Galati 5:11 - Nyaa Shɔɔ Ɓɔɔ Laa a Ɓɛɛ

¹¹ Rɛɛ manzung, naa n kɔɔrɔ zang doo naa nɛɛ zang ri yee shaa katɔ ɓɛɛ, a zang dang m jĩng ɓi kaa ruu viya? Naa nɛɛ nɔngkɔ niizang, rúu ɓɔɔ n kɔɔrɔ zang ka yuu laa ɓɔɔ zang ɓaa Yeesɔ naa kagn nɛɛ shingnɛ zang nɛɛ hàa nyaa kpang.

Galati 5:11 ပူးပေါင်းရင်းမြစ်များ

Zang Shonang Yeesɔ 16:3

Bulu kasɛ nɛɛ wu daa nɛɛ Timoti, ka ruu nɔngkɔ, yèe wu shaa kati. Yèe wu shaa, ka ruu ɓɔɔ, zang Yahudi ɓɔɔ ri ka tipi kaɓa nandon, ri zi tɔ nɛɛ dáa Timoti zang Heleni ɓɛɛ.

Zang Shonang Yeesɔ 21:21

Ri ti tãa nyaa nɛɛ mɔɔ tusu zang Yahudi ɓɔɔ ri nwang ka teteng zang ɓɔɔ ri zang Isirela kpang ɓɛɛ, nɛɛ ri dũ̀ng nyaa ɓɔɔ Musa dang ɓɛɛ takpang. Mɔɔ nɛɛ ri yee wujɛ ɓarɛ shaa kpang, nɛɛ ri dũ̀ng vuu ɓɔɔ dabang ɓuru ri kpɛ̃ɛrɛ ruu kpang.

Zang Shonang Yeesɔ 21:28

Ri gòo nyaa nɛɛ “Zang Isirela nɔɔ yi ruu naa ka bii. Wee yɔɔ ɓɔɔ tusu vuu nɛɛ nɔng piti piti, nɛɛ zang ri kasɛ ruu zang ɓuru kpang, nɛɛ zang ri dũng nyaa ɓɔɔ Musa dang ɓɛɛ kpang, kɔɔrɔ ruu shi kpang ka yuu Gãa Laa keɓe. Palɛ wu ti vuu keɓe kɔ shɛ̃ɛning kpang, átɛ̀ zang ɓɔɔ ri zang Isirela kpang ka yeti Gãa Laa keɓe. Shing tɔ nihn nwang nɔng shi kpang tɔ ka jĩng Laa.”

1 Koranti 1:18

Zang ɓɔɔ ri shàarɛ́ kana, ri kɔɔ ɓarɛ nɛɛ, vɔrɔ ɓɔɔ Kirisi vɔ ka yuu laa ɓi vuu shoko waati. Ɓɔɔ ɓuru, ɓɔɔ Laa ta yuu ɓuru kana, ruu zi ɓuru tɔ nɛɛ, naa vuu palɛnang Laa kagn ka vɔrɔ ɓɔɔ Yeesɔ vɔ ɓɛɛ.

1 Koranti 1:23

A ruu kɔ̀ɔrɔ́ zang ɓuru ruu Yeesɔ Kirisi, ɓɔɔ zang ɓaa wu naa ka laa ɓɛɛ. Ruu keɓe làsɛ́ rɛɛ zang Yahudi yeti katɔ, zang ɓɔɔ ri kɔɔ ɓarɛ nɛɛ ɓi ruu shoko.

1 Koranti 15:30

A rukɔ, naa Laa naa wisi zang paa tɔ̀ɔ́ nɛɛ sàa kpang, ka ruu vi, ruu mãlɛ́ yuu ɓuru ka naa vɔrɔ diki diki viya?

Galati 2:3

Titu ɓɔɔ n daa nɛɛ wu, naa wee wu zang Heleni ɓee, zang yi wu nɛɛ kaka nɛɛ wu yée shaa kpang.

Galati 3:1

Ɓɔɔ nɔɔ zang tipi Galati nɔɔ shoko niizang. Ɓu wi zuu nɔɔ jĩng nɔngkɔ wiya? Zang kɔɔ ka shoo manɛ naa ɓɔɔ zang ɓaa Yeesɔ Kirisi naa ka laa a vɔrɛ ɓɛɛ.

Galati 4:29

Ka diki kaɓa, jaa ɓɔɔ zang yi naa ɓɔɔ zang yiki jaa diki diki, dang jaa ɓɔɔ zang yi nɛɛ bii Suru Laa ɓɛɛ jĩng. Kãntang keɓe, zang palɛ doo ka naa nɔngkɔ.

Galati 6:12

Ɓi zang ɓɔɔ ri dɔ̀ɔ́ bii nɛɛ vuu ɓɔɔ ri palɛ nɛɛ jĩng zang wu zirɛ ɓɛɛ, ri kãa gbalang nɛɛ ri mã nɔɔ nyaa nɛɛ kaka, nɛɛ nɔ́ɔ yee shaa. Ri palɛ ɓarɛ, ka ruu ɓɔɔ, ri kasɛ nɛɛ zang dang ri jĩng naa ɓɔɔ zang ɓaa Yeesɔ Kirisi naa ka laa kpang ɓɛɛ.

Galati 6:17

N hangsɛ nyaa ruu keɓe nɛɛ, zang ɓɔɔ wu kpãa m takpang, ka ruu ɓɔɔ, nyaa nɔɔrɔ kɔ ka bii mɛɛ, wukɔ tusu nɛɛ n m jaafoo Yeesɔ Kirisi.