Galati 6:2 - Nyaa Shɔɔ Ɓɔɔ Laa a Ɓɛɛ

² Vuu ɓɔɔ nɛɛ kpãa zang ɓɔɔ ka teteng manɛ, nɔɔ yi zɔɔ naa kagn. Naa nɔɔ pálɛ̀ nɔngkɔ, nɔɔ dũng nyaa ɓɔɔ Yeesɔ Kirisi dang ɓɛɛ tɔ.

Galati 6:2 ပူးပေါင်းရင်းမြစ်များ

Matiyu 8:17

Vuu kɔ Yeesɔ palɛ ɓee, ɓèe ɓi kaa nyaa vuu ɓɔɔ Ishaya zang nyaa shonang Laa kɔɔ ka tĩng tɛ̃ɛ tɛ̃ɛ ɓɛɛ. Ishaya kɔɔyi tɔɔ, “Zang kaɓa kɔ naa masɛ ruu, wu ti naa see kɔnang ɓuru.”

Luka 11:46

A Yeesɔ kasɛ wu nyaa tɔɔ, “Jĩng dannang kagn yuu manɛ, ɓɔɔ nɔɔ tusu zang Labeenang Laa ɓɛɛ, ka ruu ɓɔɔ, nɔɔ ĩi zang vuu ɓɔɔ kpãa nyaa tuunang katɔ, nɔɔ lee naa manɛ ɓi kagn naa ɓɔɔ nɔɔ yi zang naa tuunang kpang ɓɛɛ.

Yɔhana 13:34

Kãntang keɓe, n dang nɔɔ kaa nyaa ɓɔɔ shɔɔ. Nɔɔ kasɛ ruu zɔɔ katɔ. Naa ɓɔɔ n kasɛ nɔɔ, nɔɔ kasɛ ruu zɔɔ doo nɔngkɔ.

Yɔhana 15:12

N dang nyaa n tɔɔ, nɔɔ yi tĩng ka ɓɔɔ nɔɔ kàsɛ́ zɔɔ katɔ, naa ɓɔɔ n kasɛ nɔɔ ɓɛɛ.

Rooma 15:1

Ɓɔɔ ruu shing danggn ɓuru tɔ gbãng gbãng ɓɛɛ, ruu yi zang ɓɔɔ ri shing danggn doo rɛ̃rɛkɛ naa ka bii, ri shing danggn jong gbãng gbãng. Rúu pálɛ̀ vuu ɓɔɔ shing ruu, rukɔ tãa tĩnang ka bm gbete kpang.

Rooma 8:2

Ka ruu ɓɔɔ, nyaa dannang Suru Laa ɓɔɔ a ruu suru bii nɛɛ bii Yeesɔ Kirisi, ta m tɔ nɛɛ naa nyaa dannang ɓɔɔ vuu shi kpang nɛɛ ɓɔɔ vɔrɔ.

1 Koranti 9:21

Naa n nɛ̀ɛ zang ɓɔɔ ri dũ̀ng nyaa dannang Musa kpang, n palɛ vuu naa ɓɔɔ ri palɛ ɓɛɛ. Tɔ̀ɔ, n atɛ ri jong ri naa dũng Yeesɔ Kirisi. N tɔɔ kpang nɛɛ, n dũ̀ng nyaa dannang Laa kpang, kpang. N dũng m nyaa dannang Yeesɔ Kirisi.

Galati 6:5

Ka ruu ɓɔɔ, zang ɓu palɛ ɓi shonang, ɓɔɔ Laa a wu nɛɛ wu palɛ ɓɛɛ.

1 Tesalonika 5:14

Rɛɛ manzung ɓuru, ruu gaa nɔɔ, nɔɔ shaarɛ zang ɓɔɔ ri nwalɛ waati nyaa katɔ, nɔɔ mã zang ɓɔɔ ri yaa gn naa danggn pati nɔɔ yi zang ɓɔɔ ri lakɛ naa ka bii kpang naa ka bii, a nɔɔ ti mã danggn nɛɛ zang piti.

Yakubu 1:25

Zang ɓɔɔ nɛɛ shing jĩng ka nyaa dannang Laa ɓɔɔ ta yuu ɓuru katɔ waasɛ̃. Nɛɛ dũngnɛ sasak, nɛɛ nwang zang ɓɔɔ tãa ruu, danggn ning wu kpang, nɛɛ ti palɛ vuu ɓɔɔ wu tãa ɓɛɛ katɔ. Laa shing zang keɓe wu tãa tĩnang ka vuu ɓɔɔ wu palɛ piti.

Yakubu 2:12

Ka ruu nɔngkɔ, n kɔɔ nɔɔ, vuu ɓɔɔ nɔɔ kɔɔ ɓɛɛ, nɔɔ palɛ doo nɔngkɔ. Danggn wu ning nɔɔ kpang, lee ɓɔɔ Laa naa jɛ̃ɛ ruu rúu ditɔ ka naa ɓɔɔ ruu dũ̀ng nyaa dannang ɓiɓɛ ɓɔɔ ta yuu ɓuru katɔ ɓɛɛ.

Yakubu 2:8

Nɔɔ nɛɛ dũng nyaa dannang Laa ɓɔɔ ka yeti labeenang ɓiɓɛ. Wukɔ tɔ̃ɔ. Nyaa dannang Laa ɓɔɔ tɔɔ, “Nɔɔ kasɛ zang naa ɓɔɔ nɔɔ kasɛ yuu manɛ ɓɛɛ,”

1 Bituru 2:24

Yeesɔ ta vuu shi kpang ɓuru ɓɔɔ ruu palɛ ɓɛɛ ka yuu ɓiɓɛ, ka ɓɔɔ zang ɓaa wu naa ka laa ɓɛɛ. Nɛɛ tɔ̀ɔ, ruu yi tĩng tɔ̀ɔ́ nɛɛ vuu shi kpang palɛnang kpang. Ruu nwángnɛ́ ruu pálɛ́ kaa vuu tɔ̃ɔ. Kɔnang ɓuru valɛ tɔ nandon, ka ruu nyaa vuu waa ɓɔɔ zang shĩili wu ka bii ɓɛɛ.

2 Bituru 2:21

Ri nɛ̀ɛ́ zi gbalang ɓɔɔ tɔ̃ɔ kpang gbã̀ágbãa, wukɔ nɛɛ tɔ̃ɔ. Ka ɓɔɔ ri zi tɔ, ri naa yaa nyaa dannang Laa tɔkn ri dũng takpang ɓɛɛ.

2 Bituru 3:2

N kasɛ nɛɛ danggn ruu ɓɔɔ zang nyaa shonang Laa ri kɔɔ ka tĩng doo tɛ̃ɛ tɛ̃ɛ wu ning nɔɔ kpang. Danggn nyaa dannang ɓɔɔ dabang ɓuru Yeesɔ Kirisi, ɓɔɔ wukɔ ta yuu ɓuru kɔɔ zang shonang, ɓɔɔ wu shongko ri ka bii manɛ, nɛɛ ri kɔɔ nɔɔ ɓɛɛ, wu ti ning nɔɔ kpang.

1 Yɔhana 4:21

Kirisi dang ruu nyaa tɔ nɛɛ, zang ɓɔɔ kasɛ Ruu Laa, wu ti kasɛ ruu ɓeezung jong.