Galati 6:12 - Nyaa Shɔɔ Ɓɔɔ Laa a Ɓɛɛ

¹² Ɓi zang ɓɔɔ ri dɔ̀ɔ́ bii nɛɛ vuu ɓɔɔ ri palɛ nɛɛ jĩng zang wu zirɛ ɓɛɛ, ri kãa gbalang nɛɛ ri mã nɔɔ nyaa nɛɛ kaka, nɛɛ nɔ́ɔ yee shaa. Ri palɛ ɓarɛ, ka ruu ɓɔɔ, ri kasɛ nɛɛ zang dang ri jĩng naa ɓɔɔ zang ɓaa Yeesɔ Kirisi naa ka laa kpang ɓɛɛ.

Galati 6:12 ပူးပေါင်းရင်းမြစ်များ

Matiyu 23:27

“Vuu gn kɔnang kagn yuu manɛ zang ɓɔɔ tusu zang vuu, nɛɛ zang Farisi. Nɔɔ ɓɔɔ nɔɔ nwãarɛ zang nɛɛ vuu palɛnang ɓɛɛ. Ka ruu ɓɔɔ nɔɔ, nwang naa, yuu sàa ɓɔɔ zang mãarɛ, zang nwãa kponsi puru ka bii ɓarɛ, tɔ̀ɔ, ri shi kaa nɛɛ biling ɓɛɛ. A yeti ɓarɛ ɓi kaka shɔnzang ɓɔɔ ri vɔlɔ nɛɛ vuu ɓɔɔ pũlu katɔ kɔ shɛ̃ɛning.

Matiyu 23:28

Nɔɔ nwang doo nɔngkɔ. Nɔɔ nwang zang tɔ̃ɔ ka jĩng zang, a vuu ɓɔɔ ka yeti manɛ, ɓi zang nwãarɛnang nɛɛ vuu shi kpang kɔ shɛ̃ɛning.

Matiyu 23:5

Vuu piti ɓɔɔ ri palɛ, ri palɛ ɓarɛ ka ruu ɓɔɔ, tɔ̀ɔ, zang zi ri kati ɓɛɛ. Ri pu jaa baajaa ɓɔɔ ri tɛ̃ɛ Ruu Laa ɓarɛ kagn nɛɛ koo zaa nwɛ̃ɛri pokoto pokoto, ri mã kaa waa nyaating ɓarɛ. Ri ti hãlɛ ɓarɛ fɔ̃ɔrɔ ɓɔɔ nyaa ɓiɓɛ beebang beebang ɓɛɛ.

Matiyu 5:10

Tĩnang Tãanang ɓi ɓɔɔ zang ɓɔɔ zang dang ri jĩng, ka ruu ɓɔɔ, ri palɛ vuu tɔ̃ɔ ɓɔɔ Kpanti Laa kasɛ ɓɛɛ. Laa naa a rikɔ vuu tɔ̃ɔ ɓɔɔ wu a zang ɓɔɔ ri ta wu, nɛɛ wukɔ Kpanti ɓɛɛ.

Matiyu 6:16

“Nɔɔ nɛɛ seng nyaalaa nɔ́ɔ kãngtɛ nyaa tĩng naa zang ɓɔɔ ri nwãarɛ zang nɛɛ vuu palɛnang ɓɛɛ kpang. Ri risi nyaa tĩng ɓarɛ naa ɓɔɔgn nɛɛ tɔɔ zang zi kati nɛɛ ri seng nyaalaa. N kɔɔ nɔɔ ruu ɓɔɔ niizang kɔ nwani, zang keɓe ri ta vuu ɓɔɔ ri kasɛ nɛɛ bii zang ɓi tɔ nandon.

Matiyu 6:2

“Mɔɔ nɛɛ tɔɔ mɔɔ a zang ɓɔɔ vuu ka naa kpang vuu, mɔɔ jèe vuukãng ka gbongkarɛ naa ɓɔɔ zang ɓɔɔ ri nwãarɛ zang nɛɛ vuu palɛnang, ri palɛ ka gãa zɔɔ kpalɛnang zang Yahudi nɛɛ nyaa gbabang ɓɛɛ kpang. Ka ruu ɓɔɔ, ri kasɛ nɛɛ zang dɔɔ ri kati ɓɛɛ. N kɔɔ nɔɔ ruu ɓɔɔ niizang kɔ nwani, zang keɓe, ri ta vuu ɓɔɔ Laa nɛ̀ɛ́ a ri ɓɛɛ tɔ nandon.

