Galati 4:26 - Nyaa Shɔɔ Ɓɔɔ Laa a Ɓɛɛ

²⁶ A Urushalima ɓɔɔ ka lapa ɓi kaa tɔ̀ɔ́ jaafoo kpang, ɓi wukɔ nàá ɓuru.

Galati 4:26 ပူးပေါင်းရင်းမြစ်များ

Yɔhana 8:36

Ka ruu nɔngkɔ, Jaa nɛɛ yaa nɔɔ naa tɔ, zang yaa nɔɔ tɔ dòndòng.

Rooma 6:14

Nɔ́ɔ yaa vuu shi kpang, wu roo kpanti ka nwannang manɛ kpang, ka ruu ɓɔɔ, nɔɔ manɛ tɔ̀ɔ́ jaafoo nyaa dannang Laa kpang ɓɛɛ, nɔɔ manɛ kaa zang ɓɔɔ Laa pàlɛ́ ri tɔ̃ɔ ɓɛɛ.

Rooma 6:18

Zang tà nɔɔ nɛɛ naa vuu shi kpang manɛ, a nɔɔ ràa jaafòó vuu tɔ̃ɔ palɛnang.

Galati 4:22

Kɔɔyi tɔɔ, wujɛ Ibirayi ziti. Ɓɔɔ gbete jaafoo yì wu, a ɓɔɔ gbete soro ɓɔɔ ɓi jaafoo kpang yi wu.

Galati 4:25

Zang gãsɛ Hajaratu ɓi nɛɛ kɔpɔ Sinayi ɓɔɔ ka tipi Arabiya ɓɛɛ. Gari Urushalima kãntang keɓe nwang ɓi kaa doo naa Hajaratu kɔ, zang yi wu tɔ jaafoo nɛɛ zang ɓɔɔ ka yeti ɓiɓɛ piti.

Galati 5:1

Kirisi ta yuu ɓuru nɛɛ ruu nwang tɔ̀ɔ́ naa jaafoo kpang. Nɔɔ yaa zang ɓɔɔ wu shingnɛ, nɔ́ɔ nwang naa zang ɓɔɔ ri jaafoo ɓɛɛ kpang. Nɔɔ nwàng tɔ̀ɔ́ jaafoo tɔkn kpang.

Filipi 3:20

Rùu ɓuru zang lapa kɔ jong, a ruu shu jĩng, ruu gã Kpanti ɓuru Yeesɔ Kirisi, ɓɔɔ wu tá yuu ɓuru ɓɛɛ, wu a nɛɛ lapa.

Yahudi 12:22

Nɔɔ à manɛ ka kɔpɔ Siyona, a ɓɔɔ ka gari bang ɓɔ̀ɔ́ Laa ɓɔɔ ɓi ningkãari ɓɛɛ. Gari keɓe wukɔ Urushalima ɓɔɔ ka lapa ɓɛɛ. Nɔɔ a manɛ ka nɔng ɓɔɔ rɛɛ zang nyaa shonang Laa ɓɔɔ ri ka lapa, ɓɔɔ ri ɓa naa ɓɔɔ zang gã katɔ, ri kpalɛ zɔɔ ri dɔ̀ɔ́ Laa, ri tãa tĩnang ɓɛɛ.

1 Bituru 2:16

Nɔɔ nwàng manɛ naa zang ɓɔɔ ri jaafoo zang ɓɔɔ kpang ɓɛɛ. Nɔ́ɔ tɔɔ kpang nɛɛ wee nɔɔ jaafoo zang ɓɔɔ kpang ɓee, nɔɔ walɛ gbalang vuu shi kpang palɛnang tɔ kpang. Nɔɔ nwáng nwannang ɓɔɔ daa naa ɓɔ̀ɔ́ zang ɓɔɔ ri pàlɛ́ Laa shonang ɓɛɛ kati.

Vuu ɓɔɔ zang nwangsɛ Yɔhana 12:1

A vuu bang ɓɔɔ zang zirɛ zang mã naa ka danggn ɓɛɛ, nwangsɛ bii ka lapa. Vuu keɓe ɓi Jaa soro zuu bii nɛɛ làa, a naa doo ɓiɓɛ ka yuu shala. A kãng lapoo yuu kpanti ɓɔɔ, zang palɛ nɛɛ sàng kopi tu ziti ka yuu ɓiɓɛ.

Vuu ɓɔɔ zang nwangsɛ Yɔhana 17:5

Ka nyaating jaa soro bìí, zang bèe nung ɓɔɔ kagn, zang waasɛ vuu ɓɔɔ nung bìí kɔɔ ɓɛɛ katɔ. Zang bee nɛɛ, “Gari Babila ɓɔɔ bang dɔɔli ɓɛɛ, mɔɔ nwang nàá rɛɛ zang ɓɔɔ rakɛ wàázaa, nɛɛ ɓɔɔ vuu gn bàanang ɓɔɔ ka koo keɓe nandon ɓɛɛ.”

Vuu ɓɔɔ zang nwangsɛ Yɔhana 21:2

N zi Urushalima ɓɔɔ shɔɔ, ɓɔɔ wukɔ gari Laa ɓɛɛ, a nɛɛ lapa nɛɛ nɔng Laa. Zang gbarɛ wu bii tɔ, naa sinyɛ ɓɔɔ zang gbarɛ wu bii, ka ruu ɓeevɛ ɓɛɛ.

Vuu ɓɔɔ zang nwangsɛ Yɔhana 3:12

Zang ɓɔɔ nɛɛ ɓa vuu gãsɛnang yuu, naa nwáng naa lajàa ɓɔɔ zang di sãa Gãa Laa nɛɛ mani ɓɛɛ. Ri yaa Gãa Laa takpang. N bee nung Laa mɛɛ, ka bii ɓarɛ, nɛɛ nung nɔng nwannang Laa mɛɛ, nɔng ɓɔɔ zang ɓaa nɛɛ Urushalima ɓɔɔ shɔɔ ɓɔɔ shooro nɛɛ lapa nɛɛ nɔng Laa mɛɛ ɓɛɛ. N ti bee nung mɛɛ ɓɔɔ shɔɔ jong ka bìí ɓarɛ.