Galati 6:14 - Nyaa Shɔɔ Ɓɔɔ Laa a Ɓɛɛ

¹⁴ Ɓɔɔ mɛɛ, n kɔɔrɔ ruu bang bang m ka yuu laa ɓɔɔ zang ɓaa Kpanti ɓuru Yeesɔ Kirisi naa kagn kɔ shɛ̃ɛning. Ka ruu ɓɔɔ, laa keɓe kɔ shingnɛ, vuu ɓɔɔ ka koo nwàng m vuu ɓɔɔ kpang. Mɔɔ kɔɔ nɛɛ zang ɓaa vuu keɓe tɔ ka yuu laa ɓɔɔ zang ɓaa Yeesɔ kagn ɓɛɛ. N ti nwang m kaa zang ɓɔɔ yaa rɛɛ vuu koo tɔ ɓɛɛ.

Galati 6:14 ပူးပေါင်းရင်းမြစ်များ

Luka 20:16

Naa nyɔkɔ zang ɓɔɔ wu yaa ri jaa keɓe nandon, wu yaa rɛɛ zang ɓɔɔgn jaa bii.” Zang ɓɔɔ ri tãa vuu keɓe, ri tɔɔ, “Laa wu zã́a vuu keɓe nwannang nɔngkɔ katɔ.”

Rooma 1:16

Yusɛ̃ɛ Ruu Tɔ̃ɔ Laa kɔɔnang tuu m kpang. Ruu Tɔ̃ɔ Laa kɔ naa vuu palɛnang Laa ɓɔɔ wu ta yuu zang piti, ɓɔɔ ri shing danggn tɔ nɛɛ mani ɓɛɛ. Zang Yahudi kɔ shɔɔnang, wu tɛɛ zang ɓɔɔ zang Yahudi kpang ɓɛɛ.

Rooma 6:2

Kpang, ruu palɛ nɔngkɔ kpang. Ɓɔɔ ruu yaa vuu shi kpang palɛnang ɓuru tɔ, ruu palɛ takpang.

Rooma 6:6

Ruu zi ɓuru tɔ nɛɛ, zang ɓáa nwannang ɓɔɔ ɓeleng ruu nwang ka tĩng ɓi tɔ ka laa nɛɛ Yeesɔ. Tɔ̀ɔ, bii ɓuru ɓɔɔ kasɛ vuu shi kpang palɛnang wu shaarɛ. Tɔ̀ɔ ruu nwang kaa tɔ̀ɔ́ naa jaafoo vuu shi kpang palɛnang kpang.

1 Koranti 1:23

A ruu kɔ̀ɔrɔ́ zang ɓuru ruu Yeesɔ Kirisi, ɓɔɔ zang ɓaa wu naa ka laa ɓɛɛ. Ruu keɓe làsɛ́ rɛɛ zang Yahudi yeti katɔ, zang ɓɔɔ ri kɔɔ ɓarɛ nɛɛ ɓi ruu shoko.

1 Koranti 15:58

Ka ruu nɔngkɔ, manzung, ɓɔɔ n kasɛ nɔɔ katɔ ɓɛɛ, n kɔɔ nɔɔ, nɔɔ shii nɛɛ kaka, vuu ɓɔɔ wu shing nɔɔ nɔ́ɔ kɔ̃sɔ yeti manɛ kpang. Nɔɔ palɛ shonang Kpanti ɓuru Yeesɔ Kirisi nɛɛ yeti manɛ nandon, ka ruu ɓɔɔ, nɔɔ zi tɔ nɛɛ shonang ɓɔɔ nɔɔ pàlɛ́ Kpanti Kirisi naa nwǎng nɔɔ vuu tɔ̃ɔ katɔ ɓɛɛ.

1 Koranti 2:2

N kɔɔ ka yeti mɛɛ, n tɔɔ, wee n doo nɛɛ nɔɔ ɓee, n rɛ̃rɛ ruu Yeesɔ Kirisi kɔ shɛ̃ɛning. Naa ɓɔɔ zang ɓaa wu ka laa a vɔ ɓɛɛ.

1 Koranti 3:21

Ka ruu nɔngkɔ, zang ɓɔɔ wu rang yee bang bang ka yuu ɓiɓɛ, ka ruu ɓɔɔ wu di yuu ka bii shɔnzang kpang. Vuu piti ɓi ɓɔɔ manɛ.

2 Koranti 11:12

N yaa vuu kɔ n palɛ ɓee kpang. Tɔ̀ɔ, n zãa zang ɓɔɔ ri ɓaa yuu ɓarɛ nɛɛ ri zang shonang Yeesɔ, vuu ɓɔɔ yi ri naa kagn, ri kɔɔ nɛɛ ri palɛ shonang doo naa ɓɔɔ ruu palɛ kɔ ɓɛɛ.

