Yɔhana 10:30 - Nyaa Shɔɔ Ɓɔɔ Laa a Ɓɛɛ

³⁰ Ɓɔɔ n nɛɛ Daa ruu gbete.”

Yɔhana 10:30 ပူးပေါင်းရင်းမြစ်များ

Matiyu 11:27

A Yeesɔ naa risi nyaa, kɔɔ ri tɔkn tɔɔ, “Daa mɛɛ, a m vuu piti tɔ ka naa. Zang ɓɔɔ zi m Jaa Laa, kagn gbete kpang, ɓi Daa mɛɛ kɔ gbete. Zang ɓɔɔ ti zi Daa mɛɛ kagn gbete kpang, ɓi nkɔ Jaa ɓiɓɛ n zirɛ, nɛɛ zang ɓɔɔ n kasɛ nɛɛ n tusu ri Daa mɛɛ ɓɛɛ.

Matiyu 28:19

Ka ruu nɔngkɔ, nɔɔ dita, nɔɔ daa kɔɔ zang tipi ɓɔɔ ka koo keɓe nandon ruu mɛɛ, tɔɔ, ri nwang zang ɓɔɔ ri dũng m kati. Nɔɔ ti palɛ ri batizima nɛɛ nung Daa mɛɛ Laa, nɛɛ ɓɔɔ mɛɛ Jaa ɓiɓɛ, nɛɛ ɓɔɔ Suru Laa.

Yɔhana 10:29

Daa mɛɛ ɓɔɔ wukɔ a m ri, ɓa zang katɔ nandon. Zang ɓɔɔ ta ri nɛɛ naa Daa mɛɛ, nɛɛ kaka kagn gbete kpang.

Yɔhana 10:36

a zang ɓɔɔ Daa zɔ̃ngnɛ, a shong wu ka koo ɓɛɛ, nɔɔ kɔɔ ka ruu vi nɛɛ n kɔɔrɔ ruu shi kpang ka ruu ɓɔɔ n kɔɔyi nɛɛ n Jaa Laa viya?

Yɔhana 14:23

Yeesɔ kasɛ wu nyaa tɔɔ, “Zang ɓɔɔ nɛɛ kasɛ m katɔ, dũng vuu ɓɔɔ n tusu katɔ. Daa mɛɛ kasɛ wu katɔ. Ruu ti a nɛɛ Daa mɛɛ ka bii ɓiɓɛ ruu nwáng nɛɛ wu.

Yɔhana 14:9

Yeesɔ kasɛ wu nyaa tɔɔ, “Filibu, n nwáng tɔ, nɛɛ nɔɔ diki mɛɛ bee tɔ, mɔɔ zi m nung gn kpang ya? Zang ɓɔɔ nɛɛ zi m tɔ, zi Daa tɔ. A mɔɔ kɔɔ m ka ruu vi nɛɛ, n shìng nɔɔ ta, nɔɔ zi Daa nung viya?

Yɔhana 16:15

Vuu Daa mɛɛ piti ɓi ɓɔɔ mɛɛ, ka ruu nɔngkɔ, n kɔɔ nɛɛ Suru Laa naa tuu yee ɓɔɔ n a wu, wu kɔɔ nɔɔ.

Yɔhana 17:10

Zang mɛɛ piti ɓi ɓɔɔ ɓaaɓɛ, a zang ɓaaɓɛ piti ti ɓɔɔ mɛɛ. N ti walɛ bannang tɔ ka ruu ɓarɛ.

Yɔhana 5:17

Yeesɔ kɔɔ ri tɔɔ, “Daa mɛɛ palɛ shonang ɓi doo naa, n ti palɛ shonang jong.”

Yɔhana 5:23

Tɔ̀ɔ, zang ri á Jaa bannang kati, naa ɓɔɔ ri á Daa ɓɛɛ. Zang ɓɔɔ nɛɛ á Jaa bannang kpang, á Daa ɓɔɔ shong wu bannang doo kpang kɔ.

Yɔhana 8:58

Yeesɔ kasɛ ri nyaa tɔɔ, “N kɔɔ nɔɔ ruu ɓɔɔ niizang kɔ nwani, ɓɔɔ zang yi Ibirayi bɛ̀ɛ́ n m kaa gn kɔ nwani.”

1 Timoti 3:16

Ruu niizang ɓɔɔ Laa nwangsɛ ka yuu gbalang ɓiɓɛ kɔ ruu dũng ɓee, bang dɔɔli. Wu vuu ɓɔɔ zang laa nyaa ɓiɓɛ kpang. Yeesɔ tuu bii shɔnzang a nɔng ka koo. Suru Laa tusu nɛɛ wu ɓi zang ɓɔɔ shi kpang ka bii ɓiɓɛ kpang ɓɛɛ. Zang nyaa shonang Laa ɓɔɔ ri ka lapa, ri zi wu nɛɛ jĩng ɓarɛ. Zang ri kɔɔ ruu ɓiɓɛ ka koo piti. A zang dɔɔli ka koo ri shing danggn tɔ ka bii ɓiɓɛ. Zang tuu wu tɔ, zang daa nɛɛ wu ka lapa, ka tĩng Laa.

Titu 2:13

Ka wee ruu nwangnɛ, ruu gã diki tĩnang tãanang ɓɔɔ ruu shing gn nɛɛ naa a ɓɛɛ. Diki ɓɔɔ bannang Laa ɓuru Yeesɔ Kirisi ɓɔɔ wukɔ ɓa zang piti, ɓɔɔ wukɔ ti ta yuu ɓuru naa nwangsɛ bii ɓɛɛ.

1 Yɔhana 5:20

Ruu zi tɔ nɛɛ, Jaa Laa arɛ tùsù ruu gbalang ɓɔɔ ruu zi Laa ɓɔɔ wukɔ niizang ɓɛɛ. Ruu ɓuru ɓɔɔ Laa keɓe kɔ, ka ruu ɓɔɔ, ruu ɓuru ɓɔɔ Jaa ɓiɓɛ Yeesɔ Kirisi ɓɛɛ. Yeesɔ Kirisi keɓe wukɔ Laa niizang, wukɔ ti suru bii ɓɔɔ waa nyaa kpang ɓɛɛ.

1 Yɔhana 5:7

Vuu taati tùsú ruu rúu keɓe.