Yɔhana 14:26 - Nyaa Shɔɔ Ɓɔɔ Laa a Ɓɛɛ

²⁶ Suru Laa ɓɔɔ Daa naa shong wu ka nung mɛɛ, naa tusu nɔɔ vuu ditɔ nandon. Wu ti kpaa nɔɔ danggn vuu ɓɔɔ n kɔ̀ɔ nɔɔ ɓɛɛ nandon.

Yɔhana 14:26 ပူးပေါင်းရင်းမြစ်များ

Matiyu 1:18

Wee naa ɓɔɔ zang yi Yeesɔ Kirisi ɓɛɛ. Yusufu hangsɛ nyaa Marayamu geenang tɔ nandon, a ɓang bii kaa gngn nɛɛ wu kpang. A Marayamu zirɛ nɛɛ wu tuu jaa tɔ kaa nɛɛ bii Suru Kpanti Laa.

Matiyu 1:20

Ɓɔɔ wu rɛ̃rɛ doo ka naa ɓɛɛ, zang nyaa shonang Kpanti Laa ɓɔɔ ka lapa, naa a ka bìí ɓiɓɛ, a kɔɔ wu ka yeti rɔ̃kɔnang tɔɔ, “Yusufu jaa zɔ̃ng Dawuda, mɔ́ɔ káa vɔrɔ soro ɓaaɓɛ Marayamu shinnang kpang. Jaa kɔ wu tuu ka yeti ɓee, a ɓi nɛɛ bìí Suru Laa.

Matiyu 28:19

Ka ruu nɔngkɔ, nɔɔ dita, nɔɔ daa kɔɔ zang tipi ɓɔɔ ka koo keɓe nandon ruu mɛɛ, tɔɔ, ri nwang zang ɓɔɔ ri dũng m kati. Nɔɔ ti palɛ ri batizima nɛɛ nung Daa mɛɛ Laa, nɛɛ ɓɔɔ mɛɛ Jaa ɓiɓɛ, nɛɛ ɓɔɔ Suru Laa.

Matiyu 3:11

“N pàlɛ́ nɔɔ batizima m nɛɛ mii, ka ruu yeti ɓɔɔ nɔɔ kɔ̃sɔ ɓɛɛ. Zang ɓɔɔ a ka knti mɛɛ, ɓá m bannang katɔ, n daa naa ɓɔɔ n tu koodoo ɓiɓɛ kpang. Wukɔ naa palɛ nɔɔ batizima nɛɛ Suru Laa nɛɛ waa.

Maraku 12:36

Suru Laa kɔɔ nɛɛ nyaa Dawuda tɔɔ, “ ‘Kpanti Laa kɔɔ Kpanti mɛɛ tɔɔ, “Nwang ka naa nakn mɛɛ, n shing zang ɓɔɔ ri shing jĩng nɛɛ mɔɔ kpang ditɔ, mɔɔ naa ri nɛɛ doo ɓaaɓɛ.” ’

Maraku 13:11

Zang nɛɛ atɛ nɔɔ tɔ ka nɔng ɓɔɔ zang jɛ̃ɛ zang ruu, nɔɔ rɛ̃rɛ vuu ɓɔɔ nɔɔ naa kɔɔ zang ɓɛɛ kpang. Zang nɛɛ hɛ̃ɛ nɔɔ tɔ, nɔɔ kɔɔ zang vuu ɓɔɔ Laa a nɔɔ ɓɛɛ, ka ruu ɓɔɔ, ɓi nɔkɔ rang yee kpang, ɓi Suru Laa rang nɛɛ nyaa manɛ ɓɛɛ.

Luka 1:15

Náa nwang zang bang ka tĩng Kpanti Laa. Naa ɓoo sàa ɓi kpang. Ti naa ɓoo vuu ɓɔɔ zã katɔ ɓɔɔ palɛ zang ɓi kpang. Suru Laa naa gaayu nwannang ka bii ɓiɓɛ bɛ̀ɛ́ wu doo ka yeti niiɓɛ.

