Galati 6:13 - Nyaa Shɔɔ Ɓɔɔ Laa a Ɓɛɛ

¹³ Naa doo zang ɓɔɔ ri yee shaa, ri dũng nyaa ɓɔɔ zang dang ɓɛɛ kpang. Ri kasɛ ɓarɛ nɛɛ nɔɔ yee shaa, nɛɛ tɔ̀ɔ ri tuu yuu ɓarɛ kati nɛɛ nɔɔ kasɛ tɔ zang yee nɔɔ shaa tɔ.

Galati 6:13 ပူးပေါင်းရင်းမြစ်များ

Matiyu 23:15

“Vuu gn kɔnang kagn yuu manɛ, zang ɓɔɔ tusu zang vuu, nɛɛ zang Farisi. Nɔɔ ɓɔɔ nɔɔ nwãarɛ zang nɛɛ vuu palɛnang ɓɛɛ, ka ruu ɓɔɔ, nɔɔ rakɛ ka yuu tipi, nɛɛ yuu mii waapo piti, ka nɔng ɓɔɔ nɔɔ kãa zang gbete ɓɔɔ dũng knti manɛ ɓɛɛ. Nɔɔ nɛɛ ĩi tɔ, nɔɔ risi wu, wu nwang zang ɓɔɔ ɓa nɔɔ vuu shi kpang palɛnang katɔ dakn ziti, ɓɔɔ daa nɛɛ nɔɔ ning ka waa bang.

Matiyu 23:23

“Vuu gn kɔnang kagn yuu manɛ zang ɓɔɔ tusu zang vuu nɛɛ zang Farisi, nɔɔ ɓɔɔ nɔɔ nwãarɛ zang nɛɛ vuu palɛnang ɓɛɛ. Nɔɔ a Kpanti Laa vuu gbete ka yeti kopi vuu ɓɔɔ nɔɔ langkɛ naa rɛɛ zitaa, nɛɛ seteng, a ɓɔɔ yaaji kɔ̃ɔlaa ɓɛɛ katɔ nandon. A nɔɔ dũng ruu bang ɓɔɔ ka yeti labeenang Kpanti Laa ɓɛɛ kpang. Kpanti Laa kasɛ nɛɛ nɔɔ jɛ̃ɛ zang ruu tɔ̃ɔ. Nɛɛ gn zang wu ti kɔng nɔɔ katɔ, nɛɛ nɔɔ ti kɔɔ ruu ɓɔɔ niizang ɓɛɛ. Nɔɔ palɛ vuu keɓe nɛɛ ɓɔɔ nimbang ning.

Matiyu 23:3

“Ka ruu nɔngkɔ, nɔɔ ɓaa shoo, ka vuu ɓɔɔ, ri kɔɔ nɔɔ tɔ̃ɔ tɔ̃ɔ, tɔ̀ɔ nɔ́ɔ palɛ vuu piti ɓɔɔ ri kɔɔ nɔɔ kati. A nɔ́ɔ pálɛ̀ vuu ɓɔɔ ri palɛ manɛ kpang, ka ruu ɓɔɔ, ri pálɛ̀ vuu ɓɔɔ ri kɔɔ nɛɛ nyaa ɓarɛ kpang ɓɛɛ.

Luka 5:38

Zang tɛ̃ɛ saa shɔɔ ɓi doo ka zàáng ɓɔɔ shɔɔ kɔ doori.

1 Koranti 3:21

Ka ruu nɔngkɔ, zang ɓɔɔ wu rang yee bang bang ka yuu ɓiɓɛ, ka ruu ɓɔɔ wu di yuu ka bii shɔnzang kpang. Vuu piti ɓi ɓɔɔ manɛ.

1 Koranti 5:6

Daa naa ɓɔɔ nɔɔ tuu yuu manɛ naa wee nɔɔ pálɛ̀ ɓee kpang. Nɔɔ zi kpang nɛɛ yisi tɔkɔlɔng tàntɛ́ yeti borodi bàanang wu shing borodi wu puuyi kpang ya?

2 Koranti 11:18

Wee zang dɔɔli ri rangkɛ yee bang bang ka yuu vuu koo ɓee, palɛ ditɔ jong nɔngkɔ.

Filipi 3:3

Ka ruu ɓɔɔ, ɓi rukɔ zang ɓɔɔ zang yee ri shaa ɓɔɔ niizang ɓɛɛ. Rukɔ bang Laa nɛɛ naa vuu palɛnang Suru ɓiɓɛ, a ruu ti walɛ bannang ɓuru ka bii Yeesɔ Kirisi. Ruu pãng yuu ɓuru ka rɛɛ vuu ɓɔɔ ɓi ɓɔɔ bìí shɔnzang kpang.

2 Bituru 2:19

Ri kɔɔrɔ zang kaɓa nɛɛ ri naa yaa ri naa ditɔ, a ɓeekpang ɓɔɔ ri rang yee keɓe, ri zunung naa ɓɔɔ ri yaa vuu shi kpang ɓɔɔ ri palɛ ɓɛɛ kpang. Naa vuu ɓɔɔ yiti zang, zang zunung yaanang kpang, zang nwang ɓi kaa jaafoo vuu bìí.