Galati 5:19 - Nyaa Shɔɔ Ɓɔɔ Laa a Ɓɛɛ

¹⁹ Vuu ɓɔɔ bii shɔnzang pálɛ̀, waasɛ bii ɓi katɔ kpang. Vuu keɓe ɓi rooronang nɛɛ wujɛ soro, nɛɛ sãnsãnrãng, nɛɛ dũndũng palɛnang.

Galati 5:19 ပူးပေါင်းရင်းမြစ်များ

Yɔhana 3:6

Zang ɓɔɔ shɔnzang yirɛ, ɓi shɔnzang, zang ɓɔɔ Suru Laa yirɛ, ɓi ti zang suru.

Rooma 7:18

N zi tɔ ka bii shɔnzang mɛɛ tɔ̃ɔ ɓi kagn kpang. Ka ruu ɓɔɔ, naa n kasɛ doo katɔ ka yeti mɛɛ, n pálɛ́ tɔ̃ɔ, a n zunung palɛnang kaa takpang ɓɛɛ.

Rooma 7:25

N zãa Laa tɔ, ta m tɔ nɛɛ bii Kpanti ɓuru Yeesɔ Kirisi. Ka ruu nɔngkɔ, n pàlɛ́ nyaa dannang Laa shonang nɛɛ yeti mɛɛ, n pàlɛ́ nyaa ɓɔɔ vuu shi kpang dangnɛ shonang ɓi kaa nɛɛ bii shɔnzang mɛɛ.

Rooma 7:5

Ka ɓɔɔ bɛ̀ɛ́ ruu nwàng doo nwannang naa shɔnzang waati ɓɛɛ, bii ɓuru ɓɔɔ kasɛ vuu shi kpang palɛnang, sèé paa kaa gbãng gbãng, ka ruu ɓɔɔ, nyaa dannang Laa shing wu ɓɛɛ. Vuu piti ɓɔɔ ruu palɛ nwang ruu ɓuru vɔrɔ kɔ shɛ̃ɛning.

Rooma 8:13

Naa ruu nwang naa ɓɔɔ bii ɓuru kasɛ, ruu vɔ katɔ. A naa Suru Laa yi ruu naa kagn, ruu yaa vuu shi kpang ɓɔɔ ruu palɛ dɔ̃ɔ gbete, ruu nwáng ditɔ ningkãari.

Rooma 8:3

Vuu ɓɔɔ nyaa dannang Laa zunung palɛnang kpang, ka ruu ɓɔɔ, bii shɔnzang lakɛ naa bii kpang, Laa palɛ tɔ. Laa ningsi vuu shi kpang ka bii shɔnzang, ka ɓɔɔ wu shong nyaa nɛɛ Jaa ɓiɓɛ ɓɔɔ arɛ, tuu bii naa bii shɔnzang ɓɔɔ palɛ vuu shi kpang ɓɛɛ.

Rooma 8:5

Zang ɓɔɔ ri nwàng ɓarɛ ka naa ɓɔɔ bii shɔnzang ɓarɛ kɔɔ ri nɛɛ ri nwang ɓɛɛ, ri rɛ̃rɛ ɓarɛ naa ɓɔɔ bii ɓarɛ kasɛ ɓɛɛ. Zang ɓɔɔ ri nwàng naa ɓɔɔ Suru kɔɔ ri nɛɛ ri nwangnɛ, ri rɛ̃rɛ ɓarɛ ka yuu vuu ɓɔɔ Suru kasɛ ɓɛɛ.

Rooma 8:9

Nɔɔ nwàng manɛ tɔ̀ɔ́ naa ɓɔɔ bii manɛ kɔɔ nɔɔ ɓɛɛ kpang, naa Suru Laa nɛɛ nwang kagn niizang ka yeti manɛ ɓɛɛ. Zang ɓɔɔ Suru Kirisi nɛɛ kagn ka yeti ɓiɓɛ kpang, ɓi zang Kirisi kpang.

1 Koranti 3:3

Nɔɔ nwang doo naa zang koo keɓe, ka ruu ɓɔɔ, nɔɔ kaa doo sũnyaa nɛɛ zɔɔ, nɔɔ haa doo nyaa nɛɛ zɔɔ ɓɛɛ. Nɔɔ zi kpang nɛɛ naa nɔɔ pálɛ̀ nɔngkɔ, nɔɔ doo naa zang koo keɓe kɔ kpang ya? Nɔɔ palɛ wu naa ɓɔɔ zang piti palɛ ɓɛɛ kpang ya?

1 Koranti 6:18

Ka ruu nɔngkɔ, n kɔɔ nɔɔ, nɔɔ yáa dũndũng palɛnang. Vuu shi kpang ɓɔɔ shɔnzang palɛ nandon, zang palɛ wu ka bii kpang. Zang ɓɔɔ palɛ dũndũng, pàlɛ́ ɓi bii ɓiɓɛ vuu shi kpang.

