Galati 6:18 - Nyaa Shɔɔ Ɓɔɔ Laa a Ɓɛɛ

¹⁸ Rɛɛ manzung, n gaa Kpanti ɓuru Yeesɔ Kirisi wu palɛ nɔɔ nandon tɔ̃ɔ. Nɔngkɔ.

Galati 6:18 ပူးပေါင်းရင်းမြစ်များ

Zang Shonang Yeesɔ 1:15

Ka diki ɓɔɔ kagn, zang ɓɔɔ ri shíng danggn tɔ laa maani tu bmati, ri kpalɛ zɔɔ. A Bituru seepaa a shiiyi, rang yee.

Rooma 1:13

Manzung, ɓɔɔ ri dũng doo Laa kɔ ɓɛɛ, n kasɛ nɔɔ zi vuu keɓe. N mang diki diki nɛɛ n daa leng nɔɔ, a vuu ɓɔɔ zãa m kagn. N kasɛ n shing zang ɓɔɔ ka teteng manɛ, ri dũng Laa naa ɓɔɔ n wàlɛ̀ zang ɓɔɔ ri dũng Laa ka teteng zang nimbang, ɓɔɔ ri ɓarɛ zang Yahudi kpang ɓɛɛ.

Rooma 16:20

Laa ɓɔɔ shing ruu, ruu nwang ka nyaa zɔɔ naa lasɛ naa vuu palɛnang Sheetang ditɔ, wu shingnɛ nɔ́ɔ náa Sheetang kaa nɛɛ doo. N gaayi Kpanti ɓuru Yeesɔ Kirisi wu palɛ nɔɔ tɔ̃ɔ.

Rooma 16:23

Gaayu, zang ɓɔɔ n nwang ka gãa ɓiɓɛ, ɓɔɔ zang ɓɔɔ ri dũng Kirisi ri kpalɛ zɔɔ ka gãa ɓiɓɛ ɓɛɛ, jée nɔɔ nyaa jong. Erasitu ɓɔɔ zang gari ri shing saka ka naa ɓiɓɛ, nɛɛ manzung ɓuru Kpaatu ɓɔɔ dũng doo Kirisi kɔ, ri jée nɔɔ nyaa.

2 Koranti 13:14

Tɔ̃ɔ Kpanti Yeesɔ Kirisi, nɛɛ kasɛnang ɓɔɔ Laa kasɛ zang nɛɛ mani, nɛɛ nwannang ɓɔɔ zang nwang ka nyaa zɔɔ nɛɛ Suru Laa, wu nwang nɛɛ nɔɔ nandon.

Galati 3:15

Manzung, n kɔɔ nɔɔ ruu keɓe, n gãsɛ nɛɛ vuu ɓɔɔ ruu palɛ diki diki ɓɛɛ. Naa zang ziti ri a zɔɔ nyaa ka yuu vuu ɓɔɔ, zang ɓɔɔ ta nyaa keɓe kpang, zang ɓɔɔ ti gisi vuu tɔkn ka yuu ɓiɓɛ kpang.

Galati 4:12

Rɛɛ manzung, n gàá nɔɔ katɔ, nɔɔ nwang naa ɓɔɔ n nwàng ɓɛɛ. Ka ruu ɓɔɔ, n nwáng tɔ naa nɔkɔ ɓɛɛ. Nɔɔ pálɛ̀ m vuu shi kpang ɓɔɔ kagn kpang.

Galati 4:28

Kãntang keɓe rɛɛ manzung, nɔɔ manɛ kaa wujɛ Laa, ka ruu nyaa ɓɔɔ wu a ɓɛɛ. Naa ɓɔɔ Laa a nyaa a zang yi Ishaaku ɓɛɛ.

Galati 6:1

Rɛɛ manzung, naa zang ɓɔɔ ka teteng manɛ nɛɛ palɛ zɔ̃ng vuu shi kpang ɓɔɔ kagn. Nɔɔ ɓɔɔ Suru Laa kagn bii manɛ, nɔɔ sɔɔrɔ wu tɔkn ka gbalang. Nɔ́ɔ sɔ́ɔrɔ̀ wu kaa tɔ̀ɔ́ nɛɛ hakaka kpang. Zang ɓu wu gãng jĩng ka yuu ɓiɓɛ, wu nɛɛ palɛ vuu shi kpang jong.

2 Timoti 4:22

Kpanti Yeesɔ Kirisi wu shingnɛ, mɔɔ tãa tĩnang, Laa wu palɛ nɔɔ tɔ̃ɔ nandon.

Filimon 1:25

N gaa Kpanti ɓuru Yeesɔ Kirisi, wu pálɛ̀ nɔɔ tɔ̃ɔ nandon.

Vuu ɓɔɔ zang nwangsɛ Yɔhana 22:21

N gaayi, Kpanti Yeesɔ wu pàlɛ̀ zang Laa piti tɔ̃ɔ. Nɔngkɔ.