Yɔhana 11:55 - Nyaa Shɔɔ Ɓɔɔ Laa a Ɓɛɛ

⁵⁵ Diki nyaalaa ɓɔɔ zang kpaa danggn diki ɓɔɔ Laa tɛɛ ɓɛɛ a naabm kana. Zang yùkú paa kana nɛɛ jaa gari, zang daarɛ ka gari Urushalima nɛɛ zang daa palɛ vuu ɓɔɔ zang dang nyaa nɛɛ zang palɛ, nɛɛ tɔɔ Laa wu yaa zang gbalang vuu shi kpang ɓɛɛ. Ri pálɛ̀ vuu keɓe ka gbongkarɛ, tɔ̀ɔ, diki nyaalaa wu a kati.

Yɔhana 11:55 ပူးပေါင်းရင်းမြစ်များ

Matiyu 26:1

Yeesɔ hangsɛ nyaa yee keɓe rannang tɔ nandon, a kɔɔ zang ɓɔɔ ri mantɛ vuu ka bii ɓiɓɛ tɔɔ,

Matiyu 26:2

“Nɔɔ zi tɔɔ, diki ɓɔɔ zang shaa nyaalaa Pasika yaa lɛ̀ɛ́ kaa ziti. Zang naa yi m ɓɔɔ n Jaa Shɔnzang, zang a zang ɓɔɔ ri naa ɓaa m naa ka laa ɓɛɛ.”

Maraku 14:1

Diki ɓɔɔ zang shaa nyaalaa Pasika ɓɔɔ zang kpaa danggn ɓɔɔ Laa tɛɛ ɓɛɛ nɛɛ ɓɔɔ nyaalaa Borodi ɓɔɔ zang tɛ̃ɛ yisi kagn kpang, yaa kaa ziti. A rɛɛ zang bang bang, zang ɓɔɔ ri dɔɔ vuu ka Gãa Laa, nɛɛ zang ɓɔɔ ri tusu zang vuu, ri tɔ̀ng zɔɔ ka naa ɓɔɔ ri naa yi Yeesɔ nɛɛ nwĩiri, ri nyɔ wu vɔrɔ ɓɛɛ.

Luka 22:1

Ka ɓɔɔ diki nyaalaa borodi ɓɔɔ zang tɛ̃ɛ yisi kagn kpang, ɓɔɔ zang ɓaa nɛɛ pasika a naabm tɔ.

Yɔhana 12:1

Diki nyaalaa ɓɔɔ zang kpaa danggn diki ɓɔɔ Laa tɛɛ ɓɛɛ, yaa kaa mangbete, a Yeesɔ daa ka Bɛtani. Daa ka gãa Liyazaru, yɔɔ ɓɔɔ wu wisi paa nɛɛ saa ɓɛɛ.

Yɔhana 13:1

Bɛɛ diki nyaalaa pasika ɓɔɔ zang kpaa danggn diki ɓɔɔ Laa tɛɛ ɓɛɛ, yaa kaa tɔkɔlɔng. Yeesɔ zi tɔ nɛɛ diki a tɔ, ɓɔɔ wu yaa koo keɓe, wu daa ka bii Daa ɓiɓɛ ɓɛɛ. Yeesɔ kasɛ zang ɓiɓɛ ɓɔɔ ka koo keɓe, ka ruu nɔngkɔ, kasɛ nɛɛ wu tusu ri naa ɓɔɔ wu kasɛ ri dɔɔli ɓɛɛ.

Yɔhana 18:28

Nɛɛ gãndi zang zang, zang nwangsɛ Yeesɔ nɛɛ gãa Kayifa, zang daa nɛɛ wu ka gãa gɔmna. Zang Yahudi ri daa yeti gãa kpang, ka ruu ɓɔɔ, ri kasɛ nɛɛ ri palɛ vuu ɓɔɔ nyaa dannang ɓarɛ zãa ri palɛnang katɔ kpang, tɔɔ ri naa shaa vuu shaanang nyaalaa ɓɔɔ zang kpaa danggn diki ɓɔɔ Laa tɛɛ kagn kati.

