Galati 4:24 - Nyaa Shɔɔ Ɓɔɔ Laa a Ɓɛɛ

²⁴ Vuu keɓe nwang naa vuu ɓɔɔ zang gãsɛ vuu nɛɛ mani ɓɛɛ. Zang soro ziti keɓe, ri nwang naa nyaa ɓɔɔ Laa a ziti ɓɛɛ. Nyaa gbete a ɓi nɛɛ yuu kɔpɔ Sinayi, yiki wujɛ ɓiɓɛ ɓi jaafoo. Nyaa keɓe wukɔ Hajaratu.

Galati 4:24 ပူးပေါင်းရင်းမြစ်များ

Matiyu 13:35

Vuu kɔ Yeesɔ palɛ, ɓee ɓi ka nyaa vuu ɓɔɔ zang nyaa shonang Laa kɔɔ ka tĩng tɛ̃ɛ tɛ̃ɛ ɓɛɛ. Laa rang yee nɛɛ nyaa zang nyaa shonang ɓiɓɛ tɔɔ, “N naa rang zang yee nɛɛ nyaa vuu jeenang, n ti naa kɔɔ zang vuu ɓɔɔ zang zi gngn kpang, doo nɛɛ diki ɓɔɔ Laa gaa tɔɔsung koo keɓe mãanang ɓɛɛ.”

Rooma 8:15

Ka ruu ɓɔɔ, Laa a nɔɔ Suru ɓɔɔ risi nɔɔ naa jaafoo waati kpang, shing nɔɔ, nɔɔ kaa vɔrɔ tɔkn kpang ɓɛɛ. Suru Laa keɓe shing nɔɔ nɔ́ɔ nwang manɛ wujɛ Laa kɔ jong. Wukɔ ti yi nɔɔ naa ka bii, nɔɔ ɓaa Laa kaa nɛɛ, “Mɔkɔ Daa ɓuru.”

1 Koranti 10:11

Vuu kɔ palɛ ri doo tɛ̃ɛ tɛ̃ɛ ɓa, nwàng ɓi kaa vuu ɓɔɔ shaarɛ zang nyaa nɛɛ, tɔ̀ɔ, ri palɛ kaa waasɛ̃ ɓɛɛ. Zang bèe vuu keɓe ka yeti labeenang nɛɛ tɔ̀ɔ, zang shaarɛ ruu nyaa nɛɛ mani. Ka ruu ɓɔɔ, rùu nwàng ɓuru kaa làa ɓɔɔ diki ɓɔɔ koo waa nyaa kagn a naabm tɔ ɓɛɛ.

1 Koranti 10:4

Ri nandon ri ɓooro mii ɓɔɔ Laa a ri ɓɛɛ. Mii ɓɔɔ ri ɓoo ɓɛɛ, nwang nɛɛ yeti tari ɓɔɔ daarɛ nɛɛ ri ka ɓɔɔ ri rakɛ ka jĩngti ɓɛɛ. Tari kaɓa wukɔ Yeesɔ Kirisi nɛɛ yuu ɓiɓɛ.

Galati 4:25

Zang gãsɛ Hajaratu ɓi nɛɛ kɔpɔ Sinayi ɓɔɔ ka tipi Arabiya ɓɛɛ. Gari Urushalima kãntang keɓe nwang ɓi kaa doo naa Hajaratu kɔ, zang yi wu tɔ jaafoo nɛɛ zang ɓɔɔ ka yeti ɓiɓɛ piti.

Galati 4:3

Rùu dòo nɔngkɔ, ka ɓɔɔ bɛ̀ɛ́ ruu zũng danggn gň ka vuu Suru Laa kpang, ruu nwang ɓuru jaafoo rɛɛ nyaa dannang ɓɔɔ shɔnzang ri tusu ɓɛɛ.

Galati 5:1

Kirisi ta yuu ɓuru nɛɛ ruu nwang tɔ̀ɔ́ naa jaafoo kpang. Nɔɔ yaa zang ɓɔɔ wu shingnɛ, nɔ́ɔ nwang naa zang ɓɔɔ ri jaafoo ɓɛɛ kpang. Nɔɔ nwàng tɔ̀ɔ́ jaafoo tɔkn kpang.

Yahudi 11:19

Ibirayi rɛ̃rɛ ka yeti ɓiɓɛ nɛɛ Laa zunung ɓɔɔ wu wisi Ishaaku paa nɛɛ vɔrɔ katɔ. Ɓɔɔ zang yàa wu Ishaaku ningkãari, nwáng kaa naa vɔ katɔ, a yupaa tɔkn.

Yahudi 12:24

A ɓɔɔ ka bii Yeesɔ ɓɔɔ wukɔ shii ka teteng ɓuru nɛɛ Laa, ka nyaa shɔɔ kɔ Laa mã nɛɛ ruu ɓee. A nɔɔ ti a ka nɔng zĩi ɓɔɔ zang ɓisi katɔ, kaa nyavɔ, kɔɔ vuu tɔ̃ɔ, ɓa zĩi Habila katɔ ɓɛɛ.

Yahudi 13:20

N gaa Laa ɓɔɔ shingnɛ, zang nwáng ka nyaa zɔɔ, ɓɔɔ wisi Kpanti ɓuru Yeesɔ paa tɔkn nɛɛ sàa ɓɛɛ. Yeesɔ ɓɔɔ wukɔ kpanti jagãng mɛ̀ɛrɛ́ ɓɛɛ, ka ruu zĩi ɓiɓɛ ɓɔɔ Laa mã nyaa ɓɔɔ gbinggbing nɛɛ mani ɓɛɛ.

Yahudi 7:22

Ka ruu vuu kɔ Laa tũng ɓee kɔ, Yeesɔ nwang kaa zang ɓɔɔ shingnɛ Laa mã ruu nyaa ɓɔɔ ɓa ɓɔɔ tĩng katɔ ɓɛɛ.