Yɔhana 14:12 - Nyaa Shɔɔ Ɓɔɔ Laa a Ɓɛɛ

¹² N kɔ̀ɔ́ nɔɔ ruu ɓɔɔ niizang kɔ nwani, zang ɓɔɔ nɛɛ shing danggn ka bii mɛɛ, palɛ shonang ɓɔɔ n palɛ ɓɛɛ katɔ. Ti palɛ shonang ɓɔɔ ɓa ɓɔɔ n palɛ katɔ. Ka ruu ɓɔɔ, n gbãayu n daa kaa bìí Daa mɛɛ ɓɛɛ.

Yɔhana 14:12 ပူးပေါင်းရင်းမြစ်များ

Matiyu 21:21

A Yeesɔ kasɛ ri nyaa tɔɔ, “N kɔ̀ɔ́ nɔɔ ruu ɓɔɔ niizang kɔ nwani, naa nɔɔ shing danggn ka bii mɛɛ, nɔɔ yaa danggn naa kpang, nɔɔ palɛ wu vuu kɔ n palɛ laa sĩiri ɓee kɔ shɛ̃ɛning kpang. Nɔɔ zunung ɓɔɔ nɔɔ kɔɔ kɔpɔ keɓe katɔ nɛɛ, ‘Rúu ta nɛɛ bii ɓaaɓɛ, mɔɔ daa watɛ ka mii waapo.’ Ti palɛ katɔ nɔngkɔ.

Maraku 11:13

Zi laa sĩiri ɓɔɔ tu gɔpɔ gaagaa nɛɛ nɔng beebang, a daayi nɛɛ wu daa hã jaa ɓiɓɛ. Ɓɔɔ naa a tɔ doo ɓiɓɛ, a ĩi jaa sĩiri ka laa kpang, gɔpɔ ɓiɓɛ kɔ shɛ̃ɛning, ka ruu ɓɔɔ, wu diki ɓɔɔ laa sĩiri ra jaa kagn kpang ɓɛɛ.

Maraku 16:17

Laa naa a zang ɓɔɔ ri shing danggn ka bii ɓiɓɛ naa vuu palɛnang ɓɔɔ zang zirɛ, zang mã naa ka danggn ditɔ. Ri naa nwangsɛ suru shi kpang nɛɛ nung mɛɛ. Ri ti naa rangkɛ yee nɛɛ nyaa koo ɓɔɔgn.

Yɔhana 14:28

Nɔɔ tãayi, n kɔɔ nɔɔ nɛɛ, ‘N dàá kaa tɔ, n gbãayu ditɔ tɔkn ka bii manɛ.’ Wee nɔɔ kasɛ m katɔ ɓee, nɔɔ tãa tĩnang, ka ruu ɓɔɔ, n dàá ka bii Daa ɓɛɛ. Ka ruu ɓɔɔ, Daa ɓa m bannang ɓi katɔ ɓɛɛ.

Yɔhana 16:7

N kɔ̀ɔ́ nɔɔ ruu ɓɔɔ niizang kɔ nwani, daanang mɛɛ kɔ tɔ̃ɔ, ka ruu ɓɔɔ, naa n daa kpang, zang ɓɔɔ naa yi nɔɔ naa ka bii ɓɔɔ wukɔ Suru Laa, a nɔng manɛ kpang. N nɛɛ daa tɔ, n shong wu kati wu a kaa nɔng manɛ.

Yɔhana 4:37

Ka ruu nɔngkɔ, nyaa vuu jeenang ɓɔɔ zang kɔɔ nɛɛ, ‘Zang ɓɔɔ ɓáa jĩng vuu, a zang ɓɔɔ wu naa yee ɓi kaa tɔ,’ niizang kɔ nwani.

Yɔhana 5:20

Daa kasɛ ruu Jaa katɔ, a tí tusu Jaa vuu ɓɔɔ wukɔ Daa wu palɛ katɔ. Ti naa tusu Jaa vuu bang bang ɓɔɔ ɓa weɓe ditɔ, tɔ̀ɔ, nɔɔ zirɛ, nɔɔ mã naa kaa danggn.

Yɔhana 7:33

A Yeesɔ kɔɔ ri tɔɔ, “N nwang nɛɛ nɔɔ diki bee tɔ̀ɔ́ dɔɔli kpang, tɔ̀ɔ ń gbãayu, n daa bii zang ɓɔɔ shong m ɓɛɛ.

Yɔhana 7:39

Yeesɔ kɔɔ ruu keɓe, ɓi ka yuu Suru Laa ɓɔɔ Laa naa a zang ɓɔɔ ri shing danggn ka bii Yeesɔ ɓɛɛ. Ka laa kaɓa, bɛ̀ɛ́ Laa a ri Suru bii gn kpang, ka ruu ɓɔɔ bɛ̀ɛ́ zang wisi Yeesɔ paa gn nɛɛ sàa, zang a wu bannang kpang ɓɛɛ.

Zang Shonang Yeesɔ 10:46

Ka ruu ɓɔɔ, ri tãayi zang ri rangkɛ yee nɛɛ nyaa ɓɔɔgn, ri dɔɔ Laa, ka ruu bannang ɓiɓɛ ɓɛɛ. A Bituru rang yee tɔɔ,

Zang Shonang Yeesɔ 16:18

Pálɛ̀ naa weɓe diki diki, a yeti Bulu naa lasɛ, a raa jĩng kɔɔ suru shi kpang tɔɔ, “N dang mɔɔ nyaa nɛɛ nung Yeesɔ Kirisi, nwangnɛ mɔɔ yaa wu bii.” A suru shi kpang tantɛ nwannang.

