Galati 5:1 - Nyaa Shɔɔ Ɓɔɔ Laa a Ɓɛɛ

¹ Kirisi ta yuu ɓuru nɛɛ ruu nwang tɔ̀ɔ́ naa jaafoo kpang. Nɔɔ yaa zang ɓɔɔ wu shingnɛ, nɔ́ɔ nwang naa zang ɓɔɔ ri jaafoo ɓɛɛ kpang. Nɔɔ nwàng tɔ̀ɔ́ jaafoo tɔkn kpang.

Galati 5:1 ပူးပေါင်းရင်းမြစ်များ

Matiyu 23:4

Ri ĩi zang nyaa ka vuu ɓɔɔ kpãa katɔ palɛnang, a ri kasɛ nɛɛ ri lee naa ɓarɛ kagn kpang.

Luka 5:38

Zang tɛ̃ɛ saa shɔɔ ɓi doo ka zàáng ɓɔɔ shɔɔ kɔ doori.

Zang Shonang Yeesɔ 15:10

Nɔɔ nɛɛ nɔɔ gãsɛ Laa ka ruu viya? Nɔɔ nɛɛ nɔɔ shing vuu ka yuu zang ɓɔɔ ri shing danggn tɔ, vuu ɓɔɔ ruu nɛɛ rɛɛ daa ɓuru ruu zunung tuunang kpang ɓɛɛ.

Rooma 6:14

Nɔ́ɔ yaa vuu shi kpang, wu roo kpanti ka nwannang manɛ kpang, ka ruu ɓɔɔ, nɔɔ manɛ tɔ̀ɔ́ jaafoo nyaa dannang Laa kpang ɓɛɛ, nɔɔ manɛ kaa zang ɓɔɔ Laa pàlɛ́ ri tɔ̃ɔ ɓɛɛ.

Rooma 6:18

Zang tà nɔɔ nɛɛ naa vuu shi kpang manɛ, a nɔɔ ràa jaafòó vuu tɔ̃ɔ palɛnang.

Rooma 7:3

Naa yaa ɓeevɛ, daa gee zang ɓɔɔgn, bɛ̀ɛ́ ɓeevɛ doo ningkãari, zang ɓaa wu nɛɛ zang ɓɔɔ pálɛ̀ dũndũng ɓɛɛ. Naa ɓeevɛ nɛɛ vɔrɛ, zang yaa wu gbalang tɔ, wu daa gee zang ɓɔɔgn. Pálɛ̀ wu vuu dũndũng kpang, nɛɛ gee zang ɓɔɔgn ɓɛɛ.

Rooma 7:6

Kãntang keɓe, Laa ta ruu tɔ nɛɛ naa nyaa dannang ɓiɓɛ, ka ruu ɓɔɔ, ruu nwalɛ ɓuru kaa naa zang ɓɔɔ vuu shi kpang roo kpanti tɔ̀ɔ́ yuu ɓarɛ kpang ɓɛɛ. Kãntang keɓe, ruu pàlɛ́ Laa shonang kaa tɔ, ka gbalang ɓɔɔgn, ka ɓɔɔ ruu ɓaa shoo ka nyaa Suru ɓiɓɛ ɓɛɛ. Wu ka gbalang gbaala, ka ɓɔɔ ruu dũng nyaa dannang Laa, ɓɔɔ zang bée nɛɛ naa ɓɛɛ kpang.

Rooma 8:15

Ka ruu ɓɔɔ, Laa a nɔɔ Suru ɓɔɔ risi nɔɔ naa jaafoo waati kpang, shing nɔɔ, nɔɔ kaa vɔrɔ tɔkn kpang ɓɛɛ. Suru Laa keɓe shing nɔɔ nɔ́ɔ nwang manɛ wujɛ Laa kɔ jong. Wukɔ ti yi nɔɔ naa ka bii, nɔɔ ɓaa Laa kaa nɛɛ, “Mɔkɔ Daa ɓuru.”

