Yɔhana 12:38 - Nyaa Shɔɔ Ɓɔɔ Laa a Ɓɛɛ

³⁸ Vuu keɓe palɛ ɓi naa ɓɔɔ Ishaya zang nyaa shonang Laa kɔɔ ka tĩng tɛ̃ɛ tɛ̃ɛ ɓɛɛ. Ishaya kɔɔyi tɔɔ, “Kpanti, ɓu wi shing danggn ka ruu ɓɔɔ rùu kɔɔ ɓɛɛ wiya? Ɓu wi ti zi naa vuu palɛnang ɓaaɓɛ wiya?”

Yɔhana 12:38 ပူးပေါင်းရင်းမြစ်များ

Matiyu 15:7

Nɔɔ zang ɓɔɔ ri nwãarɛ zang nɛɛ vuu palɛnang ɓɛɛ, ruu ɓɔɔ Ishaya zang nyaa shonang Laa kɔɔ ka yuu manɛ niizang kɔ nwani.

Matiyu 16:17

Yeesɔ tɔɔ, “Laa wu a mɔɔ tĩnang tãanang ta, Siman Bituru jaa Yunana. Vuu keɓe, wu shɔnzang tusu mɔɔ kpang. Ɓi Daa mɛɛ ɓɔɔ ka lapa tùsù mɔɔ.

Matiyu 27:35

Ri ɓaa Yeesɔ naa tɔ ka laa. A ri naa shaa laa, ri basɛ fɔ̃ɔrɔ ɓiɓɛ nɛɛ mani ka naa ɓarɛ.

Yɔhana 12:37

Yeesɔ palɛ vuu ɓɔɔ zang zirɛ, zang mã naa ka danggn keɓe nandon, ri zi jĩng ka bii, a ri shing danggn ka bii ɓiɓɛ kpang doo nɛɛ mani.

Yɔhana 12:39

Ishaya kɔɔ tɔkn tɔɔ, ri shing danggn kpang ka ruu ɓɔɔ,

Yɔhana 15:25

Vuu keɓe, ɓèe ɓi nyaa vuu ɓɔɔ zang bee ka labeenang nyaa dannang ɓarɛ ɓɛɛ. Zang beeyi nɛɛ, ‘Ri bɛ̃ɛ m, n palɛ wu vuu ɓɔɔ kpang.’

Yɔhana 17:12

Ɓɔɔ bɛ̀ɛ́ n doo nɛɛ ri, n yiti ri waasɛ̃ nɛɛ naa vuu palɛnang ɓaaɓɛ, ɓɔɔ mɔɔ á m ɓɛɛ. N yiti ri waasɛ̃, vuu ɓɔɔ lee ri naa ka bii kpang, a ɓɔɔ gbete ti ning kpang. Ɓi zang gbete ɓɔɔ bɛ̀ɛ́ nɛ̀ɛ́ ning ɓi katɔ kɔ nwani kɔ gbete. Ti ning ɓi ka náa ɓɔɔ zang bee ka yeti labeenang Laa tɛ̃ɛ tɛ̃ɛ nɛɛ naa ning ɓi katɔ kɔ nwani ɓɛɛ.

Yɔhana 19:24

Rɛɛ sɔɔja ri kɔɔ zɔɔ tɔɔ, “Ruu lɔɔsɔ kpang, ruu shaa laa, ruu zi zang ɓɔɔ fɔ̃ɔrɔ keɓe raa ɓɔɔ ɓiɓɛ ɓɛɛ.” Vuu keɓe nwang naa ɓɔɔ zang bée kaa yeti labeenang Laa ka tĩng tɛ̃ɛ tɛ̃ɛ ɓɛɛ. Zang beeyi nɛɛ, “Ri basɛ fɔ̃ɔrɔ mɛɛ ka bìí ɓarɛ, a ri ti shaa laa ka ruu fɔ̃ɔrɔ ɓɔɔ n hãa nɛɛ tĩng ɓɛɛ.” Wee vuu ɓɔɔ sɔɔja ri palɛ ɓɛɛ kɔ.

Rooma 10:16

A kaa tɔ̀ɔ́ zang piti ri dũ̀ng vuu ɓɔɔ Ruu Tɔ̃ɔ Laa kɔɔ ɓɛɛ kpang. Ka ruu ɓɔɔ Ishaya kɔɔ ka yeti Labeenang ɓiɓɛ tɔɔ, “Kpanti, zang ɓɔɔ ri shing danggn ka ruu ɓɔɔ ruu kɔɔ ri ɓɛɛ kpang.”

Rooma 10:20

Ishaya kaa vɔrɔ kpang, kɔɔyi tɔɔ, “Zang ɓɔɔ ri kãa m kpang rikɔ ĩi m kaa jong. N ti nwáng nyaa ka zang ɓɔɔ bɛ̀ɛ́ ri hɛ̃ɛ nɔng mɛɛ kpang ɓɛɛ”.

1 Koranti 1:24

Zang ɓɔɔ Laa shɛ̃ɛrɛ katɔ nɛɛ ri nwáng zang ɓiɓɛ, zang Yahudi nɛɛ zang Heleni piti, ri zi ɓarɛ tɔ nɛɛ, naa vuu palɛnang Laa ɓuru ka bìí Yeesɔ Kirisi kɔ, a wukɔ ti tusu ri naa ɓɔɔ zũnang Laa nwang ɓɛɛ.

Galati 1:16

nɛɛ wu nwangsɛ m Jaa ɓiɓɛ, nɛɛ tɔ̀ɔ n kɔɔ zang ɓɔɔ ri zang Yahudi kpang, Ruu Tɔ̃ɔ ɓɔɔ ka yuu Jaa keɓe. N daa ka bii zang ɓɔɔ nɛɛ wu kɔɔ m vuu ɓɔɔ wu zi ka yuu vuu keɓe kpang.