Zang Shonang Yeesɔ 19:12

Ka ruu nɔngkɔ, zang talɛ sɛ̃ɛ fɔ̃ɔrɔ ɓɔɔ wu àlɛ́ jĩng nɛɛ mani nɛɛ fɔ̃ɔrɔ ɓɔɔ wu hã̀lɛ́ ka bii, zang daa nɛɛ mani ka bii zang ɓɔɔ ri kɔng katɔ ɓɛɛ, a kɔnang ɓarɛ yaa ri bii. Rɛɛ suru shi kpang ri ti nwangnɛ ri yaa zang bii.

Zang Shonang Yeesɔ 2:33

Laa wisi wu paa, a shing wu tɔ ka nakn ɓiɓɛ, a á wu suru ɓɔɔ bɛ̀ɛ́ a ruu nyaa nɛɛ wu naa a ruu ɓɛɛ. Vuu ɓɔɔ nɔɔ zirɛ, nɔɔ ti tãa kãntang keɓe, ɓi vuu ɓɔɔ Laa tɔɔ wu a ruu ɓɛɛ kɔ.

Zang Shonang Yeesɔ 2:41

Zang dɔɔli ri ta ruu ɓiɓɛ, a zang palɛ ri batizima. Ka diki kaɓa, zang ɓɔɔ gisi ka yuu zang ɓɔɔ ri shing danggn tɔ ka bii Laa ɓɛɛ ri daa nung zang labang taati katɔ.

Zang Shonang Yeesɔ 4:16

Ri hɛ̃ɛ zɔɔ tɔɔ, “Ruu palɛ biya nɛɛ rɛɛ zang keɓe viya? Ka ruu ɓɔɔ, zang ɓɔɔ ri ka Urushalima nandon, ri zi tɔ nɛɛ zang keɓe ri palɛ vuu ɓɔɔ zang zirɛ zang mã naa ka danggn, ɓɔɔ zang palɛ gngn kpang ɓɛɛ. Daa naa ɓɔɔ ruu ti làá nyaa kpang.

Zang Shonang Yeesɔ 4:33

Rɛɛ zang shonang Yeesɔ, ri kɔɔ zang ruu paa yunang Kpanti Yeesɔ nɛɛ sàa, ri káa vɔrɔ kpang. A Laa pàlɛ̀ ri tɔ̃ɔ dɔɔli.

Zang Shonang Yeesɔ 4:4

Zang dɔɔli ka teteng zang ɓɔɔ ri tãa ruu ɓɔɔ Bituru nɛɛ Yɔhana ri kɔɔyi, ri shing danggn. Zang varɛ ɓɔɔ ri shing danggn tɔ, ri daa kaa nung labang maani.

Zang Shonang Yeesɔ 5:15

Ka ruu vuu ɓɔɔ rɛɛ zang shonang Yeesɔ ri pálɛ̀, zang dɔɔli ri ãatɛ zang kɔnang ɓarɛ ka nyaa gbalang, ri wɔɔ ri ka yuu latãng nɛɛ siri, ka ruu ɓɔɔ, Bituru nɛɛ tɛɛnang, jasuru ɓiɓɛ kɔ̀ wu ti a ka yuu ɓarɛ shɛ̃ɛning wu másɛ́ ri kati.

Zang Shonang Yeesɔ 6:7

Ruu Laa ti bàá nɔng ɓi kana. Zang ɓɔɔ ri mantɛ vuu, ri ti shang kana diki diki ka Urushalima. Zang ɓɔɔ ri dɔɔ vuu ka Gãa Laa ɓɔɔ ri shing danggn ka bìí Laa ri shang kana jong diki diki.

Zang Shonang Yeesɔ 8:7

Suru shi kpang, ri mɛɛrɛ nyaa ka lapa ka ɓɔɔ ri nwangkɛ nɛɛ bii zang ɓɛɛ. Zang ɓɔɔ ri kàa katɔ, nɛɛ zang ɓɔɔ bii ɓarɛ vɔ katɔ, zang ti masɛ ri jong.

Zang Shonang Yeesɔ 9:34

Bituru kɔɔ wu tɔɔ, “Aniya Yeesɔ Kirisi masɛ mɔɔ tɔ. Yupaa mɔɔ palɛ latãng ɓaaɓɛ waasɛ̃.” A Aniya tantɛ paa yunang.

Zang Shonang Yeesɔ 9:40

Bituru nwangsɛ ri nɛɛ yeti gãa nandon, a tang ka tipi, gaa Laa, a raa jĩng ka vɔrɔ, a kɔɔyi tɔɔ, “Tabita, yupaa ta.” A Tabita puu jĩng, ɓɔɔ zi Bituru, yupaa nwang doopaa.

Rooma 15:19

Nɛɛ vuu ɓɔɔ zang zirɛ zang mã naa ka danggn, a ɓɔɔ vuu ɓɔɔ Suru Laa palɛ nɛɛ naa vuu palɛnang ɓiɓɛ ɓɛɛ. Ka rakɛnang ɓɔɔ n gaayu nɛɛ Urushalima, n riki nɔng nandon, n daa nɛɛ mani ka Ilirikum ɓɛɛ, n hangsɛ zang Ruu Laa kɔɔnang tɔ nandon ka yuu Kirisi.