Luka 1:35

A zang nyaa shonang Laa kɔɔ wu tɔɔ, “Suru Laa naa a ditɔ ka bii ɓaaɓɛ. Náa bannang Laa naa zuu mɔɔ ditɔ. Ka ruu nɔngkɔ, jaa ɓɔɔ vuu shi kpang ɓi ka yeti ɓiɓɛ kpang kɔ mɔɔ naa yi ɓee, zang naa ɓaa wu nɛɛ Jaa Laa.

Luka 1:41

Ɓɔɔ Alisabatu tãa nyaa ɓɔɔ Marayamu jee wu hn, jaa ɓɔɔ wu tuu ka yeti ruutu bii. A Suru Laa naa arɛ nwang ka yeti Alisabatu,

Luka 1:67

A Suru Laa a ka bii Zakariya daa Yɔhana, a Zakariya kɔɔ zang yee Laa kati tɔɔ,

Luka 11:13

Ɓɔɔ nɔɔ shi kpang, nɔɔ zunung ɓɔɔ nɔɔ a wujɛ manɛ vuu tɔ̃ɔ katɔ ka tansi Daa manɛ Laa ɓɔɔ ka lapa ɓɛɛ ya? Zunung ɓɔɔ wu a zang ɓɔɔ ri gaa wu suru tɔ̃ɔ kpang ya?”

Luka 2:25

Ka diki kaɓa, yɔɔ ɓɔɔ kagn Urushalima, zang ɓaa wu nɛɛ Simiyon. Simiyon zang ɓɔɔ kasɛ Ruu Laa katɔ, a ti ɓaa shoo ka nyaa ɓɔɔ Laa dang ɓɛɛ tɔ̃ɔ tɔ̃ɔ. Bɛɛ Simiyon kaɓa gã ɓi diki ɓɔɔ Laa naa ta yuu zang Isirela ɓɛɛ. Suru Laa ɓi kagn bii ɓiɓɛ.

Luka 24:49

N shong nɔɔ nyaa, vuu ɓɔɔ Daa mɛɛ kɔɔyi nɛɛ wu a nɔɔ ɓɛɛ. Nɔ́ɔ nwang ka gari Urushalima ka gbongkarɛ, Suru Laa wu a ka yuu manɛ.”

Luka 3:22

a Suru Laa shooro kaa naa koro ka yuu ɓiɓɛ. A ri tãa yee nɛɛ lapa nɛɛ, “Mɔkɔ Jaa mɛɛ ɓɔɔ yeti mɛɛ kasɛ gbãng gbãng ɓɛɛ.”

Yɔhana 1:33

N nɛɛ ti zi m kpang nɛɛ wukɔ kpang. Laa ɓɔɔ shɔng m nɛɛ n naa pàlɛ̀ zang batizima nɛɛ mii, wukɔ kɔɔ m tɔɔ, ‘Zang ɓɔɔ mɔɔ zirɛ Suru Laa arɛ naa nwàng ka yuu ɓiɓɛ, zang keɓe kɔ naa pàlɛ́ zang batizima nɛɛ Suru Laa.’

Yɔhana 12:16

Bɛɛ rɛɛ zang ɓɔɔ ri mantɛ vuu ka bii ɓiɓɛ, ri zi vuu ɓɔɔ zang bee keɓe gn kpang. Ri naa zi kaa nɛɛ knti ka ɓɔɔ bɛ̀ɛ́ zang wisi Yeesɔ paa tɔ, Laa ti a wu bannang tɔ ɓɛɛ. Ri naa kpaa danggn kati nɛɛ zang bee vuu keɓe katɔ ka yuu ɓiɓɛ, a zang ti pàlɛ̀ wu vuu bìí tɔ.

Yɔhana 14:16

N ti gàá Daa, wu a nɔɔ zang ɓɔɔ naa yi nɔɔ naa ka bii ɓɔɔgn wu naa nwang nɛɛ nɔɔ dòndòng.

Yɔhana 14:25

“N kɔɔ nɔɔ vuu keɓe tɔ, ka wee n nwàng doo nɛɛ nɔɔ ɓee.

