Galati 5:13 - Nyaa Shɔɔ Ɓɔɔ Laa a Ɓɛɛ

¹³ Ɓɔɔ manɛ ɓɛɛ, rɛɛ manzung, zang ɓaa nɔɔ nyaa nɛɛ nɔ́ɔ nwang zang ɓɔɔ ri jaafoo kpang ɓɛɛ. A nɔɔ yaayi nwannang manɛ keɓe, wu yàa nɔɔ gbalang vuu ɓɔɔ bii shɔnzang manɛ kasɛ ɓɛɛ palɛnang kpang. Zɔɔ kasɛnang wu shing nɔɔ katɔ kɔ jong, nɔ́ɔ pàlɛ́ zɔɔ shonang.

Galati 5:13 ပူးပေါင်းရင်းမြစ်များ

Luka 4:18

“Suru Kpanti Laa kagn bii mɛɛ, Laa zɔ̃̀ng m nɛɛ n rang zang ɓɔɔ vuu ka naa kpang yee tɔ̃ɔ ɓiɓɛ. Shong m nɛɛ n kɔɔ zang ɓɔɔ zang mã ri ka sãa, nɛɛ zang yaa ri naa tɔ. Nɛɛ n ti kɔɔ zang jĩng ringtang nɛɛ ri zi nɔng ta. Nɛɛ n ti yaa zang ɓɔɔ zang dang ri jĩng ɓɛɛ, naa.

Zang Shonang Yeesɔ 20:35

N tusu nɔɔ ka vuu piti nɛɛ nɔɔ palɛ shonang gbãng gbãng naa weɓe, nɔ́ɔ yi zang ɓɔɔ ri lakɛ takpang naa ka bii. Danggn yee ɓɔɔ Kpanti Yeesɔ kɔɔ nɛɛ yuu ɓiɓɛ, wu ning nɔɔ kpang. Kɔɔyi tɔɔ, ‘Mɔɔ tã̀a tĩnang, ka ɓɔɔ mɔɔ a zang vuu, ɓa ɓɔɔ zang kɔ a mɔɔ jong katɔ.’ ”

1 Koranti 8:9

Nɔɔ zi manɛ tɔ nɛɛ, Laa yaa ruu gbalang tɔ, ruu shaa zɔ̃ng vuu shaanang ɓu nandon. Nɔɔ palɛ waasɛ̃ nɔɔ nɛ̀ɛ́ shing zang ɓɔɔ danggn shinnang ɓarɛ zũng gn kpang ri nɛɛ palɛ vuu shi kpang.

1 Koranti 9:19

N m jaafoo zang ɓɔɔ kpang. N m ti ɓɔ̀ɔ́ zang ɓɔɔ kpang. Naa n doo jaafoo zang ɓɔɔ kpang n risi yuu mɛɛ tɔ naa jaafòó zang piti, tɔ̀ɔ, n atɛ zang dɔɔli ri naa dũng Kpanti Yeesɔ Kirisi.

2 Koranti 12:15

N tãa tĩnang katɔ, n ningsi vuu ɓɔɔ ka naa mɛɛ, nɛɛ yuu mɛɛ piti, ka ruu manɛ, tɔ̀ɔ, n yi nɔɔ naa ka bii. Nɔɔ kàsɛ́ m tɔkɔlɔng, ka ruu ɓɔɔ, n kasɛ nɔɔ dɔɔli ɓɛɛ ya?

2 Koranti 2:8

Ka ruu nɔngkɔ, n gaa nɔɔ, nɔɔ pálɛ́ vuu ɓɔɔ wu zirɛ nɛɛ nɔɔ kasɛ wu katɔ gbãng gbãng ɓɛɛ.

2 Koranti 3:17

Kpanti Laa keɓe, ɓi wukɔ Suru. Zang ɓɔɔ Suru Kpanti Laa nɛɛ kagn bii ɓiɓɛ, zang keɓe wɔ ɓi tɔ.

2 Koranti 4:5

Ka ruu ɓɔɔ, ruu kɔɔ nɔɔ ruu ka yuu ɓuru kpang ɓɛɛ. Ruu kɔɔ nɔɔ ka yuu Yeesɔ Kirisi, nɛɛ wukɔ Kpanti, a ruu ɓuru kaa zang shonang manɛ ka ruu Yeesɔ.

Galati 2:4

Ruu keɓe gaayu ka ɓɔɔ zang varɛ ɓɔɔ ri nwãarɛ zang nɛɛ ri dũng dòo Kirisi kɔ, ri kasɛ ɓarɛ katɔ nɛɛ, zang yèe wu shaa. Zang keɓe ɓɔɔ ri shɛ̃ɛ ka teteng ɓuru nɛɛ ri zili naa ɓuru, ri ti kãa gbalang naa ɓɔɔ zang ta yuu ɓuru ka ɓɔɔ ruu ɓakɛ yuu nɛɛ Yeesɔ Kirisi ɓɛɛ, ɓee. Ri kasɛ nɛɛ ri risi ruu naa jaafoo.

