Yɔhana 12:25 - Nyaa Shɔɔ Ɓɔɔ Laa a Ɓɛɛ

²⁵ Zang ɓɔɔ nɛɛ kasɛ suru bìí ɓiɓɛ dɔɔli, shàarɛ́ ɓi katɔ kɔ̀ jong. Zang ɓɔɔ nɛɛ kasɛ ruu suru bii ɓiɓɛ ka koo keɓe kpang, shing ɓi katɔ ka ruu suru bii ɓɔɔ waa nyaa kpang ɓɛɛ.

Yɔhana 12:25 ပူးပေါင်းရင်းမြစ်များ

Matiyu 10:39

Zang ɓɔɔ nɛɛ kasɛ ruu suru bii ɓiɓɛ, walɛ ɓi kpang. A zang ɓɔɔ mãlɛ́ yuu ɓiɓɛ ka ruu nung mɛɛ, wukɔ naa wàlɛ́ jong.”

Matiyu 16:25

Ka ruu ɓɔɔ, zang piti ɓɔɔ kasɛ nɛɛ wu ta yuu ɓiɓɛ, naa loo ɓi katɔ kɔ jong ɓɛɛ. A zang piti ɓɔɔ loo yuu ɓiɓɛ, ka ruu mɛɛ, naa walɛ ɓi katɔ kɔ jong ɓɛɛ.

Matiyu 19:29

Zang piti ɓɔɔ yaa gãa ɓiɓɛ, nɛɛ ɓeezung, nɛɛ ɓeenaa, nɛɛ diiɓɛ, nɛɛ niiɓɛ, nɛɛ wujɛ ɓiɓɛ, a ɓɔɔ tipi jaa lannang ɓiɓɛ, ka ruu mɛɛ, naa walɛ vuu ɓɔɔ wu yaa ɓɛɛ ditɔ dakn laa maani. Ti walɛ suru bii ɓɔɔ waa nyaa kpang ɓɛɛ katɔ.

Maraku 8:35

Ka ruu ɓɔɔ, zang ɓɔɔ kasɛ nɛɛ wu ta yuu ɓiɓɛ, naa loo ɓi katɔ kɔ jong ɓɛɛ. A Zang ɓɔɔ loo yuu ɓiɓɛ ka ruu mɛɛ, nɛɛ ka ruu, Ruu Tɔ̃ɔ Laa, wukɔ naa ta yuu ɓiɓɛ ɓi jong.

Luka 14:26

“Zang ɓɔɔ nɛɛ a ka bii mɛɛ, a kasɛ ruu mɛɛ ɓa ɓɔɔ wu kasɛ ruu diiɓɛ nɛɛ niiɓɛ nɛɛ ɓeeso, nɛɛ wujɛ ɓiɓɛ nɛɛ rɛɛ jaa niiɓɛ ɓɔɔ varɛ nɛɛ ɓɔɔ soro nɛɛ yuu ɓiɓɛ katɔ kpang, zunung ɓɔɔ wu nwang zang ɓɔɔ dũng m kpang.

Luka 17:33

Zang ɓɔɔ kasɛ yuu ɓiɓɛ, wukɔ lòó yuu ɓiɓɛ jong. Zang ɓɔɔ nɛɛ loo yuu ɓiɓɛ, wukɔ ta yuu ɓiɓɛ ɓi jong.

Zang Shonang Yeesɔ 20:24

N ti tɔɔ m kpang nɛɛ suru bii mɛɛ daa naa vuu ɓɔɔ tɔ kpang. Ǹ kasɛ n palɛ vuu ɓɔɔ zang shong m ɓɛɛ, n ti hangsɛ shonang ɓɔɔ Kpanti Yeesɔ a m nɛɛ n palɛ ɓɛɛ. Shonang ɓɔɔ nɛɛ n kɔɔrɔ zang rúu, ka yuu tɔ̃ɔ ɓɔɔ Laa pàlɛ́ zang ɓɛɛ.

Zang Shonang Yeesɔ 21:13

A kasɛ ruu nyaa tɔɔ, “Nɔɔ palɛ ɓu vi, nɔɔ káarɛ̀ nɔngkɔ, nɔɔ lɔɔrɔ m sisĩng viya? N daa Urushalima keɓe m katɔ. Ri nɛɛ kasɛ ri mã m katɔ kɔ shɛ̃ɛning kpang, ri nyɔ m vɔrɔ ka ruu nung Kpanti Yeesɔ, n kasɛ m tɔ.”

Yahudi 11:35

Zang soro ɓɔɔ zang ɓarɛ ɓɔɔ ri vɔlɔ katɔ, zang wisi ri paa tɔkn ningkãari. Zang ɓɔɔ zang tɔ̃̀ɔrɔ ri shoo, kasɛ katɔ nɛɛ zang dang ri jĩng katɔ kɔ jong, ka ɓɔɔ ri nɛɛ yaa danggn ɓɔɔ ri shing ɓɛɛ, a ri vɔlɔ ka ruu ɓɔɔ ri zi tɔ, nɛɛ Laa naa wisi ri paa ditɔ, ri nwang nwannang ɓɔɔ tɔ̃ɔ ka lapa.

Vuu ɓɔɔ zang nwangsɛ Yɔhana 12:11

Ri ti ɓa wu yuu tɔ, nɛɛ naa vuu palɛnang zĩi Jaa Mɛ̀ɛrɛ́, a ɓɔɔ ka ruu ruu ɓiɓɛ ɓɔɔ ri kɔɔyi nɛɛ ɓi niizang ɓɛɛ. Ri ti kasɛ tɔ nɛɛ ri vɔrɛ ka ruu ɓiɓɛ.