Galati 5:14 - Nyaa Shɔɔ Ɓɔɔ Laa a Ɓɛɛ

¹⁴ Vuu ɓɔɔ nyaa dannang nandon ri kɔɔyi, daa ɓi gbete nɛɛ ɓɔɔ kɔɔyi tɔɔ, “Kasɛ ruu shɔnzang naa ɓɔɔ mɔɔ kasɛ yuu ɓaaɓɛ ɓɛɛ.”

Galati 5:14 ပူးပေါင်းရင်းမြစ်များ

Matiyu 7:12

Ka ruu nɔngkɔ, vuu ɓɔɔ nɔɔ kasɛ nɛɛ zang ri palɛ nɔɔ, nɔɔ palɛ ri doo nɔngkɔ. Ruu keɓe kɔ, Labeenang Laa ɓɔɔ Musa beeyi nɛɛ vuu ɓɔɔ zang nyaa shonang Laa ri kɔɔ ka tĩng tɛ̃ɛ tɛ̃ɛ ɓɛɛ.

Maraku 12:31

Ɓɔɔ ɓang knti ɓiɓɛ keɓe ‘Mɔ́ɔ kasɛ ruu shɔnzang doo naa ɓɔɔ mɔɔ kasɛ yuu ɓaaɓɛ kɔ.’ Nyaa ɓɔɔ Laa dangnɛ, ɓɔɔ ɓa rɛɛ weɓe kagn kpang.”

Maraku 12:33

Laa kasɛ, nɛɛ zang wu kasɛ ruu ɓiɓɛ nɛɛ yeti gbete, nɛɛ rɛ̃rɛnang ɓiɓɛ nandon, nɛɛ kaka ɓiɓɛ nandon, zang wu ti kasɛ shɔnzang doo naa ɓɔɔ zang kasɛ yuu zang kɔ. Nyaa dannang keɓe dũnnang, ɓa ɓɔɔ zang dɔɔrɔ Laa vuu katɔ.”

Yɔhana 13:34

Kãntang keɓe, n dang nɔɔ kaa nyaa ɓɔɔ shɔɔ. Nɔɔ kasɛ ruu zɔɔ katɔ. Naa ɓɔɔ n kasɛ nɔɔ, nɔɔ kasɛ ruu zɔɔ doo nɔngkɔ.

Galati 1:6

N mã naa tɔ ka danggn ka ruu manɛ. Knti bee gn vi, nɔɔ yaa zang ɓɔɔ ɓaa nɔɔ nyaa nɛɛ ruu tɔ̃ɔ ɓɔɔ Yeesɔ Kirisi palɛ nɔɔ, nɔɔ dũng kaa ruu ɓɔɔgn viya?

Galati 6:2

Vuu ɓɔɔ nɛɛ kpãa zang ɓɔɔ ka teteng manɛ, nɔɔ yi zɔɔ naa kagn. Naa nɔɔ pálɛ̀ nɔngkɔ, nɔɔ dũng nyaa ɓɔɔ Yeesɔ Kirisi dang ɓɛɛ tɔ.

1 Timoti 1:5

N kɔɔ mɔɔ nɔngkɔ, tɔ̀ɔ, ruu kasɛ ruu zɔɔ nɛɛ zɔɔ kasɛnang ɓɔɔ nwang nɛɛ yeti ɓɔɔ vuu shi kpang kagn kpang ɓɛɛ. Ruu ti kasɛ ruu zɔɔ nɛɛ rɛ̃rɛnang ɓɔɔ shi kpang kagn kpang ɓɛɛ. A ɓɔɔ nɛɛ danggn ɓɔɔ niizang keɓe ɓɔɔ ruu shing ka bii Yeesɔ Kirisi ɓɛɛ.