Galati 4:4 - Nyaa Shɔɔ Ɓɔɔ Laa a Ɓɛɛ

⁴ A ka ɓɔɔ laa ɓɔɔ Laa shingnɛ naa arɛ, Laa naa shong nyaa nɛɛ Jaa ɓiɓɛ. Jaa keɓe jaa soro yi wu, a ti dũng nyaa ɓɔɔ Laa dang zang Yahudi nɛɛ ri dũngnɛ.

Galati 4:4 ပူးပေါင်းရင်းမြစ်များ

Matiyu 1:23

“Jaa soro ɓɔɔ roo varɛ gn kpang, naa tuu jaa ditɔ, naa yi jaa zang varɛ, zang naa ɓaa nung ɓiɓɛ nɛɛ Imanuwe.” (Kpanti Laa nwàng kaa teteng ɓuru.)

Matiyu 3:15

A Yeesɔ kasɛ wu nyaa tɔɔ, “Pàlɛ̀ m gbã̀ágbãa, tɔ̀ɔ vuu ɓɔɔ Kpanti Laa kɔɔyi, wu ɓee nyaa kati.” A Yɔhana naa kasɛ, palɛ Yeesɔ batizima kati.

Matiyu 5:17

“Nɔ́ɔ tɔɔ kpang, nɛɛ n arɛ, nɛɛ n naa kɔ̃sɔ nyaa dannang Musa nɛɛ vuu ɓɔ̀ɔ zang nyaa shonang Laa ri túsú ɓɛɛ katɔ kpang. N arɛ nɛɛ tɔɔ n naa shingnɛ ri ɓee nyaa katɔ kɔ jong.

Maraku 1:15

“Diki a tɔ, diki ɓɔɔ Laa roo Kpanti yaa kaa naabm. Nɔɔ kɔ̃sɔ yeti manɛ ta, nɔ́ɔ shing danggn ka Ruu Tɔ̃ɔ Laa.”

Luka 1:31

Mɔɔ naa tuu jaa ditɔ, mɔɔ yi zang varɛ. Mɔɔ naa ɓaa nung ɓiɓɛ nɛɛ Yeesɔ.

Luka 1:35

A zang nyaa shonang Laa kɔɔ wu tɔɔ, “Suru Laa naa a ditɔ ka bii ɓaaɓɛ. Náa bannang Laa naa zuu mɔɔ ditɔ. Ka ruu nɔngkɔ, jaa ɓɔɔ vuu shi kpang ɓi ka yeti ɓiɓɛ kpang kɔ mɔɔ naa yi ɓee, zang naa ɓaa wu nɛɛ Jaa Laa.

Luka 2:7

a yi jamari ɓiɓɛ kaa zang varɛ, leng wu nɛɛ sɛ̃ɛ fɔ̃ɔrɔ ɓɔɔ zang leng jaa rɛ̃ɛting nɛɛ mani ɓɛɛ. A wɔɔ wu ka yeti vuu ɓɔɔ zang tɛ̃ɛ vuu vaa vuu shaanang kagn ɓɛɛ. Ka ruu ɓɔɔ, ri walɛ gãa ɓɔɔ ri roo kagn ka nɔng ɓɔɔ zang shing zang zanti kpang ɓɛɛ.

Luka 20:44

Dawuda nɛɛ ɓaa wu nɛɛ Kpanti, a palɛ ka biya, naa nwang jaa zɔ̃ng Dawuda tɔkn wiya?”

Yɔhana 1:14

A Ruu keɓe naa túu bii shɔnzang, a nwang kaa nɛɛ ruu nɔng gbete. Atɛ ruu tĩnang tãanang dɔɔli nɛɛ ruu ɓɔɔ niizang ɓɛɛ. A ruu ti zi bannang ɓɔɔ Laa a wu, nɛɛ jĩng ɓuru, ɓi bannang ɓɔɔ Daa a jaa gbete ɓiɓɛ ɓɛɛ.

