Galati 6:10 - Nyaa Shɔɔ Ɓɔɔ Laa a Ɓɛɛ

¹⁰ Ka ruu nɔngkɔ, diki diki naa ɓɔɔ ruu zunung katɔ ɓɛɛ, ruu pàlɛ̀ zang piti tɔ̃ɔ. Ruu pàlɛ̀ manzung ɓuru ɓɔɔ ri shing danggn tɔ ka bii Laa kɔ tɔ̃ɔ gbãng gbãng.

Galati 6:10 ပူးပေါင်းရင်းမြစ်များ

Matiyu 10:25

A zang ɓɔɔ mantɛ vuu ka bii zang, nɛ̀ɛ́ nwàng naa zang ɓɔɔ tusu wu vuu, wukɔ tɔ̃ɔ. Zang shonang nɛɛ ti nwáng tɔ naa dabang gãa ɓiɓɛ wukɔ tɔ̃ɔ. Naa zang ɓàa zang bang gãa nɛɛ Bahazabu, kpanti suru shi kpang, zang naa ɓáa zang ɓɔɔ ka gãa ɓiɓɛ ɓi ka biya? (Ɓɔ̀ɔ́ ɓarɛ naa ɓá ɓɔɔ ɓiɓɛ ɓi katɔ.)

Matiyu 12:50

Zang piti ɓɔɔ nɛɛ palɛ vuu ɓɔɔ Daa mɛɛ ɓɔɔ ka lapa kasɛ nɛɛ wu palɛ, wukɔ jaa nàá mɛɛ, nɛɛ nàá mɛɛ.”

Matiyu 25:40

“A Kpanti naa kasɛ ri nyaa nɛɛ, ‘N kɔɔ nɔɔ ruu ɓɔɔ niizang kɔ nwani, vuu piti ɓɔɔ nɔɔ palɛ zang gbete ɓɔɔ wukɔ tɔkɔlɔng ka teteng rɛɛ manzung keɓe, nɔɔ pàlɛ̀ nkɔ.’

Matiyu 5:43

“Nɔɔ ti tãa ruu ɓɔɔ Laa kɔɔ zang ka tĩng ɓɛɛ tɔ. Laa tɔɔ, ‘Nɔɔ kàsɛ́ ruu zang ɓɔɔ kasɛ nɔɔ katɔ, nɔ́ɔ bɛ̃ɛ zang ɓɔɔ nɔɔ shing jĩng nɛɛ zɔɔ kpang ɓɛɛ.’

Maraku 3:4

A Yeesɔ hɛ̃ɛ ri tɔɔ, “Labeenang Laa ɓɔɔ Musa beeyi kasɛ katɔ, nɛɛ ruu palɛ tɔ̃ɔ ka Diki Ɔ̃sɔnang ya, kɔ nɛɛ ruu palɛ vuu shi kpang? Nɛɛ ruu ta yuu zang ya, kɔ nɛɛ ruu nyɔ zang vɔrɔ katɔ kɔ jong?” Ri ãa nyaa kpang.

Luka 6:35

Nɔɔ kasɛ ruu zang ɓɔɔ ri shing jĩng nɛɛ nɔɔ kpang katɔ. Nɔɔ palɛ ri tɔ̃ɔ. Nɔ́ɔ ti a zang vuu nyaa kɔ́pɔ́ nɛɛ zang wu naa sɔɔrɔ nɔɔ tɔkn kpang. Tɔ̀ɔ, nɔ́ɔ naa walɛ vuu ɓɔɔ Laa shing nɔɔ ɓɛɛ kati. Nɔ́ɔ ti naa nwáng wujɛ Kpanti Laa kati. Ka ruu ɓɔɔ, gn zang ɓɔɔ zãa wu kpang, nɛɛ zang ɓɔɔ yeti ɓarɛ shi kpang kɔng wu katɔ ɓɛɛ.

Yɔhana 12:35

Yeesɔ kasɛ ri nyaa tɔɔ, “Nɔng yakɛnang nwàng doo ka teteng manɛ diki bée katɔ tɔkɔlɔng. Nɔɔ rakɛ ta, bɛ̀ɛ́ nɔng yakɛ doo katɔ, nɔng nɛ̀ɛ́ tɔ̀ɔ́yi. Ka ruu ɓɔɔ, nɔng nɛɛ tɔ̀ɔ́ tɔ, zang ɓɔɔ ràkɛ́, zi nɔng ɓɔɔ wu daa ɓɛɛ takpang ɓɛɛ.

Yɔhana 9:4

Rúu palɛ shonang zang ɓɔɔ shong m ɓɛɛ, bɛ̀ɛ́ doo nɔng laagɛ̃. Nɔng zĩi a kana ɓɔɔ zang palɛ shonang tɔ̀ɔ́ gbete kpang ɓɛɛ.