Yɔhana 15:26

“Danggn wu ning nɔɔ kpang, zang ɓɔɔ naa yi nɔɔ naa ka bii a ditɔ. N nɛɛ dàá tɔ bii Daa mɛɛ, n shong nɔɔ wu ditɔ. Zang keɓe wukɔ Suru ɓɔɔ a nɛɛ bii Laa ɓɛɛ, wukɔ tusu zang ruu ɓɔɔ niizang ka yuu Laa. Wukɔ naa kɔ̀ɔ́ zang ruu ka yuu mɛɛ.

Yɔhana 16:7

N kɔ̀ɔ́ nɔɔ ruu ɓɔɔ niizang kɔ nwani, daanang mɛɛ kɔ tɔ̃ɔ, ka ruu ɓɔɔ, naa n daa kpang, zang ɓɔɔ naa yi nɔɔ naa ka bii ɓɔɔ wukɔ Suru Laa, a nɔng manɛ kpang. N nɛɛ daa tɔ, n shong wu kati wu a kaa nɔng manɛ.

Yɔhana 2:22

Ka ɓɔɔ Laa naa wisi wu paa nɛɛ sàa, zang ɓɔɔ ri mantɛ vuu ka bii ɓiɓɛ ri naa kpaa danggn kati nɛɛ bɛ̀ɛ́ kɔ̀ɔ ri vuu keɓe tɔ kagn. A ri shing danggn kaa vuu ɓɔɔ zang bee ka yeti labeenang Laa, nɛɛ vuu ɓɔɔ Yeesɔ kɔ̀ɔ ɓɛɛ ning.

Yɔhana 20:22

Kɔ̀ɔ́ tɔ naa weɓe, a sha ɔ̃kɔnang ɓiɓɛ nɛɛ nyaa ka bii ɓarɛ, a kɔɔyi tɔɔ, “Nɔɔ ta Suru tɔ̃ɔ Laa ta.

Yɔhana 6:45

Rɛɛ zang nyaa shonang Laa ri beeyi nɛɛ, ‘Ri nandon Laa kɔ naa tusu ri vuu.’ Zang ɓɔɔ nɛɛ ɓaa shoo ka vuu ɓɔɔ Daa mɛɛ tusu, nɛɛ ti mantɛ vuu ka bii ɓiɓɛ, a katɔ ka bii mɛɛ.

Yɔhana 7:39

Yeesɔ kɔɔ ruu keɓe, ɓi ka yuu Suru Laa ɓɔɔ Laa naa a zang ɓɔɔ ri shing danggn ka bii Yeesɔ ɓɛɛ. Ka laa kaɓa, bɛ̀ɛ́ Laa a ri Suru bii gn kpang, ka ruu ɓɔɔ bɛ̀ɛ́ zang wisi Yeesɔ paa gn nɛɛ sàa, zang a wu bannang kpang ɓɛɛ.

Zang Shonang Yeesɔ 1:2

à nɛɛ mani ka diki ɓɔɔ Laa tuu wu daa nɛɛ wu ka lapa ɓɛɛ. Ɓɔɔ bɛ̀ɛ́ daa lapa gn kpang, Suru Laa yi wu naa ka bii, a rang rɛɛ zang ɓɔɔ wu shɛ̃ɛrɛ ri nɛɛ ri nwang zang ɓɔɔ wu shong ri ɓɛɛ yee.

Zang Shonang Yeesɔ 1:4

Diki ɓɔɔ bɛ̀ɛ́ shaa vuu shaanang nɛɛ ri nɔng gbete, kɔɔ ri tɔɔ, “Nɔ́ɔ yaa Urushalima kpang. Nɔɔ gã vuu ɓɔɔ n kɔɔ nɔɔ ɓɛɛ, vuu ɓɔɔ Daa a nyaa nɛɛ wu a nɔɔ ɓɛɛ.

Zang Shonang Yeesɔ 1:8

Diki ɓɔɔ Suru Laa a ka bii manɛ, nɔɔ nwáng zang ɓɔɔ ri kɔ̀ɔ́ ruu ka yuu mɛɛ ka gari Urushalima, nɛɛ tipi Yahudi nandon, nɛɛ tipi Samariya, nɔɔ daa nɛɛ mani ka nɔng ɓɔɔ koo waa nyaa ɓɛɛ”.