Matiyu 6:5

“Nɔɔ nɛɛ tɔɔ nɔɔ gaa Laa, nɔ́ɔ palɛ naa zang ɓɔɔ ri nwãarɛ zang nɛɛ vuu palɛnang ɓɔɔ ri palɛ ɓɛɛ kpang. Ri kasɛ Laa gaanang doo paa ka gãa zɔɔ kpalɛnang zang Yahudi, nɛɛ nɔng ɓɔɔ gbabang ɓee zɔɔ, nɛɛ tɔɔ zang zi ri kati. N kɔɔ nɔɔ ruu ɓɔɔ niizang kɔ nwani, zang keɓe ri ta vuu ɓɔɔ Laa nɛɛ a ri tɔ nandon.

Luka 16:15

Yeesɔ kɔɔ ri tɔɔ, “Nɔɔ túsù yuu manɛ waati ka nɔng zang nɛɛ nɔɔ zang tɔ̃ɔ, Laa zi yeti manɛ ɓi tɔ. Vuu ɓɔɔ shɔnzang zirɛ, nɛɛ ɓi vuu tɔ̃ɔ, ɓɔɔ ka jĩng Laa ɓi vuu baabii.

Luka 20:47

Ri mulu suvɔ, ri talɛ vuu ɓɔɔ ka naa ɓarɛ nandon. Ri ti kasɛ Laa gaanang sasak nɛɛ zang zi ri kati. Laa naa dang ri jĩng ɓa ɓɔɔ zang piti.”

Yɔhana 7:18

Zang ɓɔɔ rang yee ɓɔɔ yuu ɓiɓɛ, kã̀á ɓi yuu ɓiɓɛ bannang. Zang ɓɔɔ kã̀á zang ɓɔɔ shong wu bannang, ɓi zang ɓɔɔ palɛ vuu ɓɔɔ niizang ɓɛɛ. Nwáarɛ̀ zang ɓi kpang.

Zang Shonang Yeesɔ 15:1

Zang ɓɔɔgn, ri a nɛɛ tipi Yahudi ka Antakiya, a ri tusu zang ɓɔɔ ri shing danggn tɔ nɛɛ, “Nɔɔ nɛɛ yee shaa naa ɓɔɔ Musa dang nyaa ɓɛɛ kpang, Laa ta yuu manɛ kpang.”

Zang Shonang Yeesɔ 15:5

A zang ɓɔɔ ri shing danggn tɔ, ɓɔɔ ri ɓarɛ ka vaa zang Farisi ɓɛɛ, ri yupaa ri kɔɔyi tɔɔ, “Zang ɓɔɔ ri zang Isirela kpang ɓɔɔ ri shing danggn tɔ, ri yée shaa katɔ. Zang ti kɔɔ ri nɛɛ ri dũng nyaa ɓɔɔ Musa dang ɓɛɛ.”

2 Koranti 10:12

Ruu tɔɔ kpang nɛɛ, ruu kusu yuu ɓuru nɔng gbete nɛɛ zang ɓɔɔ ri kɔɔrɔ ruu bang bang ka yuu ɓarɛ ɓɛɛ kpang. Ruu ti gãsɛ yuu ɓuru nɛɛ ri kpang. Ri shing vuu ɓɔɔ ri gãsɛ yuu ɓarɛ kagn nɛɛ yuu ɓarɛ, ri ti jɛ̃̀ɛ́ yuu ɓarɛ ruu ɓi nɛɛ vuu ɓɔɔ ri gãsɛ yuu ɓarɛ nɛɛ mani ɓɛɛ. Ri ɓarɛ shoko waati.

2 Koranti 11:13

Ka ruu ɓɔɔ, zang kaɓa ri ɓarɛ zang shonang Yeesɔ ɓɔɔ niizang kpang ɓɛɛ, ri ɓarɛ zang shonang ɓɔɔ sèé. Ri suu sèé ka yuu shonang ɓarɛ, ri risi yuu ɓarɛ naa zang shonang Yeesɔ Kirisi ɓɔɔ niizang ɓɛɛ.

