Yɔhana 10:27 - Nyaa Shɔɔ Ɓɔɔ Laa a Ɓɛɛ

²⁷ Mɛ̀ɛrɛ́ mɛɛ ri tãa yee mɛɛ ɓarɛ katɔ. N zi ri nung tɔ, a ri dũng m katɔ.

Yɔhana 10:27 ပူးပေါင်းရင်းမြစ်များ

Matiyu 16:24

A Yeesɔ kɔɔ zang ɓɔɔ ri mantɛ vuu ka bii ɓiɓɛ tɔɔ, “Zang piti ɓɔɔ nɛɛ tɔɔ wu dũng m, wu yaa yuu ɓiɓɛ kasɛnang ta, wu ta jĩng dannang ɓɔɔ a ka ruu nung mɛɛ ɓɛɛ, wu tuu laa ɓɔɔ zang ɓaa wu kagn, wu dũng m.

Matiyu 17:5

Bituru rang yee doo naa nyaa, sãmbong ɓɔɔ puru shãa shãa arɛ naa zuu ri kati. A ri tãa yee nɛɛ yeti sãmbong nɛɛ, “Wee Jaa mɛɛ ɓɔɔ yeti mɛɛ kasɛ gbãng gbãng kɔ. N tãa tĩnang ɓiɓɛ dɔɔli. Nɔɔ ɓaa shoo ka nyaa ɓiɓɛ ning.”

Matiyu 25:12

“Sinyɛ ɓeevɛ kasɛ ri nyaa tɔɔ, ‘N kɔɔ nɔɔ katɔ kɔ nwani, n zi nɔɔ nung kpang.’ ”

Matiyu 7:23

A n naa kɔɔ ri m dɔ̃ɔ gbete nɛɛ, ‘N zi nɔɔ m gn, gn kpang. Nɔɔ dita kaaɓa, zang shi kpang kiɓi.’

Maraku 10:21

Yeesɔ shu wu jĩng tɔ ka bii, kasɛ wu kati. A kɔɔ wu tɔɔ, “Mɔɔ shing jĩng tɔ ka nyaa ɓɔɔ Laa dang ɓɛɛ niizang, yaa mɔɔ vuu gbete. Dita, mɔɔ daa mãlɛ̀ vuu naa ɓaaɓɛ nandon, mɔɔ basɛ zang ɓɔɔ vuu ka naa ɓarɛ kpang, saka vuu ɓɔɔ mɔɔ mãlɛ́ ɓɛɛ. Mɔɔ naa walɛ vuu naa ditɔ ka lapa. Tɔ̀ɔ, mɔɔ arɛ mɔɔ dũng m.”

Maraku 8:34

A Yeesɔ ɓaa nyaa ka zang ɓɔɔ ri kpalɛ zɔɔ, nɛɛ zang ɓɔɔ ri mantɛ vuu ka bii ɓiɓɛ, a kɔɔ ri tɔɔ, “Zang piti ɓɔɔ nɛɛ tɔɔ wu dũng m, wu yaa yuu ɓiɓɛ kasɛnang ta, wu ta jĩng dannang ɓɔɔ a ka ruu nung mɛɛ ɓɛɛ. Wu tuu laa ɓiɓɛ ɓɔɔ zang naa ɓaa wu naa kagn ɓɛɛ, wu dũng m.

Luka 13:27

Naa kasɛ nyaa ɓi kaa nɛɛ, ‘N kɔɔ nɔɔ, n zi nɔɔ nung m kpang. Nɔɔ dita kaaɓa nɔɔ yaa m bii, nɔɔ zang vuu shi kpang palɛnang kiɓi.’

Luka 9:23

A kɔɔ zang tɔɔ, “Zang ɓɔɔ nɛɛ tɔɔ wu dũng m, wu yaa yuu ɓiɓɛ kasɛnang ta, wu ta jĩng dannang ɓɔɔ a ka ruu nung mɛɛ diki, diki wu dũng m.

Yɔhana 10:14

“Nkɔ jagãng ɓɔɔ tɔ̃ɔ ɓɛɛ. Naa ɓɔɔ Daa zi m nung tɔ, n zi Daa nung tɔ jong. N zi mɛ̀ɛrɛ́ nung doo nɔngkɔ, ri ti zi m nung tɔ jong. N ti mãlɛ́ yuu mɛɛ, zang nyɔ m vɔrɔ ka ruu ɓarɛ.

Yɔhana 10:16

Mɛ̀ɛrɛ́ mɛɛ ɓɔɔ ti kagn, ɓɔɔ ri ka vaa keɓe kpang ɓɛɛ. N atɛ ri ditɔ jong. Ri naa tã̀á yee mɛɛ ditɔ, tɔ̀ɔ, ri nwang kaa vàa gbete, jagãng ɓarɛ ti gbete.

Yɔhana 10:8

Zang ɓɔɔ ri á ka tĩng mɛɛ nandon, ri ɓarɛ shɔngɓɔ, a ri ti zang ɓɔɔ ta zang vuu nɛɛ ɓangge ɓɛɛ. Mɛ̀ɛrɛ́ ri ti ɓáa shoo ka nyaa ɓarɛ kpang.

