Galati 4:9 - Nyaa Shɔɔ Ɓɔɔ Laa a Ɓɛɛ

⁹ A kãntang keɓe nɔɔ zi Laa tɔ kati. N kɔɔ ɓu biya, Laa zi nɔɔ tɔ kati ɓee. Ka ruu vi, nɔɔ gbãayu ka rɛɛ nyaa dannang ɓɔɔ shɔnzang ri tusu, ɓɔɔ ri lakɛ naa ka bii kpang, a naa vuu palɛnang ɓarɛ ti kagn kpang, nɔɔ nwang jaafoo ɓarɛ tɔkn viya?

Galati 4:9 ပူးပေါင်းရင်းမြစ်များ

Matiyu 11:27

A Yeesɔ naa risi nyaa, kɔɔ ri tɔkn tɔɔ, “Daa mɛɛ, a m vuu piti tɔ ka naa. Zang ɓɔɔ zi m Jaa Laa, kagn gbete kpang, ɓi Daa mɛɛ kɔ gbete. Zang ɓɔɔ ti zi Daa mɛɛ kagn gbete kpang, ɓi nkɔ Jaa ɓiɓɛ n zirɛ, nɛɛ zang ɓɔɔ n kasɛ nɛɛ n tusu ri Daa mɛɛ ɓɛɛ.

Luka 5:38

Zang tɛ̃ɛ saa shɔɔ ɓi doo ka zàáng ɓɔɔ shɔɔ kɔ doori.

Yɔhana 10:14

“Nkɔ jagãng ɓɔɔ tɔ̃ɔ ɓɛɛ. Naa ɓɔɔ Daa zi m nung tɔ, n zi Daa nung tɔ jong. N zi mɛ̀ɛrɛ́ nung doo nɔngkɔ, ri ti zi m nung tɔ jong. N ti mãlɛ́ yuu mɛɛ, zang nyɔ m vɔrɔ ka ruu ɓarɛ.

Yɔhana 10:27

Mɛ̀ɛrɛ́ mɛɛ ri tãa yee mɛɛ ɓarɛ katɔ. N zi ri nung tɔ, a ri dũng m katɔ.

Yɔhana 17:3

Suru bii ɓɔɔ waa nyaa kpang, ɓi zinang ɓɔɔ zang zirɛ nɛɛ mɔkɔ gbete, Laa ɓɔɔ niizang ɓɛɛ, a ɓɔɔ nkɔ Yeesɔ Kirisi ɓɔɔ mɔɔ shong m ɓɛɛ.

Rooma 8:29

Zang ɓɔɔ Laa shɛ̃ɛrɛ ri ɓarɛ tɔ, kusu ri ɓarɛ dang gbete nɛɛ ri nwang naa Jaa ɓiɓɛ. Tɔ̀ɔ, Jaa ɓiɓɛ kɔ wu nwang kaa jamari rɛɛ ɓeezung ɓɔɔ ri dɔɔli ɓɛɛ.

Rooma 8:3

Vuu ɓɔɔ nyaa dannang Laa zunung palɛnang kpang, ka ruu ɓɔɔ, bii shɔnzang lakɛ naa bii kpang, Laa palɛ tɔ. Laa ningsi vuu shi kpang ka bii shɔnzang, ka ɓɔɔ wu shong nyaa nɛɛ Jaa ɓiɓɛ ɓɔɔ arɛ, tuu bii naa bii shɔnzang ɓɔɔ palɛ vuu shi kpang ɓɛɛ.

1 Koranti 13:12

Vuu ɓɔɔ ruu zili kãntang keɓe, ruu zirɛ mɔɔ kɔɔ nɛɛ ruu pɛ̃ɛrɛ ka vĩilaa ɓɔɔ wu kalang kalang kpang ɓɛɛ. Diki a ditɔ ɓɔɔ ruu zi ri tɔ̃ɔ tɔ̃ɔ nɛɛ jĩng ɓɛɛ. Vuu ɓɔɔ n zi kãntang keɓe, wu gň nyaa kiiri kpang. Ka diki kaɓa, n naa zi kaa nyaa kiiri naa ɓɔɔ Laa zì m tɔ nandon ɓɛɛ.

1 Koranti 15:34

Nɔɔ yaa vuu shoko manɛ ta, a nɔɔ ti yaa vuu shi kpang ɓɔɔ nɔɔ palɛ ɓɛɛ. N kɔɔ nɔngkɔ, tɔ̀ɔ, yusɛ̃ɛ wu tuu nɔɔ. Ka ruu ɓɔɔ, zang ɓɔɔ ka teteng manɛ ri zi Laa kpang ɓɛɛ.

