Yɔhana 1:33 - Nyaa Shɔɔ Ɓɔɔ Laa a Ɓɛɛ

³³ N nɛɛ ti zi m kpang nɛɛ wukɔ kpang. Laa ɓɔɔ shɔng m nɛɛ n naa pàlɛ̀ zang batizima nɛɛ mii, wukɔ kɔɔ m tɔɔ, ‘Zang ɓɔɔ mɔɔ zirɛ Suru Laa arɛ naa nwàng ka yuu ɓiɓɛ, zang keɓe kɔ naa pàlɛ́ zang batizima nɛɛ Suru Laa.’

Yɔhana 1:33 ပူးပေါင်းရင်းမြစ်များ

Matiyu 3:11

“N pàlɛ́ nɔɔ batizima m nɛɛ mii, ka ruu yeti ɓɔɔ nɔɔ kɔ̃sɔ ɓɛɛ. Zang ɓɔɔ a ka knti mɛɛ, ɓá m bannang katɔ, n daa naa ɓɔɔ n tu koodoo ɓiɓɛ kpang. Wukɔ naa palɛ nɔɔ batizima nɛɛ Suru Laa nɛɛ waa.

Luka 3:16

A Yɔhana kasɛ ri nyaa nandon tɔɔ, “N pàlɛ́ nɔɔ batizima m nɛɛ mii, zang ɓɔɔ naa a ka knti mɛɛ, ɓa m bannang katɔ. N daa naa ɓɔɔ n kãlɛ soo koodoo ɓiɓɛ kpang. Wukɔ naa pàlɛ́ nɔɔ batizima nɛɛ Suru Laa nɛɛ waa.

Yɔhana 1:31

Bɛ̀ɛ́ n zi wu nung m doo kpang kɔ doori. Ka ruu nɔngkɔ, n arɛ n pàlɛ́ zang batizima nɛɛ mii, tɔ̀ɔ, Laa wu nwangsɛ zang Isirela wu kati nɛɛ wukɔ Kirisi.”

Yɔhana 14:26

Suru Laa ɓɔɔ Daa naa shong wu ka nung mɛɛ, naa tusu nɔɔ vuu ditɔ nandon. Wu ti kpaa nɔɔ danggn vuu ɓɔɔ n kɔ̀ɔ nɔɔ ɓɛɛ nandon.

Yɔhana 3:34

Ka ruu ɓɔɔ, zang ɓɔɔ Laa shongnɛ, rang ɓi doo yee Laa kɔ ɓɛɛ. Laa a wu Suru ɓiɓɛ, di nyaa kpang.

Yɔhana 3:5

Yeesɔ kɔɔ wu tɔɔ, “N kɔ̀ɔ́ mɔɔ ruu ɓɔɔ niizang kɔ nwani, naa zang yi zang nɛɛ mii, a ɓɔɔ nɛɛ bii Suru Laa kpang, zang keɓe daa nɔng ɓɔɔ Laa naa roo kpanti ɓi kpang.

Yɔhana 7:39

Yeesɔ kɔɔ ruu keɓe, ɓi ka yuu Suru Laa ɓɔɔ Laa naa a zang ɓɔɔ ri shing danggn ka bii Yeesɔ ɓɛɛ. Ka laa kaɓa, bɛ̀ɛ́ Laa a ri Suru bii gn kpang, ka ruu ɓɔɔ bɛ̀ɛ́ zang wisi Yeesɔ paa gn nɛɛ sàa, zang a wu bannang kpang ɓɛɛ.

Zang Shonang Yeesɔ 1:5

Ka ruu ɓɔɔ, Yɔhana pàlɛ̀ zang batizima nɛɛ mii. Diki bée takpang, zang pàlɛ́ nɔɔ batizima ditɔ nɛɛ Suru Laa.”

Zang Shonang Yeesɔ 2:4

Suru Laa a kaa bii ɓarɛ, a ri gaayu yee rannang kaa nɛɛ nyaa zang ɓɔɔgn naa ɓɔɔ Suru Laa tusu ri nɛɛ ri rang ɓɛɛ.

1 Koranti 12:13

Ruu doo nɔngkɔ. Zang ɓɔɔ kagn teteng ɓuru, ri ɓarɛ zang Yahudi, a zang ɓɔɔ ɓarɛ zang Yahudi kpang. Zang ɓɔɔ ri ɓarɛ jaafoo a zang ɓɔɔ ɓarɛ jaafoo kpang. Ruu nandon, ruu raa tɔ naa zang gbete, ka làa ɓɔɔ zang palɛ ruu batizima ɓɛɛ. Ka ruu ɓɔɔ ka diki kaɓa, Laa a ruu Suru ɓiɓɛ gbete kaɓa kɔ ɓɛɛ. Laa a ruu ɓi Suru gbete kaɓa kɔ nandon nɛɛ wu nwang ka yeti ɓuru.