Yɔhana 14:19 - Nyaa Shɔɔ Ɓɔɔ Laa a Ɓɛɛ

¹⁹ Diki yaa kaa tɔkɔlɔng bɛ̀ɛ́ zang koo ri zi m takpang. Nɔɔ zi m manɛ katɔ, ka ruu ɓɔɔ, n naa nwang ningkãari, nɔɔ naa nwang ditɔ ningkãari jong.

Yɔhana 14:19 ပူးပေါင်းရင်းမြစ်များ

Yɔhana 11:25

Yeesɔ kɔɔ wu tɔɔ, “Nkɔ wisi zang paa nɛɛ sàa, nkɔ ti a zang suru bii. Zang ɓɔɔ nɛɛ shing danggn ka bii mɛɛ, náa vɔ doori, nwáng ningkãari ditɔ tɔkn.

Yɔhana 12:35

Yeesɔ kasɛ ri nyaa tɔɔ, “Nɔng yakɛnang nwàng doo ka teteng manɛ diki bée katɔ tɔkɔlɔng. Nɔɔ rakɛ ta, bɛ̀ɛ́ nɔng yakɛ doo katɔ, nɔng nɛ̀ɛ́ tɔ̀ɔ́yi. Ka ruu ɓɔɔ, nɔng nɛɛ tɔ̀ɔ́ tɔ, zang ɓɔɔ ràkɛ́, zi nɔng ɓɔɔ wu daa ɓɛɛ takpang ɓɛɛ.

Yɔhana 13:33

Wujɛ mɛɛ, n nwang tɔ̀ɔ́ nɛɛ nɔɔ diki wu bee tɔkɔlɔng kpang. Nɔɔ naa kãa m ditɔ. N kɔ̀ɔ nɔɔ doo vuu ɓɔɔ n kɔ̀ɔ zang bang bang zang Yahudi ɓɛɛ kɔ, ‘Nɔng ɓɔɔ n daa ɓɛɛ, nɔɔ zunung daanang kpang.’

Yɔhana 14:6

Yeesɔ kɔɔ wu tɔɔ, “Nkɔ gbalang, nkɔ niizang, nkɔ suru bii. Zang ɓɔɔ nɛɛ tɔɔ wu daa bii Daa, sɔɔ nɛɛ bii mɛɛ kɔ gbete.

Yɔhana 16:16

“Diki yaa kaa tɔkɔlɔng bɛ̀ɛ́ nɔɔ zi m takpang, diki nɛɛ ti bee tɔ tɔkɔlɔng, nɔɔ zi m tɔkn.”

Yɔhana 16:22

Ɓɔɔ manɛ nwáng doo nɔngkɔ, kãntang keɓe, yeti manɛ lasɛ dòo katɔ. N a ditɔ ka bii manɛ tɔkn, nɔɔ naa tãa tĩnang ditɔ ka yeti manɛ dɔɔli. Zang ɓɔɔ zunung ɓɔɔ wu nwangsɛ tĩnang keɓe nɛɛ yeti manɛ kpang.

Yɔhana 6:40

Ka ruu ɓɔɔ, Daa mɛɛ kasɛ nɛɛ zang ɓɔɔ nɛɛ shing jĩng ka bii mɛɛ ɓɔɔ n Jaa, nɛɛ ti shing danggn ka bìí mɛɛ, wu walɛ suru bii ɓɔɔ waa nyaa kpang ɓɛɛ. N ti naa wisi wu paa, n a wu suru bii ka diki ɓɔɔ koo waa nyaa ɓɛɛ.”

Yɔhana 7:33

A Yeesɔ kɔɔ ri tɔɔ, “N nwang nɛɛ nɔɔ diki bee tɔ̀ɔ́ dɔɔli kpang, tɔ̀ɔ ń gbãayu, n daa bii zang ɓɔɔ shong m ɓɛɛ.

Yɔhana 8:21

Yeesɔ kɔɔ zang ɓɔɔ ri kpalɛ zɔɔ nɛɛ, “N daa kaa tɔ, nɔɔ naa kãa m, nɔɔ vɔ nɛɛ vuu shi kpang manɛ ning. Nɔng ɓɔɔ n daa gn, nɔɔ daa manɛ kpang.”