Zang Shonang Yeesɔ 6:7

Ruu Laa ti bàá nɔng ɓi kana. Zang ɓɔɔ ri mantɛ vuu, ri ti shang kana diki diki ka Urushalima. Zang ɓɔɔ ri dɔɔ vuu ka Gãa Laa ɓɔɔ ri shing danggn ka bìí Laa ri shang kana jong diki diki.

2 Koranti 2:8

Ka ruu nɔngkɔ, n gaa nɔɔ, nɔɔ pálɛ́ vuu ɓɔɔ wu zirɛ nɛɛ nɔɔ kasɛ wu katɔ gbãng gbãng ɓɛɛ.

Galati 1:23

Ri tãa ɓarɛ ruu ɓɔɔ zang kɔɔ rikɔ shɛ̃ɛning nɛɛ, “Yɔɔ ɓeleng ɓɔɔ dang ruu ɓɔɔ ruu dũng Kirisi jĩng, kãntang keɓe, kɔɔ zang ruu kaa yuu danggn shinnang ɓɔɔ bɛ̀ɛ́ nɛɛ wu ningsi katɔ ɓɛɛ”

Afisa 2:19

Ka ruu nɔngkɔ, nɔɔ ɓɔɔ nɔɔ zang Isirela kpang, nɔɔ tɔ̀ɔ́ zang zanti, a ɓɔɔ zang koolaa ɓɔɔgn kpang. Nɔɔ manɛ zang gbete nɛɛ zang Laa, Daa manɛ kaa gbete, wukɔ Laa.

Afisa 3:15

ɓɔɔ zang ɓɔɔ ri shing danggn tɔ nandon, ka lapa nɛɛ koo keɓe, ri walɛ nung ɓarɛ ka bii ɓiɓɛ ɓɛɛ.

Afisa 4:28

Zang ɓɔɔ bɛ̀ɛ́ shɔngɓɔ wu yaa vuu ɓɔɔnang ta, wu gaayu shonang ɓɔɔ tɔ̃ɔ palɛnang ta nɛɛ naa ɓiɓɛ. Tɔ̀ɔ, wu walɛ vuu ɓɔɔ wu yi zang ɓɔɔ vuu ka naa ɓarɛ kpang naa ka bii.

Afisa 5:16

Naa nɔɔ walɛ gbalang vuu palɛnang, nɔɔ palɛ vuu bìí waasɛ̃, ka ruu ɓɔɔ, rɛɛ diki keɓe, shi ɓi takpang ɓɛɛ.

Filipi 4:10

N tãa tĩnang dɔɔli ka ruu ɓɔɔ n zang Kpanti Yeesɔ ɓɛɛ, ka ruu ɓɔɔ, diki ɓa tɔ dɔɔli, nɔɔ yi m naa kana bii tɔkn. N zi tɔ nɔɔ rɛ̃rɛ ruu mɛɛ katɔ, a nɔɔ walɛ gbalang ɓɔɔ nɔɔ yi m naa kaa tɔ̀ɔ́ bii ɓɛɛ kpang.

Kolosi 4:5

Nɔɔ palɛ vuu nɛɛ zũnang ka bii zang ɓɔɔ ri dũ̀ng Laa kpang ɓɛɛ. Naa ri yàa nɔɔ gbalang tɔkɔlɔng, nɔɔ kɔɔ ri ruu kagn waasɛ̃.

1 Tesalonika 5:15

Nɔɔ gãng jĩng kagn, zang ɓɔɔ wu waa pãng vuu shi kpang ɓɔɔ zang palɛ wu doo nɛɛ vuu shi kpang kɔ kpang. Nɔɔ shing jĩng kɔ jong diki diki nɛɛ nɔɔ pàlɛ́ zɔɔ tɔ̃ɔ. Nɔɔ ti pàlɛ̀ zang piti tɔ̃ɔ jong.

1 Tesalonika 5:21

Nɔɔ gãsɛ ruu piti ɓɔɔ wu kɔɔ ɓɛɛ katɔ. Nɔɔ palɛ vuu ɓɔɔ ɓi tɔ̃ɔ ɓɛɛ.

Titu 2:14

Yeesɔ a yuu ɓiɓɛ ka ruu ɓuru nɛɛ wu ta ruu nɛɛ naa vuu shi kpang nandon. Wu shing ruu, ruu nwang zang ɓiɓɛ kɔ bm gbete. Wu shing rùu rúu nwang zang ɓɔɔ ri kpalɛ bii tɔ, nɛɛ ri palɛ vuu ɓɔɔ tɔ̃ɔ ɓɛɛ.

Titu 3:8

Ruu kɔ zang kɔɔ ɓɛɛ, niizang kɔ nwani. N kasɛ mɔɔ yi tĩng ɓaa ka vuu kɔ n kɔɔrɔ ɓee tɔ̃ɔ tɔ̃ɔ. Tɔ̀ɔ, zang ɓɔɔ ri dũng Laa, ri dũng vuu keɓe, ri pálɛ́ shonang ɓɔɔ tɔ̃ɔ ɓɛɛ. Shonang keɓe, wukɔ tɔ̃ɔ ti yi zang piti naa katɔ ka bii.

