Galati 4:3 - Nyaa Shɔɔ Ɓɔɔ Laa a Ɓɛɛ

³ Rùu dòo nɔngkɔ, ka ɓɔɔ bɛ̀ɛ́ ruu zũng danggn gň ka vuu Suru Laa kpang, ruu nwang ɓuru jaafoo rɛɛ nyaa dannang ɓɔɔ shɔnzang ri tusu ɓɛɛ.

Galati 4:3 ပူးပေါင်းရင်းမြစ်များ

Matiyu 11:28

“Nɔɔ a ka bii mɛɛ, zang piti ɓɔɔ dang jĩng, a ti rɛ̃rɛ dɔɔli ɓɛɛ, n á nɔɔ ɔ̃sɔnang katɔ.

Yɔhana 8:31

Yeesɔ kɔɔ zang Yahudi ɓɔɔ ri shing danggn tɔ, ka bii ɓiɓɛ nɛɛ, “Nɔɔ nɛɛ yiti ruu kɔ n tusu nɔɔ ɓee gbãng gbãng, nɔɔ zang ɓɔɔ ri mantɛ vuu ka bii mɛɛ ɓɔɔ niizang kɔ.

Zang Shonang Yeesɔ 15:10

Nɔɔ nɛɛ nɔɔ gãsɛ Laa ka ruu viya? Nɔɔ nɛɛ nɔɔ shing vuu ka yuu zang ɓɔɔ ri shing danggn tɔ, vuu ɓɔɔ ruu nɛɛ rɛɛ daa ɓuru ruu zunung tuunang kpang ɓɛɛ.

Rooma 7:14

Ruu zi ɓuru tɔ nɛɛ nyaa ɓɔɔ Laa dangnɛ ɓi vuu suru, a n m kaa shɔnzang. N raa m kaa naa jaafoo vuu shi kpang palɛnang.

Rooma 8:15

Ka ruu ɓɔɔ, Laa a nɔɔ Suru ɓɔɔ risi nɔɔ naa jaafoo waati kpang, shing nɔɔ, nɔɔ kaa vɔrɔ tɔkn kpang ɓɛɛ. Suru Laa keɓe shing nɔɔ nɔ́ɔ nwang manɛ wujɛ Laa kɔ jong. Wukɔ ti yi nɔɔ naa ka bii, nɔɔ ɓaa Laa kaa nɛɛ, “Mɔkɔ Daa ɓuru.”

2 Koranti 11:20

Nɔɔ mã danggn katɔ nɛɛ zang piti ɓɔɔ risi nɔɔ naa jaafoo ɓɛɛ, zang ɓɔɔ shaa nɔɔ katɔ, zang ɓɔɔ ri risi nɔɔ naa shoko ɓɛɛ, nɛɛ zang ɓɔɔ ri risi nɔɔ naa vĩi, a ɓɔɔ zang ɓɔɔ ri dãlɛ nɔɔ ɓɛɛ.

Galati 2:4

Ruu keɓe gaayu ka ɓɔɔ zang varɛ ɓɔɔ ri nwãarɛ zang nɛɛ ri dũng dòo Kirisi kɔ, ri kasɛ ɓarɛ katɔ nɛɛ, zang yèe wu shaa. Zang keɓe ɓɔɔ ri shɛ̃ɛ ka teteng ɓuru nɛɛ ri zili naa ɓuru, ri ti kãa gbalang naa ɓɔɔ zang ta yuu ɓuru ka ɓɔɔ ruu ɓakɛ yuu nɛɛ Yeesɔ Kirisi ɓɛɛ, ɓee. Ri kasɛ nɛɛ ri risi ruu naa jaafoo.

Galati 3:19

Zang dang nyaa ɓu ka ruu viya? Nɛɛ zang zi vuu ɓɔɔ zang ɓaa nɛɛ vuu shi kpang palɛnang kati. Zɔ̃ng Ibirayi keɓe, ɓɔɔ Laa a nyaa ka yuu ɓiɓɛ nɛɛ a tɔ, nyaa dannang ti di nyaa ɓi kaa tɔ. Zang nyaa shonang Laa ɓɔɔ ka lapa ɓɛɛ rikɔ atɛ nyaa dannang keɓe, a á shɔnzang gbete ɓɔɔ nwang ɓi kaa naa zang ɓɔɔ shii ka teteng Laa nɛɛ zang piti ɓɛɛ.

