Galati 6:7 - Nyaa Shɔɔ Ɓɔɔ Laa a Ɓɛɛ

⁷ Nɔɔ nwãarɛ yuu manɛ kpang. Laa ɓi zang ɓɔɔ zang risi wu naa shoko kpang. Vuu ɓɔɔ mɔɔ ɓayi, mɔɔ naa yee ɓaa doo wukɔ.

Galati 6:7 ပူးပေါင်းရင်းမြစ်များ

Luka 16:25

“A Ibirayi kasɛ wu nyaa tɔɔ, ‘Man jaa, ɓɔɔ bɛ̀ɛ́ mɔɔ doo ka koo mɔɔ walɛ vuu tɔ̃ɔ, Liyazaru walɛ vuu tɔ̃ɔ ɓi kpang. Kãntang keɓe Liyazaru tãa ɓi kaa tĩnang ka nihn, mɔɔ ti dang ɓaa kaa jĩng.

Luka 21:8

A kɔɔ ri tɔɔ, “Nɔɔ gãng jĩng waasɛ̃ zang ɓɔɔ nɛɛ nwãarɛ nɔɔ. Zang dɔɔli a ditɔ nɛɛ nung mɛɛ, ri naa kɔɔyi nɛɛ rikɔ zang ɓɔɔ naa a ɓɛɛ. A ri ti kɔɔ nɛɛ diki a naabm tɔ. Nɔɔ dũ̀ng ri kpang.

1 Koranti 15:33

Nɔ́ɔ yaa zang ri nwãarɛ nɔɔ kpang. “Naa mɔɔ rakɛ nɛɛ zang ɓɔɔ ri palɛ shi kpang, mɔɔ naa palɛ doo shi kpang naa ɓɔɔ ri palɛ ɓɛɛ kɔ.”

1 Koranti 3:18

Nɔ́ɔ nwãarɛ yuu manɛ kpang. Naa zang ɓɔɔ ka teteng manɛ tuu yuu ɓiɓɛ nɛɛ wu zũng dɔɔli ka yeti vuu koo keɓe, wu risi yuu ɓiɓɛ naa shoko, tɔ̀ɔ, wu zũng kati.

1 Koranti 6:9

Nɔɔ zi tɔ nɛɛ, zang ɓɔɔ ri ta yeti shi kpang, ri daa nɔng ɓɔɔ Laa roo kpanti kpang. Nɔ́ɔ nwãarɛ yuu manɛ kpang. Zang ɓɔɔ ri palɛ dũndũng, zang ɓɔɔ ri bang vaka, zang ɓɔɔ ri rooro nɛɛ soro zang, zang varɛ ɓɔɔ ri rooro doo nɛɛ zang varɛ kɔ ɓɛɛ.

2 Koranti 9:6

Danggn wu ning nɔɔ kpang, zang ɓɔɔ nɛɛ ɓaa jĩng vuu tɔkɔlɔng, ti yee ɓi doo tɔkɔlɔng kɔ. Zang ɓɔɔ nɛɛ ɓaa jĩng vuu dɔɔli, ti naa yee ɓi doo dɔɔli kɔ.

Galati 6:3

Naa zang ɓɔɔ tuu yuu ɓiɓɛ nɛɛ wu vuu ɓɔɔ, a ɓeekpang wu ɓi vuu ɓɔɔ kpang, zang keɓe nwãarɛ ɓi yuu ɓiɓɛ.

Afisa 5:6

Zang ɓɔɔ wu nwãarɛ nɔɔ nɛɛ nyaa shoko kpang. Ɓi ka ruu rɛɛ vuu shi kpang keɓe kɔ, gnvɔ shaa Laa nɛɛ zang ɓɔɔ ri dũng nyaa ɓiɓɛ kpang ɓɛɛ.

2 Tesalonika 2:3

Nɔɔ yaa zang ɓɔɔ wu nwãarɛ nɔɔ ka gbalang ɓɔɔ kpang. Zang dɔɔli ri nɛɛ raa Laa yuu knti tɔ naa ɓɔɔ zang kɔɔ ɓɛɛ a yɔɔ ɓɔɔ dũ̀ng nyaa dannang ɓi kpang nɛɛ nwang nyaa tɔ, ɓɔɔ Laa naa ningsi wu ɓi ka waa ɓɛɛ, tɔ̀ɔ, Diki Kpanti ɓuru wu a kati.

Yakubu 1:22

Nɔɔ palɛ vuu ɓɔɔ ruu keɓe kɔɔ ɓɛɛ katɔ. Nɔ́ɔ nwãarɛ yuu manɛ nɛɛ ruu tãanang kɔ shɛ̃ɛning kpang.

Yakubu 1:26

Zang ɓɔɔ nɛɛ tɔɔ wu dũng Laa, nɛɛ mung nyaa ɓiɓɛ kpang, nwãarɛ ɓi yuu ɓiɓɛ, Laa dũnnang ɓiɓɛ ɓi ɓɔɔ waati.

1 Yɔhana 1:8

Naa ruu kɔɔyi nɛɛ, vuu shi kpang ɓi kagn bii ɓuru kpang, ruu nwãarɛ yuu ɓuru. Rúu niizang kagn yeti ɓuru kpang.

1 Yɔhana 3:7

Wujɛ mɛɛ, zang ɓɔɔ wu nwãarɛ nɔɔ kpang. Zang ɓɔɔ palɛ vuu tɔ̃ɔ, ɓi zang tɔ̃ɔ, naa ɓɔɔ Yeesɔ zang tɔ̃ɔ ɓɛɛ.

Yahuza 1:18

Ri kɔɔ nɔɔ nɛɛ, “Diki ɓɔɔ koo waa nyaa kagn nɛɛ a tɔ, zang ri naa nwang nyaa, ri naa kpaa nɔɔ, ri naa dũng ɓarɛ vuu shi kpang ɓɔɔ yeti ɓarɛ ɓɔɔ zi Laa kpang kasɛ ɓɛɛ.”