Galati 4:19 - Nyaa Shɔɔ Ɓɔɔ Laa a Ɓɛɛ

¹⁹ Rɛɛ manzung, n tãa kɔnang ka yuu manɛ naa ɓɔɔ jaa kɔng zang soro ɓɔɔ yi kaa jaa ɓɛɛ. N kasɛ nɛɛ zang zi nwannang Yeesɔ Kirisi ka nwannang manɛ.

Galati 4:19 ပူးပေါင်းရင်းမြစ်များ

Luka 22:44

Rɛ̃rɛnang jĩng dannang keɓe, shing wu, gaa Laa kaa gbãng gbãng nɛɛ gn ɓiɓɛ gbete. Ka ruu nɔngkɔ, yannang sɔ̃lɔ nɛɛ nyaating ɓiɓɛ, mɔɔ kɔɔ nɛɛ zĩi sɔ̃lɔ.

Rooma 13:14

Nɔɔ yaa Kpanti Yeesɔ Kirisi wu ta rɛ̃rɛnang manɛ. Nɔ́ɔ ràa shoo tɔ̀ɔ́ vuu ɓɔɔ bii manɛ ɓɔɔ palɛ vuu shi kpang kasɛ ɓɛɛ kpang.

Rooma 8:29

Zang ɓɔɔ Laa shɛ̃ɛrɛ ri ɓarɛ tɔ, kusu ri ɓarɛ dang gbete nɛɛ ri nwang naa Jaa ɓiɓɛ. Tɔ̀ɔ, Jaa ɓiɓɛ kɔ wu nwang kaa jamari rɛɛ ɓeezung ɓɔɔ ri dɔɔli ɓɛɛ.

2 Koranti 12:14

Daa kaa doo taati ɓɔɔ n kpalɛ bii anang, n naa leng nɔɔ ɓɛɛ. N naa kpã̀a nɔɔ nyaa kpang. N kasɛ m nɔkɔ nɛɛ yuu manɛ, wu vuu manɛ kpang. Ɓi zang ɓɔɔ ri yi jaa kɔ ri kpàlɛ́ wujɛ vuu jong, wu jaa kɔ kpalɛ ri kpang.

Afisa 4:13

Ka ruu weɓe kɔ, ruu nandon ruu naa nwang nɔɔ gbete ka danggn ɓɔɔ ruu shing ka bii Jaa Laa ɓɛɛ, a ɓɔɔ ti ka naa ɓɔɔ ruu zì Jaa Laa ɓɛɛ. Tɔ̀ɔ, ruu naa zũng danggn kati, naa Kirisi, tɔ̀ɔ ruu nwang kaa naa wu dɔ̃ɔ gbete.

Afisa 4:24

Wu shing nɔɔ, nɔɔ nwang shɔɔ. Bɛɛ zang mãa nɔɔ nɛɛ nɔɔ nwáng manɛ naa Laa, ka ruu nɔngkɔ, nɔɔ palɛ vuu ɓɔɔ wu tãa tĩnang ɓɛɛ, nɔ́ɔ ti nwang nwannang tɔ̃ɔ ɓɔɔ vuu shi kpang ka bii manɛ kpang ɓɛɛ.

Filipi 1:8

Laa zi tɔ niizang nɛɛ n kasɛ nɔɔ katɔ dɔɔli, naa ɓɔɔ Yeesɔ Kirisi kasɛ ruu ɓɛɛ.

Filipi 2:17

Danggn ɓɔɔ nɔɔ shing ka bii Yeesɔ Kirisi nwang naa vuu ɓɔɔ nɔɔ dɔɔ Laa ɓɛɛ. Naa zang tɛ̃ɛ zĩi mɛɛ doo ka yuu vuu kɔ nɔɔ dɔɔ Laa ɓee, n tãa m tĩnang nɛɛ nɔɔ.

Filipi 2:5

Rɛ̃rɛnang ɓɔɔ nɔɔ rɛ̃rɛ ka yeti manɛ wu nwang naa ɓɔɔ Yeesɔ Kirisi rɛ̃rɛ ɓɛɛ.

Kolosi 1:27

Vuu ɓɔɔ Laa mang ka yeti ɓiɓɛ keɓe, kasɛ nɛɛ wu nwàngsɛ̀ zang ɓiɓɛ vuu ɓɔɔ bɛ̀ɛ́ wu waasɛ katɔ ka teteng zang ɓɔɔ ri zi wu kpang ɓɛɛ. Vuu ɓɔɔ wu waasɛ katɔ, ɓɔɔ bannang kagn, ɓɔɔ wu shìng zang piti ɓɛɛ. Vuu ɓɔɔ wu waasɛ katɔ keɓe kɔɔyi nɛɛ, “Kirisi kagn yeti manɛ, ruu zi ka wukɔ nɛɛ Laa naa a nɔɔ bannang ɓiɓɛ katɔ.”

Kolosi 2:1

N kasɛ nɛɛ nɔɔ zi naa ɓɔɔ n palɛ shonang nɛɛ kaka mɛɛ nandon, ka ruu manɛ, nɛɛ zang ɓɔɔ ri ka gari Lawodikiya, a ɓɔɔ zang ɓɔɔ ri zi m gngn nɛɛ jĩng ɓarɛ kpang ɓɛɛ.