Galati 2:14

Ɓɔɔ n zirɛ ri yi gbalang kaarara ka doo ruu niizang ɓɔɔ ka yeti Ruu Tɔ̃ɔ Kirisi kpang, n kɔɔ Bituru ka tĩng ɓarɛ nandon n tɔɔ, “Mɔɔ zang Yahudi, a mɔɔ nwàng kaa tɔ̀ɔ́ naa zang Yahudi kpang. Mɔɔ nwang ɓaa naa zang ɓɔɔ ri zang Yahudi kpang ɓɛɛ. A ka ruu vi, mɔɔ kãa gbalang mɔɔ shing zang ɓɔɔ ri zang Yahudi kpang, ri nwang nwannang zang Yahudi nɛɛ gbãng gbãng ning viya?”

Galati 2:3

Titu ɓɔɔ n daa nɛɛ wu, naa wee wu zang Heleni ɓee, zang yi wu nɛɛ kaka nɛɛ wu yée shaa kpang.

Galati 5:11

Rɛɛ manzung, naa n kɔɔrɔ zang doo naa nɛɛ zang ri yee shaa katɔ ɓɛɛ, a zang dang m jĩng ɓi kaa ruu viya? Naa nɛɛ nɔngkɔ niizang, rúu ɓɔɔ n kɔɔrɔ zang ka yuu laa ɓɔɔ zang ɓaa Yeesɔ naa kagn nɛɛ shingnɛ zang nɛɛ hàa nyaa kpang.

Galati 6:13

Naa doo zang ɓɔɔ ri yee shaa, ri dũng nyaa ɓɔɔ zang dang ɓɛɛ kpang. Ri kasɛ ɓarɛ nɛɛ nɔɔ yee shaa, nɛɛ tɔ̀ɔ ri tuu yuu ɓarɛ kati nɛɛ nɔɔ kasɛ tɔ zang yee nɔɔ shaa tɔ.

Filipi 1:15

Niizang, zang ɓɔɔ ri kagn, ri kɔɔ zang ruu ka yuu Yeesɔ Kirisi ka ruu ɓɔɔ ri kaa sũnyaa, a ri ti kasɛ nɛɛ ri shing zang, zang ri palɛ nyaa ɓɛɛ. A zang ɓɔɔ ri kɔɔ zang Ruu Laa ɓi ka ruu ɓɔɔ ri kasɛ nɛɛ ri pàlɛ́ zang tɔ̃ɔ ɓɛɛ.

Filipi 2:4

Zang ɓu wu shing jĩng ka vuu ɓɔɔ yeti ɓiɓɛ kasɛ ɓɛɛ kɔɔ shɛ̃ɛning kpang, wu shing jĩng jong ka vuu ɓɔɔ ɓeezung kasɛ ɓɛɛ.

Filipi 3:18

N kɔ̀ɔrɔ̀ nɔɔ rɛɛ vuu keɓe tɔ, wu doo gbete kpang. Vuu kɔ n kɔɔrɔ tɔkn nɛɛ miiri ka jĩng ɓee. N kɔɔ nɔɔ nɛɛ zang ɓɔɔ ri kagn teteng manɛ, ri nwang naa zang ɓɔɔ ri shing jĩng nɛɛ vɔrɔ ɓɔɔ Kirisi vɔ ka yuu laa ɓɛɛ kpang.

Kolosi 2:23

Nyaa dannang keɓe, túsù bii mɔɔ kɔɔ nɛɛ zũnang kagn, ka ɓɔɔ ri shing zang nɛɛ kaka nɛɛ zang bang vuu ɓɔɔ shɔnzang kasɛ bannang ɓɛɛ. Ri suu sèé nɛɛ ri tuu yuu ɓarɛ kpang, a ri ti dang bii ɓarɛ jĩng ka ɓɔɔ ri palɛ bii hakaka ɓɛɛ. A nyaa dannang keɓe ri zunung ɓɔɔ wu zãa ri vuu ɓɔɔ bii ɓarɛ kasɛ ɓɛɛ palɛnang kaa takpang.