Zang Shonang Yeesɔ 11:16

A n kpàa danggn ruu ɓɔɔ Kpanti Yeesɔ kɔɔyi tɔɔ, ‘Yɔhana palɛ nɔɔ batizima ɓi nɛɛ mii, zang naa palɛ nɔɔ manɛ nɛɛ Suru Laa’ ɓɛɛ.

Zang Shonang Yeesɔ 13:2

Diki ɓɔɔgn ri bang Laa, a ri seng nyaalaa a Suru Laa kɔɔ ri tɔɔ, “Nɔɔ zɔ̃ng m Shaawulu nɛɛ Baranaba ka ruu shonang, ɓɔɔ n ɓàa ri nyaa ɓɛɛ.”

Zang Shonang Yeesɔ 13:4

Baranaba nɛɛ Shaawulu ɓɔɔ Suru Laa shɔng ri, ri daa ka gari Selusiya. Ri vang laana nɛɛ Selusiya ri daa ka Kuburu.

Zang Shonang Yeesɔ 15:28

Nyaa ɓuru daa gbete nɛɛ Suru Laa nɛɛ ruu gisi nɔɔ vuu ɓɔɔ tɔ̀ɔ́ ka yuu rɛɛ vuu ɓɔɔ daa naa ɓɔɔ nɔɔ palɛ katɔ ɓɛɛ kpang.

Zang Shonang Yeesɔ 15:8

Laa ɓɔɔ zi rɛ̃rɛnang zang tɔ nandon, tusu nɛɛ ri daa wu yeti tɔ, ka ɓɔɔ a ri Suru ɓiɓɛ naa ɓɔɔ wu a ruu ɓɛɛ.

Zang Shonang Yeesɔ 16:6

Suru Laa zãa ri Ruu Laa kɔɔnang ka tipi Asiya ka ruu nɔngkɔ, ri tɛ̀ɛrɛ̀ tipi Fijiya nɛɛ ɓɔɔ Galatiya.

Zang Shonang Yeesɔ 2:33

Laa wisi wu paa, a shing wu tɔ ka nakn ɓiɓɛ, a á wu suru ɓɔɔ bɛ̀ɛ́ a ruu nyaa nɛɛ wu naa a ruu ɓɛɛ. Vuu ɓɔɔ nɔɔ zirɛ, nɔɔ ti tãa kãntang keɓe, ɓi vuu ɓɔɔ Laa tɔɔ wu a ruu ɓɛɛ kɔ.

Zang Shonang Yeesɔ 2:4

Suru Laa a kaa bii ɓarɛ, a ri gaayu yee rannang kaa nɛɛ nyaa zang ɓɔɔgn naa ɓɔɔ Suru Laa tusu ri nɛɛ ri rang ɓɛɛ.

Zang Shonang Yeesɔ 20:28

Nɔɔ gãng jĩng ka yuu manɛ nɛɛ zang ɓɔɔ Suru Laa, a ri nɔɔ ka naa ɓɛɛ waasɛ̃. Nɔɔ nwang jagãng zang ɓɔɔ ri dũng Laa, ɓɔɔ ri nwàng ka ruu ɓɔɔ, wu hoo ri nɛɛ zĩi Jaa ɓiɓɛ ɓɛɛ.

Zang Shonang Yeesɔ 20:35

N tusu nɔɔ ka vuu piti nɛɛ nɔɔ palɛ shonang gbãng gbãng naa weɓe, nɔ́ɔ yi zang ɓɔɔ ri lakɛ takpang naa ka bii. Danggn yee ɓɔɔ Kpanti Yeesɔ kɔɔ nɛɛ yuu ɓiɓɛ, wu ning nɔɔ kpang. Kɔɔyi tɔɔ, ‘Mɔɔ tã̀a tĩnang, ka ɓɔɔ mɔɔ a zang vuu, ɓa ɓɔɔ zang kɔ a mɔɔ jong katɔ.’ ”

Zang Shonang Yeesɔ 28:25

Ka ruu nɔngkɔ, ri daayi, nyaa ɓarɛ daa gbete kpang. Bulu kɔɔ ri ruu keɓe ka gbongkarɛ, a ri tantɛ, tɔɔ, “Suru Laa kɔɔ rɛɛ dabang manɛ ruu ɓɔɔ niizang nɛɛ nyaa Ishaya tɔɔ,

Zang Shonang Yeesɔ 5:3

Bituru hɛ̃ɛ wu nɛɛ, “Hananiya, ka ruu vi sheetang ta rɛ̃rɛnang ɓaaɓɛ, mɔɔ sùú Suru Laa sèé, a mɔɔ vaa saka tipi ɓɔɔ mɔɔ mãlɛ́ mɔɔ yiti viya?