1 Koranti 8:3

A zang ɓɔɔ kasɛ Laa, Laa zi wukɔ nɛɛ wu zang ɓiɓɛ.

2 Koranti 11:20

Nɔɔ mã danggn katɔ nɛɛ zang piti ɓɔɔ risi nɔɔ naa jaafoo ɓɛɛ, zang ɓɔɔ shaa nɔɔ katɔ, zang ɓɔɔ ri risi nɔɔ naa shoko ɓɛɛ, nɛɛ zang ɓɔɔ ri risi nɔɔ naa vĩi, a ɓɔɔ zang ɓɔɔ ri dãlɛ nɔɔ ɓɛɛ.

2 Koranti 4:6

Laa ɓɔɔ kɔɔyi nɛɛ, “Nɔng yakɛ ta ka nɔng ɓɔɔ tɔ̀ɔ katɔ ɓɛɛ,” ɓi doo wukɔ shing nɔng yakɛnang ɓiɓɛ, yakɛ yeti ɓuru. A shingnɛ ruu zi bannang Laa ka waa nyaating Yeesɔ Kirisi.

Galati 3:3

Nɔɔ palɛ shoko vi nɔngkɔ viya? Nɔɔ gaayu Laa dũnnang, nɔɔ shing gn ka naa ɓɔɔ Suru Laa a nɔɔ ɓɛɛ. A nɔɔ nɛɛ nɔɔ hangsɛ nyaa kaa nɛɛ kaka yuu manɛ ya?

Galati 4:3

Rùu dòo nɔngkɔ, ka ɓɔɔ bɛ̀ɛ́ ruu zũng danggn gň ka vuu Suru Laa kpang, ruu nwang ɓuru jaafoo rɛɛ nyaa dannang ɓɔɔ shɔnzang ri tusu ɓɛɛ.

Afisa 1:17

N gàá Làá Kpanti ɓuru Yeesɔ Kirisi. Daa, ɓɔɔ zang a wu bannang ɓɛɛ, wu a nɔɔ Suru ɓiɓɛ, ɓɔɔ shing nɔɔ nɔ́ɔ zũngnɛ, a wu ti nwangsɛ nɔɔ Laa, tɔ̀ɔ, nɔ́ɔ zi wu kati ɓɛɛ.

2 Timoti 2:19

A doo gãa ɓɔɔ Laa loo ɓɛɛ, shii ɓi katɔ katakata, zang zĩiti kpang. Zang bee vuu keɓe ka bii ɓiɓɛ nɛɛ, “Laa zi rɛɛ zang ɓɔɔ ri ɓarɛ ɓɔɔ ɓiɓɛ tɔ”. A “Zang ɓɔɔ nɛɛ kɔɔyi nɛɛ, wu ɓɔɔ Kpanti Laa, wu yaa gbalang vuu shi kpang ɓɔɔ wu palɛ katɔ.”

Yahudi 7:18

Nyaa dannang ɓɔɔ tĩng, zang kɔsɔ tɔ dang gbete, ka ruu ɓɔɔ, naa vuu palɛnang ɓiɓɛ kagn kpang, a ti pàlɛ̀ zang vuu ɓɔɔ kpang ɓɛɛ.

2 Bituru 2:20

Naa zang ri zi Yeesɔ Kirisi ɓɔɔ wukɔ Kpanti ɓuru, a wukɔ ti ta yuu ɓuru, a ri yaa vuu shi kpang ɓɔɔ koo keɓe, ɓɔɔ shing zang, zang ri nwang zang shi kpang ɓɛɛ. Ri nɛɛ naa ràa jĩng tɔkn, ri gaayu rɛɛ vuu shi kpang keɓe palɛnang nɛɛ knti, nwannang ɓarɛ naa lasɛ, ɓa ɓɔɔ tĩng shɔɔnang kaa tɔ.

1 Yɔhana 5:20

Ruu zi tɔ nɛɛ, Jaa Laa arɛ tùsù ruu gbalang ɓɔɔ ruu zi Laa ɓɔɔ wukɔ niizang ɓɛɛ. Ruu ɓuru ɓɔɔ Laa keɓe kɔ, ka ruu ɓɔɔ, ruu ɓuru ɓɔɔ Jaa ɓiɓɛ Yeesɔ Kirisi ɓɛɛ. Yeesɔ Kirisi keɓe wukɔ Laa niizang, wukɔ ti suru bii ɓɔɔ waa nyaa kpang ɓɛɛ.