Yɔhana 14:23 - Nyaa Shɔɔ Ɓɔɔ Laa a Ɓɛɛ

²³ Yeesɔ kasɛ wu nyaa tɔɔ, “Zang ɓɔɔ nɛɛ kasɛ m katɔ, dũng vuu ɓɔɔ n tusu katɔ. Daa mɛɛ kasɛ wu katɔ. Ruu ti a nɛɛ Daa mɛɛ ka bii ɓiɓɛ ruu nwáng nɛɛ wu.

Yɔhana 14:23 ပူးပေါင်းရင်းမြစ်များ

Yɔhana 10:30

Ɓɔɔ n nɛɛ Daa ruu gbete.”

Yɔhana 14:15

“Yeesɔ kɔɔyi tɔɔ, nɔɔ nɛɛ kasɛ ruu mɛɛ katɔ, nɔɔ dũng nyaa ɓɔɔ n dang ɓɛɛ katɔ.

Yɔhana 14:17

Zang keɓe wukɔ Suru Laa, ɓɔɔ tusu zang ruu ɓɔɔ niizang ka yuu Laa. Zang koo ri tà wu kpang, ka ruu ɓɔɔ ri zi wu nung kpang, ri ti zi wu nɛɛ jĩng ɓarɛ kpang ɓɛɛ. Nɔɔ zi wu nung manɛ tɔ, ka ruu ɓɔɔ, nwang ɓi nɛɛ nɔɔ ɓɛɛ. Ti naa nwang ka yeti manɛ.

Yɔhana 14:21

“Zang ɓɔɔ nɛɛ tà rɛɛ nyaa ɓɔɔ n dang ɓɛɛ, nɛɛ ti dũngnɛ, wukɔ kasɛ ruu mɛɛ. Zang ɓɔɔ nɛɛ kasɛ ruu mɛɛ, Daa mɛɛ kàsɛ́ wu katɔ. N ti kàsɛ́ wu katɔ, n ti nwàngsɛ́ wu bii mɛɛ.”

Yɔhana 14:24

Zang ɓɔɔ nɛɛ kasɛ m kpang dũ̀ng vuu ɓɔɔ n tusu ɓɛɛ kpang. Rúu kɔ nɔɔ tã̀á ɓee, ɓi ɓɔɔ yuu mɛɛ kpang, ɓi ɓɔɔ Daa ɓɔɔ shong m ɓɛɛ.

Yɔhana 15:10

Naa nɔɔ ta nyaa ɓɔɔ n dang nɔɔ ɓɛɛ kpang, n kàsɛ́ nɔɔ katɔ sasak. Naa ɓɔɔ n ta rɛɛ nyaa ɓɔɔ Daa mɛɛ dang m kpang, a ti kasɛ m sasak ɓɛɛ.

Yɔhana 16:27

Ka ruu ɓɔɔ, Daa nɛɛ yuu ɓiɓɛ kasɛ nɔɔ katɔ ɓɛɛ. Kasɛ nɔɔ ka ruu ɓɔɔ nɔɔ kasɛ m katɔ, a nɔɔ ti shing danggn tɔ, nɛɛ n a nɛɛ bii Laa ɓɛɛ.

Yɔhana 6:56

Zang ɓɔɔ nɛɛ shaa yɔpɔ bii mɛɛ, nɛɛ ti ɓoo zĩi mɛɛ, nwang ɓi nɛɛ n, n ti nwáng ka yeti ɓiɓɛ.

Yɔhana 8:51

N kɔ̀ɔ́ nɔɔ, ruu ɓɔɔ niizang kɔ nwani, zang ɓɔɔ nɛɛ yiti ruu mɛɛ ka yeti ɓiɓɛ vɔ kpang dòndòng.”

Yɔhana 8:52

Ɓɔɔ zang Yahudi ri tãa naa weɓe, ri tɔɔ, “Ruu zi tɔ kati, suru shi kpang kagn bii ɓaaɓɛ. Ibirayi vɔ tɔ, nɛɛ rɛɛ zang nyaa shonang Laa piti, mɔɔ kɔɔ ruu ɓáa nɛɛ zang ɓɔɔ nɛɛ yiti ruu ɓaaɓɛ ka yeti ɓiɓɛ, vɔ kpang ya?