Zang Shonang Yeesɔ 7:51

“Nɔɔ taarɛ yuu dɔɔli. Yeti manɛ nɛɛ shoo manɛ nɔɔ dòo katɔ. Nɔɔ kàsɛ̀ nɛɛ nɔɔ tãa vuu ɓɔɔ Suru Laa kɔ̀ɔ́ nɔɔ kpang. Nɔɔ pálɛ̀ dòó vuu ɓɔɔ rɛɛ dáa manɛ ri palɛ ɓɛɛ kɔ.

Zang Shonang Yeesɔ 7:55

Suru Laa a ka bii Istifanu, ka ruu nɔngkɔ, tuu jĩng ka lapa, a zi bannang Laa nɛɛ Yeesɔ ɓɔɔ shii ka kagn ɓiɓɛ ɓɛɛ.

Rooma 14:17

Ka ruu ɓɔɔ, vuu ɓɔɔ Laa kasɛ, wukɔ vuu shaanang nɛɛ vuu ɓoonang kpang. Laa kasɛ nɛɛ zang nwang zang tɔ̃ɔ ka tĩng ɓiɓɛ, ti kasɛ nɛɛ zang nwang ka nyaa zɔɔ nɛɛ wu, a zang ti tãa tĩnang ɓɔɔ Suru Laa shingnɛ ɓɛɛ.

Rooma 15:13

Laa ɓɔɔ wukɔ shingnɛ nɔɔ shing gn ɓɛɛ, wu shingnɛ nɔɔ tãa tĩnang gbãng gbãng ka yeti manɛ, yeti manɛ wu ti valɛ. Tɔ̀ɔ, Suru Laa wu a nɔɔ naa, nɔɔ shing gn kaa gbãng gbãng.

Rooma 15:16

N nwàng zang shonang Yeesɔ Kirisi, nɛɛ n palɛ zang ɓɔɔ ri zang Yahudi kpang shonang. N kɔɔ ri Ruu Tɔ̃ɔ Laa, tɔ̀ɔ, zang ɓɔɔ ri zi Laa kpang, ri nwang kaa naa vuu ɓɔɔ zang a Laa, ɓɔɔ shing Laa wu tãa tĩnang ɓɛɛ. Ɓɔɔ Suru Laa risi nwang tɔ̃ɔ ɓɛɛ.

Rooma 5:5

Ruu nɛɛ yaa gn naa kpang, yusɛ̃ɛ tuu ruu kpang, ka ruu ɓɔɔ, Laa shìng ruu zɔ̃ng zang kasɛnang ɓiɓɛ tɔ, ka yeti ɓuru nɛɛ bii Suru ɓiɓɛ ɓɔɔ wu a ruu ɓɛɛ.

1 Koranti 12:3

Ka ruu nɔngkɔ, n kasɛ nɔɔ zi tɔ̃ɔ tɔ̃ɔ. Naa zang ɓɔɔ rang yee, nɛɛ naa vuu palɛnang ɓɔɔ Suru Laa a wu, zang kaɓa ràng yee shi kpang ka yuu Yeesɔ kpang. Zang ɓɔɔ ti zunung kɔɔnang katɔ nɛɛ, “Yeesɔ kɔ Kpanti ɓuru.” Kpang, naa Suru Laa kɔ a wu naa kɔɔnang kpang ɓɛɛ.

