Galati 5:10 - Nyaa Shɔɔ Ɓɔɔ Laa a Ɓɛɛ

¹⁰ Ɓɔɔ mɛɛ, sisĩng lɔɔ m ka ruu manɛ kpang. Yuu ɓɔɔ ruu kpalɛ nɛɛ nɔɔ ka bii Yeesɔ Kirisi kɔ shing m sisĩng lɔɔ m kpang. N zi tɔ, nɔɔ ta ruu ɓɔɔgn kpang, a zang ɓɔɔ kpantɛ nɔɔ jĩng keɓe, naa doo wiya, Laa naa dang wu jĩng ditɔ.

Galati 5:10 ပူးပေါင်းရင်းမြစ်များ

Zang Shonang Yeesɔ 15:24

Ruu tãa nyaa nɛɛ zang ɓɔ̀ɔ́gn ri daa nɛɛ teteng ɓuru, ri daa kpãa nɔɔ, ri lasɛ nɔɔ yeti nɛɛ vuu ɓɔɔ ri kɔɔrɔ ɓɛɛ. Rùu ti kɔɔ ri vuu ɓɔɔ kagn nɛɛ ri daa kɔɔ nɔɔ kpang.

1 Koranti 5:5

Nɔɔ yàa Sheetang zang keɓe, wu lasɛ yɔpɔ bii ɓiɓɛ, tɔ̀ɔ, suru bii ɓiɓɛ wu wɔ kati, ka diki ɓɔɔ Kpanti ɓuru Yeesɔ naa gbãayu ka koo keɓe ɓɛɛ.

2 Koranti 1:15

N zi tɔ nɔngkɔ kɔ, n mang ka yeti mɛɛ nɛɛ n gaayu n leng nɔɔ, tɔ̀ɔ, nɔ́ɔ tãa tĩnang kaa dakn ziti.

2 Koranti 10:2

Ka ruu nɔngkɔ, n gaa nɔɔ katɔ, nɔ́ɔ shing m nɛɛ gbãng gbãng ning, n nɛɛ a tɔ, n pàlɛ̀ nɔɔ vuu nɛɛ gnvɔ kpang. N zi tɔ, n zunung ɓɔɔ naa n pàlɛ́ zang ɓɔɔ ri kɔɔrɔ nɛɛ, ruu palɛ vuu ɓuru naa zang koo ɓɛɛ, vuu katɔ nɛɛ gnvɔ.

2 Koranti 10:6

Nɔɔ nɛɛ tusu yuu manɛ tɔ nɛɛ, nɔɔ dũng kaa nyaa ɓuru, tɔɔ ruu kpalɛ bii ɓɔɔ ruu dang zang ɓɔɔ ri dũng nyaa ɓuru kpang jĩng kati.

2 Koranti 13:10

Ka ruu nɔngkɔ, n bèé nɔɔ laa keɓe ka wee n gn nɛɛ nɔɔ nɔng gbete kpang ɓee. Tɔ̀ɔ, n nɛɛ a tɔ ka nɔng manɛ, n palɛ nɔɔ vuu kaa tɔ̀ɔ́ nɛɛ gnvɔ, nɛɛ naa vuu palɛnang ɓɔɔ Laa a m ɓɛɛ kpang. Laa a m naa nɛɛ n yi nɔɔ naa ka bii nɔɔ bangkɛ, nɛɛ n ningsi nɔɔ katɔ kpang.

2 Koranti 2:3

Ka ruu nɔngkɔ, n bèe nɔɔ labeenang kaɓa. N kasɛ kpang n a ka bii manɛ, yeti wu lasɛ m nɛɛ nɔɔ ɓɔɔ nɔkɔ nɛ̀ɛ́ shing m, n tãa tĩnang ɓɛɛ kpang. Ka ruu ɓɔɔ, n zi tɔ ka yeti mɛɛ, n nɛɛ tãa tĩnang tɔ, nɔɔ piti nɔɔ tãa tĩnang tɔ jong.

2 Koranti 2:6

Gbalang ɓɔɔ zang nimbang ka teteng manɛ ri sɔɔyi, ri dàng yɔɔ kaɓa jĩng, daa tɔ.

2 Koranti 5:16

Rúu dɔ̀ng zang ɓɔɔ ruu, tɔ̀ɔ́ ka doo nwannang shɔnzang kpang. Niizang, ɓeleng ruu dɔ̀ng Yeesɔ Kirisi ruu ka gbalang kaɓa kɔ, a kãntang keɓe, ruu palɛ tɔ̀ɔ́ nɔngkɔ kpang.

2 Koranti 7:16

N tãa tĩnang tɔ kati kãntang keɓe, ka ruu ɓɔɔ, n shing danggn kaa tɔ dɔ̃ɔ gbete ka bii manɛ ɓɛɛ.

2 Koranti 8:22

Ka ruu nɔngkɔ, ruu shong manzung ɓuru nɛɛ ri. Ruu gãsɛ wu tɔ dɔɔli, ruu zirɛ, kasɛ katɔ wu yì zang naa ka bii. A wee shing gn tɔ ka bii manɛ gbãng gbãng ɓee, kasɛ kaa tɔ gbãng gbãng wu yi nɔɔ naa ka bii.