Rooma 8:2

Ka ruu ɓɔɔ, nyaa dannang Suru Laa ɓɔɔ a ruu suru bii nɛɛ bii Yeesɔ Kirisi, ta m tɔ nɛɛ naa nyaa dannang ɓɔɔ vuu shi kpang nɛɛ ɓɔɔ vɔrɔ.

1 Koranti 15:58

Ka ruu nɔngkɔ, manzung, ɓɔɔ n kasɛ nɔɔ katɔ ɓɛɛ, n kɔɔ nɔɔ, nɔɔ shii nɛɛ kaka, vuu ɓɔɔ wu shing nɔɔ nɔ́ɔ kɔ̃sɔ yeti manɛ kpang. Nɔɔ palɛ shonang Kpanti ɓuru Yeesɔ Kirisi nɛɛ yeti manɛ nandon, ka ruu ɓɔɔ, nɔɔ zi tɔ nɛɛ shonang ɓɔɔ nɔɔ pàlɛ́ Kpanti Kirisi naa nwǎng nɔɔ vuu tɔ̃ɔ katɔ ɓɛɛ.

1 Koranti 16:13

Nɔɔ gãng jĩng waasɛ̃. Nɔɔ shii nɛɛ kaka ka danggn ɓɔɔ nɔɔ shing ɓɛɛ. Nɔ́ɔ yaa gn naa kpang, nɔɔ lakɛ yuu kagn.

1 Koranti 7:22

Ka ruu ɓɔɔ, naa mɔɔ jaafoo ka ɓɔɔ Laa ɓaa mɔɔ nyaa nɛɛ mɔɔ naa dũng Kpanti Yeesɔ Kirisi kãntang keɓe, mɔɔ ɓaa tɔ̀ɔ́ jaafoo kpang. Ka ruu ɓɔɔ, mɔɔ ɓákɛ́ yuu tɔ nɛɛ Kpanti Yeesɔ Kirisi ɓɛɛ. Doo nɔngkɔ, zang ɓɔɔ nɛɛ jaafoo kpang, ka ɓɔɔ Laa ɓaa wu nyaa, nwáng jaafoo Kirisi tɔ.

2 Koranti 11:20

Nɔɔ mã danggn katɔ nɛɛ zang piti ɓɔɔ risi nɔɔ naa jaafoo ɓɛɛ, zang ɓɔɔ shaa nɔɔ katɔ, zang ɓɔɔ ri risi nɔɔ naa shoko ɓɛɛ, nɛɛ zang ɓɔɔ ri risi nɔɔ naa vĩi, a ɓɔɔ zang ɓɔɔ ri dãlɛ nɔɔ ɓɛɛ.

2 Koranti 3:17

Kpanti Laa keɓe, ɓi wukɔ Suru. Zang ɓɔɔ Suru Kpanti Laa nɛɛ kagn bii ɓiɓɛ, zang keɓe wɔ ɓi tɔ.

Galati 2:4

Ruu keɓe gaayu ka ɓɔɔ zang varɛ ɓɔɔ ri nwãarɛ zang nɛɛ ri dũng dòo Kirisi kɔ, ri kasɛ ɓarɛ katɔ nɛɛ, zang yèe wu shaa. Zang keɓe ɓɔɔ ri shɛ̃ɛ ka teteng ɓuru nɛɛ ri zili naa ɓuru, ri ti kãa gbalang naa ɓɔɔ zang ta yuu ɓuru ka ɓɔɔ ruu ɓakɛ yuu nɛɛ Yeesɔ Kirisi ɓɛɛ, ɓee. Ri kasɛ nɛɛ ri risi ruu naa jaafoo.

Galati 3:25

Kãntang kɔ, laa ɓɔɔ ruu shing danggn ka bii Yeesɔ a tɔ ɓee, wu tɔ̀ɔ́ nyaa dannang kɔ yiti ruu kpang.

Galati 4:26

A Urushalima ɓɔɔ ka lapa ɓi kaa tɔ̀ɔ́ jaafoo kpang, ɓi wukɔ nàá ɓuru.