1 Koranti 6:19

Nɔɔ zi kpang nɛɛ bìí manɛ nwàng ɓi naa Gãa Laa ɓɔɔ Suru Laa nwang kagn ɓɛɛ kpang ya? Laa shing Suru ɓiɓɛ ka yeti manɛ. Bii manɛ ɓi ɓɔɔ manɛ kpang, ɓi ɓɔ̀ɔ́ Laa.

2 Koranti 13:14

Tɔ̃ɔ Kpanti Yeesɔ Kirisi, nɛɛ kasɛnang ɓɔɔ Laa kasɛ zang nɛɛ mani, nɛɛ nwannang ɓɔɔ zang nwang ka nyaa zɔɔ nɛɛ Suru Laa, wu nwang nɛɛ nɔɔ nandon.

2 Koranti 6:6

Ka nwannang tɔ̃ɔ ɓuru, nɛɛ danggn mãnang, nɛɛ tɔ̃ɔ ɓɔɔ ruu palɛ, ruu tusu yuu ɓuru nɛɛ ruu ɓuru zang shonang Laa. Nɛɛ bii Suru Laa, a ɓɔɔ kasɛnang ɓɔɔ ruu kasɛ zang nɛɛ mani niizang ɓɛɛ.

Afisa 1:13

Nɔɔ doo nɔngkɔ. Ka ɓɔɔ nɔɔ tãa ruu ɓɔɔ niizang, Ruu Tɔ̃ɔ ɓɔɔ ta yuu manɛ, ka ɓɔɔ nɔɔ shing danggn ka bii Yeesɔ Kirisi, a Laa a nɔɔ Suru ɓiɓɛ ɓɔɔ wu a nyaa ɓɛɛ, tɔ̀ɔ, zang zi kati nɛɛ nɔɔ manɛ kaa zang Laa.

Afisa 1:17

N gàá Làá Kpanti ɓuru Yeesɔ Kirisi. Daa, ɓɔɔ zang a wu bannang ɓɛɛ, wu a nɔɔ Suru ɓiɓɛ, ɓɔɔ shing nɔɔ nɔ́ɔ zũngnɛ, a wu ti nwangsɛ nɔɔ Laa, tɔ̀ɔ, nɔ́ɔ zi wu kati ɓɛɛ.

Afisa 4:30

Nɔ́ɔ lasɛ Suru Laa yeti kpang, ka ruu ɓɔɔ, Suru Laa kɔ tusu nɛɛ nɔɔ manɛ zang Laa ɓɛɛ. Suru keɓe kɔ tusu zang nɛɛ diki a ditɔ, ɓɔɔ Laa naa ta yuu manɛ ɓɛɛ.

1 Tesalonika 4:8

Ka ruu nɔngkɔ, naa zang ɓɔɔ bɛ̃ɛ vuu kɔ ruu tusu ɓee, bɛ̃ɛ ɓi shɔnzang kpang, bɛ̃ɛ ɓi Laa ɓɔɔ a ruu Suru ɓiɓɛ ɓɛɛ.

2 Timoti 1:14

Gãng jĩng ka ruu niizang ɓɔɔ Laa a mɔɔ ka naa ɓɛɛ. Yiti nɛɛ naa vuu palɛnang Suru Laa, ɓɔɔ nwang ka yeti ɓuru ruu nandon ɓɛɛ.

Titu 3:5

Ta yuu ɓuru kati. Wu ka ruu vuu tɔ̃ɔ ɓɔɔ kagn ɓɔɔ ruu nɛɛ yuu ɓuru ruu palɛ ɓɛɛ kpang. Tà yuu ɓuru, ɓi ka ruu gn ɓuru ɓɔɔ kɔ̀ng wu ɓɛɛ. Tà yuu ɓuru ka bii ɓɔɔ Suru Laa sɔɔ ruu ɓɛɛ. Bii sɔɔnang ɓɔɔ risi ruu naa zang yi ruu kaa shɔɔ, a á ruu suru bii shɔɔ ɓɛɛ.

Yahudi 10:15

A Suru Laa kɔɔ rùu rúu ka yuu ɓiɓɛ jong. Gaayu kɔɔyi nɛɛ,

Yahudi 2:4

Laa ti tusu jong nɛɛ ruu keɓe niizang naa ɓɔɔ ri tusu ɓɛɛ, ka ɓɔɔ wu palɛ vuu ɓɔɔ zang zirɛ zang mã naa ka danggn ka zɔ̃ng zɔ̃ng ɓɛɛ. A ti basɛ zang vuu ɓɔɔ Suru ɓiɓɛ a zang ka naa ɓɔɔ wu kasɛ ɓɛɛ.