Galati 4:22

Kɔɔyi tɔɔ, wujɛ Ibirayi ziti. Ɓɔɔ gbete jaafoo yì wu, a ɓɔɔ gbete soro ɓɔɔ ɓi jaafoo kpang yi wu.

Galati 5:1

Kirisi ta yuu ɓuru nɛɛ ruu nwang tɔ̀ɔ́ naa jaafoo kpang. Nɔɔ yaa zang ɓɔɔ wu shingnɛ, nɔ́ɔ nwang naa zang ɓɔɔ ri jaafoo ɓɛɛ kpang. Nɔɔ nwàng tɔ̀ɔ́ jaafoo tɔkn kpang.

Galati 5:14

Vuu ɓɔɔ nyaa dannang nandon ri kɔɔyi, daa ɓi gbete nɛɛ ɓɔɔ kɔɔyi tɔɔ, “Kasɛ ruu shɔnzang naa ɓɔɔ mɔɔ kasɛ yuu ɓaaɓɛ ɓɛɛ.”

Galati 5:22

A Suru Laa shing zang ɓiri, zang wu kasɛ zang, zang wu tãa tĩnang, yeti zang wu valɛ katɔ, zang wu mã danggn, zang wu palɛ zang tɔ̃ɔ, zang wu pàlɛ̀ vuu ɓɔɔ tɔ̃ɔ ɓɛɛ, zang wu nwang zang ɓɔɔ zang shing danggn katɔ bii ɓiɓɛ.

Galati 6:2

Vuu ɓɔɔ nɛɛ kpãa zang ɓɔɔ ka teteng manɛ, nɔɔ yi zɔɔ naa kagn. Naa nɔɔ pálɛ̀ nɔngkɔ, nɔɔ dũng nyaa ɓɔɔ Yeesɔ Kirisi dang ɓɛɛ tɔ.

Afisa 5:21

Nɔɔ ɓáa shoo ka nyaa zɔɔ ka ruu bannang ɓɔɔ nɔɔ a Kirisi ɓɛɛ.

1 Tesalonika 1:3

Diki ɓɔɔ ruu gaa Laa ɓuru ɓɔɔ wukɔ ti Daa ɓuru ɓɛɛ, danggn manɛ ning ruu kpang. Ruu ɓaa nung manɛ ka naa ɓɔɔ nɔɔ túsù danggn ɓɔɔ nɔɔ shing ɓɛɛ ka vuu ɓɔɔ nɔɔ palɛ ɓɛɛ. Naa ɓɔɔ nɔɔ palɛ shonang gbãng gbãng, ka ruu ɓɔɔ nɔɔ kasɛ Kpanti Yeesɔ Kirisi katɔ ɓɛɛ. A ɓɔɔ ti naa ɓɔɔ gn ɓɔɔ nɔɔ shing ka bii Kpanti ɓuru Yeesɔ Kirisi ruutu kpang tingkiring ɓɛɛ.

1 Bituru 2:16

Nɔɔ nwàng manɛ naa zang ɓɔɔ ri jaafoo zang ɓɔɔ kpang ɓɛɛ. Nɔ́ɔ tɔɔ kpang nɛɛ wee nɔɔ jaafoo zang ɓɔɔ kpang ɓee, nɔɔ walɛ gbalang vuu shi kpang palɛnang tɔ kpang. Nɔɔ nwáng nwannang ɓɔɔ daa naa ɓɔ̀ɔ́ zang ɓɔɔ ri pàlɛ́ Laa shonang ɓɛɛ kati.

2 Bituru 2:19

Ri kɔɔrɔ zang kaɓa nɛɛ ri naa yaa ri naa ditɔ, a ɓeekpang ɓɔɔ ri rang yee keɓe, ri zunung naa ɓɔɔ ri yaa vuu shi kpang ɓɔɔ ri palɛ ɓɛɛ kpang. Naa vuu ɓɔɔ yiti zang, zang zunung yaanang kpang, zang nwang ɓi kaa jaafoo vuu bìí.

Yahuza 1:4

Zang ɓɔɔ ri dũ̀ng Laa kpang, ɓɔɔ kagn ri hãa tɔ ka teteng manɛ nɛɛ nwĩiri, ruu zi kpang. Zang ɓɔɔ ri kɔ̃sɔ ruu tɔ̃ɔ ɓɔɔ Laa ɓuru pàlɛ́ zang, nwang ri ɓarɛ kaa naa zang yaa ri gbalang dũndũng palɛnang, a ri bɛ̃ɛ Yeesɔ Kirisi ɓɔɔ wukɔ gbete, Kpanti nɛɛ dabang ɓuru ɓɛɛ. Labeenang Laa kɔɔ ruu ɓi tɔ ka yuu ruu kɔ zang dɔ̀ng ri ɓee.