Galati 4:25 - Nyaa Shɔɔ Ɓɔɔ Laa a Ɓɛɛ

²⁵ Zang gãsɛ Hajaratu ɓi nɛɛ kɔpɔ Sinayi ɓɔɔ ka tipi Arabiya ɓɛɛ. Gari Urushalima kãntang keɓe nwang ɓi kaa doo naa Hajaratu kɔ, zang yi wu tɔ jaafoo nɛɛ zang ɓɔɔ ka yeti ɓiɓɛ piti.

Galati 4:25 ပူးပေါင်းရင်းမြစ်များ

Matiyu 23:37

“Zang Urushalima, zang Urushalima, nɔkɔ nyɔkɔ zang nyaa shonang Laa. A nɔɔ ti luku zang ɓɔɔ zang shong ka bii manɛ nɛɛ tari. Diki ɓɔɔ n tɔɔ, n kpalɛ nɔɔ yuu ka zɔɔ, naa ɓɔɔ nàá kn kpalɛ jaa seseere ɓiɓɛ ka dii nasãng daa kaa nɛya? A nɔɔ kasɛ kpang.

Luka 13:34

“Zang Urushalima, zang Urushalima, nɔkɔ nyɔkɔ rɛɛ zang nyaa shonang Laa, a nɔɔ ti luku zang ɓɔɔ Laa shongko nɔɔ ɓɛɛ. N kasɛ nɛɛ n kpalɛ wujɛ manɛ naa ɓɔɔ nàá kn kpalɛ jaa, zuu nasãng ɓiɓɛ kagn ɓɛɛ, nɔɔ ti yaa m kpang.

Luka 19:44

Ri ningsi nɔɔ nɛɛ wujɛ manɛ ka yeti gari manɛ kɔ nɔɔ mã̀ayi nɔɔ ɓèe nyaa ka zɔɔ nandon ɓee. Ri naa yaa tari gbete wu pãng ka yuu zɔɔ kpang, ka ruu ɓɔɔ, nɔɔ zi laa ɓɔɔ Laa arɛ nɛɛ wu ta yuu manɛ kpang ɓɛɛ.”

Zang Shonang Yeesɔ 1:11

Zang varɛ ziti keɓe kɔɔ ri tɔɔ, “Zang tipi Galili, nɔɔ shiiri ka ruu vi nɔɔ pɛ̃ɛrɛ lapa viya? Yeesɔ kɔ zang tuu wu, zang daa nɛɛ wu ka lapa ɓee, naa gbãayu doo naa ɓɔɔ nɔɔ zi wu daa ɓɛɛ kɔ.”

Galati 1:17

N ti daa ka Urushalima ka bii zang ɓɔɔ ri nwang zang shonang Yeesɔ doo ka tĩng ɓɛɛ kpang. N daa m katɔ kɔ jong ka tipi Arabiya, a n gbãayu ka Damasiku.

Galati 4:24

Vuu keɓe nwang naa vuu ɓɔɔ zang gãsɛ vuu nɛɛ mani ɓɛɛ. Zang soro ziti keɓe, ri nwang naa nyaa ɓɔɔ Laa a ziti ɓɛɛ. Nyaa gbete a ɓi nɛɛ yuu kɔpɔ Sinayi, yiki wujɛ ɓiɓɛ ɓi jaafoo. Nyaa keɓe wukɔ Hajaratu.

Galati 4:26

A Urushalima ɓɔɔ ka lapa ɓi kaa tɔ̀ɔ́ jaafoo kpang, ɓi wukɔ nàá ɓuru.

Yahudi 12:18

Nɔɔ à, wu ka kɔpɔ ɓɔɔ zang lee nɛɛ naa kpang ɓɛɛ kpang, naa ɓɔɔ zang Isirela á ɓɛɛ kpang. Nɔɔ ti a, wu ka nyɛlɛ waa ɓɔɔ shaa nabm ɓɛɛ kpang, wu ka nɔng ɓɔɔ tɔ̀ɔ katɔ kɔngkɔng ɓɛɛ kpang, a wu ti ka nɔng jasung mii ɓɔɔ rãa ɓɛɛ kpang.