Yahudi 3:7

Ka ruu nɔngkɔ, naa ɓɔɔ Suru Laa kɔɔ ɓɛɛ, “Naa nɔɔ tãa yee Laa lɛ̀ɛ́kɔ,

Yahudi 9:8

Suru Laa tusu zang nɛɛ naa putali ɓɔɔ shɔnzang ri palɛ, nɛɛ doo ka nɔng, gbalang ɓɔɔ zang daa nɔng ɓɔɔ shi kpang kagn kpang, puu gn kpang tingkiring.

1 Bituru 1:12

A Laa tusu ri nɛɛ ri pàlɛ́ ɓi yuu ɓarɛ shonang kpang, ri pàlɛ́ ɓi nɔkɔ. Kãntang keɓe, zang ɓɔɔ ri kɔ̀ɔrɔ̀ nɔɔ Ruu Laa, ri kɔɔ nɔɔ rɛɛ vuu keɓe tɔ, naa ɓɔɔ Suru Laa ɓɔɔ à nɛɛ lapa a ri naa ɓɛɛ. Zang nyaa shonang Laa ɓɔɔ ri ka lapa, ri kasɛ nɛɛ ri zi rɛɛ vuu keɓe jong.

2 Bituru 1:21

Ruu ɓɔɔ rɛɛ zang nyaa shonang ri kɔɔyi nwang ɓi nɛɛ rɛ̃rɛnang shɔnzang kpang. Ɓi Suru Laa kɔ a zang naa, wu ti shing zang, zang kɔɔ ruu ɓɔɔ a nɛɛ bii Laa ɓɛɛ.

1 Yɔhana 2:20

Kirisi a nɔɔ Suru Laa manɛ tɔ. Nɔɔ ti zi ruu ɓɔɔ niizang manɛ tɔ nandon.

1 Yɔhana 2:27

Ɓɔɔ bii manɛ Suru Laa ɓɔɔ nɔɔ ta nɛɛ bii Yeesɔ kagn yeti manɛ. Ka ruu nɔngkɔ, nɔɔ manɛ tɔ̀ɔ́ zang ɓɔɔ zang ɓɔɔgn kɔɔ nɛɛ, wu tusu nɔɔ vuu ɓɔɔ kpang. Ka ruu ɓɔɔ Suru Laa tusu nɔɔ vuu piti ɓɛɛ. Vuu ɓɔɔ Suru Laa keɓe tusu, ɓi ɓɔɔ niizang ɓɛɛ, ɓi ɓɔɔ sèé kpang. Ka ruu nɔngkɔ, nɔɔ nwang nɛɛ Kirisi ka nyaa zɔɔ naa ɓɔɔ Suru Laa tusu nɔɔ ɓɛɛ.

1 Yɔhana 5:7

Vuu taati tùsú ruu rúu keɓe.

Yahuza 1:20

Rɛɛ masang ɓɔɔ manɛ, nɔɔ pálɛ́ vuu ɓɔɔ shingnɛ nɔɔ daa manɛ nɛɛ tĩng kɔ jong ka danggn kɔ nɔɔ shing ka bii Laa ɓee. Suru Laa wu a nɔɔ naa, nɔɔ gaa Laa.

Vuu ɓɔɔ zang nwangsɛ Yɔhana 2:11

Zang ɓɔɔ shoo ɓiɓɛ nɛɛ kagn wu ɓaayi wu tãa vuu ɓɔɔ Suru Laa kɔɔ rɛɛ zang ɓɔɔ dũng Laa ɓɛɛ. Zang ɓɔɔ shii gbãng gbãng nɛɛ ɓa vuu gãsɛnang yuu, vɔrɔ ɓɔɔ zang naa vɔ tɔkn, daa kaa doo ziti, naa palɛ wu vuu ɓɔɔ kpang tingkiring.”