Galati 6:16 - Nyaa Shɔɔ Ɓɔɔ Laa a Ɓɛɛ

¹⁶ Zang piti ɓɔɔ ri nwang nwannang naa ɓɔɔ n kɔɔ ɓɛɛ, ɓɔɔ rikɔ zang ɓɔɔ Laa shɛ̃ɛrɛ ri ɓɛɛ, Laa wu shingnɛ yeti ɓarɛ wu valɛ, a gn ɓarɛ wu ti kɔng wu katɔ.

Galati 6:16 ပူးပေါင်းရင်းမြစ်များ

Yɔhana 1:47

Yeesɔ zi Natanalu a kana bii ɓiɓɛ, a kɔɔyi tɔɔ, “Nɔɔ zirɛ, zang ɓɔɔ wukɔ zang Isirela ɓɔɔ niizang kaɓa, vuu ɓɔɔ shing zang, zang pálɛ̀ vuu shi kpang kagn bii ɓiɓɛ kpang.”

Yɔhana 14:27

“Nɔɔ nwang waasɛ̃, vuu koo keɓe shing nɔɔ, nɔɔ nwáng waasɛ̃ kpang. Nwannang waasɛ̃ keɓe a ɓi nɛɛ bii mɛɛ. Yeti manɛ wu lasɛ kpang, nɔɔ ti kaa vɔrɔ kpang.

Yɔhana 16:33

N kɔɔ nɔɔ vuu keɓe, nɛɛ nɔɔ nwáng nɛɛ n, tɔɔ, nɔɔ nwáng kaa waasɛ̃. Nɔɔ dang jĩng katɔ ka koo keɓe. Nɔ́ɔ mã danggn kagn, n ɓá vuu ɓɔɔ ka koo keɓe yuu tɔ.”

Rooma 1:7

Ka ruu nɔngkɔ, n bèé nɔɔ nandon laa keɓe, ɓɔɔ nɔɔ ka gari Rooma, ɓɔɔ Laa kasɛ ruu manɛ katɔ, a zɔ̃ngkɔ nɔɔ nɛɛ nɔ́ɔ naa nwang zang ɓiɓɛ ɓɛɛ. Daa ɓuru Laa nɛɛ, Kpanti ɓuru Yeesɔ Kirisi ri yi nɔɔ naa ka bii, a ri ti shing yeti manɛ ri valɛ katɔ.

Rooma 4:12

Ibirayi ti doo dabang zang ɓɔɔ zang yee ri shaa katɔ kɔ. Wu ka ruu ɓɔɔ, zang yee ri shaa katɔ kɔ shɛ̃ɛning kpang. Ka ruu ɓɔɔ ri nwangnɛ, ri shing danggn ka bii Laa naa ɓɔɔ dabang ɓuru Ibirayi nwangnɛ bɛ̀ɛ́ zang yee wu shaa gn kpang ɓɛɛ.

Galati 1:3

N gaa Daa ɓuru Laa, nɛɛ Kpanti ɓuru Yeesɔ Kirisi, ri palɛ nɔɔ tɔ̃ɔ, ri ti shingnɛ yeti manɛ wu valɛ katɔ.

Galati 3:29

Naa nɔɔ zang Yeesɔ Kirisi, nɔɔ manɛ kaa zɔ̃ng Ibirayi, a nɔɔ naa ta vuu ɓɔɔ Laa a nyaa ka yuu ɓiɓɛ katɔ.

Galati 5:16

Vuu ɓɔɔ n kɔɔ nɔɔ keɓe. Nɔɔ yaa Suru Laa wu tusu nɔɔ naa ɓɔɔ nɔɔ nwang nwannang ɓɛɛ. Nɔ́ɔ tɔɔ kpang nɛɛ nɔɔ palɛ vuu ɓɔɔ bii shɔnzang manɛ kasɛ ɓɛɛ kpang.

Galati 5:25

Suru Laa a ruu suru bii tɔ, ka ruu nɔngkɔ, wukɔ wu ti tusu ruu naa ɓɔɔ ruu nwang nwannang ɓuru ɓɛɛ.

Afisa 6:23

N gaa Daa ɓuru Laa nɛɛ Kpanti ɓuru Yeesɔ Kirisi, ri shing rɛɛ manzung ɓuru, yeti ɓarɛ wu valɛ katɔ, ri kasɛ ruu zɔɔ, ri ti yi rɛɛ manzung ɓuru naa kagn, ri shing danggn.

Filipi 3:16

Vuu ɓɔɔ ɓa vuu piti ɓɛɛ, ruu dũng rɛɛ vuu ɓɔɔ bɛ̀ɛ́ ruu dũng ɓɛɛ kɔ sasak.

Filipi 3:3

Ka ruu ɓɔɔ, ɓi rukɔ zang ɓɔɔ zang yee ri shaa ɓɔɔ niizang ɓɛɛ. Rukɔ bang Laa nɛɛ naa vuu palɛnang Suru ɓiɓɛ, a ruu ti walɛ bannang ɓuru ka bii Yeesɔ Kirisi. Ruu pãng yuu ɓuru ka rɛɛ vuu ɓɔɔ ɓi ɓɔɔ bìí shɔnzang kpang.

Filipi 4:7

Naa nɔɔ palɛ nɔngkɔ, yeti valɛnang ɓɔɔ a nɛɛ bii Laa, ɓɔɔ ɓa naa ɓɔɔ shɔnzang zi naa ɓɔɔ nwang ɓɛɛ katɔ, naa gãng jĩng ka ɓoro manɛ nɛɛ rɛ̃rɛnang manɛ, tɔ̀ɔ, vuu ɓɔɔ wu lee nɔɔ naa kaa tɔ̀ɔ́ bii kpang, ɓɔɔ nɔɔ zang Yeesɔ Kirisi ɓɛɛ.

1 Bituru 1:3

Ruu dɔɔ Laa ɓɔɔ wukɔ Laa nɛɛ Daa Kpanti ɓuru Yeesɔ Kirisi ɓɛɛ. Pàlɛ̀ ruu tɔ̃ɔ gbãng gbãng, ka ruu nɔngkɔ, shingnɛ ruu nwàng zang ɓɔɔ zang yi ruu shɔɔ tɔkn ɓɛɛ, nɛɛ tɔ̀ɔ, gn shinnang ɓuru wu shàarɛ̀ kaa takpang. Ruu walɛ vuu keɓe ka ɓɔɔ zang wisi Yeesɔ paa nɛɛ sàa ɓɛɛ.

Yahuza 1:2

N gaa Laa, gn manɛ wu kɔng wu, wu ti shingnɛ yeti manɛ wu valɛ katɔ, wu ti kasɛ ruu manɛ, gbãng gbãng.