Yɔhana 12:26

Zang ɓɔɔ nɛɛ shòng m shonang, wu dũng, m ka knti. Nɔng ɓɔɔ n kagn zang shonang mɛɛ nwáng doo ka nɔngkɔ. Daa mɛɛ ti naa a zang ɓɔɔ palɛ m shonang bannang katɔ.”

Yɔhana 21:22

Yeesɔ kasɛ wu nyaa tɔɔ, “Naa n kasɛ nɛɛ wu vɔ kpang, n gbãayu nɛɛ mani, ruu ɓaa hãa kagn ya? Palɛ ɓaa vuu ɓɔɔ n kasɛ ɓɛɛ.”

Yɔhana 5:25

N kɔ̀ɔ́ nɔɔ ruu ɓɔɔ niizang kɔ nwani, diki a kana, diki bìí ti a tɔ, diki ɓɔɔ zang ɓɔɔ ri vɔlɔ tɔ ri tãa yee Jaa Laa ɓɛɛ. Zang ɓɔɔ ri tãayi, a ri ti dũngnɛ, ri nwáng ningkãari tɔkn.

Yɔhana 8:12

A Yeesɔ rang zang Farisi yee tɔkn tɔɔ, “Nkɔ yakɛ koo, zang ɓɔɔ nɛɛ dũ̀ng m ra ka nɔng ɓɔɔ tɔɔ katɔ kpang. Walɛ ɓi nɔng yakɛnang ɓɔɔ a zang suru bii ɓɛɛ kɔ jong.”

Yɔhana 8:43

Nɔɔ zi vuu ɓɔɔ n kɔɔ ɓɛɛ kpang ka ruu viya? Ɓi ka ruu ɓɔɔ nɔɔ kasɛ nɛɛ nɔɔ dũ̀ng vuu ɓɔɔ n kɔɔ ɓɛɛ kpang ɓɛɛ.

Zang Shonang Yeesɔ 3:23

Zang ɓɔɔ nɛɛ ɓaa shoo ka nyaa zang nyaa shonang Laa kaɓa kpang, zang nwángsɛ́ wu katɔ nɛɛ teteng zang Laa, zang nyɔ wu vɔrɔ.’

1 Koranti 8:3

A zang ɓɔɔ kasɛ Laa, Laa zi wukɔ nɛɛ wu zang ɓiɓɛ.

Galati 4:9

A kãntang keɓe nɔɔ zi Laa tɔ kati. N kɔɔ ɓu biya, Laa zi nɔɔ tɔ kati ɓee. Ka ruu vi, nɔɔ gbãayu ka rɛɛ nyaa dannang ɓɔɔ shɔnzang ri tusu, ɓɔɔ ri lakɛ naa ka bii kpang, a naa vuu palɛnang ɓarɛ ti kagn kpang, nɔɔ nwang jaafoo ɓarɛ tɔkn viya?

2 Timoti 2:19

A doo gãa ɓɔɔ Laa loo ɓɛɛ, shii ɓi katɔ katakata, zang zĩiti kpang. Zang bee vuu keɓe ka bii ɓiɓɛ nɛɛ, “Laa zi rɛɛ zang ɓɔɔ ri ɓarɛ ɓɔɔ ɓiɓɛ tɔ”. A “Zang ɓɔɔ nɛɛ kɔɔyi nɛɛ, wu ɓɔɔ Kpanti Laa, wu yaa gbalang vuu shi kpang ɓɔɔ wu palɛ katɔ.”

Yahudi 3:7

Ka ruu nɔngkɔ, naa ɓɔɔ Suru Laa kɔɔ ɓɛɛ, “Naa nɔɔ tãa yee Laa lɛ̀ɛ́kɔ,

Vuu ɓɔɔ zang nwangsɛ Yɔhana 14:4

Zang keɓe nandon, ɓi rikɔ zang ɓɔɔ ri palɛ dũndũng nɛɛ zang soro kpang, ri yiti yuu ɓarɛ waasɛ̃ ɓɛɛ. Rikɔ ti dũlu Jaa Mɛ̀ɛrɛ́ ka knti ka nɔng ɓɔɔ wu dàá ɓɛɛ piti. Zang tà yuu ɓarɛ kɔ, nɛɛ teteng rɛɛ shɔnzang, a zang a Laa nɛɛ Jaa Mɛɛrɛ ɓiɓɛ ri.

Vuu ɓɔɔ zang nwangsɛ Yɔhana 3:20

Nɔɔ zirɛ, n shii ka nyaa gãa, n waa nyaa gãa. Zang ɓɔɔ nɛɛ tãa yee mɛɛ, nɛɛ puu nyaa gãa, n shɛ̃ɛ ka yeti gãa ɓiɓɛ. Ruu shaa vuu shaanang nɛɛ zɔɔ nɔng gbete.