Galati 4:21 - Nyaa Shɔɔ Ɓɔɔ Laa a Ɓɛɛ

²¹ N kaaɓi, n hɛ̃ɛ zang ɓɔɔ ri kasɛ nɛɛ ri dũng nyaa dannang Laa, nɛɛ tɔ̀ɔ, ri nwang zang tɔ̃ɔ ka tĩng Laa ɓɛɛ. Nɔɔ tãa vuu ɓɔɔ nyaa dannang kɔɔ ɓɛɛ kpang ya?

Galati 4:21 ပူးပေါင်းရင်းမြစ်များ

Maraku 10:3

A Yeesɔ kasɛ ri nyaa tɔɔ, “Musa dang nɔɔ nyaa ɓu nɛɛ viya?”

Luka 16:29

“Ibirayi kasɛ wu nyaa tɔɔ, ‘Labeenang ɓɔɔ Musa beeyi nɛɛ ɓɔɔ zang nyaa shonang Laa ri beeyi kagn. Ri ti ɓaa shoo ka labeenang ɓarɛ.’

Yɔhana 10:34

Yeesɔ kɔɔ ri tɔɔ, “Zang bee ka yeti labeenang nyaa dannang manɛ nɛɛ Laa tɔɔ, ‘Nɔɔ nwang manɛ naa Laa.’

Yɔhana 12:34

Zang ɓɔɔ ri kpalɛ zɔɔ ɓɛɛ, ri kasɛ wu nyaa tɔɔ, “Zang bee ka yeti Labeenang nyaa dannang Laa ɓuru tɔɔ, Kirisi naa nwáng ɓi dòndòng. A mɔɔ kɔɔ ɓaa ka biya nɛɛ zang naa tuu Jaa Shɔnzang viya? Ɓi kaa wi Jaa Shɔnzang keɓe wiya?”

Yɔhana 15:25

Vuu keɓe, ɓèe ɓi nyaa vuu ɓɔɔ zang bee ka labeenang nyaa dannang ɓarɛ ɓɛɛ. Zang beeyi nɛɛ, ‘Ri bɛ̃ɛ m, n palɛ wu vuu ɓɔɔ kpang.’

Rooma 3:19

Ruu zi ɓuru tɔ nɛɛ, vuu ɓɔɔ zang bèe ka yeti nyaa ɓɔɔ Laa dangnɛ, ɓi ɓɔ̀ɔ́ zang ɓɔɔ ri dũng ɓarɛ nyaa dannang keɓe ɓɛɛ. Tɔ̀ɔ, wu zãa shɔnzang nandon nyaa jãanang kati. Tɔ̀ɔ, wu shingnɛ Laa wu naa jɛ̃ɛ zang koo nandon ruu kati.

Rooma 6:14

Nɔ́ɔ yaa vuu shi kpang, wu roo kpanti ka nwannang manɛ kpang, ka ruu ɓɔɔ, nɔɔ manɛ tɔ̀ɔ́ jaafoo nyaa dannang Laa kpang ɓɛɛ, nɔɔ manɛ kaa zang ɓɔɔ Laa pàlɛ́ ri tɔ̃ɔ ɓɛɛ.

Galati 3:10

Zang ɓɔɔ ri shing gn ɓarɛ nɛɛ naa ri dũng nyaa dannang, ri nwang zang tɔ̃ɔ katɔ ka tĩng Laa, Laa naa dɔng ri ruu ditɔ. Ka ruu ɓɔɔ, zang bee ka labeenang Laa nɛɛ, “Zang piti ɓɔɔ nɛɛ dũng vuu piti ɓɔɔ zang bee ka yeti labeenang nyaa dannang Laa diki diki kpang, Laa dɔng wu ruu tɔ.”

Galati 4:9

A kãntang keɓe nɔɔ zi Laa tɔ kati. N kɔɔ ɓu biya, Laa zi nɔɔ tɔ kati ɓee. Ka ruu vi, nɔɔ gbãayu ka rɛɛ nyaa dannang ɓɔɔ shɔnzang ri tusu, ɓɔɔ ri lakɛ naa ka bii kpang, a naa vuu palɛnang ɓarɛ ti kagn kpang, nɔɔ nwang jaafoo ɓarɛ tɔkn viya?