Yɔhana 12:48 - Nyaa Shɔɔ Ɓɔɔ Laa a Ɓɛɛ

⁴⁸ Zang ɓɔɔ nɛɛ bɛ̃ɛ m, nɛɛ ti ta ruu mɛɛ kpang, zang ɓɔɔ dɔng wu ruu kagn. Ruu mɛɛ ɓɔɔ n kɔɔ ɓɛɛ, wukɔ naa dɔng wu ruu ka diki ɓɔɔ koo waa nyaa ɓɛɛ.

Yɔhana 12:48 ပူးပေါင်းရင်းမြစ်များ

Matiyu 10:15

N kɔ̀ɔ́ nɔɔ ruu ɓɔɔ niizang kɔ nwani, ka diki ɓɔɔ Kpanti Laa naa jɛ̃ɛ zang ruu, jĩng dannang ɓarɛ naa ɓa ɓɔɔ zang gari Sɔɔdom nɛɛ Gomora katɔ.

Matiyu 21:42

A Yeesɔ hɛ̃ɛ ri tɔɔ, “Nɔɔ gã̀ gngn ka yeti labeenang Kpanti Laa kpang ya? Laa kɔɔyi tɔɔ: “ ‘Tari ɓɔɔ zang gãa mãanang ri bɛ̃ɛyi, wukɔ ràa tari ɓɔɔ yiti gãa kati. Kpanti Laa kɔ palɛ veɓe. Ɓɔɔ ka jĩng ɓuru, ɓi kaa vuu ɓɔɔ ruu mã naa ka danggn ɓɛɛ.’

Matiyu 25:31

“Ka diki ɓɔɔ Jaa Shɔnzang naa a ka naa bannang ɓiɓɛ, nɛɛ zang nyaa shonang Laa ɓɔɔ ri ka lapa piti, naa nwang ka yuu laa nwannang Kpanti ɓiɓɛ.

Maraku 12:10

A Yeesɔ ti hɛ̃ɛ ri tɔkn tɔɔ, “ ‘Nɔɔ gã yee keɓe gngn kpang ya? Laa kɔɔyi tɔɔ Tari ɓɔɔ zang jaka mãanang ri bɛ̃ɛyi, wukɔ naa ràa tari ɓɔɔ yiti jaka ɓɛɛ kati.

Maraku 16:16

Zang ɓɔɔ nɛɛ tarɛ, nɛɛ shing danggn katɔ, a zang nɛɛ palɛ wu batizima, wukɔ naa walɛ suru bii ɓɔɔ waa nyaa kpang ɓɛɛ. Zang ɓɔɔ nɛɛ ti tãayi, a shing danggn kpang, Laa naa jɛ̃ɛ wukɔ ruu.

Maraku 8:31

Yeesɔ gaa ri tɔɔsung vuu tusunang tɔɔ, “Ɓɔɔ n Jaa shɔnzang n naa dang jĩng ditɔ dɔɔli. Zang bang zang Yahudi, nɛɛ zang bang bang zang ɓɔɔ ri dɔɔ vuu ka Gãa Laa, nɛɛ zang ɓɔɔ ri tusu zang vuu, ri naa bɛ̃ɛ m ditɔ. Zang naa nyɔ m vɔrɔ, Laa naa wisi m paa ka lee ɓɔɔ diki daa taati ɓɛɛ.”

Luka 10:16

A kɔɔ zang ɓɔɔ ri mantɛ vuu ka bii ɓiɓɛ tɔɔ, “Zang ɓɔɔ nɛɛ ɓaa shoo ka nyaa manɛ, ɓaa shoo ka nyaa mɛɛ kɔ. Zang ɓɔɔ nɛɛ ti bɛ̃ɛ nɔɔ bɛ̃ɛ ɓi nkɔ. Zang ɓɔɔ nɛɛ ti bɛ̃ɛ m, bɛ̃ɛ ɓi zang ɓɔɔ shong m ɓɛɛ.”

Luka 17:25

“Jaa Shɔnzang naa dang jĩng ditɔ dɔɔli ka gbongkarɛ. Zang koo jaa knti keɓe ri bɛ̃ɛ wu, tɔ̀ɔ, vuu keɓe ri naa palɛ kati.

Luka 20:17

A pɛ̃ɛrɛ ri, a hɛ̃ɛ ri tɔɔ, “Ruu Laa keɓe kɔɔrɔ ɓu nɛɛ viya? Ruu Laa ɓɔɔ tɔɔ, “ ‘Tari ɓɔɔ zang ɓɔɔ mãa gãa ri bɛ̃ɛyi wukɔ naa raa tari ɓɔɔ yiti gãa ɓɛɛ kati.’

