Galati 6:8 - Nyaa Shɔɔ Ɓɔɔ Laa a Ɓɛɛ

⁸ Naa zang ɓɔɔ ɓaa vuu shi kpang ɓɔɔ bii shɔnzang ɓiɓɛ kasɛ ɓɛɛ, ti naa nwǎng wu ɓi vɔrɔ. Zang ɓɔɔ nɛɛ ɓayi, nɛɛ tɔɔ Suru Laa wu tãa tĩnang, naa nwǎng wu suru bii ɓɔɔ waa nyaa kpang ɓɛɛ.

Galati 6:8 ပူးပေါင်းရင်းမြစ်များ

Matiyu 19:29

Zang piti ɓɔɔ yaa gãa ɓiɓɛ, nɛɛ ɓeezung, nɛɛ ɓeenaa, nɛɛ diiɓɛ, nɛɛ niiɓɛ, nɛɛ wujɛ ɓiɓɛ, a ɓɔɔ tipi jaa lannang ɓiɓɛ, ka ruu mɛɛ, naa walɛ vuu ɓɔɔ wu yaa ɓɛɛ ditɔ dakn laa maani. Ti walɛ suru bii ɓɔɔ waa nyaa kpang ɓɛɛ katɔ.

Matiyu 25:46

“Ri naa daa ɓarɛ ka nɔng jĩng dannang ɓɔɔ waa nyaa kpang ɓɛɛ. A zang ɓiɓɛ kaɓa, ri naa wàlɛ́ ɓarɛ kaa suru bii ɓɔɔ waa nyaa kpang ɓɛɛ.”

Luka 18:30

naa walɛ vuu keɓe ditɔ nɛɛ zang ɓɔɔ wu yaa ɓɛɛ gaagaa ka koo keɓe. Wu ti naa nwang nɛɛ Laa dòndòng ka koo ɓɔɔ naa a ɓɛɛ.”

Yɔhana 4:14

Zang piti ɓɔɔ ɓoo mii ɓɔɔ n a wu, sutu mãa wu takpang, ka ruu ɓɔɔ, mii ɓɔɔ n a wu, nwàng kaa naa sɔlɔng mii ka yeti ɓiɓɛ ɓɛɛ. Sɔlɔng mii ɓɔɔ nwangsɛ mii ɓɔɔ á wu suru bii ɓɔɔ waa nyaa kpang ɓɛɛ.”

Yɔhana 4:36

Zang jaa lannang wàlɛ́ ɓi kaa vuu ɓɔɔ Laa shing wu katɔ ɓɛɛ. Kpalɛ zang ɓiɓɛ kana, tɔɔ ri walɛ suru bii ɓɔɔ waa nyaa kpang ɓɛɛ. Tɔɔ, zang ɓɔɔ ɓaa jĩng vuu, nɛɛ zang ɓɔɔ naa yeeyi ri tãa tĩnang kaa nyaa zɔɔ.

Yɔhana 6:27

Nɔ́ɔ dang jĩng nɛɛ nɔɔ kãa vuu shaanang ɓɔɔ lasɛ katɔ ɓɛɛ kpang. Nɔɔ dang jĩng ka nɔng vuu shaanang ɓɔɔ lasɛ kpang dòndòng, ɓɔɔ n Jaa Shɔnzang n naa a nɔɔ ɓɛɛ. Ka ruu ɓɔɔ, wukɔ zang ɓɔɔ Laa tusu nɛɛ wu a wu naa tɔ ɓɛɛ.”

Rooma 13:14

Nɔɔ yaa Kpanti Yeesɔ Kirisi wu ta rɛ̃rɛnang manɛ. Nɔ́ɔ ràa shoo tɔ̀ɔ́ vuu ɓɔɔ bii manɛ ɓɔɔ palɛ vuu shi kpang kasɛ ɓɛɛ kpang.

Rooma 6:13

Nɔ́ɔ ti yaa bii manɛ dang gbete wu ràa vuu ɓɔɔ nɔ̀ɔ palɛ vuu shi kpang nɛɛ mani ɓɛɛ kpang. Nɔɔ a Laa, bii manɛ naa zang ɓɔɔ zang wisi ri paa nɛɛ sàa ri nwàng kaa ningkãari ɓɛɛ. Nɔɔ risi bii manɛ dang gbete katɔ kɔ jong wu nwang vuu ɓɔɔ Laa palɛ shonang tɔ̃ɔ nɛɛ mani ɓɛɛ.

Rooma 6:23

Zang nɛɛ palɛ vuu shi kpang tɔ, zang vɔ katɔ. Vuu ɓɔɔ Laa a ruu waati, ɓi suru bii ɓɔɔ waa nyaa kpang ɓɛɛ. Ka ruu ɓɔɔ, ruu ɓákɛ́ bii tɔ, nɛɛ Kpanti ɓuru Yeesɔ Kirisi ɓɛɛ.

Rooma 8:11

Laa ɓɔɔ wisi Yeesɔ paa nɛɛ saa, suru ɓiɓɛ nɛɛ nwàng ka yeti manɛ, Laa keɓe ɓɔɔ wisi Kirisi paa nɛɛ saa, a nɔɔ suru bii ditɔ. A nɔɔ suru bii nɛɛ bii Suru ɓiɓɛ ɓɔɔ nwang ka yeti manɛ ɓɛɛ.