Yɔhana 10:36

a zang ɓɔɔ Daa zɔ̃ngnɛ, a shong wu ka koo ɓɛɛ, nɔɔ kɔɔ ka ruu vi nɛɛ n kɔɔrɔ ruu shi kpang ka ruu ɓɔɔ n kɔɔyi nɛɛ n Jaa Laa viya?

Yɔhana 3:16

Laa kasɛ zang ɓɔɔ ka koo keɓe dɔɔli, ka ruu nɔngkɔ, shong nyaa nɛɛ Jaa gbete ɓiɓɛ. Nɛɛ tɔ̀ɔ, zang ɓɔɔ nɛɛ shing danggn ka bii ɓiɓɛ wu shaarɛ kpang, wu wàlɛ̀ suru bii ɓɔɔ waa nyaa kpang kɔ jong.

Yɔhana 6:38

Ka ruu ɓɔɔ, n a nɛɛ lapa, nɛɛ n naa palɛ vuu ɓɔɔ zang ɓɔɔ shong m kasɛ ɓɛɛ kɔ, wu vuu ɓɔɔ yeti mɛɛ kasɛ ɓɛɛ kpang.

Yɔhana 8:42

Yeesɔ kɔɔ ri tɔɔ, “Naa Laa kɔ nɛɛ daa manɛ niizang, nɔɔ nɛɛ kàsɛ́ ruu mɛɛ katɔ, ka ruu ɓɔɔ, n nwangnɛ bii Laa kɔ, n a ka nihn ɓɛɛ. N a m̌ anang yuu mɛɛ kpang, wukɔ shong m.

Zang Shonang Yeesɔ 1:7

Yeesɔ kɔɔ ri tɔɔ, “Laa nɛɛ diki ɓi Daa shĩili nɛɛ naa vuu palɛnang ɓiɓɛ, ruu manɛ hãa ɓi kagn kpang.

Rooma 1:3

Ruu keɓe, ɓi ka yuu Jaa ɓiɓɛ Kpanti ɓuru Yeesɔ Kirisi. Ka bii shɔnzang, wu ɓi zɔ̃ng Dawuda.

Rooma 15:8

N kɔ̀ɔ nɔɔ, Kirisi nwàng zang ɓɔɔ palɛ zang Yahudi shonang, tɔɔ, wu tusu nɛɛ Laa palɛ vuu ɓɔɔ wu kɔɔyi nɛɛ wu pálɛ̀ ɓɛɛ katɔ. Tɔɔ, wu shingnɛ, nyaa ɓɔɔ wu a rɛɛ dabang ɓuru wu nwang kaa niizang.

Rooma 5:6

Kirisi vɔ ka ruu ɓuru, ɓɔɔ ruu palɛ vuu shi kpang ɓɛɛ. Ka laa ɓɔɔ Laa shingnɛ ɓɛɛ, bɛ̀ɛ́ ruu lakɛ naa gn ka bii kpang.

Rooma 8:3

Vuu ɓɔɔ nyaa dannang Laa zunung palɛnang kpang, ka ruu ɓɔɔ, bii shɔnzang lakɛ naa bii kpang, Laa palɛ tɔ. Laa ningsi vuu shi kpang ka bii shɔnzang, ka ɓɔɔ wu shong nyaa nɛɛ Jaa ɓiɓɛ ɓɔɔ arɛ, tuu bii naa bii shɔnzang ɓɔɔ palɛ vuu shi kpang ɓɛɛ.

Rooma 9:5

Ri ɓarɛ zɔ̃ng rɛɛ dabang ɓɔɔ ka tĩng tɛ̃ɛ tɛ̃ɛ ɓɛɛ. Kirisi ka bii shɔnzang ɓiɓɛ, nwangnɛ doo laa ɓarɛ kɔ. Zang wu dɔɔ Laa ta dòndòng, ɓɔɔ wukɔ kpanti ka yuu vuu piti ɓɛɛ. Nɔngkɔ.