Luka 7:30

A zang Farisi nɛɛ zang ɓɔɔ ri zi labeenang Laa dɔɔli, ri bɛ̃ɛ vuu ɓɔɔ Laa kasɛ nɛɛ ri palɛ ɓɛɛ tɔ nɛɛ Yɔhana wu pàlɛ̀ ri batizima kpang.

Luka 9:22

A ti kɔɔ ri tɔɔ, “Jaa shɔnzang naa dang jĩng ditɔ dɔɔli. Zang bang, bang zang Yahudi, nɛɛ zang bang bang zang ɓɔɔ ri dɔɔ vuu ka Gãa Laa, nɛɛ zang ɓɔɔ ri tusu zang vuu, ri ti bɛ̃ɛ wu, ri nyɔ wu vɔrɔ. Laa naa wisi wu paa ka lee ɓɔɔ diki daa taati ɓɛɛ.”

Luka 9:26

Zang ɓɔɔ tuuru yusɛ̃ɛ mɛɛ, nɛɛ ɓɔɔ yee mɛɛ, Jaa Shɔnzang naa tuuru yusɛ̃ɛ ɓiɓɛ ɓi doo nɔngkɔ, ka diki ɓɔɔ wu a ka naa bannang ɓiɓɛ, nɛɛ ɓɔ̀ɔ́ Daa ɓiɓɛ, nɛɛ ɓɔ̀ɔ́ zang nyaa shonang Laa ɓɔɔ ka lapa ɓɛɛ.

Yɔhana 11:24

Mata kasɛ wu nyaa tɔɔ, “N zi tɔ, naa yupaa ditɔ ka diki ɓɔɔ Laa naa wisi zang paa nɛɛ sàa, ka diki ɓɔɔ koo waa nyaa ɓɛɛ.”

Yɔhana 5:45

“Nɔ́ɔ tɔɔ kpang nɛɛ, naa nkɔ kɔ̀ɔrɔ́ Daa ruu vuu shi kpang manɛ. Kpang, zang ɓɔɔ kɔ̀ɔrɔ́ Daa ruu vuu shi kpang manɛ ɓi kagn. Musa ɓɔɔ nɔɔ shing danggn ka bii ɓiɓɛ gbãng gbãng ɓɛɛ, wukɔ kɔ̀ɔ́rɔ Daa.

Yɔhana 6:39

Zang ɓɔɔ shong m, kasɛ nɛɛ n ning zang gbete ka teteng zang kɔ wu a m ri ɓɛɛ kpang. Nɛɛ n naa wisi ri paa katɔ kɔ jong, ka diki ɓɔɔ koo waa nyaa ɓɛɛ.

Yɔhana 8:47

Zang ɓɔɔ ɓi zang Laa, ɓaa shoo ɓi ka Ruu Laa. Nɔɔ manɛ zang Laa kpang, ka ruu nɔngkɔ, nɔɔ kasɛ shoo ɓaanang ka ruu mɛɛ kpang.”

Zang Shonang Yeesɔ 17:31

Ka ruu ɓɔɔ, Laa zɔ̃́ng diki tɔ gbete, ɓɔɔ wu naa jɛ̃ɛ zang koo ruu kagn ɓɛɛ. Naa jɛ̃̀ɛ zang ruu gn dang gbete kpang. Jɛ̃̀ɛ́ zang ruu nɛɛ bii zang ɓɔɔ wu zɔ̃ng ɓɛɛ. Vuu keɓe nwàng niizang ka ɓɔɔ wu wisi zang keɓe paa nɛɛ saa ɓɛɛ.”

Zang Shonang Yeesɔ 3:23

Zang ɓɔɔ nɛɛ ɓaa shoo ka nyaa zang nyaa shonang Laa kaɓa kpang, zang nwángsɛ́ wu katɔ nɛɛ teteng zang Laa, zang nyɔ wu vɔrɔ.’

Rooma 2:16

Ka diki keɓe, Laa naa jɛ̃ɛ zang ɓu ruu ka yuu vuu ɓɔɔ zang ɓu waasɛ katɔ ɓɛɛ. Jɛ̃ɛ ruu keɓe, nɛɛ bii Yeesɔ Kirisi naa ɓɔɔ n kɔɔ ka Ruu Laa kɔ n kɔ̀ɔrɔ̀ nɔɔ ɓee.

