Galati 4:18 - Nyaa Shɔɔ Ɓɔɔ Laa a Ɓɛɛ

¹⁸ Naa zang kasɛ ruu zang ka ruu tɔ̃ɔ ɓɔɔ zang mang ka yeti ka yuu zang, wukɔ tɔ̃ɔ. Zang wu palɛ nɔngkɔ diki diki, wu ka laa ɓɔɔ n ka nɔng shɛ̃ɛning kpang.

Galati 4:18 ပူးပေါင်းရင်းမြစ်များ

Yɔhana 2:17

A zang ɓɔɔ ri mantɛ vuu ka bìí ɓiɓɛ, ri kpaa danggn vuu ɓɔɔ labeenang Laa kɔɔyi nɛɛ, “Sũnyaa ɓɔɔ n kaa ka ruu Gãa ɓaaɓɛ, kɔng m ka ɓoro naa waa.”

1 Koranti 15:58

Ka ruu nɔngkɔ, manzung, ɓɔɔ n kasɛ nɔɔ katɔ ɓɛɛ, n kɔɔ nɔɔ, nɔɔ shii nɛɛ kaka, vuu ɓɔɔ wu shing nɔɔ nɔ́ɔ kɔ̃sɔ yeti manɛ kpang. Nɔɔ palɛ shonang Kpanti ɓuru Yeesɔ Kirisi nɛɛ yeti manɛ nandon, ka ruu ɓɔɔ, nɔɔ zi tɔ nɛɛ shonang ɓɔɔ nɔɔ pàlɛ́ Kpanti Kirisi naa nwǎng nɔɔ vuu tɔ̃ɔ katɔ ɓɛɛ.

Galati 4:13

Danggn wu ning nɔɔ vuu ɓɔɔ shingnɛ, n rang nɔɔ Ruu Tɔ̃ɔ ka tĩng shɔɔnang ɓɛɛ kpang. Ɓi ka ruu ɓɔɔ, vuu palɛ m katɔ ɓɛɛ.

Galati 4:17

Zang kaɓa, ri palɛ mɔɔ kɔ̀ɔ́ nɛɛ, ri kasɛ nɔɔ katɔ gbãng gbãng, a vuu ɓɔɔ ri mang ka yeti ɓarɛ ka yuu manɛ ɓi kaa tɔ̀ɔ́ tɔ̃ɔ kpang. Ri kasɛ ɓarɛ nɛɛ, ri basɛ teteng manɛ nɛɛ n, tɔ̀ɔ, nɔ́ɔ shòng kaa rikɔ.

Galati 4:20

Mɔɔ kɔɔ nɛɛ n nɛ̀ɛ́ kaa nɛɛ nɔɔ kãntang keɓe, tɔ̀ɔ, n kɔ̃sɔ naa ɓɔɔ n rang nɔɔ yee ɓɛɛ. Ruu manɛ kpãa m tɔ dɔɔli.

Filipi 1:27

Nwannang manɛ, wu nwang naa ɓɔɔ Ruu Tɔ̃ɔ Yeesɔ Kirisi kɔɔ ɓɛɛ. Wukɔ daayi, tɔ̀ɔ, naa n naa leng nɔɔ, naa n nɛɛ ti leng nɔɔ dòo kpang, n tãa nyaa katɔ nɛɛ rɛ̃rɛnang manɛ dàá gbete. N ti tãa katɔ nɛɛ nɔɔ kpalɛ yuu nɛɛ zɔɔ, nɔɔ shii gbãng gbãng, nɔɔ kasɛ nɛɛ zang ri shing danggn ka Ruu Tɔ̃ɔ Laa.

Filipi 2:12

Ka ruu nɔngkɔ, masang ɓɔɔ n kasɛ nɔɔ dɔɔli ɓɛɛ, naa ɓɔɔ nɔɔ ɓaa shoo ka nyaa mɛɛ diki diki, bɛ̀ɛ́ n doo nɛɛ nɔɔ ɓɛɛ, nɔɔ ɓaa shoo kaa nyaa mɛɛ gbãng gbãng ka wee kãntang n tɔ̀ɔ́ nɛɛ nɔɔ kpang ɓee. Nɔɔ yi tĩng nɔ́ɔ palɛ vuu ɓɔɔ shingnɛ yuu manɛ ɓɔɔ Laa ta tɔ ɓɛɛ, wu nwang kaa nyaa kiiri. Nɔɔ palɛ vuu keɓe nɛɛ vɔrɔ kaanang nɛɛ bii zaanang.

Titu 2:14

Yeesɔ a yuu ɓiɓɛ ka ruu ɓuru nɛɛ wu ta ruu nɛɛ naa vuu shi kpang nandon. Wu shing ruu, ruu nwang zang ɓiɓɛ kɔ bm gbete. Wu shing rùu rúu nwang zang ɓɔɔ ri kpalɛ bii tɔ, nɛɛ ri palɛ vuu ɓɔɔ tɔ̃ɔ ɓɛɛ.

Vuu ɓɔɔ zang nwangsɛ Yɔhana 3:19

Zang ɓɔɔ n kasɛ ri katɔ, n mangkɛ rikɔ, n ti gɔ̃ ri shoo. Ka ruu nɔngkɔ, nɔɔ ta bii ta kagn, nɔɔ yaa vuu shi kpang, nɔɔ dũng m kaa nɛɛ yeti gbete.