Galati 5:13

Ɓɔɔ manɛ ɓɛɛ, rɛɛ manzung, zang ɓaa nɔɔ nyaa nɛɛ nɔ́ɔ nwang zang ɓɔɔ ri jaafoo kpang ɓɛɛ. A nɔɔ yaayi nwannang manɛ keɓe, wu yàa nɔɔ gbalang vuu ɓɔɔ bii shɔnzang manɛ kasɛ ɓɛɛ palɛnang kpang. Zɔɔ kasɛnang wu shing nɔɔ katɔ kɔ jong, nɔ́ɔ pàlɛ́ zɔɔ shonang.

Galati 5:17

Ka ruu ɓɔɔ, vuu ɓɔɔ bii ɓuru kasɛ daa gbete nɛɛ vuu ɓɔɔ Suru Laa kasɛ ɓɛɛ kpang. A vuu ɓɔɔ Suru Laa kasɛ ti daa jong gbete nɛɛ ɓɔɔ bii ɓuru kasɛ ɓɛɛ kpang kɔ ɓɛɛ. Vuu ziti keɓe ri shing jĩng nɛɛ zɔɔ kpang. Ka ruu nɔngkɔ, mɔɔ zunung vuu ɓɔɔ mɔɔ kasɛ palɛnang kaa takpang.

Galati 6:8

Naa zang ɓɔɔ ɓaa vuu shi kpang ɓɔɔ bii shɔnzang ɓiɓɛ kasɛ ɓɛɛ, ti naa nwǎng wu ɓi vɔrɔ. Zang ɓɔɔ nɛɛ ɓayi, nɛɛ tɔɔ Suru Laa wu tãa tĩnang, naa nwǎng wu suru bii ɓɔɔ waa nyaa kpang ɓɛɛ.

Titu 3:3

Ka ruu ɓɔɔ, ɓeleng ruu nɛɛ yuu ɓuru bɛ̀ɛ́ ruu palɛ vuu shoko, ruu ɓaa shoo ka nyaa Laa kpang, zang nwãarɛ ruu. Ruu nwang ɓuru jaafoo, vuu ɓɔɔ bii ɓuru kasɛ ɓɛɛ, nɛɛ vuu ɓɔɔ shingnɛ zang tãa tĩnang ɓɛɛ ka zɔ̃ng zɔ̃ng. Ruu sùúkãng ka nɔng vuu shi kpang palɛnang nɛɛ sũnyaa kaanang. Zang piti bɛ̃ɛ ruu katɔ, a ruu ti bɛ̃ɛ zang piti.

Yahudi 13:4

Zang piti ɓɔɔ ri gee zɔɔ tɔ, ri seng zɔɔ katɔ, a zang ɓɔɔ ri gee zɔɔ tɔ, ri yaasɛ zɔɔ gn naa kpang. Ka ruu ɓɔɔ, Laa naa dɔng zang ɓɔɔ ri palɛ dũndũng nɛɛ zang ɓɔɔ ri rooro nɛɛ soro zang, ruu katɔ ɓɛɛ.

Vuu ɓɔɔ zang nwangsɛ Yɔhana 21:8

A ɓɔɔ zang ɓɔɔ ri kaa vɔrɔ, nɛɛ zang ɓɔɔ ri shing danggn ka bii Laa kpang ɓɛɛ, nɛɛ zang ɓɔɔ shi kpang kagn bii ɓarɛ ɓɛɛ, nɛɛ zang ɓɔɔ ri nyɔ zang vɔrɔ ɓɛɛ, nɛɛ zang ɓɔɔ ri palɛ dũndũng, nɛɛ zang ɓɔɔ ri shaa nvaa, nɛɛ zang ɓɔɔ ri bang vaka, nɛɛ zang sèé nandon, zang naa tasɛ ri ɓarɛ ka too waa, ɓɔɔ tari ɓɔɔ ri shaa waa katɔ kagn ɓɛɛ. Wee kɔ vɔrɔ ɓɔɔ zang vɔrɛ daa kaa doo ziti ɓɛɛ kɔ.”

Vuu ɓɔɔ zang nwangsɛ Yɔhana 22:15

Zang ɓɔɔ ri palɛ vuu shi kpang, nɛɛ rɛɛ nvaa, nɛɛ zang ɓɔɔ ri palɛ dũndũng, nɛɛ zang ɓɔɔ ri nyɔkɔ zang vɔrɔ, nɛɛ zang ɓɔɔ ri bang vaka, a zang piti ɓɔɔ ri suru sèé, ɓɔɔ ri ti tãa tĩnnang sèé suunang katɔ ɓɛɛ, ri naa nwang ɓarɛ ka yuu knti gari bìí, ri daa yeti ɓiɓɛ kpang.