2 Koranti 4:3

Naa zang ɓɔɔ kagn, rúu kɔ ruu kɔɔrɔ ɓee, kpãa ri nyaa zinang katɔ. Zang keɓe, ɓi zang ɓɔɔ ri shaarɛ katɔ ɓɛɛ kɔ shɛ̃ɛning.

2 Tesalonika 1:8

Naa nwang nyaa nɛɛ waa ɓɔɔ shaa katɔ ɓɛɛ, wu dang zang ɓɔɔ ri bɛ̃ɛ Laa katɔ jĩng, nɛɛ zang ɓɔɔ ri dũng Ruu Tɔ̃ɔ ɓɔɔ ka yuu Kpanti ɓuru Yeesɔ kpang ɓɛɛ.

Yahudi 10:25

Ruu yaa nɔɔ yuu kpalɛnang nɛɛ zɔɔ kpang, naa ɓɔɔ zang ɓɔɔ ri kɔng bii yaarɛnang ɓɛɛ. Ruu mã nɔɔ zɔɔ danggn ruu ti mã nɔɔ zɔɔ kaa gbãng gbãng, ka wee ruu zi tɔ, diki ɓɔɔ Yeesɔ gbãayu kagn, a naabm kana ɓee.

Yahudi 12:25

Nɔɔ palɛ waasɛ̃, nɔ́ɔ bɛ̃ɛ Laa kɔ rang yee ɓee kpang. Ka ruu ɓɔɔ, naa zang ɓɔɔ ri bɛ̃ɛ ruu ɓiɓɛ ɓɔɔ a nɛɛ bii Musa ɓɔɔ shàarɛ̀ ri nyaa ka koo keɓe ri wɔ kpang, a ruu nɛɛ bɛ̃ɛ ruu ɓiɓɛ ɓɔɔ a nɛɛ bii Yeesɔ ɓɔɔ a nɛɛ lapa, a shaarɛ ri nyaa ɓɛɛ, ruu palɛ biya ruu wɔ viya?

Yahudi 2:3

A naa ruu shing jĩng gbãng gbãng ka ruu naa ɓɔɔ zang ta yuu zang, ɓɔɔ bang katɔ naa weɓe kpang, ruu wɔ biya? Ka ruu ɓɔɔ, ɓi Kpanti Yeesɔ nɛɛ yuu ɓiɓɛ, wukɔ gaayu ruu keɓe kɔɔnang ɓɛɛ. A zang ɓɔɔ ri tãayi, rikɔ tusu ruu nɛɛ ruu keɓe niizang kɔ nwani.

Yahudi 4:12

Ruu Laa palɛ shonang katɔ. Wɔng nyaa ɓa yere bang ɓɔɔ nyaa ziti katɔ. Basɛ suru bii katɔ nɛɛ suru. Wu ti basɛ rɛɛ gboko nɛɛ sɛ̃ɛting kaka. Ti dɔng ruu katɔ ka yuu vuu ɓɔɔ zang rɛ̃rɛ nɛɛ vuu ɓɔɔ zang mang ka yeti ɓɛɛ.

1 Bituru 1:5

Laa ti gã nɔɔ nɛɛ naa vuu palɛnang ɓiɓɛ, nɔɔ ɓɔɔ nɔɔ shing danggn ka bii ɓiɓɛ ɓɛɛ. Tɔ̀ɔ, zang piti ri zi kati nɛɛ jĩng ɓarɛ, nɛɛ Laa ta yuu manɛ ditɔ ka diki ɓɔɔ koo waa nyaa kagn ɓɛɛ.

2 Bituru 3:3

Vuu ɓɔɔ n kasɛ nɛɛ nɔɔ zi shɔɔnang keɓe. N kasɛ nɛɛ nɔɔ zirɛ nɛɛ ka diki ɓɔɔ koo keɓe waa nyaa kaa tɔ, zang ɓɔɔgn ri nwangkɛ nyaa, ri palɛ vuu ɓɔɔ yeti ɓarɛ kasɛ ɓɛɛ. Zang keɓe, ri naa kpaa nɔɔ katɔ.

2 Bituru 3:7

A yee ɓɔɔ Laa rangnɛ kɔ shingnɛ, lapa nɛɛ tipi ɓɔɔ kãntang keɓe, wu nwangnɛ, wu gã diki ɓɔɔ waa naa lasɛ vuu ɓɔɔ ka yeti ɓiɓɛ nandon ɓɛɛ. Yaa vuu piti ka nɔngkɔ, nɛɛ diki ɓɔɔ wu naa dɔng zang piti ruu, wu ti ningsi zang ɓɔɔ ri palɛ vuu shi kpang, a ri dũng wu kpang ɓɛɛ.