Galati 1:7

Niizang, ruu tɔ̃ɔ ɓɔɔgn ɓi kagn kpang. N kɔɔ nɔngkɔ, ka ruu ɓɔɔ, zang ɓɔɔ kagn ri kpantɛ nɔɔ jĩng, ri kãa gbalang ɓɔɔ ri kɔ̃sɔ Ruu Tɔ̃ɔ Kirisi katɔ ɓɛɛ.

Galati 2:4

Ruu keɓe gaayu ka ɓɔɔ zang varɛ ɓɔɔ ri nwãarɛ zang nɛɛ ri dũng dòo Kirisi kɔ, ri kasɛ ɓarɛ katɔ nɛɛ, zang yèe wu shaa. Zang keɓe ɓɔɔ ri shɛ̃ɛ ka teteng ɓuru nɛɛ ri zili naa ɓuru, ri ti kãa gbalang naa ɓɔɔ zang ta yuu ɓuru ka ɓɔɔ ruu ɓakɛ yuu nɛɛ Yeesɔ Kirisi ɓɛɛ, ɓee. Ri kasɛ nɛɛ ri risi ruu naa jaafoo.

Galati 2:6

A zang ɓɔɔ zang tɔɔ ri ɓarɛ zang bang ɓɛɛ (ruu mɛɛ hãa kagn nɛɛ naa ɓɔɔ ɓeleng ri nwang ka tĩng ɓɛɛ kpang. Laa palɛ vuu ɓi jong gn dang gbete kpang). Rɛɛ zang bang kaɓa ri kɔ̀ɔ m vuu ɓɔɔ kagn shɔɔ kpang.

Galati 3:1

Ɓɔɔ nɔɔ zang tipi Galati nɔɔ shoko niizang. Ɓu wi zuu nɔɔ jĩng nɔngkɔ wiya? Zang kɔɔ ka shoo manɛ naa ɓɔɔ zang ɓaa Yeesɔ Kirisi naa ka laa a vɔrɛ ɓɛɛ.

Galati 4:11

Vuu kɔ nɔɔ palɛ ɓee, shing tɔ n káa kaa vɔrɔ. Mɔɔ kɔɔ nɛɛ shonang ɓɔɔ n pálɛ̀ ka ruu manɛ shàarɛ̀ tɔ waati.

Galati 4:17

Zang kaɓa, ri palɛ mɔɔ kɔ̀ɔ́ nɛɛ, ri kasɛ nɔɔ katɔ gbãng gbãng, a vuu ɓɔɔ ri mang ka yeti ɓarɛ ka yuu manɛ ɓi kaa tɔ̀ɔ́ tɔ̃ɔ kpang. Ri kasɛ ɓarɛ nɛɛ, ri basɛ teteng manɛ nɛɛ n, tɔ̀ɔ, nɔ́ɔ shòng kaa rikɔ.

Galati 4:20

Mɔɔ kɔɔ nɛɛ n nɛ̀ɛ́ kaa nɛɛ nɔɔ kãntang keɓe, tɔ̀ɔ, n kɔ̃sɔ naa ɓɔɔ n rang nɔɔ yee ɓɛɛ. Ruu manɛ kpãa m tɔ dɔɔli.

Galati 5:12

Zang ɓɔɔ ri kpãa nɔɔ keɓe, ri nɛ̀ɛ́ kàsɛ̀ katɔ zang ɓée ri, wukɔ nɛɛ tɔ̃ɔ.

Galati 5:7

Bɛ̀ɛ́ nɔɔ palɛ vuu kana waasɛ̃ ka gbalang Kirisi, nɔɔ daa kana nɛɛ tĩng. Ɓu wi shing nɔɔ, a nɔɔ yaa ruu ɓɔɔ wukɔ niizang dũnnang wiya?

Galati 6:17

N hangsɛ nyaa ruu keɓe nɛɛ, zang ɓɔɔ wu kpãa m takpang, ka ruu ɓɔɔ, nyaa nɔɔrɔ kɔ ka bii mɛɛ, wukɔ tusu nɛɛ n m jaafoo Yeesɔ Kirisi.

Filipi 3:15

Wee naa ɓɔɔ rùu ɓɔɔ rùu tɔ̀ɔ́ wujɛ ka rɛɛ vuu Suru Laa kpang, rùu rɛ̃rɛ ɓɛɛ kɔ. Naa zang ɓɔɔ kagn teteng manɛ rɛ̃rɛ náabm̀, Laa naa tusu nɔɔ ditɔ nɔɔ zi waasɛ̃.

2 Tesalonika 3:4

Laa mã́ ruu danggn ka bii manɛ kɔ. Ruu zi tɔ nɛɛ palɛ vuu ɓɔɔ ruu kɔɔ nɔɔ katɔ, nɔɔ ti palɛ katɔ sasak.

1 Timoti 1:20

Himinaya nɛɛ Alezanda ri ka teteng zang ɓɔɔ naa weɓe kɔ. N yàa Sheetang naa tɔ wu dang ri jĩng. Tɔ̀ɔ, shoo wu lu ri kati, ri yaa ruu shi kpang kɔɔrɔnang kaa yuu Laa.

Filimon 1:21

N zi tɔ, mɔɔ palɛ vuu ɓɔɔ n kɔɔ mɔɔ ɓɛɛ katɔ. Mɔɔ ti palɛ ɓa katɔ.