Yɔhana 2:13

Làá nyaalaa pasika ɓɔɔ zang kpaa danggn diki ɓɔɔ Laa tɛɛ ɓɛɛ, yáa kaa tɔkɔlɔng, a Yeesɔ daa kaa Urushalima.

Yɔhana 2:6

Bɛ̀ɛ́ zang shɔ ɓawa tari kagn nɔngkɔ mangbete. Ɓɔɔ zang tɛ̃ɛ mii ɓɔɔ zang sɔɔ bii nɛɛ mani, naa ɓɔɔ zang Yahudi dang nyaa ɓɛɛ. Ɓawa gbete naa zang tɛ̃ɛ mii kagn, bɛng taati.

Yɔhana 5:1

Diki naa bee tɔ tɔkɔlɔng, ka knti vuu keɓe, Yeesɔ daa Urushalima, ka diki kaɓa, zang Yahudi ri shaa vuu shaanang nyaalaa ɓarɛ.

Yɔhana 6:4

Bɛ̀ɛ́ nyaalaa Pasika ɓɔɔ zang Yahudi ri kpaa danggn diki ɓɔɔ Laa tɛɛ kagn ɓɛɛ a naabm tɔ.

Zang Shonang Yeesɔ 21:24

Daa nɛɛ ri, mɔɔ pálɛ́ vuu ɓɔɔ zang pálɛ̀, tɔɔ zang nwang zang tɔ̃ɔ tɔkn ka tĩng Laa ɓɛɛ. Mɔkɔ mɔɔ shu vuu ɓɔɔ ri nɛɛ shu ɓɛɛ nandon, tɔ̀ɔ, zang kpɛ̃ɛ ri yuu kati. Tɔ̀ɔ, ri zi kati nandon, nɛɛ vuu ɓɔɔ zang kɔɔrɔ ri ka yuu ɓaaɓɛ ɓi niizang kpang. Nɛɛ mɔɔ dũng ɓaa doo nyaa ɓɔɔ Musa dang ɓɛɛ kɔ.

Zang Shonang Yeesɔ 21:26

A Bulu daa nɛɛ rɛɛ zang keɓe. Ɓɔɔ nɔng naa gãntɛ pálɛ́ vuu ɓɔɔ zang pálɛ̀, tɔ̀ɔ, zang nwang zang tɔ̃ɔ ka tĩng Laa ɓɛɛ. A daa kaa yeti Gãa Laa nɛɛ wu kɔɔ zang diki ɓɔɔ vuu ɓɔɔ ri palɛ, nɛɛ ri nwang zang tɔ̃ɔ ka tĩng Laa waa nyaa kagn ɓɛɛ. Diki ɓɔɔ zang dɔ̀ɔ́ Laa vuu vaa kagn ka ruu zang ɓu ɓɛɛ.

Zang Shonang Yeesɔ 24:18

N palɛ vuu keɓe kɔ, a ri naa ĩi m ka yeti Gãa Laa, bɛ̀ɛ́ n hangsɛ vuu ɓɔɔ zang palɛ, tɔ̀ɔ, zang nwang zang tɔ̃ɔ ka tĩng Laa tɔkn ɓɛɛ tɔ. Bɛɛ zang kpalɛ ka bii mɛɛ kpang. Zang ti haa nyaa kpang.

1 Koranti 11:28

Ka ruu nɔngkɔ, zang ɓu wu bengke yeti ɓiɓɛ ka gbongkarɛ waasɛ̃ tɔɔ wu shaa borodi Kpanti Yeesɔ, wu ti ɓoo mii inabi ɓiɓɛ.

Yakubu 4:8

A ka bii Laa naabm, tɔɔ wu ti a jong ka bii ɓaaɓɛ naabm. Ɓɔɔ nɔɔ zang ɓɔɔ nɔɔ pálɛ̀ vuu shi kpang, nɔɔ yaa vuu shi kpang palɛnang ta. Nɔɔ ti kɔ̃sɔ yeti manɛ nɔɔ zang ɓɔɔ nɔɔ ta yeti ziti ɓɛɛ.