Galati 5:18 - Nyaa Shɔɔ Ɓɔɔ Laa a Ɓɛɛ

¹⁸ Naa Suru Laa kɔ sɔ̀ɔ́ mɔɔ tĩng mɔɔ ɓaa tɔ̀ɔ́ jaafoo vuu ɓɔɔ nyaa dannang kasɛ ɓɛɛ kpang.

Galati 5:18 ပူးပေါင်းရင်းမြစ်များ

Yɔhana 16:13

Suru keɓe ɓɔɔ wukɔ tusu zang ruu ɓɔɔ niizang ka yuu Laa nɛɛ a tɔ, naa shing nɔɔ, nɔɔ zi vuu ɓɔɔ niizang ɓɛɛ. Rang yee nɛɛ yuu ɓiɓɛ kpang, kɔ̀ɔ́ vuu ɓɔɔ wu tãa nɛɛ nyaa Laa ɓɛɛ, wu ti kɔɔ nɔɔ vuu ɓɔɔ naa a ka knti ɓɛɛ.

Rooma 7:4

Manzung, nɔɔ doo nɔngkɔ. Nyaa ɓɔɔ Laa dangnɛ, risi nɔɔ manɛ naa zang ɓɔɔ ri vɔlɔ katɔ ɓɛɛ, ka ruu ɓɔɔ, nɔɔ ɓakɛ bii tɔ nɛɛ Kirisi ɓɛɛ. Kãntang keɓe, nɔɔ manɛ kaa zang Kirisi ɓɔɔ Laa wisi wu paa nɛɛ saa ɓɛɛ, tɔ̀ɔ, ruu shòng Laa shonang ɓɔɔ tɔ̃ɔ kati.

Rooma 8:12

Ka ruu nɔngkɔ manzung, zang mã ruu nyaa kagn nɛɛ ruu palɛ vuu ɓɔɔ bii shɔnzang ɓuru kasɛ ɓɛɛ kpang.

Rooma 8:14

Zang ɓɔɔ ri dũng vuu ɓɔɔ Suru Laa tusu ri, rikɔ wujɛ Laa.

Galati 5:16

Vuu ɓɔɔ n kɔɔ nɔɔ keɓe. Nɔɔ yaa Suru Laa wu tusu nɔɔ naa ɓɔɔ nɔɔ nwang nwannang ɓɛɛ. Nɔ́ɔ tɔɔ kpang nɛɛ nɔɔ palɛ vuu ɓɔɔ bii shɔnzang manɛ kasɛ ɓɛɛ kpang.

Galati 5:23

Zang wu tuu yuu ɓiɓɛ kpang, wu ti yiti yuu ɓiɓɛ waasɛ̃. Nyaa dannang ɓɔɔ zãa vuu ɓɔɔ naa weɓe palɛnang, ɓi kagn kpang.

Galati 5:25

Suru Laa a ruu suru bii tɔ, ka ruu nɔngkɔ, wukɔ wu ti tusu ruu naa ɓɔɔ ruu nwang nwannang ɓuru ɓɛɛ.

1 Timoti 1:9

Zang dang nyaa wu ka ruu zang tɔ̃ɔ kpang. Ɓi ka ruu zang ɓɔɔ ri takɛ nyaa ɓɔɔ zang dang ɓɛɛ, nɛɛ zang ɓɔɔ ri ɓaa shoo ka nyaa zang kpang ɓɛɛ. A bɔɔ ka ruu zang ɓɔɔ ri shing gn ka bii Laa kpang, nɛɛ zang ɓɔɔ ri palɛ vuu shi kpang ɓɛɛ. Ka ruu zang ɓɔɔ ri seng Laa kpang, ri ti seng vuu tɔ̃ɔ kpang ɓɛɛ. Nɛɛ ɓɔɔ ka ruu zang ɓɔɔ ri nyɔ daa ɓarɛ nɛɛ nàá ɓarɛ vɔrɔ ɓɛɛ, nɛɛ zang ɓɔɔ ri nyɔkɔ zang vɔrɔ ɓɛɛ.

2 Timoti 1:7

Ka ruu ɓɔɔ, Suru ɓɔɔ Laa a ruu, ɓi ɓɔɔ shing ruu, ruu tuuru yusɛ̃ɛ kpang ɓɛɛ. Suru Laa keɓe, shing ruu, rùu shii ɓuru nɛɛ kaka kɔ jong, ruu kasɛ ruu zang, ruu ti yiti yuu ɓuru waasɛ̃.