Afisa 1:10

Diki nɛɛ a tɔ, Laa naa palɛ vuu ɓɔɔ wu mang ka yeti ɓiɓɛ ditɔ. Nɛɛ kpalɛ vuu ɓɔɔ wu mãarɛ ɓɛɛ nandon, vuu ɓɔɔ ka lapa nɛɛ tipi nandon, tɔɔ Kirisi wu nwang zang bang ɓarɛ kati.

Kolosi 2:14

Laa ningsi nyaa dannang tɔ, nɛɛ vuu ɓɔɔ wu kasɛ ɓɛɛ, a àlɛ̀ vuu shi kpang ɓɔɔ zang bee ka yuu ɓuru ɓɔɔ nɛ̀ɛ́ nwang ruu naa nyaa kɔ́pɔ́ ɓɛɛ tɔ. Ningsi tɔ nandon ka ɓɔɔ wu ɓaa vuu keɓe jong ka laa ɓɔɔ zang ɓaa Yeesɔ naa kagn ɓɛɛ.

1 Timoti 2:6

Wukɔ a yuu ɓiɓɛ, nɛɛ tɔ̀ɔ, wu ta yuu shɔnzang nandon. A yuu ɓiɓɛ teetee ka laa ɓɔɔ bɛ̀ɛ́ Laa kasɛ nɛɛ wu ta yuu zang piti kagn ɓɛɛ.

1 Timoti 3:16

Ruu niizang ɓɔɔ Laa nwangsɛ ka yuu gbalang ɓiɓɛ kɔ ruu dũng ɓee, bang dɔɔli. Wu vuu ɓɔɔ zang laa nyaa ɓiɓɛ kpang. Yeesɔ tuu bii shɔnzang a nɔng ka koo. Suru Laa tusu nɛɛ wu ɓi zang ɓɔɔ shi kpang ka bii ɓiɓɛ kpang ɓɛɛ. Zang nyaa shonang Laa ɓɔɔ ri ka lapa, ri zi wu nɛɛ jĩng ɓarɛ. Zang ri kɔɔ ruu ɓiɓɛ ka koo piti. A zang dɔɔli ka koo ri shing danggn tɔ ka bii ɓiɓɛ. Zang tuu wu tɔ, zang daa nɛɛ wu ka lapa, ka tĩng Laa.

Yahudi 2:14

Wee wujɛ bìí ri ta bii shɔnzang ɓee, a tuu bii jong nɔngkɔ, tɔ̀ɔ, wu vɔrɛ, wu ningsi sheetang kati. Zang ɓɔɔ zang a wukɔ naa vɔrɔ ɓɛɛ.

Yahudi 9:10

Rɛɛ vuu keɓe, ɓi ka yuu vuu shaanang nɛɛ vuu ɓoonang nɛɛ rɛɛ vuu sɔ̀ɔrɔ̀nang kɔ shɛ̃ɛning ka zɔ̃ng zɔ̃ng. Wee ɓi nyaa dannang ka ruu vuu ɓɔɔ zang palɛ ka bii biling kɔ shɛ̃ɛning, tɔ̀ɔ laa ɓɔɔ Laa naa kɔ̃sɔ vuu piti, wu a nɛɛ mani.

1 Yɔhana 4:14

Ruu zi ka wukɔ a ruu ti kɔɔyi nɛɛ Daa shong Jaa ɓiɓɛ nɛɛ wu naa ta yuu zang koo keɓe.

1 Yɔhana 4:2

Wee naa ɓɔɔ nɔɔ zi suru Laa ɓɛɛ. Suru ɓɔɔ kasɛ katɔ nɛɛ, Yeesɔ Kirisi a ka koolaa keɓe, tuu bii shɔnzang ɓɛɛ, suru kaɓa kɔ Suru Laa.