Yɔhana 15:20 - Nyaa Shɔɔ Ɓɔɔ Laa a Ɓɛɛ

²⁰ Danggn wu ning nɔɔ vuu ɓɔɔ n kɔɔ nɔɔ ɓee kpang. N kɔɔ nɔɔ nɛɛ, ‘Zang shonang ɓɔɔ ɓa dabang gãa ɓiɓɛ katɔ ɓi kagn kpang.’ Zang ɓɔɔ ri dang m jĩng, ri naa dang nɔɔ jĩng doo katɔ kɔ. Ri nɛɛ ɓaa shoo ka vuu ɓɔɔ n tùsù ri, ri naa ɓaa shoo katɔ ka ɓɔɔ manɛ kɔ doori.

Yɔhana 15:20 ပူးပေါင်းရင်းမြစ်များ

Matiyu 10:24

“Zang ɓɔɔ mantɛ vuu, ɓa zang ɓɔɔ tusu wu vuu kpang. Zang shonang ti ɓa dabang gãa ɓiɓɛ kpang.

Maraku 10:39

A ri kasɛ Yeesɔ nyaa tɔɔ, “Ruu zunung katɔ.” A Yeesɔ kɔɔ ri tɔɔ, “Nɔɔ zunung jĩng dannang ɓɔɔ n dang ɓi katɔ, zang ti naa palɛ nɔɔ batizima ɓɔɔ zang palɛ m ɓi katɔ.

Luka 2:34

Simiyon shìng ri naa ka yuu ɓarɛ, a gaa ri Laa kati. Kɔɔ Marayamu nàá Yeesɔ tɔɔ, “Laa zɔ̃ng jaa keɓe nɛɛ wu naa nwáng zang ɓɔɔ zang Isirela dɔɔli naa shaarɛ ka ruu ɓiɓɛ. Zang dɔɔli ti naa ta yuu ɓarɛ, ka ruu ɓiɓɛ. Wu ti naa nwáng zang ɓɔɔ zang rang wu katɔ ɓɛɛ.

Luka 6:40

Zang ɓɔɔ mantɛ vuu, ɓa zang ɓɔɔ tusu wu vuu ɓi kpang. Nɛɛ mantɛ vuu tɔ piti, naa nwang ɓi kaa doo naa zang ɓɔɔ tusu wu vuu kɔ.

Yɔhana 10:31

A zang Yahudi ri daa yakɛ tari tɔkn, nɛɛ ri luku wu nɛɛ mani.

Yɔhana 11:57

Rɛɛ zang bang bang zang ɓɔɔ ri dɔɔ vuu ka Gãa Laa nɛɛ rɛɛ zang Farisi, ri kɔɔ zang nɛɛ, zang ɓɔɔ nɛɛ zi nɔng ɓɔɔ Yeesɔ kagn tɔ, wu naa kɔɔ ri, ri daa yi wu.

Yɔhana 13:16

N kɔ̀ɔ́ nɔɔ ruu ɓɔɔ niizang kɔ nwani, zang ɓɔɔ pàlɛ́ zang shonang, ɓa dabang gãa ɓiɓɛ ɓi kpang. Zang nyaa shonang ti ɓa zang ɓɔɔ shong wu ɓi kpang.

Yɔhana 5:16

Ka ruu ɓɔɔ, Yeesɔ palɛ vuu keɓe ka Diki Ɔ̃sɔnang, rɛɛ zang bang bang zang Yahudi ri gaayu gbalang kãanang ɓɔɔ ri kpãa wu ɓɛɛ.

Yɔhana 7:32

Zang Farisi ri tãa naa ɓɔɔ zang ri rangkɛ yee keɓe nɛɛ nwĩiri ka yuu Yeesɔ ɓɛɛ. A ri nɛɛ rɛɛ zang bang zang ɓɔɔ ri dɔɔ vuu ka Gãa Laa ɓɛɛ, ri shong zang ɓɔɔ ka teteng zang ɓɔɔ ri gã Gãa Laa nɛɛ ri daa yi wu.

Yɔhana 8:51

N kɔ̀ɔ́ nɔɔ, ruu ɓɔɔ niizang kɔ nwani, zang ɓɔɔ nɛɛ yiti ruu mɛɛ ka yeti ɓiɓɛ vɔ kpang dòndòng.”

Yɔhana 8:52

Ɓɔɔ zang Yahudi ri tãa naa weɓe, ri tɔɔ, “Ruu zi tɔ kati, suru shi kpang kagn bii ɓaaɓɛ. Ibirayi vɔ tɔ, nɛɛ rɛɛ zang nyaa shonang Laa piti, mɔɔ kɔɔ ruu ɓáa nɛɛ zang ɓɔɔ nɛɛ yiti ruu ɓaaɓɛ ka yeti ɓiɓɛ, vɔ kpang ya?

Yɔhana 8:59

Ka ruu nɔngkɔ, ri yakɛ tari nɛɛ ri luku wu kaa tɔ. Waasɛ yuu ɓiɓɛ, nwang nɛɛ nwĩiri yaa Gãa Laa.

Zang Shonang Yeesɔ 14:22

Ri mã zang ɓɔɔ ri shing danggn tɔ danggn, ri kɔɔ ri nɛɛ ri yáa danggn kɔ ri shing ɓee kpang. Ri kɔɔyi nɛɛ, “Rùu dàng jĩng dɔɔli ka gbongkarɛ, tɔ̀ɔ, ruu daa nɔng ɓɔɔ Laa roo kpanti ɓɛɛ kati.”

1 Koranti 4:12

Ruu palɛ shonang nɛɛ naa ɓuru gbãng gbãng. Zang nɛɛ dãlɛ ruu, ruu gaa ri Laa nɛɛ, Laa wu palɛ ri tɔ̃ɔ. Zang dang ruu jĩng a ruu mã danggn.

2 Koranti 4:9

Zang ɓɔɔ ri shing jĩng nɛɛ ruu kpang, ri dɔɔli, a Laa yaa ruu kpang. Lee ɓɔɔ zang nyɔ ruu, ruu roo ka tipi, a ruu vɔ kaa takpang.

1 Tesalonika 2:15

Zang Yahudi ɓɔɔ ri nyɔ rɛɛ zang nyaa shonang Laa nɛɛ kpanti Yeesɔ vɔrɔ, a ri ti hing ruu ɓɛɛ. Laa tãa tĩnang ɓarɛ kpang tingkiring. Ri ti shing jĩng nɛɛ zang ɓɔɔ kpang tingkiring.

2 Timoti 3:12

Zang piti ɓɔɔ nɛɛ kasɛ wu nwang zang ɓɔɔ dũng Laa gbãng gbãng ka ɓɔɔ wu ɓakɛ yuu nɛɛ Yeesɔ Kirisi, zang dang wu jĩng katɔ.