Galati 4:31

Ka ruu nɔngkɔ, rɛɛ manzung, ruu ɓuru wujɛ jaa soro ɓɔɔ jaafoo ɓɛɛ kpang. Ruu ɓuru wujɛ jaa soro ɓɔɔ jaafoo kpang ɓɛɛ.

Galati 4:9

A kãntang keɓe nɔɔ zi Laa tɔ kati. N kɔɔ ɓu biya, Laa zi nɔɔ tɔ kati ɓee. Ka ruu vi, nɔɔ gbãayu ka rɛɛ nyaa dannang ɓɔɔ shɔnzang ri tusu, ɓɔɔ ri lakɛ naa ka bii kpang, a naa vuu palɛnang ɓarɛ ti kagn kpang, nɔɔ nwang jaafoo ɓarɛ tɔkn viya?

Galati 5:13

Ɓɔɔ manɛ ɓɛɛ, rɛɛ manzung, zang ɓaa nɔɔ nyaa nɛɛ nɔ́ɔ nwang zang ɓɔɔ ri jaafoo kpang ɓɛɛ. A nɔɔ yaayi nwannang manɛ keɓe, wu yàa nɔɔ gbalang vuu ɓɔɔ bii shɔnzang manɛ kasɛ ɓɛɛ palɛnang kpang. Zɔɔ kasɛnang wu shing nɔɔ katɔ kɔ jong, nɔ́ɔ pàlɛ́ zɔɔ shonang.

Afisa 6:14

Nɔɔ kpalɛ bii katɔ nɔ́ɔ shiiyi. Ruu ɓɔɔ niizang wu nwang naa guruji ɓɔɔ nɔɔ mã ka sang ɓɛɛ. Nwannang tɔ̃ɔ manɛ naa ɓɔɔ Laa kasɛ ɓɛɛ, wu nwang naa vuu ɓɔɔ nɔɔ zuu danggn nɛɛ mani ɓɛɛ.

Filipi 1:27

Nwannang manɛ, wu nwang naa ɓɔɔ Ruu Tɔ̃ɔ Yeesɔ Kirisi kɔɔ ɓɛɛ. Wukɔ daayi, tɔ̀ɔ, naa n naa leng nɔɔ, naa n nɛɛ ti leng nɔɔ dòo kpang, n tãa nyaa katɔ nɛɛ rɛ̃rɛnang manɛ dàá gbete. N ti tãa katɔ nɛɛ nɔɔ kpalɛ yuu nɛɛ zɔɔ, nɔɔ shii gbãng gbãng, nɔɔ kasɛ nɛɛ zang ri shing danggn ka Ruu Tɔ̃ɔ Laa.

1 Tesalonika 3:8

Wee nɔɔ shii nɛɛ kaka ka yuu ɓɔɔ nɔɔ ɓakɛ tɔ nɛɛ Kpanti Yeesɔ ɓee, ruu tãa tĩnang nwannang ningkãari kaa tɔ.

2 Tesalonika 2:15

Ka ruu nɔngkɔ, rɛɛ manzung, nɔɔ shii nɛɛ kaka, nɔɔ yiti rɛɛ ruu niizang ɓɔɔ ruu tusu, ka ɓɔɔ, ruu kɔɔrɔ nɔɔ, a ruu ti bee nɔɔ ka yeti labeenang tĩng shɔɔnang ɓɛɛ, waasɛ̃.

Yahudi 10:23

Rúu yiti vuu ɓɔɔ ruu kɔ̀ɔ ka yuu danggn ɓɔɔ ruu shing ɓɛɛ gbãng gbãng, rɛ̃rɛnang ɓuru wu vãarɛ kpang. Ka ruu ɓɔɔ, zang ɓɔɔ a nyaa, ɓi zang ɓɔɔ palɛ vuu ɓɔɔ wu a nyaa kagn katɔ ɓɛɛ.