Kolosi 3:10

Nɔ̀ɔ hãa bii shɔɔ tɔ, ɓɔɔ Laa risi shɔɔ diki diki ka doo nwannang ɓiɓɛ ɓɛɛ. Tɔ̀ɔ, wu shíng nɔɔ, nɔ́ɔ zi wu kaa dɔ̃ɔ gbete.

Kolosi 4:12

Epafara ɓɔɔ dòo zang manɛ kɔ, a ti pàlɛ́ Yeesɔ Kirisi shonang, jee nɔɔ nyaa, gaa Laa ka ruu manɛ gbãng gbãng, gaa wu nɛɛ, wu shing nɔɔ, nɔ́ɔ shii nɛɛ kaka, nɔ́ɔ zũng danggn, nɔ́ɔ ta ruu ɓiɓɛ katɔ, ka ɓɔɔ nɔɔ palɛ vuu ɓɔɔ wu kasɛ dɔ̃ɔ gbete ɓɛɛ.

1 Tesalonika 2:7

Wee ruu zang shonang Kirisi ɓee, ruu nɛ̀ɛ́ hɛ̃ɛlɛ nɔng vuu ɓɔɔ ruu kasɛ ɓɛɛ katɔ ka naa manɛ. A ruu palɛ nɔɔ kaa tɔ̀ɔ́ hakaka kpang, ruu yiti nɔɔ naa ɓɔɔ nàá jaa gãng jĩng ka wujɛ ɓiɓɛ ɓɛɛ.

1 Timoti 1:2

N bèé mɔkɔ Timoti ɓɔɔ ka gbalang Laa dũnnang, mɔɔ ɓaa kaa jaa mɛɛ ɓɔɔ n kasɛ ɓɛɛ. N gaa Laa ɓɔɔ wukɔ Daa ɓuru nɛɛ Yeesɔ Kirisi Kpanti ɓuru, gn ɓaaɓɛ wu kɔng ri jong, ri ti pàlɛ̀ mɔɔ tɔ̃ɔ, ri shingnɛ mɔɔ nwang waasɛ̃.

Titu 1:4

N bèé mɔkɔ Titu, ɓɔɔ ka gbalang danggn kɔ ruu shing nandon ɓee, mɔɔ ɓaa kaa jaa mɛɛ niizang ɓɛɛ. N gaa Laa ɓɔɔ wukɔ Daa ɓuru nɛɛ Yeesɔ Kirisi ɓɔɔ wukɔ ta yuu ɓuru, ri pàlɛ̀ mɔɔ tɔ̃ɔ, ri shingnɛ, mɔɔ nwang waasɛ̃.

Filimon 1:10

N gaa mɔɔ ka ruu Onesimu ɓɔɔ nwang kaa naa jaa mɛɛ, ka wee zang mã m ka sãa ɓee.

Filimon 1:19

Vuu keɓe n bèe nɛɛ naa mɛɛ. Nkɔ Bulu n shurɛ. Danggn wu ning mɔɔ kpang, n dũng mɔɔ suru bii ɓaaɓɛ.

Yahudi 5:7

Ka diki ɓɔɔ Yeesɔ nwáng ka koo keɓe, rangkɛ yee nɛɛ Laa a gaarɛ wu, mɛɛ nyaa ka lapa nɛɛ miiri ka jĩng. Gaa Laa ɓɔɔ zunung ɓɔɔ ta yuu ɓiɓɛ katɔ, wu vɔ kpang ɓɛɛ. A Laa tãa wu ka ɓɔɔ wisi wu paa nɛɛ saa ɓɛɛ, ka ruu ɓɔɔ, tuu yuu ɓiɓɛ kpang, a ti a Laa yuu ɓiɓɛ katɔ ɓɛɛ.

Yakubu 1:18

Wukɔ kasɛ nɛɛ yuu ɓiɓɛ, a shing rùu, rùu nwang wujɛ ɓiɓɛ, nɛɛ yee ɓiɓɛ ɓɔɔ niizang ɓɛɛ. Nɛɛ tɔ̀ɔ, ruu nwang kaa naa jamari rɛɛ vuu ɓɔɔ wu mã́arɛ̀ ɓɛɛ.

1 Yɔhana 2:1

Wujɛ mɛɛ, n bèé nɔɔ ruu keɓe, ka ruu ɓɔɔ, nɔɔ nɛ̀ɛ́ pàlɛ́ vuu shi kpang ɓɛɛ. Zang ɓɔɔ nɛɛ palɛ vuu shi kpang, wu zirɛ nɛɛ, zang ɓɔɔ rang ruu yee nɛɛ Daa ɓuru Laa kagn. Wukɔ Yeesɔ Kirisi ɓɔɔ zang tɔ̃ɔ ɓɛɛ.

1 Yɔhana 2:12

Wujɛ mɛɛ, n bèé nɔɔ ruu keɓe, ka ruu ɓɔɔ, Laa yaa nɔɔ gbalang vuu shi kpang manɛ tɔ, ka ruu Yeesɔ Kirisi.

1 Yɔhana 5:21

Wujɛ mɛɛ, nɔɔ bang vaka kpang. Nɔɔ ti dàa nɔng ɓiɓɛ kpang.

3 Yɔhana 1:4

Tĩnang ɓɔɔ n tã̀á kagn ɓɔɔ ɓa ɓɔɔ zang naa kɔɔ m nɛɛ, wujɛ mɛɛ dũng ruu ɓɔɔ niizang, kagn kpang.