Galati 1:4

Yeesɔ a zang yuu ɓiɓɛ, nɛɛ tɔ̀ɔ, wu ta yuu ɓuru ɓɔɔ ruu zang shi kpang ɓɛɛ. Wu ti ta ruu nɛɛ gbalang vuu shi kpang ɓɔɔ shɔnzang rɛ̃rɛ a ti palɛ ɓɛɛ. Vuu keɓe nwang nɔngkɔ, ka ruu ɓɔɔ, Daa ɓuru Laa kasɛ nɔngkɔ ɓɛɛ.

Galati 2:17

Nɛɛ nɔngkɔ, a wee ruu kãa gbalang ruu nwang zang tɔ̃ɔ ka tĩng Laa ka ɓɔɔ ruu ɓakɛ yuu nɛɛ Kirisi ɓee, zang nɛɛ naa ĩiyi ruu ɓuru doo zang ɓɔɔ ri palɛ vuu shi kpang naa zang ɓɔɔ ri zang Yahudi kpang ɓɛɛ. Nwáng ɓu kaa naa Yeesɔ kɔ shing zang, zang palɛ vuu shi kpang ya? Wu nɔngkɔ kpang.

Galati 2:19

Ɓi rɛɛ nyaa dannang keɓe kɔ shingnɛ n zirɛ nɛɛ n vɔ katɔ, ka ruu ɓɔɔ, n dũng ri nandon kpang ɓɛɛ. Ka ruu nɔngkɔ, n shing danggn tɔ̀ɔ́ ka ri kpang, tɔ̀ɔ, n walɛ suru bii ka bii Laa.

Galati 2:20

Zang ɓaa m naa m tɔ laa nɛɛ Kirisi, ɓi tɔ̀ɔ́ nkɔ nwang ningkãari kpang. Ɓi kaa Kirisi ɓɔɔ ka bii mɛɛ kɔ nwang ningkãari. Nwannang kɔ n nwang kãntang ɓee, n nwang m kaa nɛɛ danggn ɓɔɔ n shing ka bii Jaa Laa ɓɔɔ kasɛ m, a á zang yuu ɓiɓɛ, nɛɛ zang nyɔ wu vɔrɔ ka ruu mɛɛ ɓɛɛ.

Galati 3:21

Wee nwang ɓu kaa naa nyaa ɓɔɔ Laa dangnɛ daa gbete nɛɛ, nyaa ɓɔɔ wu a ɓɛɛ kpang ya? Wu nɔngkɔ kpang tingkiring. Naa nyaa ɓɔɔ zang nɛɛ dang kagn ɓɔɔ a zang suru bii ɓɔɔ waa nyaa kpang, shɔnzang nɛɛ raa zang tɔ̃ɔ katɔ ka tĩng Laa nɛɛ bii nyaa dannang keɓe.

Galati 5:24

Zang ɓɔɔ nɛɛ ɓi kaa zang Yeesɔ Kirisi yáa vuu ɓɔɔ bii shɔnzang kasɛ ɓɛɛ palɛnang ɓi tɔ nandon.

Filipi 3:18

N kɔ̀ɔrɔ̀ nɔɔ rɛɛ vuu keɓe tɔ, wu doo gbete kpang. Vuu kɔ n kɔɔrɔ tɔkn nɛɛ miiri ka jĩng ɓee. N kɔɔ nɔɔ nɛɛ zang ɓɔɔ ri kagn teteng manɛ, ri nwang naa zang ɓɔɔ ri shing jĩng nɛɛ vɔrɔ ɓɔɔ Kirisi vɔ ka yuu laa ɓɛɛ kpang.

Filipi 3:3

Ka ruu ɓɔɔ, ɓi rukɔ zang ɓɔɔ zang yee ri shaa ɓɔɔ niizang ɓɛɛ. Rukɔ bang Laa nɛɛ naa vuu palɛnang Suru ɓiɓɛ, a ruu ti walɛ bannang ɓuru ka bii Yeesɔ Kirisi. Ruu pãng yuu ɓuru ka rɛɛ vuu ɓɔɔ ɓi ɓɔɔ bìí shɔnzang kpang.

Kolosi 2:20

Nɔɔ vɔ manɛ tɔ, nɛɛ Yeesɔ Kirisi, a zang ti ta yuu manɛ tɔ, nɛɛ naa rɛɛ nyaa dannang ɓɔɔ shɔnzang ri tusu ɓɛɛ. A ka ruu vi nɔɔ nwang nwannang naa nɔɔ manɛ zang koo keɓe viya? Ka ruu vi nɔɔ dũng rɛɛ nyaa ɓɔɔ zang dangnɛ nɛɛ,