Filibu, mɔɔ zi kpang nɛɛ n ka yeti Daa, Daa ti ka yeti mɛɛ kpang ya?” A raa jĩng kɔɔ zang ɓɔɔ ri mantɛ vuu ka bii ɓiɓɛ tɔɔ, “Ruu kɔ n kɔɔ nɔɔ ɓee, ɓi ruu mɛɛ kpang. Ɓi Daa ɓɔɔ ka yeti mɛɛ kɔ palɛ shonang ɓiɓɛ ɓiri.
Yeesɔ tusu zang vuu kana ka Gãa Laa, a mɛɛ nyaa ka lapa nɛɛ, “Nɔɔ zi m tɔ, a nɔɔ ti zi nɔng ɓɔɔ n a nɛɛ mani tɔ. N a m anang yuu mɛɛ kpang. Zang ɓɔɔ shong m ɓi niizang kɔ nwani. Nɔɔ zi wu kpang.
Vuu ɓɔɔ n kɔ̀ɔ́ ka yuu manɛ kagn dɔɔli, ɓɔɔ n dɔng nɔɔ ruu ka yuu ɓiɓɛ ɓɛɛ. Zang ɓɔɔ shong m suu sèé ɓi kpang, n ti kɔɔ zang koo keɓe m vuu ɓɔɔ n tãa ka nyaa ɓiɓɛ ɓɛɛ.”
Ka ruu nɔngkɔ, kɔɔ ri nɛɛ, “Nɔɔ nɛɛ wisi m, ɓɔɔ n Jaa Shɔnzang tɔ ka yuu laa, nɔ́ɔ naa zi kati nɛɛ nkɔ wukɔ. Tɔ̀ɔ, nɔ́ɔ zi kati nɛɛ n palɛ vuu gbete nɛɛ kaka yuu mɛɛ kpang. N kɔɔ m vuu ɓɔɔ Daa kpɛ̃ɛrɛ m nɛɛ n kɔ̀ɔ ɓɛɛ.
Yeesɔ kɔɔ ri tɔɔ, “Naa Laa kɔ nɛɛ daa manɛ niizang, nɔɔ nɛɛ kàsɛ́ ruu mɛɛ katɔ, ka ruu ɓɔɔ, n nwangnɛ bii Laa kɔ, n a ka nihn ɓɛɛ. N a m̌ anang yuu mɛɛ kpang, wukɔ shong m.