Zang Shonang Yeesɔ 10:41

Wu zang piti ri zi wu kpang, ɓi rukɔ ɓɔɔ Laa shɛ̃ɛrɛ ruu katɔ kɔ zi wu shɛ̃ɛning. Rùu shaa vuu shaanang, a ruu ɓoo vuu nɛɛ wu ka knti ɓɔɔ wu seepaa tɔ nɛɛ saa ɓɛɛ.

Rooma 5:10

Ka ɓɔɔ bɛ̀ɛ́ ruu shing jĩng gn nɛɛ Laa kpang, Laa shingnɛ ruu nwáng nɛɛ wu ka nyaa zɔɔ ka ruu Jaa ɓiɓɛ ɓɔɔ vɔ ka ruu ɓuru ɓɛɛ. Wee ruu nwang tɔ ka nyaa zɔɔ nɛɛ Laa ɓee, Jaa ɓiɓɛ ta yuu ɓuru katɔ, ka ruu ɓɔɔ, nwàng ɓi ningkãari ɓɛɛ.

Rooma 8:34

Ɓu wi dɔ̌ng ri ruu wiya? Ɓi Yeesɔ Kirisi ɓɔɔ vɔrɛ, Laa wisi wu paa nɛɛ saa. Nwang ka nakn Laa. Wukɔ ti bàkɛ́ Laa ka ruu ɓuru.

1 Koranti 15:20

Niizang, Laa wisi Yeesɔ Kirisi paa tɔ nɛɛ sàa. Ka teteng zang ɓɔɔ ri vɔlɔ ɓɛɛ, Laa wisi wukɔ paa shɔɔnang, a ruu zi kaa wukɔ nɛɛ Laa naa wisi zang ɓɔɔ ri vɔlɔ tɔ paa ditɔ jong nɛɛ sàa.

1 Koranti 15:45

Ka yeti labeenang Laa, zang beeyi nɛɛ, “Laa mãa Adamu, ɓɔɔ wukɔ shɔnzang ɓɔɔ nwang ningkãari shɔɔnang ɓɛɛ.” A Adamu ɓɔɔ a doo knti ɓɔɔ wukɔ Kirisi ɓɛɛ, ɓi kaa suru ɓɔɔ arɛ, nɛɛ wu a zang suru bii ɓɛɛ.

Yahudi 7:25

Ka ruu nɔngkɔ, zunung katɔ, wu ta yuu zang ɓɔɔ ri a ka bii Laa nɛɛ bii ɓiɓɛ katɔ, ka laa kiya piti. Ka ruu ɓɔɔ, wu ɓi ningkãari, diki diki bakɛ Laa ka ruu ɓarɛ ɓɛɛ.

Vuu ɓɔɔ zang nwangsɛ Yɔhana 20:4

A n ti zi rɛɛ laa nwannang kpanti gaagaa, zang ɓɔɔ zang a ri naa nɛɛ ri jɛ̃ɛ zang ruu ri nwalɛ kagn. N ti zi suru bii rɛɛ zang ɓɔɔ zang dɔlɔ ri yuu, ka ruu ɓɔɔ ri shing danggn tɔ, ka vuu ɓɔɔ Yeesɔ tusu ri ɓɛɛ. A ka ruu ɓɔɔ, ri kɔɔ zang Ruu Laa ɓɛɛ. Zang ɓɔɔ ri bang yɔpɔ jĩngti kpàng, ri ti bang vuu ɓɔɔ zang palɛ nwang wu katɔ kpàng ɓɛɛ. Ri ti kasɛ kpang nɛɛ zang ɓang ri vuu ɓiɓɛ ka nyaa tĩng kpang, zang ti ɓang ri ka naa kpang. Ri nwáng tɔkn nɛɛ sàa ningkãari, ri roo kpanti nɛɛ Yeesɔ Kirisi saa labang gbete. Wee paa yunang nɛɛ sàa ɓɔɔ tĩng shɔɔnang kɔ.