Yɔhana 12:42 - Nyaa Shɔɔ Ɓɔɔ Laa a Ɓɛɛ

⁴² A zang bang bang zang Yahudi dɔɔli, ri shing danggn ka bii Yeesɔ. A ri nwangsɛ yuu ɓarɛ kaa takpang, ka ruu ɓɔɔ, ri kaa vɔrɔ zang Farisi ɓɛɛ. Ri kasɛ nɛɛ zang zãa ri gãa zɔɔ kpalɛnang daanang kpang.

Yɔhana 12:42 ပူးပေါင်းရင်းမြစ်များ

Matiyu 10:32

“Naa zang ɓɔɔ kɔɔ ka tĩng zang nɛɛ wu zang mɛɛ, n ti naa kɔɔ doo nɔngkɔ ka tĩng daa mɛɛ ɓɔɔ ka lapa, nɛɛ wu zang mɛɛ.

Luka 12:8

“N ti kɔɔ nɔɔ zang ɓɔɔ nɛɛ ta m ka jĩng zang nɛɛ wu ɓi ɓɔɔ mɛɛ, Jaa Shɔnzang naa kɔɔ doo nɔngkɔ, ka tĩng zang nyaa shonang Laa ɓɔɔ ka lapa nɛɛ wu ɓi zang ɓiɓɛ kɔ niizang.

Luka 23:13

Bilatu ɓaa nyaa tɔkn ka zang bang bang zang ɓɔɔ ri dɔɔ vuu ka Gãa Laa, nɛɛ rɛɛ zang ɓɔɔ ri doo zang bang zang kɔ, nɛɛ rɛɛ zang ɓɔɔ kpalɛ zɔɔ ka nɔng ɓɛɛ.

Luka 6:22

Tĩnang tãanang ɓi ɓɔɔ manɛ kɔ, naa zang kasɛ ruu manɛ kpang, zang bɛ̃ɛ nɔɔ, zang dãa nɔɔ, zang kɔɔ nɛɛ nɔɔ shi kpang, ka ruu Jaa Shɔnzang.

Yɔhana 11:45

A zang Yahudi dɔɔli ɓɔɔ ri arɛ nɛɛ ri jee Marayamu nyaa ɓɛɛ. Ri zi vuu ɓɔɔ Yeesɔ palɛ, a ri shing danggn ka bii ɓiɓɛ.

Yɔhana 12:11

Ka ruu ɓɔɔ, zang Yahudi dɔɔli, ri yaa ri kana, ri shing danggn kaa bii Yeesɔ ka ruu Liyazaru kɔ ɓɛɛ.

Yɔhana 16:2

Zang naa nwangsɛ nɔɔ ditɔ kaa gãa zɔɔ kpalɛnang. Diki a kana, ɓɔɔ zang ɓɔɔ nɛɛ nyɔ nɔɔ vɔrɔ, kɔ̀ɔ́ ɓi nɛɛ wu palɛ vuu ɓɔɔ Laa kasɛ ɓɛɛ.

Yɔhana 19:38

Ka knti weɓe, Yusufu yɔɔ gari Arimataya gaa Bilatu nɛɛ Bilatu wu a wu vɔrɔ Yeesɔ. (Yusufu ɓi doo zang ɓɔɔ dũng Yeesɔ kɔ, a kasɛ nɛɛ zang zi kaa takpang, ka ruu ɓɔɔ, kaa vɔrɔ zang Yahudi ɓɛɛ.) Bilatu yaa wu nɛɛ wu dàa tuu vɔrɔ Yeesɔ ta. A Yusufu daa kati, daa witi vɔrɔ Yeesɔ daa nɛɛ mani.

Yɔhana 3:2

Yɔɔ keɓe, diki ɓɔɔ kagn daa ka bìí Yeesɔ nɛɛ zĩi. Kɔɔ Yeesɔ tɔɔ, “Maalang, ruu zi ɓuru tɔ nɛɛ mɔɔ ɓaa maalang ɓɔɔ a nɛɛ bii Laa ɓɛɛ, ka ruu ɓɔɔ, naa wu zang ɓɔɔ Laa nɛɛ wu kpang, zang ɓɔɔ zunung vuu ɓɔɔ zang zirɛ zang mã naa ka danggn kɔ mɔɔ pálɛ̀ ɓɛɛ gbete kpang.”

Yɔhana 7:13

A zang ɓɔɔ rang yee kaa tɔ̀ɔ́ yuu ɓiɓɛ, naa ɓɔɔ zang piti tãa ɓɛɛ kpang, ka ruu ɓɔɔ zang kaa vɔrɔ zang bang bang zang Yahudi ɓɛɛ.

Yɔhana 7:31

Zang dɔɔli ka teteng zang ɓɔɔ ri kpalɛ zɔɔ ri shing danggn ka bii ɓiɓɛ. A ri kɔɔrɔ nɛɛ, “Naa Kirisi arɛ, naa palɛ vuu ɓɔɔ zang zirɛ zang mã naa ka danggn ɓa ɓɔɔ yɔɔ keɓe ɓu katɔ ya?”

Yɔhana 9:22

Rɛɛ zang ɓɔɔ yi yɔɔ ri kasɛ nyaa nɔngkɔ, ka ruu ɓɔɔ, ri kaa vɔrɔ zang Yahudi bii katɔ ɓɛɛ. Rɛɛ zang Yahudi ri kɔɔ tɔ nɛɛ, zang ɓɔɔ nɛɛ kɔɔyi nɛɛ, wu kasɛ tɔ nɛɛ Yeesɔ kɔ Kirisi, ri zãa wu gãa zɔɔ kpalɛnang daanang katɔ.

Yɔhana 9:34

Ri kasɛ nyaa tɔɔ, “Ɓɔɔ zang yi mɔkɔ ka yeti vuu shi kpang kirik, mɔɔ nɛɛ mɔɔ tusu rukɔ vuu ya?” Ri hing wu ka biling.

Zang Shonang Yeesɔ 5:41

Rɛɛ zang shonang Yeesɔ ri yaa nɔng ruu jɛ̃ɛnang ri tãa ɓarɛ tĩnang, nɛɛ Laa zirɛ ri daa naa ɓɔɔ ri dang jĩng ka ruu nung Yeesɔ tɔ.

Rooma 10:10

Ka ruu ɓɔɔ, zang nɛɛ shing danggn nɛɛ yeti, tɔ̀ɔ Laa wu risi zang, zang nwang zang tɔ̃ɔ ka tĩng ɓiɓɛ ɓɛɛ. Zang nɛɛ kɔɔ tɔ nɛɛ nyaa zang, Laa wu ti, ta yuu zang kati.

1 Yɔhana 4:15

Zang ɓɔɔ nɛɛ kɔɔ nɛɛ nyaa ɓiɓɛ nɛɛ Yeesɔ ɓi Jaa Laa, Laa nwang kagn yeti ɓiɓɛ, a ti nwàng ɓi nɛɛ Laa.

1 Yɔhana 4:2

Wee naa ɓɔɔ nɔɔ zi suru Laa ɓɛɛ. Suru ɓɔɔ kasɛ katɔ nɛɛ, Yeesɔ Kirisi a ka koolaa keɓe, tuu bii shɔnzang ɓɛɛ, suru kaɓa kɔ Suru Laa.