Yahudi 3:14

Ka ruu ɓɔɔ, ruu ɓuru kaa zang ɓɔɔ ri walɛ vuu ka bii Kirisi ɓɛɛ. Ruu nɛɛ yaa gn ɓɔɔ ruu gaayu, ruu shingnɛ kpang, diki ɓɔɔ koo waa nyaa wu a nɛɛ mani ɓɛɛ.

Yahudi 3:6

A Yeesɔ nwáng zang ɓɔɔ zang shing gn katɔ ka bii ɓiɓɛ ka Gãa Laa nandon, ka ruu ɓɔɔ, wu ɓi Jaa ɓɛɛ. Rukɔ Gãa keɓe, ruu nɛɛ yiti danggn ɓɔɔ ruu mãrɛ gbãng gbãng, nɛɛ gn ɓɔɔ ruu shingnɛ kɔ, ruu dɔɔ bii nɛɛ mani ɓee ɓɛɛ.

Yahudi 4:14

Wee kpanti zang ɓɔɔ ri dɔɔ vuu ka gãa Laa, ɓɔɔ ɓuru kagn, ɓɔɔ zang a wu bannang dɔɔli ɓee. Kpanti keɓe wukɔ Yeesɔ Jaa Laa, ɓɔɔ daa tɔ ka lapa ɓee. Rúu yiti nɔɔ danggn, ɓɔɔ ruu shingnɛ, rùu kɔɔ zang ruu ka yuu ɓiɓɛ keɓe gbãng gbãng.

1 Bituru 2:16

Nɔɔ nwàng manɛ naa zang ɓɔɔ ri jaafoo zang ɓɔɔ kpang ɓɛɛ. Nɔ́ɔ tɔɔ kpang nɛɛ wee nɔɔ jaafoo zang ɓɔɔ kpang ɓee, nɔɔ walɛ gbalang vuu shi kpang palɛnang tɔ kpang. Nɔɔ nwáng nwannang ɓɔɔ daa naa ɓɔ̀ɔ́ zang ɓɔɔ ri pàlɛ́ Laa shonang ɓɛɛ kati.

2 Bituru 2:19

Ri kɔɔrɔ zang kaɓa nɛɛ ri naa yaa ri naa ditɔ, a ɓeekpang ɓɔɔ ri rang yee keɓe, ri zunung naa ɓɔɔ ri yaa vuu shi kpang ɓɔɔ ri palɛ ɓɛɛ kpang. Naa vuu ɓɔɔ yiti zang, zang zunung yaanang kpang, zang nwang ɓi kaa jaafoo vuu bìí.

Yahuza 1:3

Masang, ɓɔɔ n kasɛ nɔɔ dɔɔli ɓɛɛ, bɛ̀ɛ́ n wàá doo diki ɓɔɔ n bèé nɔɔ labeenang ka ruu yuu ɓuru ɓɔɔ Yeesɔ ta ɓɛɛ. A vuu ɓɔɔ shing m kãntang keɓe n bèé nɔɔ labeenang, n kasɛ n kɔɔ nɔɔ nɛɛ nɔɔ shii nɛɛ bang, ka ruu danggn shinnang kɔ Laa a zang ɓiɓɛ tɔ dɔ̃ɔ gbete ɓee.

Vuu ɓɔɔ zang nwangsɛ Yɔhana 2:25

Nɔɔ yiti vuu ɓɔɔ ka naa manɛ gbãng gbãng, n gbãayu nɛɛ mani.

Vuu ɓɔɔ zang nwangsɛ Yɔhana 3:3

Ka ruu nɔngkɔ, danggn wu ning nɔɔ vuu ɓɔɔ nɔɔ tãayi, a nɔɔ ti tarɛ ɓɛɛ kpang. Nɔɔ yiti katɔ, nɔɔ ti kɔ̃sɔ yeti manɛ. Naa nɔɔ yupaa kpang, n a ditɔ naa shɔngɓɔ, a nɔɔ zi laa ɓɔɔ n a kagn yuu manɛ kpang.