Yɔhana 12:47 - Nyaa Shɔɔ Ɓɔɔ Laa a Ɓɛɛ

⁴⁷ Zang ɓɔɔ nɛɛ tãa ruu mɛɛ, nɛɛ yiti ka yeti ɓiɓɛ kpang, n dɔng wu ruu kpang, ka ruu ɓɔɔ, n arɛ nɛɛ n naa dɔng zang koo ruu kpang ɓɛɛ. N arɛ nɛɛ n ta yuu zang koo katɔ kɔ jong ɓɛɛ.

Yɔhana 12:47 ပူးပေါင်းရင်းမြစ်များ

Matiyu 18:10

“Nɔɔ palɛ tɔ̃ɔ, nɔ́ɔ pɛ̃́ɛrɛ̀ jaa tɔkɔlɔng gbete ka teteng wujɛ keɓe nɛɛ jĩng gɔɔnang kpang. N kɔɔ nɔɔ, zang nyaa shonang Laa ɓɔɔ ɓarɛ, ɓɔɔ ri ka lapa, ri pɛ̃ɛrɛ ɓi waa nyaating Daa mɛɛ ɓɔɔ ka lapa diki diki.

Matiyu 18:11

Jaa Shɔnzang arɛ nɛɛ wu naa ta ɓi yuu zang ɓɔɔ ri ning katɔ ɓɛɛ.

Matiyu 20:28

Naa ɓɔɔ n Jaa Shɔnzang n arɛ, nɛɛ zang shong m shonang kpang, n arɛ nɛɛ n shong m zang kɔ jong, n ti mãlɛ́ bii mɛɛ ka ruu zang dɔɔli nɛɛ tɔɔ n ta yuu ɓarɛ.”

Luka 19:10

Ka ruu ɓɔɔ, n Jaa Shɔnzang n arɛ nɛɛ n naa kãa zang ɓɔɔ ri ning gbalang katɔ, tɔ̀ɔ, n ta yuu ɓarɛ kati ɓɛɛ.”

Luka 9:56

A sha kaa nɛɛ zang ɓɔɔ ri mantɛ vuu ka bii ɓiɓɛ, ri daa ka gari ɓɔɔgn.

Yɔhana 12:48

Zang ɓɔɔ nɛɛ bɛ̃ɛ m, nɛɛ ti ta ruu mɛɛ kpang, zang ɓɔɔ dɔng wu ruu kagn. Ruu mɛɛ ɓɔɔ n kɔɔ ɓɛɛ, wukɔ naa dɔng wu ruu ka diki ɓɔɔ koo waa nyaa ɓɛɛ.

Yɔhana 3:17

Ka ruu ɓɔɔ, Laa shɔng Jaa ɓiɓɛ ka koo nɛɛ wu naa jɛ̃ɛ zang koo ruu kpang, nɛɛ wu naa ta ɓi yuu zang koo kɔ jong ɓɛɛ.

Yɔhana 5:45

“Nɔ́ɔ tɔɔ kpang nɛɛ, naa nkɔ kɔ̀ɔrɔ́ Daa ruu vuu shi kpang manɛ. Kpang, zang ɓɔɔ kɔ̀ɔrɔ́ Daa ruu vuu shi kpang manɛ ɓi kagn. Musa ɓɔɔ nɔɔ shing danggn ka bii ɓiɓɛ gbãng gbãng ɓɛɛ, wukɔ kɔ̀ɔ́rɔ Daa.

Yɔhana 8:26

Vuu ɓɔɔ n kɔ̀ɔ́ ka yuu manɛ kagn dɔɔli, ɓɔɔ n dɔng nɔɔ ruu ka yuu ɓiɓɛ ɓɛɛ. Zang ɓɔɔ shong m suu sèé ɓi kpang, n ti kɔɔ zang koo keɓe m vuu ɓɔɔ n tãa ka nyaa ɓiɓɛ ɓɛɛ.”

2 Bituru 3:15

Nɔɔ zirɛ, Kpanti ɓuru Yeesɔ Kirisi suukãng, ka ruu ɓɔɔ, nɔ́ɔ walɛ gbalang Laa wu ta yuu manɛ kati ɓɛɛ. Manzung ɓuru Bulu ɓɔɔ ruu kasɛ ruu ɓiɓɛ katɔ ɓɛɛ, bee nɔɔ labeenang dòo nɔngkɔ, nɛɛ zũnang ɓɔɔ Laa a wu ɓɛɛ, a kɔɔ nɔɔ doo naa weɓe kɔ.

1 Yɔhana 4:14

Ruu zi ka wukɔ a ruu ti kɔɔyi nɛɛ Daa shong Jaa ɓiɓɛ nɛɛ wu naa ta yuu zang koo keɓe.