Yahudi 13:16

Danggn wu ti ning nɔɔ tɔ̃ɔ palɛnang nɛɛ vuu basɛnang nɛɛ zɔɔ kpang, ka ruu ɓɔɔ, Laa tãa tĩnang zɔ̃ng vuu keɓe ɓa vuu ɓɔɔ ruu dɔ̀ɔ́ wu katɔ ɓɛɛ.

Yahudi 3:6

A Yeesɔ nwáng zang ɓɔɔ zang shing gn katɔ ka bii ɓiɓɛ ka Gãa Laa nandon, ka ruu ɓɔɔ, wu ɓi Jaa ɓɛɛ. Rukɔ Gãa keɓe, ruu nɛɛ yiti danggn ɓɔɔ ruu mãrɛ gbãng gbãng, nɛɛ gn ɓɔɔ ruu shingnɛ kɔ, ruu dɔɔ bii nɛɛ mani ɓee ɓɛɛ.

Yahudi 6:10

Ka ruu ɓɔɔ, Laa ɓi zang ɓɔɔ palɛ vuu gn dang gbete kpang, danggn ning wu shonang manɛ kpang. Nɛɛ naa ɓɔɔ nɔɔ tusu nɛɛ nɔɔ kasɛ wu katɔ, ka ɓɔɔ nɔɔ yí zang ɓiɓɛ naa ka bii, a nɔɔ ti yi ri doo naa ɓɛɛ.

1 Bituru 2:5

Nɔɔ ɓɔɔ Yeesɔ Kirisi a nɔɔ suru bii tɔ ɓɛɛ, nɔɔ nwàng doo naa rɛɛ tari kɔ. Tari ɓɔɔ Laa mãa gãa ɓɔɔ suru nwang kagn ɓɛɛ. Nɔɔ manɛ zang ɓɔɔ Laa zɔ̃ng ri nɛɛ ri nwang zang ɓɔɔ ri dɔ̀ɔ́ wu vuu ɓɛɛ. Nɛɛ tɔ̀ɔ, nɔ́ɔ shòng wu kaa nɛɛ yeti manɛ piti naa ɓɔɔ wu tãa tĩnang ɓɛɛ, ka ruu Yeesɔ Kirisi.

1 Bituru 4:17

Diki a tɔ, ɓɔɔ Laa dɔng zang ruu ɓɛɛ, gaayu dɔng zang ɓiɓɛ kɔ ruu shɔɔnang. Laa nɛɛ gaayu nɛɛ dɔng rukɔ ruu shɔɔnang, a naa hangsɛ nyaa ɓi kaa biya nɛɛ zang ɓɔɔ ri dũng Ruu Tɔ̃ɔ Laa kpang viya?

1 Yɔhana 5:1

Zang ɓɔɔ nɛɛ kasɛ tɔɔ nɛɛ Yeesɔ wukɔ Kirisi ɓi jaa Laa. Zang ɓɔɔ nɛɛ kasɛ Daa jaa, kàsɛ́ jaa ɓi dòo katɔ kɔ.

3 Yɔhana 1:10

Ka ruu nɔngkɔ, n nɛɛ a tɔ, n naa nwangsɛ vuu ɓɔɔ wu pálɛ́ ɓɛɛ ditɔ. Vuu shi kpang ɓɔɔ wu kɔ̀ɔrɔ́ ka yuu ɓuru, nɛɛ sèé ɓɔɔ suuru ka yuu ɓuru ɓɛɛ. Ti palɛ vuu shi kpang ɓɔɔ ɓa weɓe katɔ kagn tɔkn. Naa zang ɓɔɔ ri dũng Laa arɛ, tà ri kpang. Ti zãa zang ɓɔɔ ri kasɛ zang kaɓa tanang ɓɛɛ katɔ. Wu ti nwángsɛ́ zang ɓɔɔ ta zang zanti kaɓa nɛɛ teteng zang ɓɔɔ ri dũng Laa ɓɛɛ.

3 Yɔhana 1:11

Masang ɓɔɔ n kasɛ mɔɔ dɔɔli ɓɛɛ, mɔ́ɔ màsɛ̀ zang ɓɔɔ ri palɛ vuu shi kpang, kpang. Màsɛ̀ zang ɓɔɔ ri pálɛ̀ vuu tɔ̃ɔ ɓɛɛ, zang ɓɔɔ palɛ vuu tɔ̃ɔ, wukɔ zang Laa. Zang ɓɔɔ pálɛ̀ vuu shi kpang, zi Laa nung ɓi gn kpang.

3 Yɔhana 1:3

N tãa tĩnang dɔɔli, ka ruu ɓɔɔ, zang Laa ɓɔɔ ri arɛ, ri naa kɔɔ m naa ɓɔɔ mɔɔ yiti Ruu Laa nɛɛ yeti gbete, a mɔɔ ti palɛ vuu naa ɓɔɔ Ruu Laa kɔɔ ɓɛɛ.