɔɔ nɛɛ bɛ̃ɛ m, bɛ̃ɛ Daa mɛɛ ɓi doo katɔ kɔ.

Yɔhana 15:24

Naa n nɛɛ palɛ vuu ɓɔɔ, zang palɛ gngn kpang keɓe ka teteng ɓarɛ kpang, zang nɛɛ kɔɔ kpang nɛɛ ri palɛ vuu shi kpang tɔ kpang. Ri zi rɛɛ vuu ɓɔɔ zang zirɛ, zang mã naa ka danggn tɔ, a ri bɛ̃ɛ m doo nɛɛ mani, nɛɛ Daa mɛɛ piti.

Yɔhana 16:9

Naa dɔ̌ng ri ruu ka ruu vuu shi kpang palɛnang, ka ruu ɓɔɔ, ri shing danggn ka bii mɛɛ kpang ɓɛɛ.

Yɔhana 19:11

Yeesɔ kasɛ wu nyaa tɔɔ, “Mɔɔ nɛ̀ɛ́ zunung ɓɔɔ mɔɔ pàlɛ́ m vuu ɓɔɔ kpang, naa Laa nɛ̀ɛ́ a mɔɔ naa kpang ɓɛɛ. Ka ruu nɔngkɔ, vuu shi kpang zang ɓɔɔ ri a mɔɔ n ka naa kɔ, ɓa ɓɔɔ ɓaaɓɛ.”

Yɔhana 9:41

Yeesɔ kɔɔ ri tɔɔ, “Naa jĩng manɛ nɛɛ zuu katɔ, zang nɛɛ kɔ̀ɔ kpang nɛɛ nɔɔ palɛ vuu shi kpang tɔ kpang. Ka ruu ɓɔɔ, nɔɔ kɔɔyi nɛɛ nɔɔ zi nɔng manɛ katɔ, vuu shi kpang manɛ nwáng tɔ ka bii manɛ ka nɔngkɔ.”

Zang Shonang Yeesɔ 17:30

Rɛɛ sáa ɓɔɔ bɛ̀ɛ́ nɔɔ zi vuu ɓɔɔ kagn kpang, Laa gã̀ ɓi takpang. Ɓɔɔ kãntang keɓe, Laa dang zang nyaa ka niya nandon, nɛɛ ri kɔ̃sɔ yeti ɓarɛ.

Rooma 1:20

Ɓɔɔ bɛ̀ɛ́ Laa mãa koo gn kpang, vuu ɓɔɔ zang zi kpang ka yuu ɓiɓɛ, naa vuu palɛnang ɓiɓɛ nɛɛ nwannang ɓiɓɛ, ri zi tɔ gbayi gbayi. Zang ri zili vuu keɓe katɔ ka vuu ɓɔɔ Laa mãarɛ ɓɛɛ. Ka ruu nɔngkɔ, vuu ɓɔɔ ri jãa nyaa kagn ɓɛɛ kpang.

Rooma 2:1

Masang, mɔɔ kɔɔ zang katɔ nɛɛ zang ri palɛ vuu shi kpang tɔ ya? Naa mɔɔ doo zang kiya, daa naa ɓɔɔ mɔɔ kɔɔ zang ɓɔɔ nɔngkɔ kpang. Ka ruu ɓɔɔ naa mɔɔ dɔng zang ɓɔɔ ruu ka yuu vuu ɓɔɔ ri palɛ, a mɔɔ palɛ doo vuu ɓɔɔ ri palɛ ɓɛɛ kɔ, mɔɔ dɔng ɓaa yuu ɓaaɓɛ ruu.

Yakubu 4:17

Ka ruu nɔngkɔ, zang ɓɔɔ nɛɛ zi vuu tɔ̃ɔ naa ɓɔɔ wu nɛɛ palɛ, a nɛɛ palɛ kpang, palɛ ɓi vuu shi kpang.

1 Bituru 2:16

Nɔɔ nwàng manɛ naa zang ɓɔɔ ri jaafoo zang ɓɔɔ kpang ɓɛɛ. Nɔ́ɔ tɔɔ kpang nɛɛ wee nɔɔ jaafoo zang ɓɔɔ kpang ɓee, nɔɔ walɛ gbalang vuu shi kpang palɛnang tɔ kpang. Nɔɔ nwáng nwannang ɓɔɔ daa naa ɓɔ̀ɔ́ zang ɓɔɔ ri pàlɛ́ Laa shonang ɓɛɛ kati.