Galati 4:2

Ka ɓɔɔ wu doo jaa tɔkɔlɔng, zang ɓɔɔ kagn ɓɔɔ ri gãng jĩng ka wu, a ri ti pàlɛ̀ wu vuu ɓɔɔ wu nɛ̀ɛ́ palɛ ɓɛɛ. Ri palɛ sasak, diki ɓɔɔ daa ɓiɓɛ ka zang ɓɛɛ, wu a nɛɛ mani.

Galati 4:24

Vuu keɓe nwang naa vuu ɓɔɔ zang gãsɛ vuu nɛɛ mani ɓɛɛ. Zang soro ziti keɓe, ri nwang naa nyaa ɓɔɔ Laa a ziti ɓɛɛ. Nyaa gbete a ɓi nɛɛ yuu kɔpɔ Sinayi, yiki wujɛ ɓiɓɛ ɓi jaafoo. Nyaa keɓe wukɔ Hajaratu.

Galati 4:25

Zang gãsɛ Hajaratu ɓi nɛɛ kɔpɔ Sinayi ɓɔɔ ka tipi Arabiya ɓɛɛ. Gari Urushalima kãntang keɓe nwang ɓi kaa doo naa Hajaratu kɔ, zang yi wu tɔ jaafoo nɛɛ zang ɓɔɔ ka yeti ɓiɓɛ piti.

Galati 4:31

Ka ruu nɔngkɔ, rɛɛ manzung, ruu ɓuru wujɛ jaa soro ɓɔɔ jaafoo ɓɛɛ kpang. Ruu ɓuru wujɛ jaa soro ɓɔɔ jaafoo kpang ɓɛɛ.

Galati 4:8

Ɓeleng bɛ̀ɛ́ nɔɔ zi Laa gn kpang, a nɔɔ nwang jaafoo vuu ɓɔɔ ri vuu gãnti kɔ shɛ̃ɛning.

Galati 4:9

A kãntang keɓe nɔɔ zi Laa tɔ kati. N kɔɔ ɓu biya, Laa zi nɔɔ tɔ kati ɓee. Ka ruu vi, nɔɔ gbãayu ka rɛɛ nyaa dannang ɓɔɔ shɔnzang ri tusu, ɓɔɔ ri lakɛ naa ka bii kpang, a naa vuu palɛnang ɓarɛ ti kagn kpang, nɔɔ nwang jaafoo ɓarɛ tɔkn viya?

Kolosi 2:20

Nɔɔ vɔ manɛ tɔ, nɛɛ Yeesɔ Kirisi, a zang ti ta yuu manɛ tɔ, nɛɛ naa rɛɛ nyaa dannang ɓɔɔ shɔnzang ri tusu ɓɛɛ. A ka ruu vi nɔɔ nwang nwannang naa nɔɔ manɛ zang koo keɓe viya? Ka ruu vi nɔɔ dũng rɛɛ nyaa ɓɔɔ zang dangnɛ nɛɛ,

Kolosi 2:8

Nɔɔ gãng jĩng kagn, zang ɓɔɔ nɛ̀ɛ́ nwãarɛ nɔɔ nɛɛ zũnang ɓɔɔ a nɛɛ bìí shɔnzang, ɓɔɔ nwàng zang vuu tɔ̃ɔ kpang ɓɛɛ. Zũnang ɓɔɔ nwáng ɓi nɛɛ vuu ɓɔɔ dabang ri tusu ka tĩng a ɓɔɔ nɛɛ nyaa dannang sèé ɓɔɔ shɔnzang ri túsù ɓɛɛ, wu nɛɛ bii Yeesɔ Kirisi kpang ɓɛɛ.

Yahudi 5:12

Niizang, kãntang keɓe nɔkɔ nɛɛ tusu zang vuu kati, a nɔɔ kasɛ nɛɛ zang ɓɔɔ wu paasɛ nɔɔ ruu niizang ɓɔɔ kpãa kpang, ɓɔɔ ka Ruu Laa ɓɛɛ tusunang tɔkn. Nɛɛ nɔngkɔ, zang wu a nɔɔ míi, wu vuu shaanang ɓɔɔ lakɛ katɔ kpang.

Yahudi 7:16

Nwang tɔ zang ɓɔɔ dɔɔ Laa vuu ka Gãa Laa, wu ka doo vuu ɓɔɔ shɔnzang ri tusu ɓɛɛ kpang, ɓi ka doo naa vuu palɛnang suru bii ɓiɓɛ ɓɔɔ waa nyaa kpang ɓɛɛ.