Rooma 8:13

Naa ruu nwang naa ɓɔɔ bii ɓuru kasɛ, ruu vɔ katɔ. A naa Suru Laa yi ruu naa kagn, ruu yaa vuu shi kpang ɓɔɔ ruu palɛ dɔ̃ɔ gbete, ruu nwáng ditɔ ningkãari.

Rooma 8:6

Naa zang rɛ̃rɛ shi kpang, naa ɓɔɔ bii shɔnzang kasɛ ɓɛɛ kɔ shɛ̃ɛning, nwǎng zang ɓi vɔrɔ. Naa zang rɛ̃rɛ ka yuu vuu ɓɔɔ Suru Laa kasɛ, Laa shingnɛ zang walɛ suru bii ɓɔɔ waa nyaa kpang, a yeti zang ti valɛ katɔ.

1 Koranti 15:42

Bii zang ɓɔɔ yupaa nɛɛ sàa nwáng ɓi doo nɔngkɔ. Bii shɔnzang nwàng ɓi doo naa jĩng vuu kɔ. Ɓɔɔ zang gbã́a bii, pũng ɓi katɔ. Laa nɛɛ naa wisi wu paa nɛɛ sàa, bii ɓiɓɛ raa ɓi kaa vuu ɓɔɔ pũ̀ng takpang, ɓɛɛ.

Galati 6:7

Nɔɔ nwãarɛ yuu manɛ kpang. Laa ɓi zang ɓɔɔ zang risi wu naa shoko kpang. Vuu ɓɔɔ mɔɔ ɓayi, mɔɔ naa yee ɓaa doo wukɔ.

1 Timoti 1:16

Ka ruu ruu keɓe kɔ, gn mɛɛ kɔng Laa, nɛɛ tɔ̀ɔ, Yeesɔ Kirisi wu túsú naa ɓɔɔ wu mã danggn nɛɛ n gbãng gbãng, wu tà yuu mɛɛ ɓɛɛ. Ɓɔɔ nkɔ pálɛ̀ vuu shi kpang n ɓa zang piti ɓɛɛ. Tɔ̀ɔ, zang piti ɓɔɔ ri naa shing danggn ka bii ɓiɓɛ, ri zi kati, ri walɛ suru bii ɓɔɔ waa nyaa kpang kati.

Titu 3:7

Tɔ̀ɔ, ka ruu tɔ̃ɔ Yeesɔ Kirisi, ruu nwang zang tɔ̃ɔ kaa tĩng Laa, a ruu wàlɛ́ suru bii ɓɔɔ waa nyaa kpang ɓɔɔ ruu shing gn ɓiɓɛ kati.

Yakubu 3:18

Zang ɓɔɔ ri kasɛ nɛɛ zang ri nwang ka nyaa zɔɔ, ri pálɛ́ vuu ɓɔɔ tɔ̃ɔ ɓɛɛ, tɔɔ ri shing zang, zang ri nwang kaa nyaa zɔɔ.

2 Bituru 2:12

Zang keɓe ri rangkɛ yee shi kpang ka yuu vuu ɓɔɔ ri zi tɔ̃ɔ tɔ̃ɔ kpang ɓɛɛ. Ri palɛ vuu naa shoko. Ri palɛ vuu teetee naa yɔpɔ jĩngti ɓɔɔ zang yi ri nɛɛ, ri nɛɛ bang tɔ, zang yirɛ zang yee ɓɛɛ. Niizang, ri shàarɛ́ dòo nɔngkɔ, naa yɔpɔ jĩngti, zang tãa nung ɓarɛ takpang.

2 Bituru 2:19

Ri kɔɔrɔ zang kaɓa nɛɛ ri naa yaa ri naa ditɔ, a ɓeekpang ɓɔɔ ri rang yee keɓe, ri zunung naa ɓɔɔ ri yaa vuu shi kpang ɓɔɔ ri palɛ ɓɛɛ kpang. Naa vuu ɓɔɔ yiti zang, zang zunung yaanang kpang, zang nwang ɓi kaa jaafoo vuu bìí.

Yahuza 1:21

Nɔɔ yiti yuu manɛ ka kasɛnang ɓɔɔ Laa kasɛ nɔɔ ɓɛɛ, ka ɓɔɔ nɔɔ gã Kpanti ɓuru Yeesɔ Kirisi wu pàlɛ̀ ruu tɔ̃ɔ, wu a ruu suru bii ɓɔɔ waa nyaa kpang ɓɛɛ.

Vuu ɓɔɔ zang nwangsɛ Yɔhana 22:11

Zang ɓɔɔ palɛ vuu shi kpang, wu yaa palɛnang kpang, zang ɓɔɔ palɛ vuu sãnsãnrãng, wu yaa palɛnang kpang. Ɓɔɔ zang ɓɔɔ zang tɔ̃ɔ ka tĩng Laa ɓɛɛ, wu yi tĩng ɓi nɛɛ tɔ̃ɔ palɛnang. Zang ɓɔɔ ɓi ti zang Laa, wu yaa Laa dũnnang kpang.”