2 Koranti 6:16

Zang ɓɔɔ ri dũng Laa, ri palɛ biya nyaa ɓarɛ wu daa gbete nɛɛ zang ɓɔɔ ri bang vaka viya? Ka ruu nɔngkɔ, ruu ɓuru gãa Laa, Laa ɓɔɔ ningkãari ɓɛɛ. Laa kɔɔyi tɔɔ, “N palɛ nɔng nwannang mɛɛ ka nɔng zang mɛɛ, n nwang ka teteng ɓarɛ. N nwang Laa ɓɔɔ ri bang ɓɛɛ, ri nwang ɓarɛ kaa zang mɛɛ.”

Afisa 3:17

Tɔ̀ɔ, Kirisi wu nwang kaa yeti manɛ ka ruu danggn ɓɔɔ nɔɔ shing ka bii ɓiɓɛ ɓɛɛ. N gaa Laa wu shingnɛ, nɔ́ɔ nwang naa laa ɓɔɔ dĩiri ɓiɓɛ yi naa tipi gbãng gbãng ka zɔɔ manɛ. Nɔ́ɔ ti nwang kaa naa gãa ɓɔɔ zang loo doo ɓiɓɛ ka yuu zɔɔ kasɛnang ɓɛɛ.

1 Yɔhana 2:24

Nɔɔ yaa yee Laa ɓɔɔ nɔɔ tãa ka diki ɓɔɔ nɔɔ gaayu yee Laa tanang wu nwang ka yeti manɛ. Ruu Laa keɓe nɛɛ nwang tɔ ka yeti manɛ, nɔɔ nwang ditɔ ka nyaa zɔɔ nɛɛ Jaa Laa nɛɛ Daa ɓiɓɛ Laa.

1 Yɔhana 2:5

Zang ɓɔɔ ɓaa shoo ka vuu ɓɔɔ wu kɔɔyi, kasɛ Laa katɔ niizang. Wee naa ɓɔɔ shɔnzang zi kagn nɛɛ wu zang Yeesɔ Kirisi kɔ.

1 Yɔhana 4:4

Wujɛ mɛɛ, nɔɔ manɛ zang Laa. Nɔɔ ɓa ri yuu manɛ tɔ. Ka ruu ɓɔɔ, Suru Laa ɓɔɔ ka yeti manɛ, ɓa suru Sheetang ɓɔɔ ka yeti zang ɓɔɔ ka koolaa keɓe katɔ ɓɛɛ.

1 Yɔhana 5:3

Zang ɓɔɔ kasɛ Ruu Laa katɔ niizang, dũng nyaa ɓɔɔ Laa dang ɓɛɛ katɔ. Nyaa ɓɔɔ Laa dangnɛ kpãa dũnnang ɓi kpang.

2 Yɔhana 1:6

Naa ruu dũ̀ng nyaa ɓɔɔ Laa dangnɛ sasak, zang zi ka wukɔ nɛɛ ruu kasɛ Laa katɔ. Nyaa ɓɔɔ Laa dangnɛ, ɓɔɔ ruu tãa tĩng shɔɔnang kɔɔyi tɔɔ, ruu kasɛ ruu zɔɔ katɔ.

Vuu ɓɔɔ zang nwangsɛ Yɔhana 21:22

N zi Gãa Laa ka yeti gari bìí kpang, ka ruu ɓɔɔ, kpanti ɓuru Laa ɓɔɔ ɓa zang piti, a ɓɔɔ Jaa Mɛ̀ɛrɛ́ ri ka nɔng ɓɛɛ.

Vuu ɓɔɔ zang nwangsɛ Yɔhana 21:3

N tãa yee nabm nwangnɛ, nɔng láa nwannang kpanti, kɔɔyi nɛɛ “Zirɛ, Laa a tɔ, naa nwang kaa teteng shɔnzang. Naa nwang kaa nɛɛ ri, ri naa nwang kaa zang ɓiɓɛ jong. Laa nɛɛ yuu ɓiɓɛ naa nwang nɛɛ ri, ti naa nwang kaa Laa ɓarɛ.

Vuu ɓɔɔ zang nwangsɛ Yɔhana 22:3

Vuu ɓɔɔ Laa ku wu nyaa ka bii, nwàng gari kaɓa kpang. Láa nwannang kpanti ɓɔ̀ɔ́ Laa, nɛɛ ɓɔ̀ɔ́ Jaa Mɛ̀ɛrɛ́ ɓi ka nɔngkɔ, a zang ɓiɓɛ ri bang wu ka nɔngkɔ.